$$المقاول وغرامة التاخير $$

[ضوى]

الحمد لله وبفضل من الله ربي وفقني لمقاول وشركة محترمة لاتمام بناء الدور الثاني والحمد لله حتى هذه اللحظة والامور طيبة ان شاء الله ، لكن حبيت اشاوركم في عدة نقاط اختلفت فيها مع زوجي الله يحفظه

امس كانت عندنا جلسة مع المقاول على اساس له دفعتين متاخرتين عندي واضافات طلبتها في البنيان وخصومات السيراميك والخزاين والسخان اللي لي عليه ،

المهم طلع اللي له عندي 130250 ريال قطري حسب اللي هو قاله

حسب لي كل شي طابوقة طابوقة يعني حاسبني حتى على سوكيتات الكهرباء الزيادة وطبعا هذا حقه ، وبعد المناقشة معاه طلع انه ضايف 2000 ريال زيادة على شي خطا وطبعا حذفها ، وجينا لحسبتي انا وهي كالتالي

حاسبته على السخانات العادية المذكورة في العقد وكانت بمبلغ معين لسبع حمامات ومطبخ ، وبما اني ركبت سخان مركزي فالسخانات موضوع العقد لم تركب وبالتالي ترد لي فلوسي صح الكلام ؟؟؟

وحاسبته على الخزاين اللي ركبتها هو حاسب لي الخزانة ب 850 المتر وانا خزانتين سويتهم ب10500 ولي مبلغ طبعا عنده بهالقيمة

وحاسبته كذلك على غرامة التاخير وهذا هو اهم شي في الموضوع اللي هي 400 لكل يوم ، وهو متاخر عالتسليم حوالي 4 شهور وكم اسبوع طبعا انا لغيت ايام الاجازات الرسمية اللي الدولة تعطينا فيها اجازة مثل الاعياد وخلافه وكنت كريمة معاه ولغيت شهر وشوية بما اني دخلت برمضان وكانوا العمال متكاسلين شوي ، وطلع لي مبلغ حلو من التاخير

وحاسبته بعد لعى 5% من قيمة العقد اللي هي730 الف ، تطلع تقريبا 36000 وهذا المبلغ يتم حجزه مدة 400 يوم حسب الاجراءات المتبعة او شيك ضمان منه بهالمبلغ يرجع له اذا كانت الامور في السليم خلال هال400 يوم

لكن زوجي الله يحفظه اخذني على جنب وقالي حرام تحاسبينه على سخانات وعلى تأخير وتمسكين عليه 5% ، قالي حرام هذا حلااله ،طبعا تناقشنا وايد وماوصلنا لاي نتيجة هو متمسك انه ماياخذ اي غرامة تاخير ومكتفي بشيك الضمان وانا ابي غرامة التاخير مع شيك الضمان وطبعا فلوس السخانات والخزانات تنخصم من الدفعتين اللي باقية له

بنظركم انا ظلمت هالمقاول لما حسبت عليه غرامة التاخير ؟ وليش ظلم اذا هالشي مذكرو بالعقد وموثق وتعاملنا مع بعض من البداية بما يرضي الله ؟؟ وهذا هو حاسبني على كل شي ولا قلت شي وهذا حق ماينقال فيه شي ،

تعتقدون اني ظالمة ، انتظر رايكم بهالشي وعسى بو عيالي يقتنع بكلامي ومايخلينا طيبين زيادة عن اللزوم ، طيب هو متاخر وفيه شرط جزائي وانا ماتاخرت في ولا دفعة ولا في توريد اي اغراض للبيت التاخير من عنده وفي التشطيب هو اللي عماله يوم يجون وعشرة مايجون ليش انا اتحمل اخطاء الاخرين ؟؟ هل وجهة نظري صحيحة ام لا ؟؟

وتحياتي لكم جميعا

[شموخ دائم]

,

,


مرحبا

اختي الكريمه

لاحظت في تناقض كثير في موضوعك

( تاخير دفعتين )

( اظافه اعمال على العقد )

انتي شرحتي الموضوع من وجهه نظرك

وفي ما بين سطور الموضوع ذكرتي ان مافي تأخير في الدفعات

:)

ذكرتي انه مقاول محترم

وذكرتي انه يغيب ايام طويله عن العمل

وحتى نحكم بالعدل لازم نسمع المقاول يمكن صارت امور انتي تشوفينها بسيطه
وعنده اهو الموضوع مختلف

على سبيل المثال

هل تأخرتي في اتخاذ قرار لون الصبغ مثلا !!
هل تاخرتي في اختيار سيراميك الحمام ؟؟
هل تاخرتي في دفع الدفعات حتى لو اسبوع واحد !!
لان 4 دفعات كل اسبوع تاخير يصير شهر

هل تاخرتي في تحديد لون او نوع الخزانه او لون الابواب او نوع الديزاين !!
هل تاخرتي وعدلتي في ( الكهرباء ) وموقع السوكتات والليتات !
هل تاخرتي في اتخاذ قرار توسيع غرفه او عمل بارتشن !
هل تاخرتي في احضار شي كان عليك في العقد !!
وكان يتصل فيك يذكرك فيه

هل انتي طلبتي منه يتعامل مع محل معين وهذا المحل ما انجز شغله في الوقت المحدد !

