ما هو ضغط هواء الإطارات المناسب؟

[Abo Ahmed]

شباب، في هالجو، ما هو ضغط هواء الإطارات المناسب؟ السيارة كروزر..

شاكر لكم..

[jassim_007]

الشيخ افتح باب السياره و بتشوف الضغط المناسب للاطار حسب السرعه الي بتمشي عليها :)

[باراكودا]

بتحصلة مكتوب على باب خزان البترول من الداخل حسب توصية كمبيوتر المصنع .

[بـومحمد]

35
وروح والقلب داعيلك

[Abo Ahmed]

مشكورين وما قصرتوا..

[قرنقووش]

حسب نوع التاير

لكن الضغط المناسب للشارع 35-40 واحرص على ان يكىن الضغط دقيق في كل التواير

للرمل 15
طبعا psi مب kpa

[Abo Ahmed]

حسب نوع التاير

لكن الضغط المناسب للشارع 35-40 واحرص على ان يكىن الضغط دقيق في كل التواير

للرمل 15
طبعا psi مب kpa

كفيت ووفيت يالذيب..

[MAZEN37]

مره نصحني بشرجي بثمان وعشرين امامي وثلاثين خلفي
قالي هذا الصح

[تاج المراجل]

مره نصحني بشرجي بثمان وعشرين امامي وثلاثين خلفي
قالي هذا الصح

لا تحمل اخوي ماعتقـد .. لان هذا ينقص من عمر التاير ..
35 وفوق ..

[Abo Ahmed]

لا تحمل اخوي ماعتقـد .. لان هذا ينقص من عمر التاير ..
35 وفوق ..

حصلت تعليمات المصنع تقول 32 أمامي وخلفي.. الستكر موجود على باب السيارة من الداخل..

[بريق الحق]

التاير اليديد لازم 40 هاي الميجر وبعدها خلك على 35

[R 7 A L]

كل مازاد الهواء طال عمر التاير
وفي نفس الوقت بتتلخلخ السيارة

احسن هواء من 40 الى 35



اذا نقص الهواء بينتهي التاير بسرعة

[النهار]

انا دائما الهواء عندي في الموترى اخليه 40 لان المياجر ثقليه 40 تعطي خفه للموتر

[GENIUS]

على حسب حجم التاير ونوعية الطريق . مثلا تواير السيارات الرياضية او اللي يكون الرقم الثاني اقل من 55 يفضل ان يكون ضغط الهوا 40 وطالع واذا كنت تستخدم السيارة في طرق وعرة يفضل يكون الضغط اقل من 30 تروح التواير ولا يتكسر أو يتلخلخ الموتر . البالون إذا أكثر من 35 تكون مشكلة في الثبات على المنحنيات لأن الجزء الملامس للطريق يكون أقل من الإفتراضي لذا يستوجب الحذر في القيادة على المنحنيات أو الأنعطافات وحتى دخول الدوار .

[khaldoon]

ما تنسى انك تشيك على التاير و هو بارد علشان ما يعطيك قراءة خاطئة

[فارس قطر]

تواير الى استهلكت فوق العشرين الف

عليك كل اسبوعين مرة وحدة تمر على اقرب بنجري وتعطية ريالين ويجيك على الهواء وسدادات

وبالتوفيق للجميع.

[قرنقووش]

حصلت تعليمات المصنع تقول 32 أمامي وخلفي.. الستكر موجود على باب السيارة من الداخل..


اذا تستعمل نفس تواير الوكاله خلك على هذا الضغط
اما لو تواير مختلفه خلك على 35
لو فورويل وموسم .. 35 افضل بالنسبه لي لان حزات ابي ادش رمله ومالي خلق انسم
وكذلك الجو بارد ماتخاف على التاير

اذا توايرك غالية نصيحة انفخ نيتروجين
يزيد من عمر التاير شوي ويبقى تايرك بارد وماينسم بسرعة
وجيك على الفالفات بيت كل تجييك

[الزلزال]

بنسبه لي اخلية 40

[بـارود]

ما أنصحك بالنيتروجين عوار راس ، وافحص توايرك وهي باردة أو بعد 2 كيلو ، ولا تزيد عن 40 ولا أقل من 28

[الشامخ]

ما أنصحك بالنيتروجين عوار راس ، وافحص توايرك وهي باردة أو بعد 2 كيلو ، ولا تزيد عن 40 ولا أقل من 28


عفوا اخوي ،، النيتروجين ممتاز ،، وذلك لانه يخلي السيارة اخف والمطبات تحس بها اقل من الهواء العادي والسيارة تكون اسرع لانها النتروجين اخف من الهواء العادي وميزتها انك عادي ماتشيك ع هواء التواير لمدة شهرين ومميزة النتروجين انه مايصير حار مثل الهواء العادي وخاصه اللي بيسافر ينصحونه يحط نيتروجين وميزته انه يعطي التاير عمر اطول من الهواء العادي ،، وللعلم الهواء يستعملونه في تواير الطيارات وسيارات السباق والسيارات الفخمة،، وهذي الاشياء كلها نتيجة دراسات وابحاث علمية

واذا انت عبيت تواير سيارتك نيتروجين في مشيلان كلها التشيكات بلاش،، ومحطات وقود تعبي نيتروجين

[Abo Ahmed]

عفوا اخوي ،، النيتروجين ممتاز ،، وذلك لانه يخلي السيارة اخف والمطبات تحس بها اقل من الهواء العادي والسيارة تكون اسرع لانها النتروجين اخف من الهواء العادي وميزتها انك عادي ماتشيك ع هواء التواير لمدة شهرين ومميزة النتروجين انه مايصير حار مثل الهواء العادي وخاصه اللي بيسافر ينصحونه يحط نيتروجين وميزته انه يعطي التاير عمر اطول من الهواء العادي ،، وللعلم الهواء يستعملونه في تواير الطيارات وسيارات السباق والسيارات الفخمة،، وهذي الاشياء كلها نتيجة دراسات وابحاث علمية

واذا انت عبيت تواير سيارتك نيتروجين في مشيلان كلها التشيكات بلاش،، ومحطات وقود تعبي نيتروجين

معلومات جميلة.. خليتني أفكر جديا بالنيتروجين!