مشاكل مدرسة الوكرة الاعدادية المستقلة للبنات

[سارونه]

الى مديرة مدرسة الوكرة الاعدادية المستقلة للبنات المحترمة

ارجو توضيح ما يحصل في المدرسة من كثرة المشاكل اليومية :(

شكاوي الطالبات من المشرفة الادارية (الاسلوب في التعامل)

تقول احدى الطالبات : المشرفة تصارخ علينا وتقذف بالكلام الغير لائق في مدرسة تربوية
مثل ( اذلفي ) (حيوانه) (انتي مب متربيه) (اهلك ماربوك)

وصلنا للضرب والتقاذف بالكلام مع المُدرسة والطالبات ( ماذا يحصل ؟؟؟؟؟؟ ) ...

ارجو التعقيب ولكم شكري ..

[نوفة قطر]

مثل هالموضوع يتكرر في مدرسه ثانويه بعد ... مشرفه اداريه تتعامل بنفس الاسلوب مع بنات كبار !

السلك التعليمي في انحدار مع الاسف

-

[نغم 90]

الوكره وما ادراك ما الوكرة
:rolleyes2::rolleyes2:
ما الوم المدرسات بعض الطالبات يستاهلون الطرد مش الضرب بس

[سارونه]

الوكره وما ادراك ما الوكرة
:rolleyes2::rolleyes2:
ما الوم المدرسات بعض الطالبات يستاهلون الطرد مش الضرب بس

بعض الطالبات محتاجين الاحتواء والامان والاستقرار النفسي مو زيادة نسبة العصبيه فيهم
محد يعرف شنو في هالبنت المتمرده من هموم ومشاكل وانفصال الاسرة ..

بالنسبة للمدرسة ( فهي الام الحنون ) تعرف شنو معنى ( الصبر ) و (احتواء المشاكل)
تاخذ الاجر الكبير في تحمل واستقرار البنت وحبها لها دليل نجاحها ..

نحتاج علاج ( للطالبة ) و (المدرسة) حتى يعم الامن والامان في المدرسة ..

[Riku3]

انا تعاملت مع المدارس كثير لاني كنت اعمل في المجلس الاعلى للتعليم والاهل عندي اشتغلت في مدارس مستقله لسنوات طويلة .. واشوف ان سنة عن سنة اخلاق الطلاب في انحدار وبعضهم تربية خدم ويستاهلون .. وكله بسبب تهاون المجلس الاعلى للتعليم في معاقبة الطلاب وبسبب تعالي بعض اولياء الامور الي ما يشوفون الغلط في ابنائهم ابداً ..

والي مب متربيه وتسب وتصارخ على المدرسات تستاهل ان يطلق عليها مسمى مب متربيه .. بس ضد استخدام كلمة حيوانه او شي كذا لانه سب ووصف ما يجوز .

[دااانة قطر]

التربيه ثم التربيه ثم التربيه

[sendarala]

نتاج محو التربية من سلك التعليم

وهذه هي النتيجة

[daekan]

نتاج محو التربية من سلك التعليم

وهذه هي النتيجة

لا
الا نتاج محو التربية من البيت وترك الابناء للخدم ونتاج الانفتاح وعصر الانترنت والبلاكبيري وايفون وكيك و مهند

[قلبي الطيب]

الله يعين المدرسات على الطلبة وأولياء أمورهم اللي ما عرفوا يربون ولا يبون حد يربي عيالهم

[نتفـه]

بعض الطالبات محتاجين الاحتواء والامان والاستقرار النفسي مو زيادة نسبة العصبيه فيهم
محد يعرف شنو في هالبنت المتمرده من هموم ومشاكل وانفصال الاسرة ..

بالنسبة للمدرسة ( فهي الام الحنون ) تعرف شنو معنى ( الصبر ) و (احتواء المشاكل)
تاخذ الاجر الكبير في تحمل واستقرار البنت وحبها لها دليل نجاحها ..

نحتاج علاج ( للطالبة ) و (المدرسة) حتى يعم الامن والامان في المدرسة ..

تعليق بس على ردج .. جربتي تشتغلين في مدرسه وتتعاملين مع طالبات في هالمرحله قبل الحكم على المشرفه الاداريه؟؟؟
وبالمنطق في وحده تسب البنات بدون سبب بس لانها تبي تحط حرتها فيهم والسلام..
اعتقد مافي شي يطلع الواحد من طوره الا لو حد تمادى في شي معين والله اعلم ..

((انا ضد السب باي شكل من الاشكال وما اتعامل فيه لكن في بنات سلوكهم اللهم يا كافي ))

[خليفـة]

الاخت سارونه
مثل هذا الموضوع .. يكون من الافضل
ان يتم توصيله الى مديرة المدرسة
والأهم من هذا كله .. ان يتم ذكر اسم تلك المشرفة تحديداً
وان لا يُذكر الموضوع بشكل عام
هناك اكثر من مشرفة .. وفيهم الي تشتغل بذمة وضمير
وفيهم الي محترمه نفسها وماتتلفظ بهالكلمات
وفيه العكس طبعا

الله يهدي الجميع

خليفـــة

[شموخ]

وللأسف الشديد ألحين صار في تعليم وما في تربية الله يكون بالعون..