هل حصلت مشكله خارج عن ارادته !! الكهرباء في البيت ما تستحمل الاظافات الجديده
هل صار وطلبتوا تقويه الكهرباء من كهرماء؟؟
وهذا ما كان معمول حسابه !!

هل طلبتي منه ما يشتغل في اوقات معينه وما يزعجكم ؟؟ وهذا ضيع عليه ساعات في كل يوم

هل ضفتي حاجه ما كانت في العقد وطلبتي انه يعملها لك !!
ترى من حقه يضيف هذه المده على مده العقد الاصلي

اذا ما حصل أي شي من هذا معاك كامل الحق في احتساب غرامه التأخير

بالنسبه الى ال 400 يوم الضمان اذا كانت واضحه في العقد فهذا من حقك
لانه موافق عليها

في الاخير يبقى شي وهو ( العلاقه ) اذا كان متعاون معاكم وكان مجتهد في عمله
وجاد ويحاول ينجز فهذا يستحق منك تخففين عليه الغرامه ( من طيبك )

اما اذا كان غير متعاون ( وايام كثيره يتغيب عن العمل ) وصعب التعامل فهذا ما يستحق منك أي تعاطف معاه
العقد وبنوده هي الفيصل بينكم

في الاخير لو فرضنا عندك شغله جديده مستقبلا هل ( راح تعطينه هذا الشغل )

اذا الاجابه نعم خفي عليه الان

اذا الاجابه لا

تشددي معاه

:)


اخيرا

حديث الرسول صلى الله عليه وسلم

(رحم الله عبداً سمحاً إذا باع، سمحاً إذا اشترى، سمحاً إذا اقتضى). فالسماحة في البيع والشراء هدي نبوي تربوي



,

,


اخوك

شموخ دائم

[راشد محمد]

ومنكم نستفيد

[captin]

مرحبا الأخت ضوى

أولا الله يبارك لكم في المنزل الجديد

لاشك أن عقد المقاولة هو الرابط والمنظم للعلاقة بين الطرفين عند تنفيذ أي مشروع

بالنسبة للمواد التي قمتم بإلغائها وتم توريدها وتركيبها من خلالكم مباشرة فهي تعتبر ملغية من العقد ويتم خصم قيمتها من قيمة العقد فإن كان المقاول هو من قام بالتركيب فيتم محاسبته عن قيمة التركيب فقط.

فيما يتعلق بغرامة التأخير , تحتاج لدراسة لمعرفة أسباب التأخير وهل عند تجاوز المقاول لمدة المشروع قمتم بإبلاغه رسميا بكتاب من أنه تجاوز مدة العقد لتنبيهه ؟؟

فإذا كان سبب التأخير ناتج من المقاول بسبب تقاعسه وعدم إهتمامه بالمشروع ودون وجود مؤثرات خارجية أدت إلى تأخير العمل فهنا يكون مسؤولا مسؤولية تامة عن التأخير ويتم تطبيق الغرامة عليه بحسب ما ينص عليه العقد.

أما إذا كانت أسباب التأخير ناتجه عن ظروف مثل عدم توريد بعض مواد التشطيب عن طريقكم في الوقت المحدد أو بسبب عدم توفر بعض المواد بالسوق في الوقت المناسب أو طلبكم من المقاول إجراء تغييرات أو إضافات أثناء التنفيذ أدت إلى تأخر إنجاز المشروع فهنا لا يتحمل المقاول الغرامة للأسباب التي ذكرناها.

وأخيرا من المهم دائما قبل إتخاذ أي إجراء رسمي في حال وجود خلاف ما بين الطرفين الجلوس على طاولة واحدة لتقريب وجهات النظر وحل الخلاف بشكل ودي بالإتفاق ويكون هذا الإتفاق مكتوبا بمحضر إجتماع حتى يمكن الرجوع إليه في حالة عدم قيام المقاول بالإلتزام بما ورد بهذا الاجتماع من قرارات.

وبالتوفيق إن شاء الله .

[معماري قطري]

غرامة التأخير قليل كلش اللي يحاسبون المقاول عليها والمقاولين يتأخرون طامعين في تسامح الناس.

لكن بالنسبة لباقي الخصميات المستحقة أشوف تاخذونها أولى، وتحجزون دفعة الصيانة من باقي فلوس المقاول ولا ترضون بشيك لأن الشيك قصته ثانية وبيسبب لكم وجع راس، لكن الفلوس كاش ممسوكه بتخليه يجي ركيض لو شيء تعطل.

حطي في بالج الصيانة تشمل أي شلوخ تستوي أو تسريب ماي أو خلل كهربائي أو حتى تغير واضح في الصبغ.

