~~~~>>>>[[[ مواقف متنوعة - تحديث يومي ]]]<<<~~~~

[العلم]

السلام عليكم ...

ما ادري اذا الموضوع متداخل مع موضوع اخونا الغالي شبح الصمت .. عجزت وأنا افكر ..:rolleyes2:


المهم ..
الموضوع ببساطة هو عبارة عن سرد لأي موقف تتعرض له في يومك ( مضحك - مبكي - حلو - مالح :tease:- اي شيء )
وتشوف إنه يستاهل تذكره للأعضاء ..


وكالعادة ببدأ بنفسي ...

اليوم وانا في شارع الوعب ومتعدي الإشارة وانا على السيد الايسر ،،، والمسارين الي على يميني قدام شوي ،،، فيها سيارتين كل وحده لافه ورايحه لجهة الثانية ،، وانا قاعد اشوفهم كنت متأكد ان كل واحد مايدري بالثاني ..:happy:

رحت انا لاشعوريا واعللللق الهرن .. طييييييييييييييييييييييييط ...والا ينتبهون على بعض ويلفون بقوة وماكان بينهم الا شعرة ...

ههههههههههههاي

ملاحظة للمشرفين :: اذا الموضوع مخالف ماعندي مانع لحذفه ..:shy:

[شبح الصمت]

هلا هلا

حي الله العلم

وخلني اشوف شنهي المواقف ورد لك عرض

:nice:

[R 7 A L]

موضوع ممتاز

ممكن تذكرنا بموضوع اخوي شبح الصمت

[شبح الصمت]

موقف صادني يوم الجمعه

خلني اضحك وقفل وهههههههههههههههههاي

وانا رايح العديد مع الربع المهم رفيجي اقوله ياخي ماشاء الله الموتر ما قصر يروح ونروح فوق طعس اقولك اشوي الا الحبيب موقف !!! :eek5: :secret:

يرضيك سنقل له مافي الدبل الكبير مافي فايده خلاص وقف المهم قلصوه الربع واطلع وامشي اشوي ويطبن مره ثانية !!! الرجال الي قلصني رآح ويجون شباب ثانيين الله يجزاهم خير وبعد يقلصوني ههههههههههههههههههههههههههاي

لين خلاص قفلت عندي المهم واروح ورد ووقف ويغرز بعد مره ثالثة قلت حق رفيجي تعاااال اقولك تعال مب سايقه خله يولي والشباب ضحك علي وجهي صار حمر مشتط وبالفيت اني اسوق

اخرتها اطلعوا التواير هواهم 20 قلت اقولك 15 والدبل العود وخله لين تحترق الكلشات !!

موقف صراحه مب خلني اتحطم الا كرهت الموتر

:shy:

[العلم]

:eek2:
كأني شفتك تمدح الموتر ..:secret: .. ما اقصد شيء ...




صار لي موقف مع شرائي للايفون ... حوسه صارت هههههههه... طبعا بقوله بإختصار ...

نويت اشتريه ،، رحت المحلات قالوا شريحتك من النوع الكبير لازم تصغرها ... رحت لكيوتل الفاشلة ... قلت ابي كرت للايفون قالوا الرقم باسم اخوك لازم تبدله باسمك .. قلت اوكي ... واجي ثاني يوم واجيب بطاقة اخوي الشخصية .. قالوا اوكيه بس لازم تنظر يوم كامل مايصير نسوي معاملتين في يوم واحد ... طبعا عصبت وهاوشتهم شوي ... وقالوا اذا تبي الشريحة تتبدل الحين بدون مانغير الاسم لازم يجي اخوك ... واخوي كان عنده اختبار .. :anger1:

ورحت وكنسلت الطلب .. ولاقيت اخوي الظهر قلت له ،، والحبيب راح لهم وبدال مايحول الكرت للصغير راح سوى معاملة تحويل الاسم .. هههههه ... وهذا معناته انه اخر السالفة يوم كامل ... وكان الخميس وانا طلعت للبر وتأجلت السالفة ليوم الاحد ..

رحت يوم الاحد وخلصت السالفة وشريت الجوال .. وجيت ابي احمل برامج وطلع حساب اخوي فاضي واشتري بطاقة ايتونز هههههه ... وقلت في نفسي خل اسوي لي حساب وافتك ،،، واتعلم وابدأ اشتغل عليه ويوم قربت اخلص الا اخوي جاي ... قال لي شفيك حطها فحسابي ولا تعور راسك ههههههههه ...
قلت اوكي وكنسلت العملية وعبيت احسابه ... ولما جيت ابي احمل برامج من ايفوني قال الابل ستور هذا الجهاز اول مره يستخدم هذا الحساب فلابد تجاوب على الأسئلة ... ولما قلت لأخوي ... قال انا ناسي الاجوبة وقهرررني :anger1:

وبعدين ثاني يوم شريت بطاقة وسويت لي حساب قطري ولما جيت ابي اعبيها قال هذي البطاقة ماتعبي الا حساب امريكي ... وفووولت :anger1:*

ثالث يوم رحت للمحل وقلت يبه سولي حساب امريكي وخذ الكرت وعبه ... ومشت الامور .. :shy:



ههههههههههههههههههههههههههاي ...

تعلمت من هذا الموقف ان الصبر زين ... وإن مافي شيء يجيك براحة :victory: