من فيكم يسويها ؟؟

[الحياة الخالدة]

إذا يات خدامتكم بتسافر ... يا ترى تفتشونها و الا ما تفتشونها ؟؟
و اللي فتشوها شنو حصلتوا عندها ؟
أنا شخصياً عمري ما سويتها

[طموحي عالي]

انا خاطري افتشها
لكن احنا مانفتش خداماتنا وليش مادري

عموما وحده من اهلنا تفتش خداماتها ولقت اكسسوارات الشعر ل بنتها الصغير وبعض اكسسواراتها
وخاتم ذهب وسلسله لبنتها ومادري بعد اغراض بس نسيت

[Aaziz]

يفضل تفتيش الخادمه اول ماتجي و اذا بغت تسافر .

[شبح الصمت]

فتحتي موضوع مهم ترى

وطبعاً على حسب الخدامه وتعامله مع الي فالبيت

طبعا بتكلم عني شخصياً خدامة كانت عندنا اندونيسيا

صارت مشكلة وجينا نسفرها اهلي خافوا انهم يفتشونها وتحس وتسوي شيء

قلت لهم خلوها مهب مشكلة بنروح المطار وبكلم الضابط الي اهناك
وسبحان الله رحت والله سخر لي ضابط الله يجزاه خير قلت له الموضوع نبي نفتش الخدامه واهلي خافوا يفتشونها قالي ابشر اتصل على وحده من البنات شرواكم يالبنات ايوديه قال لها تعالي نبي نفتش الخدامه جاءت على طول ..

طبعا فتشوها حصلوا عندها صورة اخوي :secret: وعقب حصلوا شغبات حقت الاهل :weeping:

المهم ما قصروا بيض الله وجيهم

الي مستحي يتفشها وهو حآس وشاك فيها يسوي نفسه ما يدري عن السالفه ويوم يطلبونها يسالها في شيء عندج لاجل كذى بيفتشونج ويقعد يطالع الاغراض مالتها ..

وبس لا تستحون بعد ما تردون شلي خاشته

وتسلمين الحياه الخالده على الموضوع

صج مكرر بس يلا ما نبي نزعلج

بس بعد مكرر

:shy:

[غزلان]

بيتنا عمره مافتش خدامه او خادم

بس في ناس يفتشونهم ويحصلون عندهم اشياء خاصه لأهل البيت

[باحثة]

بيتنا عمرنا مافتشناهم

[حنان k]

فتحتي موضوع مهم ترى

وطبعاً على حسب الخدامه وتعامله مع الي فالبيت

طبعا بتكلم عني شخصياً خدامة كانت عندنا اندونيسيا

صارت مشكلة وجينا نسفرها اهلي خافوا انهم يفتشونها وتحس وتسوي شيء

قلت لهم خلوها مهب مشكلة بنروح المطار وبكلم الضابط الي اهناك
وسبحان الله رحت والله سخر لي ضابط الله يجزاه خير قلت له الموضوع نبي نفتش الخدامه واهلي خافوا يفتشونها قالي ابشر اتصل على وحده من البنات شرواكم يالبنات ايوديه قال لها تعالي نبي نفتش الخدامه جاءت على طول ..

طبعا فتشوها حصلوا عندها صورة اخوي :secret: وعقب حصلوا شغبات حقت الاهل :weeping:

المهم ما قصروا بيض الله وجيهم

الي مستحي يتفشها وهو حآس وشاك فيها يسوي نفسه ما يدري عن السالفه ويوم يطلبونها يسالها في شيء عندج لاجل كذى بيفتشونج ويقعد يطالع الاغراض مالتها ..

وبس لا تستحون بعد ما تردون شلي خاشته

وتسلمين الحياه الخالده على الموضوع

صج مكرر بس يلا ما نبي نزعلج

بس بعد مكرر

:shy:


وش اللي باللون الأحمر ؟؟

سابقآ الخادمة لا جت تفتش ونخليها تاخذ الأغراض اللي تحتاجهم والباقي بشنطتها تكون عند الأم لوقت سفر الخادمة تسلم شنطتها وتفتش لأن ممكن تكون مخبيه شي بملابسها وهذه كثير حصلت كمثال : البنطلون طويل هي تثنيه وتخيطه بالثنيه هذه تحشي فيه صورة لأحد أفراد الأسرة , شعر رأس أحد الأبناء أو البنات

حاليآ الخادمة لا جت ما نحرص ع تفتيشها لأن خادمات هالزمن غير زمان الأن قويات عين وأي حركة تعملينها تبتسم بوجهك لكن من جواتها نغلي أتجاهك وتكيد لك , وشنطتها تكون عندها ما يرضون لأحد ياخذ شنطهم وحتى لو أخذتي كل شوي تقول أبي الشنطة باخذ منها هذا الغرض فتخليك تملين وتطفشين , لو لاحظنا ع الخادمة تتأخر تجلس كثير بغرفتها حركات تريب الشك نتغافلها ونفتش المكان وياما حصلت كثير نلقى أشياء كثير مسروقة من البيت لو المسروقات شي عليه سعره ومخباه بشكل متقن نسفر الخادمة .. لكن الخادمة قبل السفر تفتش كل الخدم لا جو يحسبون متى موعد سفرتهم فحنا نفاجأ الخادمة أنه نسفرها قبل موعدها بيومين أو ثلاثة أيام , نقولها موعد طيارتك الآن فتقوم يادوبها تلبس وناخذها لبيت أحد من الأهل هناك تفتش وترتب شنطتها أمام العين ونلقى مسروقات

وحده من الخدم لما فاجئنها بموعد السفر وديناها لبيت الأهل وهناك فتشت لقينا مسروقات وكل شوي تقول رجعوني للبيت نسيت أغراضي وكلام كثير وتم تعويضها بالأغراض اللي نستهم ماديآ , لكن الصدمة لما رجعنا البيت مع ترتيبه تفاجأنا أنها سارقة ذهب ولقيناه مخبيته مع مبلغ مالي كبير

تفتيش الخدم قبل السفر ضروري جدآ

[نوار قطر]

خوووش موضوع ممممم بالنسبه لي اذا كانت الخدامه مسويه بلوه ومسفرتهاا افتشها قطعه قطعه واخليها ترجع بنفس الشنطه الي ياتني فيها حتى الهداايا الي عطيتها اياهاا اخذها واعطي الخدامه الثانيه لانها ماتستاهل الواحد يعاملها بالطيب مممم 3 خدامات الي فتشتهم الله يغربلهم وحده راعية طبوب شفت عندها حزاام مقسم على عددنا احنا العيال وقطعه غريبه جنها عود مادري شنهي بالضبط والثانيه كانت تسربت نصايف الليل ولاترجع الا الفير وصدناها الثالثه عقب ماياتنا ب6 شهور قالت انا حامل :rolleyes2: واخاف على البيبي :weeping:

اما الباقي لا والله ماافتشهم بالعكس اخذهم اوديهم السوق يتشرون واعطيهم الهدايا لهم وحق اهاليهم

[aljooker]

اللهم لك الحمد كما ينبغي لجلال وجهك وعظيم سلطانك
بالتوفيق ان شاء الله

[لاجل QT]

إذا يات خدامتكم بتسافر ... يا ترى تفتشونها و الا ما تفتشونها ؟؟
و اللي فتشوها شنو حصلتوا عندها ؟
أنا شخصياً عمري ما سويتها


اذا بتسافر بلا ردة فتشوها:nice:

من خاف سلم ياخوك:shy:

ماقطت فتشت خدامة ..لنى كنت اعاملهم بما يرضى الله رحومة عليهم ومدلعتهم :shy: ..حتى لو هي شريرة باكسر خاطرها:shy: لخيري عليها:shy: ماراح ضرني:shy:

[مرحباني @]

افتش وهي ماتدري ناس غريبين عن البيت وسلوكياتهم هي الي تحتم علينا نفتشهم

اختي نص ذهبها راح ورى الخدم

والله وقصص دووم اسمعها بس انا من افتش ماحصلت وياهم شي


:)

[حسن]

بل احنا وين نفتش لاكشمي راعيه البيت

لا مانقدر والحمد لله مرتاحين ويانا وبعدين شغلنا مرتب

بعض الناس نشوفهم مايقرون خدمهم اربع وعشرين ساعه
فراره وغير التزقر والهواش
لا انا ولا المره عارفين شغلهم زين ومرتاحين يقيلون الى الساعه 4
والساعه 7 خلاص ماعاد لهم دخول الفله الا ماندر
ونعاملهم كانهم منا والحمدلله من سنوات واجازتها 5شهور وش تبي بعد

[الحياة الخالدة]

انا خاطري افتشها
لكن احنا مانفتش خداماتنا وليش مادري

عموما وحده من اهلنا تفتش خداماتها ولقت اكسسوارات الشعر ل بنتها الصغير وبعض اكسسواراتها
وخاتم ذهب وسلسله لبنتها ومادري بعد اغراض بس نسيت


و لا احنا نفتشهم :(
أعتقد اللي يفتشـــــون بيلقون كل المفقودات عندهــــم :)

حياج الله أختي العزيزة

[الحياة الخالدة]

يفضل تفتيش الخادمه اول ماتجي و اذا بغت تسافر .


و الله على هالسوالف اللي نسمعهــــا .. هذا الشي اللي المفروض يصير .. بس احنا ما قط سويناها

حياك الله أخوي عبدالعزيز

[نوار قطر]

وش اللي باللون الأحمر ؟؟
آ


شغابات :secret: تراچي :nice: حلق :rolleyes2:

بكل اللهجات :shy:

[الحياة الخالدة]

فتحتي موضوع مهم ترى

وطبعاً على حسب الخدامه وتعامله مع الي فالبيت

طبعا بتكلم عني شخصياً خدامة كانت عندنا اندونيسيا

صارت مشكلة وجينا نسفرها اهلي خافوا انهم يفتشونها وتحس وتسوي شيء

قلت لهم خلوها مهب مشكلة بنروح المطار وبكلم الضابط الي اهناك
وسبحان الله رحت والله سخر لي ضابط الله يجزاه خير قلت له الموضوع نبي نفتش الخدامه واهلي خافوا يفتشونها قالي ابشر اتصل على وحده من البنات شرواكم يالبنات ايوديه قال لها تعالي نبي نفتش الخدامه جاءت على طول ..

طبعا فتشوها حصلوا عندها صورة اخوي :secret: وعقب حصلوا شغبات حقت الاهل :weeping:

المهم ما قصروا بيض الله وجيهم

الي مستحي يتفشها وهو حآس وشاك فيها يسوي نفسه ما يدري عن السالفه ويوم يطلبونها يسالها في شيء عندج لاجل كذى بيفتشونج ويقعد يطالع الاغراض مالتها ..

وبس لا تستحون بعد ما تردون شلي خاشته

وتسلمين الحياه الخالده على الموضوع

صج مكرر بس يلا ما نبي نزعلج

بس بعد مكرر

:shy:


أشوا يعني ما طلع الموضوع سخيف :nice:

حسبي الله عليها هالخدامة ,, ما يعوق عندهم الانتقام .. سحر على طول
الله يجزاهم الخير شرطتنا ما يقصرون

عيل طلع الموضوع مكرر اممممممم
مع إني ما أذكر إني شفته من قبل .. بس يلا ماعليه .. في الإعادة إفادة :nice:

مشكور على المشاركة أخوي شبح

[نوار قطر]

اذا بتسافر بلا ردة فتشوها:nice:

من خاف سلم ياخوك:shy:

ماقطت فتشت خدامة ..لنى كنت اعاملهم بما يرضى الله رحومة عليهم ومدلعتهم :shy: ..حتى لو هي شريرة باكسر خاطرها:shy: لخيري عليها:shy: ماراح ضرني:shy:

مسكينه والله انتي يا لاجل والله لاطيب ينفع معاهم ولا شي خدامتنا فلبينيه حاااقده علينا بشكل غير طبيعي والله لو اقولج شتسوي انج تحطين يدج على راسج مع ان والله احسن معامله اعاملها اعطيها واشتري لها وكل الي فالبيت يضحك ويتغشمر معاها حتى اول مايات كنت اقول لها انتي اهني بين هلج واخوانج اذا تبين شي تعالي لي مااتصورين شكنت اسوي لها ،،، حاولت تضرنا قسم بالله ان لين اتذكر الي تسويه اقعد اصيح واقول الحمدلله ربي حفظنا منها واصلا الي علم عليها الي معاها ويوم قلت حق الثانيه ليش هي تسوي جذي احنا شقصرنا فيه معاها احسن معامله واحسن لبس ودلع على الاخر قالت لي مدام هي تربت على الحقد وهي تشوف عيشتكم وتنقهر وتعكس هالحقد في الي تسويه فيكم ،،،، الثانيه تقول انا مستغربه ليش مايصير فيكم شي على كثر ماحاولت تضركم بس مايصيدكم شي قلت لها ربي حافظنا احنا نقرى ايات وادعيه تحفظنها منها ومن اشكالهااا ،،،،،ااااخ ذكرتيني قلبي عورني ،،، ااااايه على بنتي واختي بغو يروحون مني ،،، الحمدلله الحمدلله ربي حفظهم

[الحياة الخالدة]

بيتنا عمره مافتش خدامه او خادم

بس في ناس يفتشونهم ويحصلون عندهم اشياء خاصه لأهل البيت


و احنا بعد مثلكم .. حتى أبوي مدري أخوي كان يقول يعني شبيكونون ماخذين .. ياخذون اللي ياخذونه ( ما يدرون عن قصصهم )

حياج الله أختي غزلان

[الحياة الخالدة]

بيتنا عمرنا مافتشناهم


و أعتقد هذا هو حال الكثيرين

شكراً لج أختي باحثة

[الحياة الخالدة]

وش اللي باللون الأحمر ؟؟

سابقآ الخادمة لا جت تفتش ونخليها تاخذ الأغراض اللي تحتاجهم والباقي بشنطتها تكون عند الأم لوقت سفر الخادمة تسلم شنطتها وتفتش لأن ممكن تكون مخبيه شي بملابسها وهذه كثير حصلت كمثال : البنطلون طويل هي تثنيه وتخيطه بالثنيه هذه تحشي فيه صورة لأحد أفراد الأسرة , شعر رأس أحد الأبناء أو البنات

حاليآ الخادمة لا جت ما نحرص ع تفتيشها لأن خادمات هالزمن غير زمان الأن قويات عين وأي حركة تعملينها تبتسم بوجهك لكن من جواتها نغلي أتجاهك وتكيد لك , وشنطتها تكون عندها ما يرضون لأحد ياخذ شنطهم وحتى لو أخذتي كل شوي تقول أبي الشنطة باخذ منها هذا الغرض فتخليك تملين وتطفشين , لو لاحظنا ع الخادمة تتأخر تجلس كثير بغرفتها حركات تريب الشك نتغافلها ونفتش المكان وياما حصلت كثير نلقى أشياء كثير مسروقة من البيت لو المسروقات شي عليه سعره ومخباه بشكل متقن نسفر الخادمة .. لكن الخادمة قبل السفر تفتش كل الخدم لا جو يحسبون متى موعد سفرتهم فحنا نفاجأ الخادمة أنه نسفرها قبل موعدها بيومين أو ثلاثة أيام , نقولها موعد طيارتك الآن فتقوم يادوبها تلبس وناخذها لبيت أحد من الأهل هناك تفتش وترتب شنطتها أمام العين ونلقى مسروقات

وحده من الخدم لما فاجئنها بموعد السفر وديناها لبيت الأهل وهناك فتشت لقينا مسروقات وكل شوي تقول رجعوني للبيت نسيت أغراضي وكلام كثير وتم تعويضها بالأغراض اللي نستهم ماديآ , لكن الصدمة لما رجعنا البيت مع ترتيبه تفاجأنا أنها سارقة ذهب ولقيناه مخبيته مع مبلغ مالي كبير

تفتيش الخدم قبل السفر ضروري جدآ


بالنسبة لسؤالج .. جاوبت الأخت نوار قطر جزاها الله خيــــر

إي و الله مثل ما قلتي .. قويات و حيالات .. يتفننون في التخشش
حسبي الله و نعم الوكيل .. الله يحفظنا و يكفينا شرهم

حياج الله أختي حنان

[الحياة الخالدة]

خوووش موضوع ممممم بالنسبه لي اذا كانت الخدامه مسويه بلوه ومسفرتهاا افتشها قطعه قطعه واخليها ترجع بنفس الشنطه الي ياتني فيها حتى الهداايا الي عطيتها اياهاا اخذها واعطي الخدامه الثانيه لانها ماتستاهل الواحد يعاملها بالطيب مممم 3 خدامات الي فتشتهم الله يغربلهم وحده راعية طبوب شفت عندها حزاام مقسم على عددنا احنا العيال وقطعه غريبه جنها عود مادري شنهي بالضبط والثانيه كانت تسربت نصايف الليل ولاترجع الا الفير وصدناها الثالثه عقب ماياتنا ب6 شهور قالت انا حامل :rolleyes2: واخاف على البيبي :weeping:

اما الباقي لا والله ماافتشهم بالعكس اخذهم اوديهم السوق يتشرون واعطيهم الهدايا لهم وحق اهاليهم


إي و الله يا أختي ما تستاهل الهدايا
بل بل بل أعوذ باللـــــه
أما عاد اللي حامل و تخاف على البيبي :(
الله يحميكم من كل شر

تسلمين أختي نوار

[الحياة الخالدة]

اللهم لك الحمد كما ينبغي لجلال وجهك وعظيم سلطانك
بالتوفيق ان شاء الله


الحمد لله حمداً كثيراً طيباً مباركاً فيه كما ينبغي لجلال وجهه و عظيم سلطانه

موفق يالجوكر

[نوار قطر]

إي و الله يا أختي ما تستاهل الهدايا
بل بل بل أعوذ باللـــــه
أما عاد اللي حامل و تخاف على البيبي :(
الله يحميكم من كل شر

تسلمين أختي نوار

اما الي قالت انا حامل جذااااابه هههههه شكثر كنت اصيدها اخر جذبه حامل قلت لها ليش ان شالله عقب 6 شهور توج تحسين وتدرين انج حامل :omg: المهم خربطت علي قلت لها معليه انا ابيج تولدين اهني وبتكفل بكل شي عاد يوم سفرتها يبتها وقلت لها شوفي انا ادري انج جذابه وقمت اعدد لها المواقف الي جذبت فيها وقلت لها انا ساكته بكيفي مب لاني هبله وماافهم شي انا مابي اعور راسي معاج بس الحين اخذي شنطتج وقبضي الباب احسها انصدمت صار ويهها بالضبط جذي :eek5:

[الحياة الخالدة]

اذا بتسافر بلا ردة فتشوها:nice:

من خاف سلم ياخوك:shy:

ماقطت فتشت خدامة ..لنى كنت اعاملهم بما يرضى الله رحومة عليهم ومدلعتهم :shy: ..حتى لو هي شريرة باكسر خاطرها:shy: لخيري عليها:shy: ماراح ضرني:shy:


و اذا بترد ما نفتشها :nice:

يزاج الله خير .. و الله يحفظكم و يعطيكم على قد نيتكم الطيبة :omen2:
عاد تهقين ينكسر خاطرهم ؟؟ أشك في ذلك :discuss:

أفاااااا عاد ما هقيتها منج يا لأجل .. عقب عشرة هالعمر ما تعرفين إن أنا أختج مب أخوج :weeping:

حياج الله أختي العزيزة

[نوار قطر]

أفاااااا عاد ما هقيتها منج يا لأجل .. عقب عشرة هالعمر ما تعرفين إن أنا أختج مب أخوج :weeping:

حياج الله أختي العزيزة

ههههههه ضحكتني الحياااه معليه لاتلومين لاجل مب منها من المرض ميهوده مب صاحيه المرض مأثر عليها :(

[الحياة الخالدة]

ههههههه ضحكتني الحياااه معليه لاتلومين لاجل مب منها من المرض ميهوده مب صاحيه المرض مأثر عليها :(


هههههههه ما تنلام .. الله يشفيها و يعافيها من كل شر

[بـومحمد]

لا مب بس تتفتش تنفض نفاض وذا في الله يعزكم كلب بوليسي بعد ندخله يفتش هههههه لانه مامنهم امان مهم تسويلهم هم شر لابد منه وحنا لازم ناخذ احتياطاتنا

[الحياة الخالدة]

افتش وهي ماتدري ناس غريبين عن البيت وسلوكياتهم هي الي تحتم علينا نفتشهم

اختي نص ذهبها راح ورى الخدم

والله وقصص دووم اسمعها بس انا من افتش ماحصلت وياهم شي


:)


الله يعوض عليكم
يمكن ما عرفتوا تفتشون عدل :)

حياج الله أختي مرحباني

[شبح الصمت]

وش اللي باللون الأحمر ؟؟

سابقآ الخادمة لا جت تفتش ونخليها تاخذ الأغراض اللي تحتاجهم والباقي بشنطتها تكون عند الأم لوقت سفر الخادمة تسلم شنطتها وتفتش لأن ممكن تكون مخبيه شي بملابسها وهذه كثير حصلت كمثال : البنطلون طويل هي تثنيه وتخيطه بالثنيه هذه تحشي فيه صورة لأحد أفراد الأسرة , شعر رأس أحد الأبناء أو البنات

حاليآ الخادمة لا جت ما نحرص ع تفتيشها لأن خادمات هالزمن غير زمان الأن قويات عين وأي حركة تعملينها تبتسم بوجهك لكن من جواتها نغلي أتجاهك وتكيد لك , وشنطتها تكون عندها ما يرضون لأحد ياخذ شنطهم وحتى لو أخذتي كل شوي تقول أبي الشنطة باخذ منها هذا الغرض فتخليك تملين وتطفشين , لو لاحظنا ع الخادمة تتأخر تجلس كثير بغرفتها حركات تريب الشك نتغافلها ونفتش المكان وياما حصلت كثير نلقى أشياء كثير مسروقة من البيت لو المسروقات شي عليه سعره ومخباه بشكل متقن نسفر الخادمة .. لكن الخادمة قبل السفر تفتش كل الخدم لا جو يحسبون متى موعد سفرتهم فحنا نفاجأ الخادمة أنه نسفرها قبل موعدها بيومين أو ثلاثة أيام , نقولها موعد طيارتك الآن فتقوم يادوبها تلبس وناخذها لبيت أحد من الأهل هناك تفتش وترتب شنطتها أمام العين ونلقى مسروقات

وحده من الخدم لما فاجئنها بموعد السفر وديناها لبيت الأهل وهناك فتشت لقينا مسروقات وكل شوي تقول رجعوني للبيت نسيت أغراضي وكلام كثير وتم تعويضها بالأغراض اللي نستهم ماديآ , لكن الصدمة لما رجعنا البيت مع ترتيبه تفاجأنا أنها سارقة ذهب ولقيناه مخبيته مع مبلغ مالي كبير

تفتيش الخدم قبل السفر ضروري جدآ


الله يسلمج شغابات بس خانني التعبير كتبت معلقه
:shy:






شغابات :secret: تراچي :nice: حلق :rolleyes2:

بكل اللهجات :shy:


تسلمين على التوضيح اختي نوار
:shy:






أشوا يعني ما طلع الموضوع سخيف :nice:

حسبي الله عليها هالخدامة ,, ما يعوق عندهم الانتقام .. سحر على طول
الله يجزاهم الخير شرطتنا ما يقصرون

عيل طلع الموضوع مكرر اممممممم
مع إني ما أذكر إني شفته من قبل .. بس يلا ماعليه .. في الإعادة إفادة :nice:

مشكور على المشاركة أخوي شبح



وجينا حق الحياة الخالده

ههههههههههههههههههههههاي
ياليل اليل ترى موضوع خدامه مب تصيد تنقيعات !!
:waiting:

يعني راعي اني كاتب كلام واجد يعني لازم شيء يسقط سهواً
بس حلوه

هههههههههههههههههههههههههههههاي

:tease:

[الحياة الخالدة]

بل احنا وين نفتش لاكشمي راعيه البيت

لا مانقدر والحمد لله مرتاحين ويانا وبعدين شغلنا مرتب

بعض الناس نشوفهم مايقرون خدمهم اربع وعشرين ساعه
فراره وغير التزقر والهواش
لا انا ولا المره عارفين شغلهم زين ومرتاحين يقيلون الى الساعه 4
والساعه 7 خلاص ماعاد لهم دخول الفله الا ماندر
ونعاملهم كانهم منا والحمدلله من سنوات واجازتها 5شهور وش تبي بعد


و الله يا حسن مب شرط .. و مثل ما قالت أختي نوار قطر .. ممكن يكونون أهل البيت زينين وياهم .. بس هم عيونهم فارغـــــة

الله يهدي لكم لاكشمي و لا يغيرها عليكم ( ما شاء الله 5 شهور إجازة )

حياك الله أخوي حسن

[لاجل QT]

و اذا بترد ما نفتشها :nice:

يزاج الله خير .. و الله يحفظكم و يعطيكم على قد نيتكم الطيبة :omen2:
عاد تهقين ينكسر خاطرهم ؟؟ أشك في ذلك :discuss:

أفاااااا عاد ما هقيتها منج يا لأجل .. عقب عشرة هالعمر ما تعرفين إن أنا أختج مب أخوج :weeping:

حياج الله أختي العزيزة


ووي ياختى اسمحيلي:shy: معلية ساعات ادش على الموضوع حتى ماركز من الكاتب.ادش واكتب:shy: ..انتى شيخة الخوات والسموحة منج:shy:




ههههههه ضحكتني الحياااه معليه لاتلومين لاجل مب منها من المرض ميهوده مب صاحيه المرض مأثر عليها :(

:shy:

تعبنى والله هههههه:shy:

قمت اخرف:shy:

[الحياة الخالدة]

لا مب بس تتفتش تنفض نفاض وذا في الله يعزكم كلب بوليسي بعد ندخله يفتش هههههه لانه مامنهم امان مهم تسويلهم هم شر لابد منه وحنا لازم ناخذ احتياطاتنا


هههههه صج و الله بعضهم ما ينفع معاه إلا الكلب البوليسي
الله يكفينا وياكم شرهم

حياك الله يا بومحمــــد

[الحياة الخالدة]

ووي ياختى اسمحيلي:shy: معلية ساعات ادش على الموضوع حتى ماركز من الكاتب.ادش واكتب:shy: ..انتى شيخة الخوات والسموحة منج:shy:



:shy:

تعبنى والله هههههه:shy:

قمت اخرف:shy:


مسموحـــــة فديتج :)
اسم الله عليج .. ما عليج شر ان شاء الله

[لاجل QT]

مسموحـــــة فديتج :)
اسم الله عليج .. ما عليج شر ان شاء الله

الشر مايواجهج :shy:

بخصوص التفتيش لية مايكون غرفة خاصة في المطار لتفتيش الخدامات من هدومها اللى عليها لين شنطتها اللى ماسكتها

ويكون ناس متخصصة في التفتيش عن الاعمال او اي شي مخالف قانونيا وانسانيا لضمان سلامة الافراد من اي ضرر يلحق بهم من الخدامات

اشرايكم في هاالاقتراح:)

[غير البشر]

اهلا اهلا بالحياه الخالده

ليش ماتفتشينها :omg:

بالعاده عندنا اول ماتوصل قبل لاتدخل غرفتها وقبل لاتروح المطار
هذا لازم يصير

وحزات اذا في شكوك او ريبه منها
يتم تفتيشها بعد غير المرتين :victory:

[شبح الصمت]

الشر مايواجهج :shy:

بخصوص التفتيش لية مايكون غرفة خاصة في المطار لتفتيش الخدامات من هدومها اللى عليها لين شنطتها اللى ماسكتها

ويكون ناس متخصصة في التفتيش عن الاعمال او اي شي مخالف قانونيا وانسانيا لضمان سلامة الافراد من اي ضرر يلحق بهم من الخدامات

اشرايكم في هاالاقتراح:)




في الله يسلمج غرفة اول شيء يدخلونها قدامج وقدام الضابط تفتش وتشوفين الاغراض يطلعونها قطعة قطعة

وبعدين بعد ما يخلصون يدخلونها داخل غرفة خاصة طبعا تتجرد من اثيابها كاملة ويفتشونها من إلى ..