وإذا ما تضررتوا من التأخير سامحوه في مبلغ الغرامه ناس وايد بعضهم مثلي تأخرت مره سنه ونص ولا فكرت في الخصم وألحين عندي بنيان متأخر 4 شهور وتجاري يعني خسارة فعلية بس مستحيل أطبق غرامة على المقاول لأنه هو بعد تعب وسعر لي برخيص كلش .. فرق بينه وبين أنزل سعر حصلته 600 ألف ريال.

والله يوفقكم ومنزل مبارك بإذن الله.

[Bozizoo]

والله كلامك مقنع يامعماري قطري

[alshobaki7]

لا تسامحيه بسهولة ، ممكن تستخدميها كورقة مقايضة في حال وجود خلاف في امور تتعلق بالتنفيذ، يعني قوليله سوي الشغلة الفلانية وبسامحك أو تدفع الغرامة كاملة (طبعا أطلبي منه امور بسيطة).

[ahmed jasim]

المقاول مذنب حتى تثبت براءته
إلجأى الى طرف محايد (غير زوجك ) وإقبلى باللى يحكم فيه

[معماري قطري]

والله كلامك مقنع يامعماري قطري

تسلم أخ بو زيزو .. مشكلة شيك الضمان إنه شيك عادي في أغلب الأحيان وعلى حساب ما فيه رصيد وما يهتم له المقاول مثل مبلغ الكاش المتبقي والمحتجز، واللي يخليه يحسن تنفيذ العمل لكي لا تظهر مشاكل مستقبلية يكون هو مسؤول عنها أو يستخدم المالك مبلغ الضمان للصيانة، ولازم ينذكر هذا البند بوضوح في العقد .. والشيك ممكن ينقبل كضمان للدفعة المقدمة ولو كانت دفعة كبيرة لازم يكون شيك موثق والمبلغ محتجز في الحساب في البنك ما يحق للمقاول يتصرف فيه، يعني ضمان بنكي مب شيك عادي.

[حمد 2002]

اختي اذا اهو كان طيب معاج ولا تعبج بالتعامل ولا اخرج بشكل متعمد سامحييه ، واذا كانت معاملته زفت واذا اتصلتيله تلفون وطلبتي منه شيء ايسكر جواله نفس المقاول مالي ههههه ، لا بالله اخذي منه غرامه واخذي كل ريال منه تقدرين .

[khaldoon]

احتفظي بخط الرجعة معاه مستقبلا ...و خففي شوي من الغرامة و لو تقدري تقايضيه عن الغرامة يكون افضل ....يعني مثلا تخليه يسوي اعمال اضافية بدل التأخير ......لا تظلمي نفسج و لا تظلميه ....ما ابي اقول اكثر:secret:

[ضوى]

,

,


مرحبا

اختي الكريمه

لاحظت في تناقض كثير في موضوعك

( تاخير دفعتين )

لا مافي اي تناقض ياخوي ، والدفعتين مسكتهم عليه لاني اطالبه فلوس بثلاث ارباع قيمة الدفعتين

( اظافه اعمال على العقد )

الاضافات تمت بمعرفته وقبل التعاقد وطلبت انه يسوي عقد ملحق قالي مالوش داعي دي حاجات بسيطة

انتي شرحتي الموضوع من وجهه نظرك

وفي ما بين سطور الموضوع ذكرتي ان مافي تأخير في الدفعات

مافي تاخير لانه كل مايطلب دفعة ياخذها كاش بنفس اليوم او اليوم الثاني كاقل تقدير

:)

ذكرتي انه مقاول محترم

الصراحة ملايكته حاضرة محترم جدا وذوق وراقي في تعامله

وذكرتي انه يغيب ايام طويله عن العمل

عماله اللي يغيبون ويوم بلغناه ماسوى شي قالي حاضر حاضر واستمر الحال

وحتى نحكم بالعدل لازم نسمع المقاول يمكن صارت امور انتي تشوفينها بسيطه
وعنده اهو الموضوع مختلف

على سبيل المثال

هل تأخرتي في اتخاذ قرار لون الصبغ مثلا !!

ابدا والله انا سهلة سلسلة بهالامور

هل تاخرتي في اختيار سيراميك الحمام ؟؟

لا بالعكس الا وردته قبل التركيب يمكن بست شهور وضايقني بالبيت

هل تاخرتي في دفع الدفعات حتى لو اسبوع واحد !!

ولا يوم واحد اول يتصل يقول استحقاق الدفعة اسحب له كاش واعطيه

لان 4 دفعات كل اسبوع تاخير يصير شهر

هل تاخرتي في تحديد لون او نوع الخزانه او لون الابواب او نوع الديزاين !!

اطلاقا الخزاين لا جاب طاريهم ليومك انا اللي رحت وتعاقدت وخلصت وركبت
والابواب اخترت الديزاين واللون من مبطي حتى المقابض ركبهم من غير مايسالني عن رايي

هل تاخرتي وعدلتي في ( الكهرباء ) وموقع السوكتات والليتات !

ابدا ماصار حسب الخرايط وبس

هل تاخرتي في اتخاذ قرار توسيع غرفه او عمل بارتشن !

