هل تؤيد سكن القطري في شقة؟؟

[راشد محمد]

نبي نشوف ارائكم عن سكن القطريين في شقق في الدوحة..
مع او ضد..:rolleyes2:

[ضوى]

اختي وزوجها ساكنة بشقة ومستضيقة مع انه عندها براحة اشكبرها ورا الشقة ومسويتها حديقة بس يظل البيت غير ، ويارب يزرقهم بيت ان شاء الله

[سارونه]

ياليت الزوجين الجداد يجلسون في بيت اهل الزوج ويجمعون فلوسهم حق بيتهم الجديد
بدال صرف الاجار ومصاريف الخدامة والسواق والمطبخ الخ ( وهم الكسبانيين ).

طبعاً ( لا أؤيد الشقة ) اطلاقاً .

[alnoida]

انا ساكن في شقه
لكن طالع إن شاء الله في الاشهر القادمة

بالنسبه للعرسان الجدد وفي بداية الحياة الشقة لا باس عليها
ومع ذلك افضل الملحق مع الاهل عن الشقة

[عازف]

نبي نشوف ارائكم عن سكن القطريين في شقق في الدوحة..
مع او ضد..:rolleyes2:

حسب الظروف بس افضل البيت

[sweet qatar]

ما في مانع.. "مع"
بشكل عام ماشوف فيه عيب او انتقاص..

[راشد محمد]

اهي ما فيها عيب ..
انا اؤيد اذا زوجان جدد مو مشكلة..
لكن اذا زوج وزوجته وعياله وخدامته ودريولهم هل يقدرون يسكنون شقة.. الراي لكم

[طموحي عالي]

انا مع
للزوجين الجداد اللي مالهم مكان في بيت اهل الزوج

من واقع تجربه
انا واحد من الاهل تزوج وسكن مع اهله لكن عقب 4 سنوات استضاق
لان كانت غرفه وحده والوضع صعب مع وجود اكثر من طفل فراح شقه

[راشد محمد]

انا مع
للزوجين الجداد اللي مالهم مكان في بيت اهل الزوج

من واقع تجربه
انا واحد من الاهل تزوج وسكن مع اهله لكن عقب 4 سنوات استضاق
لان كانت غرفه وحده والوضع صعب مع وجود اكثر من طفل فراح شقه

حلو..
كم طفل عنده..

[راشد محمد]

طيب والدريول وين بتحطة..وانت محتاجة ضروري..

[طموحي عالي]

حلو..
كم طفل عنده..

الحين ماشاء الله 4
بس اكبرهم صف اول والباقي صغار

الله يحفظهم

[طموحي عالي]

طيب والدريول وين بتحطة..وانت محتاجة ضروري..

شوف اللي يبي دريول صعب يسكن بشقه

او ممكن ياخذ شقه قريبه من بيت اهل الزوج او الزوجه بحيث يسكن الدريول عندهم

[نوار قطر]

للضروره احكام اذا كان هالشي غصبا عن الواحد لا حول ولا قوه يستحمل اما اذا كان يقدر انه يقعد في فييلا وهو اختار الشقه لا بالله ماعنده سالفه يازين الحوووش والشمس والهوووى :nice:

[مرحباني @]

عادي مافيها شي من غير دريول خدامه تكفي بس


الشقق حقه وحق زوجته مب استضافة ضيوف رجاجيل وماعرف شو اذا يبي يسوي عزيمه يسويها ف بيت اهله


بس اخوي بيسكن معانا مبديا لين يخلص بيته باذن الله


بس انا اويد الشقه او سويت بروحه ف بيت اهله احسن وتاخذ الحرمه راحتهاا


:)

[سعد آل شريم]

سكنت 6 سنوات في شقه والحمد لله الأمور طيبه

[لاجل QT]

كان زين ودي اسكن في شقة تكون راقية وشرحة نفس نظام الفنادق بس اعيالي ارفضو:anger1:


يوم راحت الخدامة انشهد انى نويت :shy:

بصراحة نظافة البيت الكبير تهد الحيل:weeping:

المشكلة الشقق الراقية سعرها نفس سعر الفلا حاليا ويمكن اغلى:(

[sara jsm]

اي عادي ,, اهم شي بيت يضمهم ,,

[غير البشر]

على حسب ظروفهم اؤيد
غير ذلك لا اؤيد

بالنسبه لي ماسكن:victory:

[سارآ]

لا مب مع ..بدل الشقه الفلل التجاريه صغيره أرتب وأوسع .. وأتوقع الاسعار وحده

[بصمة قطرية]

ضد و بقوة ..
بصراحة كم وحدة من صديقاتي سكنوا في شقق
في بداية زواجهم ..
و كلهم عانوا و إستضاقوا
و الحمدلله إنهم طلعوا ..
وحدة تشكي من ضيق الشقة
الثانية أو الأكثرية مسألة غسل الثياب و نشرها وايد ضايقتهم
ينشرون في السطح ...!!
و في البلكونة المنظر مش حلو ..
مافي حوش للعيال
مافي خصوصية ..
أحس مساوئها كثيرة ..
لأني سمعت تجاربهم كلهم ندموا ..

[حمد 2002]

لا مب مع ..بدل الشقه الفلل التجاريه صغيره أرتب وأوسع .. وأتوقع الاسعار وحده

ههههه اختي الفلل التجاريه اسعارها اغلى من الفلل العاديه فله صغيره اب 25 الف وفوق

[aljooker]

وحدة تشكي من ضيق الشقة
الثانية أو الأكثرية مسألة غسل الثياب و نشرها وايد ضايقتهم
ينشرون في السطح ...!!
و في البلكونة المنظر مش حلو ..
مافي حوش للعيال
مافي خصوصية ..
أحس مساوئها كثيرة ..
لأني سمعت تجاربهم كلهم ندموا ..[/quote]


صراحه مع الاخت اؤيد كلامها
وغير هاى كله ازيد انه ماتعودنا علي نظام الشقق من قبل ولا الحين
تعودنا علي البيت الكبير و الحوش الكبير يلعبون فيه اليهال ويراكضون لو في شقه وين اليهال يلعبون وغير الخصوصيه وغير لمه الاهل كل يوم واللى كل ويكند يتيمعون في البيت

صراحه في اشياء كثيره راح تتغير اذا سكنا في شقق . معاكم كل واحد وعلي حسب استطاعته


بالنسبه لي ماسكن ولا اويد

[ANONYMOUS]

على حسب الظروف يابو محمد

طبعا اذا ماتوفر قصر .. فيلا

واذا ماتوفرت فيلا ... بيت شعبي

اذا ماتوفر بيت شعبي ... شقه

اذا ماتوفرت شقه .. بيت عربي



والاهم مما سبق هو الاخلاق