يعني لا تخافين بس طلبي من الضباط اهناك ما رآح يقصرون

:)

[الحياة الخالدة]

الشر مايواجهج :shy:

بخصوص التفتيش لية مايكون غرفة خاصة في المطار لتفتيش الخدامات من هدومها اللى عليها لين شنطتها اللى ماسكتها

ويكون ناس متخصصة في التفتيش عن الاعمال او اي شي مخالف قانونيا وانسانيا لضمان سلامة الافراد من اي ضرر يلحق بهم من الخدامات

اشرايكم في هاالاقتراح:)



في الله يسلمج غرفة اول شيء يدخلونها قدامج وقدام الضابط تفتش وتشوفين الاغراض يطلعونها قطعة قطعة

وبعدين بعد ما يخلصون يدخلونها داخل غرفة خاصة طبعا تتجرد من اثيابها كاملة ويفتشونها من إلى ..

يعني لا تخافين بس طلبي من الضباط اهناك ما رآح يقصرون

:)


توني بقول و الله خوش فكرة خصوصاً حق أمثالنا
خلاص مرة ثانية إذا شكينا في شي بنخليهم يفتشونها :)

[غير البشر]

في الله يسلمج غرفة اول شيء يدخلونها قدامج وقدام الضابط تفتش وتشوفين الاغراض يطلعونها قطعة قطعة

وبعدين بعد ما يخلصون يدخلونها داخل غرفة خاصة طبعا تتجرد من اثيابها كاملة ويفتشونها من إلى ..

يعني لا تخافين بس طلبي من الضباط اهناك ما رآح يقصرون

:)




شبح لاتعتمد على تفتيش المطار لانه يفتشون على اشياء معنه
وفي اشياء ثانيه مايقولون لها شي

مثلا في عوايل ماتسمح الخدامه يكون عندها تلفون
في تفتيش المطار لو حصلو عندها تلفون عادي مالهم دعوه

وفي اشياء ثانيه المفروض اهل البيت يفتشونها

[شبح الصمت]

شبح لاتعتمد على تفتيش المطار لانه يفتشون على اشياء معنه
وفي اشياء ثانيه مايقولون لها شي

مثلا في عوايل ماتسمح الخدامه يكون عندها تلفون
في تفتيش المطار لو حصلو عندها تلفون عادي مالهم دعوه

وفي اشياء ثانيه المفروض اهل البيت يفتشونها




لا لا غيرووو
سلامتك
قدامك يفتشون اغراضها كاملة يطلعونها من الشنطه وما يخلون شيء

بيض الله وجيهم صرآحه
:)

[الحياة الخالدة]

اهلا اهلا بالحياه الخالده

ليش ماتفتشينها :omg:

بالعاده عندنا اول ماتوصل قبل لاتدخل غرفتها وقبل لاتروح المطار
هذا لازم يصير

وحزات اذا في شكوك او ريبه منها
يتم تفتيشها بعد غير المرتين :victory:


أهلاً أهلاً .. ذكرتني بنعمان مال افتح يا سمسم ( طبعاً انت ما لحقت عليه )

و الله ياخوي ما قط فتشناهم .. مادري ماعرف أفتش .. أحس إحراج :rolleyes2:
يعني المسألة يبيلها جرأة شوي

حياك الله أخوي غير البشـــــر

[غير البشر]

لا لا غيرووو
سلامتك
قدامك يفتشون اغراضها كاملة يطلعونها من الشنطه وما يخلون شيء

بيض الله وجيهم صرآحه
:)



انا اخذ الخدامه من المكتب شاسوي اروح لها المطار


شبوووووووووح شكلي بروح لها المطار لين باب الطياره بستقبلها ههههههههههههه


اشرايك :telephone:

[شبح الصمت]

مب شيء ما افتشها

وتسافر وطرش لي صورتي عندها
والا قحفيتي والا سروالي والا اي شيء
وتقولي ارباب سمايل فانت الآن موجود معنا في ارض الاشباح

لا لا لا

لالالالالالالالالالالالالالالالالالالالالالالالالا لالالالالالالالالالالالالالالا

اهنيه تعال فجج اش بستوي يا غيرو والا يالحياه عآدي اقرب طياره لها


:cry2:

[لاجل QT]

في الله يسلمج غرفة اول شيء يدخلونها قدامج وقدام الضابط تفتش وتشوفين الاغراض يطلعونها قطعة قطعة

وبعدين بعد ما يخلصون يدخلونها داخل غرفة خاصة طبعا تتجرد من اثيابها كاملة ويفتشونها من إلى ..

يعني لا تخافين بس طلبي من الضباط اهناك ما رآح يقصرون

:)

انا اقصد غير التفتيش العادي تفتيش دقيق جدا

واذا فية جزاهم الله خير

اهم شي الكل موقع الخدامة انها تستلم راتبها شهريا

لان لو الخدامة كذبت وقالت مادفعولى راتبي القانون في صفها حاسبو من هالنقطة

[الحياة الخالدة]

شبح .. هم يفتشونها و هي ياية و الا و هي رايحة ؟؟

[غير البشر]

أهلاً أهلاً .. ذكرتني بنعمان مال افتح يا سمسم ( طبعاً انت ما لحقت عليه )

و الله ياخوي ما قط فتشناهم .. مادري ماعرف أفتش .. أحس إحراج :rolleyes2:
يعني المسألة يبيلها جرأة شوي

حياك الله أخوي غير البشـــــر



شنو يعني افتح يا سمسم ؟؟؟؟؟؟
اول مره اسمع به
يعني واحد اسمه افتح ياسمسم في برنامج نعمان شسالفه :rolleyes2:

توني صغير ماعرف




لااااااااا مب لازم قدامها ماتعرفين شي اسمه تصريفه
شبح بعلمج لعباته التصريفات هههههههههههههههههههههه

وبس عقب فتشيها براحتج
بس مهب تاخذين اغراضها مسكينه بس فتشيها ههههههههههه

[شبح الصمت]

انا اخذ الخدامه من المكتب شاسوي اروح لها المطار


شبوووووووووح شكلي بروح لها المطار لين باب الطياره بستقبلها ههههههههههههه


اشرايك :telephone:




الحين فهمت اسكت المخ كان مقفل

تقصد يوم تجيبها من مكتب الخدم ..
بقولك طريقة شوف الله يسلمك خلها تنزل اغراضها وقول لها تعالي بوديج الجمعية حلو وودها وخل الاهل يبنبشون في اغراضها ويردونهم نفس الشيء

طبعا اهي ما راح تركز لانه جايه ويمكن تعفسوا !!!

لا عليك الحلول موجوده لا تحاتي والا تشيل هم

:nice:

[شبح الصمت]

شبح .. هم يفتشونها و هي ياية و الا و هي رايحة ؟؟




وهي رايحه

[غير البشر]

مب شيء ما افتشها

وتسافر وطرش لي صورتي عندها
والا قحفيتي والا سروالي والا اي شيء
وتقولي ارباب سمايل فانت الآن موجود معنا في ارض الاشباح

لا لا لا

لالالالالالالالالالالالالالالالالالالالالالالالالا لالالالالالالالالالالالالالالا

اهنيه تعال فجج اش بستوي يا غيرو والا يالحياه عآدي اقرب طياره لها


:cry2:




يااااااااخي مره صارت سالفه في السعوديه ان الخدامه حطت كاميرا وانتو بكرامه في الحمام

وعقب ماسافرت هددتهم وطرشت لهم نسخه من الفلم وقالت طرشو لي فلوس
والا بتحصلون الفيديو في النت بكل المواقع :rolleyes2:

[شبح الصمت]

انا اقصد غير التفتيش العادي تفتيش دقيق جدا

واذا فية جزاهم الله خير

اهم شي الكل موقع الخدامة انها تستلم راتبها شهريا

لان لو الخدامة كذبت وقالت مادفعولى راتبي القانون في صفها حاسبو من هالنقطة




اختي لاجل انا اتكلم اذا خلاص مسفرينها

ابشرج التفتيش دقيق لازم يعني في نقطة ما ذكرتها بس بقولها

يفصخونها كامل كامل والا قطعة على جسمها ويخلونها تسوي حركة القرفصاء تنزل وتطلع 3 مرات ..

وبس هالسالفه لا تحاتين في تفتيش دقيق

:secret:

[الحياة الخالدة]

مب شيء ما افتشها

وتسافر وطرش لي صورتي عندها
والا قحفيتي والا سروالي والا اي شيء
وتقولي ارباب سمايل فانت الآن موجود معنا في ارض الاشباح

لا لا لا

لالالالالالالالالالالالالالالالالالالالالالالالالا لالالالالالالالالالالالالالالا

اهنيه تعال فجج اش بستوي يا غيرو والا يالحياه عآدي اقرب طياره لها


:cry2:


بل وين بتلقاها عقب .. قد طارت الطيور بأرزاقها .. و حولتك إلى الأمير المسحور :nice:

[شبح الصمت]

يااااااااخي مره صارت سالفه في السعوديه ان الخدامه حطت كاميرا وانتو بكرامه في الحمام

وعقب ماسافرت هددتهم وطرشت لهم نسخه من الفلم وقالت طرشو لي فلوس
والا بتحصلون الفيديو في النت بكل المواقع :rolleyes2:




اووووووووووف
لا لا لا
:anger1:

[غير البشر]

الحين فهمت اسكت المخ كان مقفل

تقصد يوم تجيبها من مكتب الخدم ..
بقولك طريقة شوف الله يسلمك خلها تنزل اغراضها وقول لها تعالي بوديج الجمعية حلو وودها وخل الاهل يبنبشون في اغراضها ويردونهم نفس الشيء

طبعا اهي ما راح تركز لانه جايه ويمكن تعفسوا !!!

