أسقف الحمامات و المطابخ ..؟

[فارس الكلمة]

لاحظت في الآونة الأخيرة .. قيام البعض .. بتركيب الجبسون بورد .. على أسقف

الحمامات و المطابخ .. بدلاً من أسطح الألمنيوم أو الهنتر دوجلاس .

ما رأيكم .. طاب حالكم ..؟

[abdulla999]

اخوي انا شفت بيوت كثيرة مسوين الحمامات بس المطابخ ماشفت ومرة جبت واحد مهندس قالي المطبخ مايصير تعمل له جبس بورد وفي الحمامات احلى دام فيه عازل للرطوبة والماي واحلى

[ZURICH]

اللالمنيوم افضل في مقاومة الماء

[معماري قطري]

نصيحة يا اخوي الجبس وايد أحلى ويعمر معاك بعمر البيت إن شاء الله .. انا ركبت هنتردوغلاس الأمريكي الثقيل وعن طريق رافكو وطلع زين والحمد لله .. والحمام تكرم الرئيسي ركبته جبس بعد عن طريقهم، لكن لو بابني مره ثانية كله باخليه جبس حتى للمطبخ.

وبالنسبة للمطبخ تقدر تخلي الجبس متواصل مع كبتات الحائط بحيث ما يكون فيه إنفصال ويكون مغطي شفاط الدخان.

شوف الموضوع عن المطابخ والحمامات فيه تفاصيل وايد وهو موضوع مثبت في هذا القسم وبالتوفيق لك، ولو تحتاج حق توزيعة القطع ومقترحات طرش لي المخطط فايل اوتوكاد وباحاول أعطيك أفكار إن شاء الله.

[فارس الكلمة]

الأخوان / عبدالله - زيورخ - معماري قطري ..

شكرا لكم .. و بارك الله فيكم .. الآراء متضاربة حتى الآن ..

كيف يمكن وضع عازل مائي في أسقف الحمامات و المطابخ .. عند تركيب الجبس بورد ..؟

أخشى أن يصيب بخار ماء السخانة سواء في الحمام أو المطبخ هذه الأسقف

و يدمرها مع الوقت ..؟

[K.A]

تقدر تركب جبس ضد الماي للحمام ( تحس لونه تركوازي ) قبل الصبغ
وجبس ضد الحرائق للمطبخ ( تحس لونه احمر ناري ) قبل الصبغ
انا مركب

[الزلزال]

بالتوفيق ان شاء الله

[شموخ دائم]

,

,

مرحبا

ركب جبس للمطبخ

اجمل

وسوي ديزاين بعد

جبس ضد الماي
وسعره رخيص ومضمون ما خرب

كل البيوت الان جبس للحمام والمطبخ ومجرب من كم سنه والامور طيبه

امشي مع الموضه

توكل على الله



:)



,

,


اخوك


شموخ دائم

[ابوعلي]

مرحبا اخوي فارس الكلمة

مشكلة الجبسن بورد في الحمام الله يكرمك مع بخار الماي للكورنيش الجبسن بورد عادي ولكن الكورنيش ما يجيك واتر بروف فبعد فترة تحصل السواد

[اللوز]

ركب للمطابخ والحمامات انتردجلس
المطابخ اذا ركبت جبس بيصفر مع الطباخ وبتتظطر تصبغ السقف كاملا بعكس الانتردجلس استبدال قطع
وفيه اشكال مربعة ودائرية للانتردجلس
وبالتوفيق