لا كل هالامور تم الاتفاق عليها بعد توقيع العقد وقبل بدء الشغل

هل تاخرتي في احضار شي كان عليك في العقد !!

لا اطلاقاً

وكان يتصل فيك يذكرك فيه

لا والله يتصل لي بس يوم يبي الدفعات او اذا بيطرش لي عينة والا خلافه عشان اختار

هل انتي طلبتي منه يتعامل مع محل معين وهذا المحل ما انجز شغله في الوقت المحدد !

ليتني سويت جذي ماكنت ادري يصير

هل حصلت مشكله خارج عن ارادته !! الكهرباء في البيت ما تستحمل الاظافات الجديده
هل صار وطلبتوا تقويه الكهرباء من كهرماء؟؟

امورنا سليمة من هالناحية

وهذا ما كان معمول حسابه !!

كل شي معمول حسابه وبالعقد وبالخرايط

هل طلبتي منه ما يشتغل في اوقات معينه وما يزعجكم ؟؟ وهذا ضيع عليه ساعات في كل يوم

الا بالعكس انا حتى بايام الجمع كنت اقوله لو في امكانية جيب عمالك

هل ضفتي حاجه ما كانت في العقد وطلبتي انه يعملها لك !!

ايه البارتشن لانه قال بيتخالف من البلدية بس والا منصوص عليه قبل توقيع العقد

ترى من حقه يضيف هذه المده على مده العقد الاصلي

اذا ما حصل أي شي من هذا معاك كامل الحق في احتساب غرامه التأخير

بالنسبه الى ال 400 يوم الضمان اذا كانت واضحه في العقد فهذا من حقك
لانه موافق عليها

لا مب مذكورة بالعقد بس قانونياً من حقي وقلت له عنها وقالي حقج هذا

في الاخير يبقى شي وهو ( العلاقه ) اذا كان متعاون معاكم وكان مجتهد في عمله
وجاد ويحاول ينجز فهذا يستحق منك تخففين عليه الغرامه ( من طيبك )

الصراحة متعاون بس مشكلته التأخير وعماله المفهين

اما اذا كان غير متعاون ( وايام كثيره يتغيب عن العمل ) وصعب التعامل فهذا ما يستحق منك أي تعاطف معاه
العقد وبنوده هي الفيصل بينكم

الصراحة وايد كانوا يسوفون في الشغل اشوفهم شكثر بالبيت ويوم يسالهم بو عيالي شنو الانجاز اليوم نكتشف انه شي مايستحق كله ساعات العمل اللي يكونون فيها عندنا يعني تحايل عالمقاول وعلينا

في الاخير لو فرضنا عندك شغله جديده مستقبلا هل ( راح تعطينه هذا الشغل )

اذا الاجابه نعم خفي عليه الان

اذا الاجابه لا

لا اخاف ياخرني

تشددي معاه

:)


اخيرا

حديث الرسول صلى الله عليه وسلم

(رحم الله عبداً سمحاً إذا باع، سمحاً إذا اشترى، سمحاً إذا اقتضى). فالسماحة في البيع والشراء هدي نبوي تربوي



,

,


اخوك

شموخ دائم



شكرا لك ماقصرت كفيت ووفيت

[ضوى]

مرحبا الأخت ضوى

أولا الله يبارك لكم في المنزل الجديد

الله يبارك فيك يااارب ، هو دور واحد وطلعت عيونا الله يعين اللي يبنون والله

لاشك أن عقد المقاولة هو الرابط والمنظم للعلاقة بين الطرفين عند تنفيذ أي مشروع

بالنسبة للمواد التي قمتم بإلغائها وتم توريدها وتركيبها من خلالكم مباشرة فهي تعتبر ملغية من العقد ويتم خصم قيمتها من قيمة العقد فإن كان المقاول هو من قام بالتركيب فيتم محاسبته عن قيمة التركيب فقط.

هذا ماحصل

فيما يتعلق بغرامة التأخير , تحتاج لدراسة لمعرفة أسباب التأخير وهل عند تجاوز المقاول لمدة المشروع قمتم بإبلاغه رسميا بكتاب من أنه تجاوز مدة العقد لتنبيهه ؟؟

لا مابلغناه بس كنا نقوله تاخرت وايد وهو يقول معليش معليش

فإذا كان سبب التأخير ناتج من المقاول بسبب تقاعسه وعدم إهتمامه بالمشروع ودون وجود مؤثرات خارجية أدت إلى تأخير العمل فهنا يكون مسؤولا مسؤولية تامة عن التأخير ويتم تطبيق الغرامة عليه بحسب ما ينص عليه العقد.

أما إذا كانت أسباب التأخير ناتجه عن ظروف مثل عدم توريد بعض مواد التشطيب عن طريقكم في الوقت المحدد أو بسبب عدم توفر بعض المواد بالسوق في الوقت المناسب أو طلبكم من المقاول إجراء تغييرات أو إضافات أثناء التنفيذ أدت إلى تأخر إنجاز المشروع فهنا لا يتحمل المقاول الغرامة للأسباب التي ذكرناها.