لا عليك الحلول موجوده لا تحاتي والا تشيل هم

:nice:




هههههههههههههههههههههههههههه او فرجها على البيت انها وجودها مهم وايد والباقي يفتشون

بس الصراحه عندنا اول ماتوصل يصير التفتيش كاااش قدامها

[لاجل QT]

يااااااااخي مره صارت سالفه في السعوديه ان الخدامه حطت كاميرا وانتو بكرامه في الحمام

وعقب ماسافرت هددتهم وطرشت لهم نسخه من الفلم وقالت طرشو لي فلوس
والا بتحصلون الفيديو في النت بكل المواقع :rolleyes2:

احلف:omg:

[شبح الصمت]

بل وين بتلقاها عقب .. قد طارت الطيور بأرزاقها .. و حولتك إلى الأمير المسحور :nice:





سكتي يالحياه مب شيء

ويكون عندها الدميه ومتملله وانا جالس تضرب اللعبه كف اشوي الا احس وجهي صاير حمر

حسبي الله ونعم الوكيل فيهم

:anger1:

[شبح الصمت]

هههههههههههههههههههههههههههه او فرجها على البيت انها وجودها مهم وايد والباقي يفتشون

بس الصراحه عندنا اول ماتوصل يصير التفتيش كاااش قدامها




بس شغلكم مضبوط
ياخي لا تحسسونها انكم خايفين منها حسسوها انها تخاف منكم عن الغلط مب خوف على شيء ثاني ..

من حقكم ومن حقكم ومن حقكم

اهي غريبه عن البيت

[غير البشر]

احلف:omg:



والله العظيم :omg:
وطلع الخبر بالجرايد وصورت معزبتها
واعتقد كانت طالبه 10 الاف ريال سعودي
حتى لو عطوها العشر الاف شنو يذمن انها تكسر الفلم
يمكن تكررها

[الحياة الخالدة]

شنو يعني افتح يا سمسم ؟؟؟؟؟؟
اول مره اسمع به
يعني واحد اسمه افتح ياسمسم في برنامج نعمان شسالفه :rolleyes2:

توني صغير ماعرف




لااااااااا مب لازم قدامها ماتعرفين شي اسمه تصريفه
شبح بعلمج لعباته التصريفات هههههههههههههههههههههه

وبس عقب فتشيها براحتج
بس مهب تاخذين اغراضها مسكينه بس فتشيها ههههههههههه


أنا بعد توقعت إنك ما تعرف البرنامج :nice:

إي و الله زين علمتوني .. خلاص بتبع هالسياســـــة في المستقبل :)

[غير البشر]

بس شغلكم مضبوط
ياخي لا تحسسونها انكم خايفين منها حسسوها انها تخاف منكم عن الغلط مب خوف على شيء ثاني ..

من حقكم ومن حقكم ومن حقكم

اهي غريبه عن البيت



بالعكس من زمان احنا جذي والامور في الروب
بس التفتيش الي بالنص بعد فتره لما توصل
ماتكون موجوده نصرفها

[غير البشر]

أنا بعد توقعت إنك ما تعرف البرنامج :nice:

إي و الله زين علمتوني .. خلاص بتبع هالسياســـــة في المستقبل :)



:nice:

[غير البشر]

لجل ضربها وسواس ههههههههههههههههههههههه
كل اشوي بتقعد تتلفت :tease:

[لاجل QT]

والله العظيم :omg:
وطلع الخبر بالجرايد وصورت معزبتها
واعتقد كانت طالبه 10 الاف ريال سعودي
حتى لو عطوها العشر الاف شنو يذمن انها تكسر الفلم
يمكن تكررها

طبعا مافي شي يذمن ان ماتكرر السالفة

الله يقطع ابليسها ..بلغو عليها المخابرات تنسجن وتكون عقوبة صارمة عليها محد بيستجرأ ويكررها تكون عبرة لغيرها


وي وي وي وي وي وي

ياعلها ماتربح امين

[شبح الصمت]

بالعكس من زمان احنا جذي والامور في الروب
بس التفتيش الي بالنص بعد فتره لما توصل
ماتكون موجوده نصرفها




ياخي في خدامات استغفر الله من تشوفها يكش شعر يمك
ياخي الصوره غير والحقيقة غير

حتى الخدمات ما سلمنا منهم بعد فوتشوب حق الصوره

هههههههههههههههههههههههههاي

يأخي مره شفت خدامه عليها ظهر مب صاحي الجناح طالع على جمب قلت شكلها تشل حديد من وراء معزبها بالخش

:secret:

[غير البشر]

طبعا مافي شي يذمن ان ماتكرر السالفة

الله يقطع ابليسها ..بلغو عليها المخابرات تنسجن وتكون عقوبة صارمة عليها محد بيستجرأ ويكررها تكون عبرة لغيرها


وي وي وي وي وي وي

ياعلها ماتربح امين




شريره انتي :anger1: مسكتيها علي هههههههههههههههههههه

[لاجل QT]

لجل ضربها وسواس ههههههههههههههههههههههه
كل اشوي بتقعد تتلفت :tease:

اشلون ماوسوس

دي فضيحة بجلاجل على قولت المصرين:weeping:

[شبح الصمت]

غيرو

ههههههههههههههاي ياخي الحين شككت الحريم

كل وحده الحين وجها في الحمام تكرم

عقب اشوي بتحصل والا وحده

:eek5:

[لاجل QT]

شريره انتي :anger1: مسكتيها علي هههههههههههههههههههه

عيل نعمان ماتعرفة ها:nice:

مالحقت علية ها :omen2::tease:

علينا هالحجي:tease:

[الحياة الخالدة]

حسبي الله عليهم اللي يسوون هالفعايل .. يعني بدال ما احنا نحط كاميرات لمراقبتهم .. هم اللي يحطون :(

[غير البشر]

ياخي في خدامات استغفر الله من تشوفها يكش شعر يمك
ياخي الصوره غير والحقيقة غير

حتى الخدمات ما سلمنا منهم بعد فوتشوب حق الصوره

هههههههههههههههههههههههههاي

يأخي مره شفت خدامه عليها ظهر مب صاحي الجناح طالع على جمب قلت شكلها تشل حديد من وراء معزبها بالخش

:secret:



ههههههههههههههههههههههههههههههههههه
واحد يقول جاتنا خدامه اثيوبيه جديده
وامه قاعده معاها بالحوش اول ماوصلت
وصلت الدريول وعنده خيشه عيش
وقالت امه روح جيب حد يساعدك

الخدامه قامت وحطت خيشه العيش على ظهرها ودبرت

عادي ولا كأنها شايله شي هههههههههههههههههههههاي

[شبح الصمت]

ههههههههههههههههههههههههههههههههههه
واحد يقول جاتنا خدامه اثيوبيه جديده
وامه قاعده معاها بالحوش اول ماوصلت
وصلت الدريول وعنده خيشه عيش
وقالت امه روح جيب حد يساعدك

الخدامه قامت وحطت خيشه العيش على ظهرها ودبرت

عادي ولا كأنها شايله شي هههههههههههههههههههههاي





مسكين الدريول حس نفسه نثيه عندها
هههههههههههههههههههههاي

[لاجل QT]

غيرو

ههههههههههههههاي ياخي الحين شككت الحريم

كل وحده الحين وجها في الحمام تكرم

عقب اشوي بتحصل والا وحده

:eek5:

احسن شي بطلو هوز الحمام ورشو في كل مكان ماي ..وتسبحو بماي حااار يصلخ على شان يضببب المكان

والله يستر على الجميع انشالله:nice:

[شبح الصمت]

احسن شي بطلو هوز الحمام ورشو في كل مكان ماي ..وتسبحو بماي حااار يصلخ على شان يضببب المكان

والله يستر على الجميع انشالله:nice:




ههههههههههههههههههههههههههههههاي

فكره بعد ترى

واللهم آمين

:nice:

[لاجل QT]

حسبي الله عليهم اللي يسوون هالفعايل .. يعني بدال ما احنا نحط كاميرات لمراقبتهم .. هم اللي يحطون :(



شفتى اشلون:(

شهسالفة عااد اللى ماحلاها ربي:(

[غير البشر]

:


اشلون ماوسوس

دي فضيحة بجلاجل على قولت المصرين:weeping:


ههههههههههههههههههههه
الله يحفظج جميع المسلمات يارب ويجعل كيدهم في نحورهم





عيل نعمان ماتعرفة ها:nice:

مالحقت علية ها :omen2::tease:

علينا هالحجي:tease:




:shy:

[غير البشر]

غيرو

ههههههههههههههاي ياخي الحين شككت الحريم

كل وحده الحين وجها في الحمام تكرم

عقب اشوي بتحصل والا وحده

:eek5:



هههههههههههههههههههههههههههههههههههاي
شبح اتوقعهم كل وحده تدخل في يدها مطرقه
تدق المروحه تتأكد فيها شي او لا
تكسر خلاط الماي هههههههههههه مساكين :(

تدري احسن حل لهم شنو
يدخلون فليل بس ويسكرون الليت هههههههههههههههههههههههههههه

[غير البشر]

احسن شي بطلو هوز الحمام ورشو في كل مكان ماي ..وتسبحو بماي حااار يصلخ على شان يضببب المكان

والله يستر على الجميع انشالله:nice:



ههههههههههههههههههههههههه اشبح الحق عليهم شفت الوسواس شنو يسوي :weeping:

[لاجل QT]

ههههههههههههههههههههههههه اشبح الحق عليهم شفت الوسواس شنو يسوي :weeping:


لكل شي مضاد

اكيد في شي مضاد للكيمرات ..علمونا اذا تعرفون:weeping:

[سارآ]

حسبي الله عليهم أكرهم ..
حنا هالسنة أكثر سنة جبنا خدم وكل وحده ألعن من الثانية ..
أول شي حنا مثلكم ماكنا انفتش ،، جد على نياتنا ،،
بس من بعد فتره صدنا خدامه مدخله واحد معاها فالغرفه فالليل وجان تنصاد على يد أخواني
والله كانوا بيثورون عليهم بس زين أمسكوا نفسهم وجاءت الشرطة وأخذتهم بس أمي فتشتها وراحت باليونيفور ما خذت معها ولا شي المهم رحنا غرفتها فتشنا أغراضها ماخذه ملابس مرت أخوي وولد أخوي وحطتهم بالشنطه وفالبوك فلوس مصريه وسعوديه هاي فلوس أخوي ..
ومن بعدها جبنا خدامه مسترجعه وقعدت عندنا شهرين اهي جاءت معها شنطه مافيها الا قطعتين ولم نوينا انرجعها المكتب الا أنشوف شنطتها بتنفجر من كثر ماهي متروسه ومعها كيستين فيهم كل صابون للي فالبيت والشنطه حصلت فيها ملابسي وملابس مرت أخوي وميمري بلاك بيري والله يومها كنت بدوس بطنها لانها تحلف أن هاي الاغراض أغراضها ..
والله صايره أكرهم من قلب وماخليهم يدخلون غرفتي ..
لاتترددين أخذي راحتج بالتفتيش ..
والله يستر علينا وعليج من الخدم وأقروا هالدعاء ،،اللهم اكفنا شرهم بما شئت اللهم اكفنا شرهم بما شئت اللهم انا نستودعك انفسنا وذرياتنا ... وبين مايريد وما ينوي له من التخطيط اللهم آمين

[البحار00]

هههههههه اذكر خدامه عند ناس فتشوها

لقو عندها صور شخصيه مهمه في البلاد قاصتها من الجريده

[سارآ]

اهلا اهلا بالحياه الخالده

ليش ماتفتشينها :omg:

بالعاده عندنا اول ماتوصل قبل لاتدخل غرفتها وقبل لاتروح المطار
هذا لازم يصير

وحزات اذا في شكوك او ريبه منها
يتم تفتيشها بعد غير المرتين :victory:



صح كلامك وهاي اللي راح يصير من يوم ورايح ،، جد ماينعطون وجه >< :victory:

[Dana’1]

شسالفة كأن تدرون إن شغالة الأهل بتسافر اليوم الفجر:(
الله يستر علينا وعليها إن شاءلله

[الحياة الخالدة]

حسبي الله عليهم أكرهم ..
حنا هالسنة أكثر سنة جبنا خدم وكل وحده ألعن من الثانية ..
أول شي حنا مثلكم ماكنا انفتش ،، جد على نياتنا ،،
بس من بعد فتره صدنا خدامه مدخله واحد معاها فالغرفه فالليل وجان تنصاد على يد أخواني
والله كانوا بيثورون عليهم بس زين أمسكوا نفسهم وجاءت الشرطة وأخذتهم بس أمي فتشتها وراحت باليونيفور ما خذت معها ولا شي المهم رحنا غرفتها فتشنا أغراضها ماخذه ملابس مرت أخوي وولد أخوي وحطتهم بالشنطه وفالبوك فلوس مصريه وسعوديه هاي فلوس أخوي ..
ومن بعدها جبنا خدامه مسترجعه وقعدت عندنا شهرين اهي جاءت معها شنطه مافيها الا قطعتين ولم نوينا انرجعها المكتب الا أنشوف شنطتها بتنفجر من كثر ماهي متروسه ومعها كيستين فيهم كل صابون للي فالبيت والشنطه حصلت فيها ملابسي وملابس مرت أخوي وميمري بلاك بيري والله يومها كنت بدوس بطنها لانها تحلف أن هاي الاغراض أغراضها ..
والله صايره أكرهم من قلب وماخليهم يدخلون غرفتي ..
لاتترددين أخذي راحتج بالتفتيش ..
والله يستر علينا وعليج من الخدم وأقروا هالدعاء ،،اللهم اكفنا شرهم بما شئت اللهم اكفنا شرهم بما شئت اللهم انا نستودعك انفسنا وذرياتنا ... وبين مايريد وما ينوي له من التخطيط اللهم آمين


بل هاذي ما خلت شي ما خذته .. ناقص تاخذكم انتو بس
إي و الله .. الله يستر علينا و عليكم منهم .. و يحفظ بيوتنا من شر من أراد بها شراً

يزاج الله خير أختي سارا و حياج الله

[الحياة الخالدة]

هههههههه اذكر خدامه عند ناس فتشوها

لقو عندها صور شخصيه مهمه في البلاد قاصتها من الجريده


هاذي عاد تلعب على كبير :)
الله يكفينا وياكم الشر

حياك الله أخـــــوي

[الحياة الخالدة]

شسالفة كأن تدرون إن شغالة الأهل بتسافر اليوم الفجر:(
الله يستر علينا وعليها إن شاءلله


اللهـــــم آمين
عاد الله الله بالتفتيش العدل

الله يحفظكم أختي ديــــور

[دااانة قطر]

عن نفسي فتشت اغلب الشغاالات
واحصل عندهم
اكسسوارات عطور صور
اذا شي ماخذته بدون علمي اخذه منها
ووحده منهم ترجتني اعطيها صور عياالي بصرااحه كسرت خااطري بس قلت لها لا
ولقيت عندها صور عيال البيت اللي اشتغلت عندهم قبل ماتجيني بس بالكويت

واللي يقولون حصلوا ذهب وفلوس شلون تهملون الذهب والفلوس ؟؟
اخليها تنظف البيت كله الا غرفتي وغرفة عياالي اكون معاها ماترتبهم الا قبل مااطلع للشغل او بعد ما ارجع

يسلمو

[آنا غيــر]

انا ما عندي خدامه بس لو صار عندي اكيد اني بفتشها وليش مافتشها

اصلا داااايما اشيّش امي واخليها تفتش الخدامه لو بتسافر لانها بارده وتثق حتى فالحرامي

[شبح الصمت]

انا ما عندي خدامه بس لو صار عندي اكيد اني بفتشها وليش مافتشها

اصلا داااايما اشيّش امي واخليها تفتش الخدامه لو بتسافر لانها بارده وتثق حتى فالحرامي




هههههههههههههههههههههههههههههههههههههههههاي
اشلون بعد تثق فالحرامي


:omen2:

[نوار قطر]

هههههههههههههههههههههههههههههههههههههههههاي
اشلون بعد تثق فالحرامي


:omen2:

قصدها انها تثق بالكل :nice: طوف ياخوي طوف لا اتدقق:secret:

[نوار قطر]

انا ما عندي خدامه بس لو صار عندي اكيد اني بفتشها وليش مافتشها

اصلا داااايما اشيّش امي واخليها تفتش الخدامه لو بتسافر لانها بارده وتثق حتى فالحرامي
خدامة بيت هلج هي خدامتج ولج حكم عليها عادي انا عندي خدامه غير خدامات بيت ابوي وكلهم انا الي امشيهم ماانطر امي تقولي سوي ولا افعلي عمري مافرقت بين خدامتي وخدامة بيت هلي :nice:

[شبح الصمت]

قصدها انها تثق بالكل :nice: طوف ياخوي طوف لا اتدقق:secret:

:secret:
:eek5:
:shy:

[نوار قطر]

:secret:
:eek5:
:shy:

:victory:

[آنا غيــر]

شفيكم قاعدين اتحشون فيني -_-

[نوار قطر]

شفيكم قاعدين اتحشون فيني -_-

محد حش :omg:

[شبح الصمت]

شفيكم قاعدين اتحشون فيني -_-


:secret:
:eek5:

[نوار قطر]

:secret:
:eek5:

سوو روحك ماشفت الي مكتوب :secret: الله يهداك الحين قاعده ارقع لك :rolleyes2:

[آنا غيــر]

اكاه قاعده اتحشين فيني


: (

[شبح الصمت]

اكاه قاعده اتحشين فيني


: (



اشدعوة حشيش تحش فيج !!
:secret:

[نوار قطر]

اكاه قاعده اتحشين فيني


: (

ماحشيت فيج انا بس احاول اوصل كلامج ووجهة نظرج حق اخوي الاكبر والامثل شبح :tease:

[نوار قطر]

اشدعوة حشيش تحش فيج !!
:secret:

ترى يبين غير اللون خله ابيض :secret:

[Dana’1]

اللهـــــم آمين
عاد الله الله بالتفتيش العدل

الله يحفظكم أختي ديــــور

هههههه ..راحت اليوم الفجر ولا شفتها حتى سلمنا عليها من أمس

أساسا راحت لها شحنة شكبرها ما ندري شفيها! الله يستر
وأمس أٍقولها تبغين شي ما شيات مشينا ناخذلك بعض الأشياء ...قالت شكرا ماما بس أنا خلاص أربع شنطة كلو زحمة مافي مكان..أسأ ل الأهل >>بالذات أخت زوجي فتشتوها ؟ قالت لا الله يستر علينا

[شبح الصمت]

تصدقين اختي الحياه

خدامتنا على وجه سفر بس مسكينه على وجهها
تشوفيني تشرد اشوفها انخش
:shy:
خشيشه في البيت
ههههههههههههههههههههههههههههههاي

المهم ما ظنتي افتشها لانها والحمد لله من جبناها وهي طيبه وخجوله وربي يحفظها من كل شر

وإن شاء الله تسافر وترد لنا بالسلامة

[الحياة الخالدة]

تصدقين اختي الحياه

خدامتنا على وجه سفر بس مسكينه على وجهها
تشوفيني تشرد اشوفها انخش
:shy:
خشيشه في البيت
ههههههههههههههههههههههههههههههاي

المهم ما ظنتي افتشها لانها والحمد لله من جبناها وهي طيبه وخجوله وربي يحفظها من كل شر

وإن شاء الله تسافر وترد لنا بالسلامة


و الله يا شبح في البعض منهم حليوات و يستاهلون كل خير .. مثل هاذيلا عضوا عليهم بالنواجـــــذ .. و ادعو لهم بالثبات لا يخربونهـــــم :omen2:

[شبح الصمت]

و الله يا شبح في البعض منهم حليوات و يستاهلون كل خير .. مثل هاذيلا عضوا عليهم بالنواجـــــذ .. و ادعو لهم بالثبات لا يخربونهـــــم :omen2:



الحمد لله

وصادقه مب نعض الا نتشبص فيها ..
الحمد لله ما شفنا منها الا كل خير وان شاء الله انها ما شافت منا الا كل خير ..