كل شي تم بالوقت اللي حدده المقاول دون تاخير يوم واحد

وأخيرا من المهم دائما قبل إتخاذ أي إجراء رسمي في حال وجود خلاف ما بين الطرفين الجلوس على طاولة واحدة لتقريب وجهات النظر وحل الخلاف بشكل ودي بالإتفاق ويكون هذا الإتفاق مكتوبا بمحضر إجتماع حتى يمكن الرجوع إليه في حالة عدم قيام المقاول بالإلتزام بما ورد بهذا الاجتماع من قرارات.

المشكلة المقاول يعرف انه حقي وماقال لي شي بس زوجي الله يصلحه يكسر مجاديفي ويكسر خاطري على المقاول


وبالتوفيق إن شاء الله .

يوفق الجميع يااارب

وجزاك الله خير ماقصرت

[almaf1a]

اذا كان تأخير الاربع شهور لم يسبب اي تعطيل لك او خسارة
لا داعي للخصم
اما اذا كانت هناك اضرار مثلا ساكنين ببيت اجار اخصموا عليه

[رذاذ]

تاخير العمل ناتج من تأخير الدفعات وشي عادي ولا تقدرين تقولين متاخر عليج لنه انتم تاخرتوا بتسديد الدفعات .

بالعقد المبرم متفقين على سخانات بكل حمام وفجأه اسبتدل الامر وقمتم بالتصرف دون اخطار خطي وطلب بتعديل بنود العقد المبرم .

المطالبه باضافة ملحقات واضافات على المبنى اكيد بتكلفك وفي الاول والاخير انا اقول بما انه ملتزم ومن كلامج زين .

توكلي على الله وياه وخلص نفسج بس نقصي سعر الهيترات و الخزاين .

والاضافة الى طلبتها والعمل الى سواه بخارج العقد لج يستحق له .

[رذاذ]

اذا كان تأخير الاربع شهور لم يسبب اي تعطيل لك او خسارة
لا داعي للخصم
اما اذا كانت هناك اضرار مثلا ساكنين ببيت اجار اخصموا عليه

يا سلام عليك .. وتاخير الدفعات مش سبب من تقليل انجاز العمل الرجال وين يشتري حديد ورمل وطابوق واغراض كهربا وخلافة ...

الاتفاق واقع بينهم والتاخير من قبل المقاول السبب الاول تاخيركم هو الى ادى الى كل هذا

وبصراحه تصرف زوجك حكيم (( لنه ما يبي يخرب البنا على اخر شي ))

[ضوى]

تاخير العمل ناتج من تأخير الدفعات وشي عادي ولا تقدرين تقولين متاخر عليج لنه انتم تاخرتوا بتسديد الدفعات .

بالعقد المبرم متفقين على سخانات بكل حمام وفجأه اسبتدل الامر وقمتم بالتصرف دون اخطار خطي وطلب بتعديل بنود العقد المبرم .

المطالبه باضافة ملحقات واضافات على المبنى اكيد بتكلفك وفي الاول والاخير انا اقول بما انه ملتزم ومن كلامج زين .

توكلي على الله وياه وخلص نفسج بس نقصي سعر الهيترات و الخزاين .

والاضافة الى طلبتها والعمل الى سواه بخارج العقد لج يستحق له .

ليش انقص سعر السخانات والخزاين وهي منصوص عليها بالعقد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ضوى]

يا سلام عليك .. وتاخير الدفعات مش سبب من تقليل انجاز العمل الرجال وين يشتري حديد ورمل وطابوق واغراض كهربا وخلافة ...

الاتفاق واقع بينهم والتاخير من قبل المقاول السبب الاول تاخيركم هو الى ادى الى كل هذا

وبصراحه تصرف زوجك حكيم (( لنه ما يبي يخرب البنا على اخر شي ))

شكلك فاهم الموضوع غلط

تاخير اخر دفعتين لانه لي حق عنده مب لانه طلب وماعطيته

كل الكلام اللي قلته فوق اخذ فلوسه على داير مليم على قولتك

تأخيره في التشطيب لانه متعاقد مع ناس غبية

[MAZEN37]

في ناس تراكض بالمحاكم عشر سنين وراضيه ينخصم نص حقه
واحنا اذا المقاول تاخر شهرين نوقف له
المفيد كلمة جوهريه قالها شموخ دائم
التعامل بالتسامح ولا ضرر ولا ضرار

[رذاذ]

امس كانت عندنا جلسة مع المقاول على اساس له دفعتين متاخرتين عندي

معليش سؤال الدفعة المتاخره الين الدفعة الثانية كم مدتها ( شهرين ) ثلاث عشره !! كم فتره التاخير الى تاخرتم بها

[شاعر المليون]

أخ رذاذ كلام الأخت / ضوى واضح طال عمرك
هو تأخر عن موعد التسليم حسب العقد (متاخر 4 شهور )
هو حاليا سلمها البيت خالص وهي حاجزه الفلوس عندها عشان تخصم عليه مدة التأخير + تحجز مبلغ الضمان 400 يوم .