والله يثبتها على طاعته
ويثبتها على ما هي عليه
يجون خدامات يحاولون يخربونها وتجي تقول للاهل ترى قالت هذه وقالت بس شنسوي نروح نقول للمعزبه خدامتك قالت بتقول ويه ويه تطردوني !!

تفكير عوي عند بعض الحريم مع احترامي
تقول لا خدامتكم تقول وتصير سالفه ..

فاحسن شيء نصددها عن هالخدامات المخربات للبيوت .

دعواتج يا طنط حياه

تصدقين حلوه كلمة طنط عليج
ههههههههههههههههههههههههههاي

[الحياة الخالدة]

الحمد لله

وصادقه مب نعض الا نتشبص فيها ..
الحمد لله ما شفنا منها الا كل خير وان شاء الله انها ما شافت منا الا كل خير ..

والله يثبتها على طاعته
ويثبتها على ما هي عليه
يجون خدامات يحاولون يخربونها وتجي تقول للاهل ترى قالت هذه وقالت بس شنسوي نروح نقول للمعزبه خدامتك قالت بتقول ويه ويه تطردوني !!

تفكير عوي عند بعض الحريم مع احترامي
تقول لا خدامتكم تقول وتصير سالفه ..

فاحسن شيء نصددها عن هالخدامات المخربات للبيوت .

دعواتج يا طنط حياه

تصدقين حلوه كلمة طنط عليج
ههههههههههههههههههههههههههاي



ربنا يرجعها لكو بالسلامــــة يا أبيييه شبح
عاد طنط مادري شنو معناها بالضبط : أختي الكبيرة .. أمي .. خالتي :nice:

[شبح الصمت]

ربنا يرجعها لكو بالسلامــــة يا أبيييه شبح
عاد طنط مادري شنو معناها بالضبط : أختي الكبيرة .. أمي .. خالتي :nice:




اللهم آمين

انتي شتحسين نفسج طنط والا خالتوا والا ديده :secret:

مدري بس اخبر كنت يوم اني صغيرون كانت في مصريه الله يذكرها بالخير وين ما كانت كانت تجي بيتنا وتقولي اسمع يا شبح كنت ذيك الايام توني فرفور والقفيه في وسط الرآس اقولها نعم خالتي تقولي ئولي يا طنط

تيقي معاي مصر اعلمك هناك ودرسك وكنت ما افهم وابتسم الابتسام وغمزاتي تطلع ..:shy:

حاولت في امي توديني خالتي طنطه معاها بس امي قالت وهل يعقل اني افرط ضناي
من يومها امي وهي تقول ليتني وديتك صوبها ورجعت لنا بش مهندس
هههههههههههههههههههههههههههههههههههههههاي

خيبت ظن الماما كانت تبي اطلع بش مهندس والا دكتور
يلا يمه اسمحي لي فديتج خيرها في غيرها عيالي ان قال الله ووفقهم يطلعون الي تبينهم

فديتج يمه
:shy:

[الحياة الخالدة]

اللهم آمين

انتي شتحسين نفسج طنط والا خالتوا والا ديده :secret:

مدري بس اخبر كنت يوم اني صغيرون كانت في مصريه الله يذكرها بالخير وين ما كانت كانت تجي بيتنا وتقولي اسمع يا شبح كنت ذيك الايام توني فرفور والقفيه في وسط الرآس اقولها نعم خالتي تقولي ئولي يا طنط

تيقي معاي مصر اعلمك هناك ودرسك وكنت ما افهم وابتسم الابتسام وغمزاتي تطلع ..:shy:

حاولت في امي توديني خالتي طنطه معاها بس امي قالت وهل يعقل اني افرط ضناي
من يومها امي وهي تقول ليتني وديتك صوبها ورجعت لنا بش مهندس
هههههههههههههههههههههههههههههههههههههههاي

خيبت ظن الماما كانت تبي اطلع بش مهندس والا دكتور
يلا يمه اسمحي لي فديتج خيرها في غيرها عيالي ان قال الله ووفقهم يطلعون الي تبينهم

فديتج يمه
:shy:


الله يخلي لك الوالدة و يبلغك و يبلغها في عيالك باشمهندسين و دكاترة و ضباط أد الدنيـــــا :omen2:

[شبح الصمت]

الله يخلي لك الوالدة و يبلغك و يبلغها في عيالك باشمهندسين و دكاترة و ضباط أد الدنيـــــا :omen2:




الله يجزاج خير يالحياه

وآرحم الله والديج
وتراج مهب على بعضج فيج شيء !
:(

[نور الحور]

الله يجزاج خير يالحياه

وآرحم الله والديج
وتراج مهب على بعضج فيج شيء !
:(


:waiting::waiting::waiting:

يا شين التقليد .. :anger1:

[غايه الطواش]

لا والله بفتشهم وبفتشهم
صح نعاملهم زين بس الواحد مايضمن
ماعمرنا لقينا عندهم شي غير الي نعطيهم اياه
بس اخبر من زمان بيتنا القديم ستورنا العود برا البيت
وعندنا طبابيخ فالبيت
المهم واحد من الطبابيخ سافر ياثث بيته الجديد
ويوم رجع يروي امي الصور
الا زل البيت الي فالستور فارش فيها بيته وبعض اللوحات معلقها ، ووماخذ الدفايه وحاطها ديكور في بيته
طلع الاخ ماثث بيته من ستورنا ههههههههه
ويوم هاوشته امي
زعل وراح اشتغل فالديوان مادري عند واحد منصبه كبير فالديوان عقب فتح له معصره ...

[شبح الصمت]

:waiting::waiting::waiting:

يا شين التقليد .. :anger1:




هههههههههاي
عاد سوي نفسج ما شفتي ردي

:tease:

[شبح الصمت]

لا والله بفتشهم وبفتشهم
صح نعاملهم زين بس الواحد مايضمن
ماعمرنا لقينا عندهم شي غير الي نعطيهم اياه
بس اخبر من زمان بيتنا القديم ستورنا العود برا البيت
وعندنا طبابيخ فالبيت
المهم واحد من الطبابيخ سافر ياثث بيته الجديد
ويوم رجع يروي امي الصور
الا زل البيت الي فالستور فارش فيها بيته وبعض اللوحات معلقها ، ووماخذ الدفايه وحاطها ديكور في بيته
طلع الاخ ماثث بيته من ستورنا ههههههههه
ويوم هاوشته امي
زعل وراح اشتغل فالديوان مادري عند واحد منصبه كبير فالديوان عقب فتح له معصره ...



خيتو غآية شكله طباخكم طلع power :D

ههههههههههههههاي ما يعوق على طول من عندكم للديوان مره وحده شكله عليه طباخ مهب صآآحي يفر المخ :eek5:
واشلون قدر يطلع الزوالي واللوح صراحه طلع مهب سهل ( والله يعوضكم خير )
:secret:

[الحياة الخالدة]

الله يجزاج خير يالحياه

وآرحم الله والديج
وتراج مهب على بعضج فيج شيء !
:(





:waiting::waiting::waiting:

يا شين التقليد .. :anger1:



هههههههههاي
عاد سوي نفسج ما شفتي ردي

:tease:


هههههههه .. صبحكم اللــــــه بالخير شبح و نور الحور
و الله إني أول ما قريت ردك يا شبح قلت في قلبي يبي لي نور الحـــــــور :)
الحمد لله ما فيني إلا الخير .. الله يجزاك خير يا شبح

[شبح الصمت]

هههههههه .. صبحكم اللــــــه بالخير شبح و نور الحور
و الله إني أول ما قريت ردك يا شبح قلت في قلبي يبي لي نور الحـــــــور :)
الحمد لله ما فيني إلا الخير .. الله يجزاك خير يا شبح



الحمد لله
:nice:

[الحياة الخالدة]

لا والله بفتشهم وبفتشهم
صح نعاملهم زين بس الواحد مايضمن
ماعمرنا لقينا عندهم شي غير الي نعطيهم اياه
بس اخبر من زمان بيتنا القديم ستورنا العود برا البيت
وعندنا طبابيخ فالبيت
المهم واحد من الطبابيخ سافر ياثث بيته الجديد
ويوم رجع يروي امي الصور
الا زل البيت الي فالستور فارش فيها بيته وبعض اللوحات معلقها ، ووماخذ الدفايه وحاطها ديكور في بيته
طلع الاخ ماثث بيته من ستورنا ههههههههه
ويوم هاوشته امي
زعل وراح اشتغل فالديوان مادري عند واحد منصبه كبير فالديوان عقب فتح له معصره ...