[ضوى]

معليش سؤال الدفعة المتاخره الين الدفعة الثانية كم مدتها ( شهرين ) ثلاث عشره !! كم فتره التاخير الى تاخرتم بها

الدفعة المستحقة الاولى بعد تركيب الابواب وصبغها وانهاء اعمال الصبغ الداخلي
الدفعة الثانية مستحقة عند التشطيب النهائي والصبغ الخارجي النهائي للفلة

وهو ماخلص لا هذا ولا هذا

[ضوى]

في ناس تراكض بالمحاكم عشر سنين وراضيه ينخصم نص حقه
واحنا اذا المقاول تاخر شهرين نوقف له
المفيد كلمة جوهريه قالها شموخ دائم
التعامل بالتسامح ولا ضرر ولا ضرار

المؤمن سمح في تعامله نعم معاك كل الحق

بس ليش لما يكون الحق لنا لازم نتعامل بمبدا التسامح والا بنكون ظلام ومانخاف الله ولما يكون الحق علينا صرنا مجرمين وناكل الناس حقوقهم

[ضوى]

وبعدين من قال اني مب متضررة

هوم سنتر قاعد يحسب علي تاخير كل يوم لانه المقاول قال بيسلمني في تاريخ معين وعلى اساه اخذت الاثاث وماسلمني بالتاريخ المتفق عليه ، وكل يوم اسوف مع هوم سنتر لين قالوا لي خلاص راح تنحسب عليج الغرامة مدري تاخير التركيب شي بالفاتورة من ورا

هذا من مسؤول عنه انا والا هو ؟

[ضوى]

وللعلم انا وقفت احسب عليه غرامة التأخير من 3/1 رأفة بحاله

[ضوى]

غرامة التأخير قليل كلش اللي يحاسبون المقاول عليها والمقاولين يتأخرون طامعين في تسامح الناس.

لكن بالنسبة لباقي الخصميات المستحقة أشوف تاخذونها أولى، وتحجزون دفعة الصيانة من باقي فلوس المقاول ولا ترضون بشيك لأن الشيك قصته ثانية وبيسبب لكم وجع راس، لكن الفلوس كاش ممسوكه بتخليه يجي ركيض لو شيء تعطل.

حطي في بالج الصيانة تشمل أي شلوخ تستوي أو تسريب ماي أو خلل كهربائي أو حتى تغير واضح في الصبغ.

وإذا ما تضررتوا من التأخير سامحوه في مبلغ الغرامه ناس وايد بعضهم مثلي تأخرت مره سنه ونص ولا فكرت في الخصم وألحين عندي بنيان متأخر 4 شهور وتجاري يعني خسارة فعلية بس مستحيل أطبق غرامة على المقاول لأنه هو بعد تعب وسعر لي برخيص كلش .. فرق بينه وبين أنزل سعر حصلته 600 ألف ريال.

والله يوفقكم ومنزل مبارك بإذن الله.

الله يوفقك يااارب على كلامك الطيب وزين نبهتني على الشيك لاني كنت مترددة والحين اقتنعت انه مامنه فايدة ومايضمن حقي مثل الكاش

صحيح الضرر مب كبير بس اسمي متضررة لي لازم اسامح اذا هو ماسامحني بثمن طابوقة واحدة من العمل الاضافي اللي سواه ؟ هو حتى ثمن السوكيت مال الكهربا حسبه

[ضوى]

لا تسامحيه بسهولة ، ممكن تستخدميها كورقة مقايضة في حال وجود خلاف في امور تتعلق بالتنفيذ، يعني قوليله سوي الشغلة الفلانية وبسامحك أو تدفع الغرامة كاملة (طبعا أطلبي منه امور بسيطة).

لا انا مابي منه اي شغل اضافي ثاني يسلمني البيت وبس وفلوسه بياخذها بس حسب المتفق عليه

[ضوى]

المقاول مذنب حتى تثبت براءته
إلجأى الى طرف محايد (غير زوجك ) وإقبلى باللى يحكم فيه

والله ياخوك كل الاطراف قايمة قومتهم عالمقاول على هالتأخير 4 شهور وزيادة شهر السماح

ويبوني احاسبه بزيادة بعد

[ضوى]

اختي اذا اهو كان طيب معاج ولا تعبج بالتعامل ولا اخرج بشكل متعمد سامحييه ، واذا كانت معاملته زفت واذا اتصلتيله تلفون وطلبتي منه شيء ايسكر جواله نفس المقاول مالي ههههه ، لا بالله اخذي منه غرامه واخذي كل ريال منه تقدرين .

لا الصراحة كان يرد على مكالماتي وينفذ اللي اطلبه وعماله يكذبون عليه حسب مايقول ويبلغونه انهم جاوا وخلصوا الموضوع وهم كذابين والمفروض هو يتابع التنفيذ هو كان حاضر بالاشياء الاساسية المهمة جدا الصراحة بس شغل التطشيب ماهتم وايد لانه مفكر اللي عنده ناس محترفة

[ضوى]

احتفظي بخط الرجعة معاه مستقبلا ...و خففي شوي من الغرامة و لو تقدري تقايضيه عن الغرامة يكون افضل ....يعني مثلا تخليه يسوي اعمال اضافية بدل التأخير ......لا تظلمي نفسج و لا تظلميه ....ما ابي اقول اكثر:secret:

والله ماظلمته ولا ظلمني ، حاسبني بكل شي وحاسبته بالمثل

قول اكثر تراني استفيد وايد من خبرتك وكنت وايد مفيد معاي ببداية البنيان تذكر

[ضوى]

اذا كان تأخير الاربع شهور لم يسبب اي تعطيل لك او خسارة
لا داعي للخصم
اما اذا كانت هناك اضرار مثلا ساكنين ببيت اجار اخصموا عليه

ذكرا الضرر اني بادفع غرامة تاخير توصيل لهوم سنتر والله ولا شفت كم الدفع

[حمد 2002]

لا الصراحة كان يرد على مكالماتي وينفذ اللي اطلبه وعماله يكذبون عليه حسب مايقول ويبلغونه انهم جاوا وخلصوا الموضوع وهم كذابين والمفروض هو يتابع التنفيذ هو كان حاضر بالاشياء الاساسية المهمة جدا الصراحة بس شغل التطشيب ماهتم وايد لانه مفكر اللي عنده ناس محترفة

اختي تلقينه متفق مع عماله انه ايبين نفسه بريئ ، وبالمقابل مايطرش لج عمال ، هاي حركات المقاولين للاسف

[khaldoon]

والله ماظلمته ولا ظلمني ، حاسبني بكل شي وحاسبته بالمثل

قول اكثر تراني استفيد وايد من خبرتك وكنت وايد مفيد معاي ببداية البنيان تذكر

بارك الله فيكي اختي و هذا من لطفك و ذوقك والله.... ادري انج ما ظلمتيه و اقولج لا تظلميه و لا تظلمي نفسج مستقبلا

لما تيجي و تقولين له بخصم عليك بحس انها صعبه و خسارة عليه بس لما تيجي و تقولين له سويلي كذا و كذا حتى لو بسعر اقل من قيمة الخصم بيتقبلها اكثر و بيكون اكثر استعدادا و انت و شطارتك ايش تقدري تخليه يسوي ببلاش اعمال اضافية بدل خصم غرامة التأخير

احيانا يكون المقاول مثلا جاي من طرف صديق او قريب (طرف ثالث) فلو سويتوا عليه خصم قد يتسبب هالشي بزعل من دلكم عليه ... و انه بيشكيله عليكم .. انا اقول مثلا... مب بالضرورة انه هالحالة تنطبق عليكم..... يعني مرات ننظر لهذه النقطه بعين الاعتبار لو انها وجدت......ايضا لو قريب او عزيز عليكم يبي يبني و انتوا ارتحتوا لهالمقاول فصعب انكم تقولون لقريبكم روحوله و قولوله اللي دلنا عليك الاخت ضوى:rolleyes2:.... يعني في مقاولين شغلهم نظيف و مريحين بس ممكن غاليين شوي.... كل هالاشياء نبي نحطها بعين الاعتبار مستقبلا .... لهالسبب قلت احتفظي بخط الرجعة و ما تتنازلي عن حقك عن طريق المقايضة

[ضوى]

بارك الله فيكي اختي و هذا من لطفك و ذوقك والله.... ادري انج ما ظلمتيه و اقولج لا تظلميه و لا تظلمي نفسج مستقبلا

لما تيجي و تقولين له بخصم عليك بحس انها صعبه و خسارة عليه بس لما تيجي و تقولين له سويلي كذا و كذا حتى لو بسعر اقل من قيمة الخصم بيتقبلها اكثر و بيكون اكثر استعدادا و انت و شطارتك ايش تقدري تخليه يسوي ببلاش اعمال اضافية بدل خصم غرامة التأخير

احيانا يكون المقاول مثلا جاي من طرف صديق او قريب (طرف ثالث) فلو سويتوا عليه خصم قد يتسبب هالشي بزعل من دلكم عليه ... و انه بيشكيله عليكم .. انا اقول مثلا... مب بالضرورة انه هالحالة تنطبق عليكم..... يعني مرات ننظر لهذه النقطه بعين الاعتبار لو انها وجدت......ايضا لو قريب او عزيز عليكم يبي يبني و انتوا ارتحتوا لهالمقاول فصعب انكم تقولون لقريبكم روحوله و قولوله اللي دلنا عليك الاخت ضوى:rolleyes2:.... يعني في مقاولين شغلهم نظيف و مريحين بس ممكن غاليين شوي.... كل هالاشياء نبي نحطها بعين الاعتبار مستقبلا .... لهالسبب قلت احتفظي بخط الرجعة و ما تتنازلي عن حقك عن طريق المقايضة


كلامك عين العقل

[بن غيث]

السلام عليكم ورحمه الله

اذا تريدي النصيحة .. " مجرد نصيحة " تأخذين بها او لا

شغل الشركة جيد جيداً وما عليه كلام .. بالنسبة لشركات المقاولات العادية

وما يستاهل تخصمين منه شئ .. بصرف النظر عن اي تأخير حدث .. وارجو ان تكوني فهمتي ما بين سطور الاخ العزيز خلدون .. لان كلامه صحيح