ما شاء الله عليه .. و بكل جرأة بعد يرويكم الصور
معاج حق .. الاحتياط واجب .. الدنيا مالها أمــــــــــان

حياج الله أختي غاية

[غايه الطواش]

خيتو غآية شكله طباخكم طلع power :D

ههههههههههههههاي ما يعوق على طول من عندكم للديوان مره وحده شكله عليه طباخ مهب صآآحي يفر المخ :eek5:
واشلون قدر يطلع الزوالي واللوح صراحه طلع مهب سهل ( والله يعوضكم خير )
:secret:

والله من ناحيه طباخه لي يومك خواني وخوالي يتشهون طباخه ويتطرونه مع عمرور ثلاثين سنه من اشتغل عندنا بس بصراحه ماذكر طباخه كنت صغيره
وشلون طلع الزل الله واعلم :shy:

[شبح الصمت]

والله من ناحيه طباخه لي يومك خواني وخوالي يتشهون طباخه ويتطرونه مع عمرور ثلاثين سنه من اشتغل عندنا بس بصراحه ماذكر طباخه كنت صغيره
وشلون طلع الزل الله واعلم :shy:




هههههههههههاي
سوى فيكم الخانجيه يعني = الخايسه

يلا طبابيخ قبل عليهم طباخ مهب صاحي وبالذات هالهنود الي من كيرالا ووافين بس يمكن شافهم قال مالهم عازها فيهم خلني اشلهم ..

:eek5:

[غايه الطواش]

هههههههههههاي
سوى فيكم الخانجيه يعني = الخايسه

يلا طبابيخ قبل عليهم طباخ مهب صاحي وبالذات هالهنود الي من كيرالا ووافين بس يمكن شافهم قال مالهم عازها فيهم خلني اشلهم ..

:eek5:

اي والله هو من كيرلا :rolleyes2:

[شبح الصمت]

اي والله هو من كيرلا :rolleyes2:



معوضين خير

طبابيخ اول اصلا مافي الا من كيرالا / كاليكوت
تدرين اني اعرفهم واميزهم هنود كيرالا خلاص حافظهم صم
بس باقي اتعلم لغتهم الي 100 كلمة في دقيقة وعشره يتكلمون وكلهم يفهمون بعض
:cry2:

:shy:

[غايه الطواش]

معوضين خير

طبابيخ اول اصلا مافي الا من كيرالا / كاليكوت
تدرين اني اعرفهم واميزهم هنود كيرالا خلاص حافظهم صم
بس باقي اتعلم لغتهم الي 100 كلمة في دقيقة وعشره يتكلمون وكلهم يفهمون بعض
:cry2:

:shy:

ههههههههههههه

[شبح الصمت]

ههههههههههههه




اضحك الله سنك

جلسي من بين الرجاجيل وشوفيهم وصدقيني بتشوفين خليهم يفتحون نقاش وشوفي اشلون سرعة الالتقاط الكلمة والرد والسرعه في الرد يعني مهب بسرعة البرق الا لا اله الا الله الصاروخ ماشاء الله


توم بهوت اتشادمي

[نور الحور]

هههههههه .. صبحكم اللــــــه بالخير شبح و نور الحور
و الله إني أول ما قريت ردك يا شبح قلت في قلبي يبي لي نور الحـــــــور :)
الحمد لله ما فيني إلا الخير .. الله يجزاك خير يا شبح


الله يصبحج بالنور والسرور يالحياة .. شفتي ..شبح يبي يقلد بس صار تقليده صيني ما ضبط !:secret:
هههههه أهم شيء ما فيج إلا العافية :victory:

[شبح الصمت]

الله يصبحج بالنور والسرور يالحياة .. شفتي ..شبح يبي يقلد بس صار تقليده صيني ما ضبط !:secret:
هههههه أهم شيء ما فيج إلا العافية :victory:




اشدعوه سوق التنين
هههههههههههههههههههاي

[Aaziz]

ارجو من الجميع مشاهده هذا الفيديو
http://www.safeshare.tv/w/EMdMPMzWkc

[الحياة الخالدة]

ارجو من الجميع مشاهده هذا الفيديو
http://www.safeshare.tv/w/emdmpmzwkc


حسبي اللـــــه عليها .. شغل محترفيـــــن

جزاك الله خير أخوي عبدالعزيز

[قطريه أصيله]

والله امي تفتشها من فوق لين تحت .. :tease:
وانطلع بلاوي عطور اكسسورات جوالات خواتم ذهب وملابس :telephone:
إحنا قبل حملة التفتيش مانعطيها خبر :secret:
انخليها مجهزه كل اغراضها وناخذ شناطها :discuss:
وانقول لها تعالي افتحي الشنط وطبعاً من ملامح ويهها ايبين اذا خافت او توترت
وهي بنفسها تفتح الشناط :nice:
اللي لنا ناخذه واللي مو لنا نخليه :omen2:
وهذا الشيء نسويه مع كل خدمنا :victory:

طبعاً هذا الاجراء قمنا نسويه من بعد ما انباق من عند امي طقمين ذهب وساعه ذهب :anger1: :anger1: :anger1:

[الحياة الخالدة]

والله امي تفتشها من فوق لين تحت .. :tease:
وانطلع بلاوي عطور اكسسورات جوالات خواتم ذهب وملابس :telephone:
إحنا قبل حملة التفتيش مانعطيها خبر :secret:
انخليها مجهزه كل اغراضها وناخذ شناطها :discuss:
وانقول لها تعالي افتحي الشنط وطبعاً من ملامح ويهها ايبين اذا خافت او توترت
وهي بنفسها تفتح الشناط :nice:
اللي لنا ناخذه واللي مو لنا نخليه :omen2:
وهذا الشيء نسويه مع كل خدمنا :victory:

طبعاً هذا الاجراء قمنا نسويه من بعد ما انباق من عند امي طقمين ذهب وساعه ذهب :anger1: :anger1: :anger1:


زين تسوون فيهم .. حشا ما يخلون في خاطرهــــــم شي

حياج اللـــــه أختي قطرية

[ضوى]

ماحب افتش ولا اسويها

من كم يوم جاتني فلبينية يوم واحد كنت ابيها تنظف لي ، وهي كانت لناس دبلوماسين ينتظرون يخلصون اجراءتها عشان تسافر لهم ، المهم نظفت وخلصت وثاني يوم قلت لها جهزي اغراضج بتروحين المكتب ، جابت لي شنطتها تسالني تبين تفتشين قلت لها لا توكلي على الله ، شوي وبتبوس راسي يو ار سو جود مدام وعيونها مليانة دموع ليش مدري ، عن نفسي ماتبع هالاجراء اطلاقا، بس من ناحية ثانية انا وايد حريصة على اغراضي خاصة بعد دخول الخدم ، اقفل على ذهبي وفلوسي بالتجوري وغرفتي اصلا محد يدخلها منهم وباقي الاشياء عادي وش بتاخذ يعني عليهم بالعافية ان كان اكل والا لبس والا كماليات بسيطة ، بس بعد مب عن طريق استهبالي واستغفالي

[khaldoon]

حسب الخادمة ..... لو كانت سيئة فعلا افتشها قدامها و اخليها تفضي كل الاغراض و الاقي مرات انها ماخذه من اغراض البيت من غير اذن و استرجعهم حتى لو ارميهم بس ما تاخذهم .... اما لو محترمه و امينة فما في داعي للتفتيش

[الزلزال]

بتحصلون بلاوي

[aljooker]

سبحان الله وبحمده * سبحان الله العظيم

[الحياة الخالدة]

ماحب افتش ولا اسويها

من كم يوم جاتني فلبينية يوم واحد كنت ابيها تنظف لي ، وهي كانت لناس دبلوماسين ينتظرون يخلصون اجراءتها عشان تسافر لهم ، المهم نظفت وخلصت وثاني يوم قلت لها جهزي اغراضج بتروحين المكتب ، جابت لي شنطتها تسالني تبين تفتشين قلت لها لا توكلي على الله ، شوي وبتبوس راسي يو ار سو جود مدام وعيونها مليانة دموع ليش مدري ، عن نفسي ماتبع هالاجراء اطلاقا، بس من ناحية ثانية انا وايد حريصة على اغراضي خاصة بعد دخول الخدم ، اقفل على ذهبي وفلوسي بالتجوري وغرفتي اصلا محد يدخلها منهم وباقي الاشياء عادي وش بتاخذ يعني عليهم بالعافية ان كان اكل والا لبس والا كماليات بسيطة ، بس بعد مب عن طريق استهبالي واستغفالي


و هذا هو أهم شي .. إن الواحد ينتبه للأشياء الثمينـــــة و ما يخليها سايبة عرضة للسرقة

تسلمين أختي ضـــــوى

[الحياة الخالدة]

حسب الخادمة ..... لو كانت سيئة فعلا افتشها قدامها و اخليها تفضي كل الاغراض و الاقي مرات انها ماخذه من اغراض البيت من غير اذن و استرجعهم حتى لو ارميهم بس ما تاخذهم .... اما لو محترمه و امينة فما في داعي للتفتيش


كلامك صحيح أخوي خلدون .. بس أحياناً يكون من الصعب التمييز .. و خصوصاً إذا كانت من النوع الغامض أو الساكت

حياك الله أخوي خلدون

[الحياة الخالدة]

بتحصلون بلاوي


الله يستر من البلاوي :)

حياك الله أخوي

[الحياة الخالدة]

سبحان الله وبحمده * سبحان الله العظيم


سبحان الله و بحمده عدد خلقه و رضا نفسه و زنة عرشه و مداد كلماته

جزاك الله خير أخوي الجوكر