[ضوى]

السلام عليكم ورحمه الله

اذا تريدي النصيحة .. " مجرد نصيحة " تأخذين بها او لا

شغل الشركة جيد جيداً وما عليه كلام .. بالنسبة لشركات المقاولات العادية

وما يستاهل تخصمين منه شئ .. بصرف النظر عن اي تأخير حدث .. وارجو ان تكوني فهمتي ما بين سطور الاخ العزيز خلدون .. لان كلامه صحيح

وعليكم السلام ورحمة الله وبركاته ،،

اكيد ابي النصيحة وماستغنى عن خبراتكم وارائكم اللي دايما تكون سديدة على الاقل من وجهة نظري ،

وشكلي مب ماخذه منه غرامة تاخير لاني طلبت شي خيالي اليوم ووافق من غير اي نقاش حتى وهالشي وايد خلاني اعيد حساباتي معاه :)

[Aaziz]

قلب المؤمن دليله ،،، استشيري نفسج شوفي يستحق او لا يستحق .
وشوفي هل انتي مرتاحه نفسيا للبيت و طريقه بنيانه و متفائله فيه ، اذا نعم وسعي على المسلم عشان ربي يوسع عليج .

و نقول الف مبروك المنزل الجديد

[khaldoon]

السلام عليكم ورحمه الله

اذا تريدي النصيحة .. " مجرد نصيحة " تأخذين بها او لا

شغل الشركة جيد جيداً وما عليه كلام .. بالنسبة لشركات المقاولات العادية

وما يستاهل تخصمين منه شئ .. بصرف النظر عن اي تأخير حدث .. وارجو ان تكوني فهمتي ما بين سطور الاخ العزيز خلدون .. لان كلامه صحيح


يشرفني جدا تأييدك لكلامي يا الغالي بن غيث




بارك الله فيكي اختي و هذا من لطفك و ذوقك والله.... ادري انج ما ظلمتيه و اقولج لا تظلميه و لا تظلمي نفسج مستقبلا

لما تيجي و تقولين له بخصم عليك بحس انها صعبه و خسارة عليه بس لما تيجي و تقولين له سويلي كذا و كذا حتى لو بسعر اقل من قيمة الخصم بيتقبلها اكثر و بيكون اكثر استعدادا و انت و شطارتك ايش تقدري تخليه يسوي ببلاش اعمال اضافية بدل خصم غرامة التأخير
احيانا يكون المقاول مثلا جاي من طرف صديق او قريب (طرف ثالث) فلو سويتوا عليه خصم قد يتسبب هالشي بزعل من دلكم عليه ... و انه بيشكيله عليكم .. انا اقول مثلا... مب بالضرورة انه هالحالة تنطبق عليكم..... يعني مرات ننظر لهذه النقطه بعين الاعتبار لو انها وجدت......ايضا لو قريب او عزيز عليكم يبي يبني و انتوا ارتحتوا لهالمقاول فصعب انكم تقولون لقريبكم روحوله و قولوله اللي دلنا عليك الاخت ضوى:rolleyes2:.... يعني في مقاولين شغلهم نظيف و مريحين بس ممكن غاليين شوي.... كل هالاشياء نبي نحطها بعين الاعتبار مستقبلا .... لهالسبب قلت احتفظي بخط الرجعة و ما تتنازلي عن حقك عن طريق المقايضة




وعليكم السلام ورحمة الله وبركاته ،،

اكيد ابي النصيحة وماستغنى عن خبراتكم وارائكم اللي دايما تكون سديدة على الاقل من وجهة نظري ،

وشكلي مب ماخذه منه غرامة تاخير لاني طلبت شي خيالي اليوم ووافق من غير اي نقاش حتى وهالشي وايد خلاني اعيد حساباتي معاه :)





كلامك عين العقل

واضح انك فهمتي و سويتي اللي اقصده و الله يوفقك يا رب و مبروك البنيان....ان شاء الله تتباركوا فيه

[ضوى]

قلب المؤمن دليله ،،، استشيري نفسج شوفي يستحق او لا يستحق .
وشوفي هل انتي مرتاحه نفسيا للبيت و طريقه بنيانه و متفائله فيه ، اذا نعم وسعي على المسلم عشان ربي يوسع عليج .

و نقول الف مبروك المنزل الجديد

الله يبارك فيك ياخوي

الله يكتب الخير ان شاء الله :)

[السندان]

والله انك منتي سهله عجبتيني .. الله يتمم لكم بنيانكم على خير ومنزل مبارك مقدما

ما قصروا الإخوان بآرائهم وشكلك انهيتي الموضوع مع المقاول

بالتوفيق

[swords]

اختي بعض المقاولين ما يخافون الله الا من رحم ربي ولعلمك ان العقد شريطة المتعاقدين وانا من وجهة نظري الشخصة ما تتنازلين عن حقج ولو بريال واحد