إصابة 8 طلاب في مشاجرة بسبب التحفيص!!!!!!!!!!!!!

[مستثمر رشيد]

http://www.raya.com/File/GetImageCustom/255955d9-57a8-4d0e-969b-1cda664e9383/316/235


أصيب 8 طلاب من مدرسة جاسم بن حمد الثانوية المستقلة للبنين بجروح وخدوش في الوجه والرأس في مشاجرة بالقرب من المدرسة، بسبب التحفيص.

بدأت القصة حسب ما رواه أحد المجني عليهم بقيام أحد طلاب مدرسة أخرى بالتحفيص أمام مدرسة جاسم بن حمد الثانوية المستقلة للبنين، حينما قام طالب بالمدرسة برفقة والده بمحاولة منعه، فغادر الطالب وعاد بعد يومين بصحبة عدد من أصدقائه، وقاموا بالاعتداء على الطالب ووالده، وعدد من الطلاب الذين حاولوا التدخل لمنع الاعتداء.. قبل أن تحضر دورية من الشرطة للسيطرة على الأمر وبدء التحقيقات حول ملابسات المشاجرة.

وأكد أحد أولياء الأمور أن تأخر وصول دورية الشرطة عدة ساعات ساهم في تفاقم الأمر.

وقال ولي أمر أحد الطلاب: تعرض ابني للاعتداء من ولي أمر طالب مدرسة جاسم بن حمد وقام بصدم سيارة ابني متعمداً، وكان عليه إبلاغ الشرطة ضد ما يره إساءة من جانب ابني بدلا من تعريض حياته للخطر.

وقد تجمع عدد من أولياء أمور الطلاب والإداريين والسيد خميس مبارك المهندي مدير المدرسة الذي رفض الإدلاء بأي تصريحات، فيما أعلن المجلس الأعلى للتعليم عبر الحساب الخاص به بموقع التواصل الاجتماعي "تويتر" أنه "تمت السيطرة على مشادة طلابية بالقرب من مدرسة جاسم بن حمد الثانوية دون وجود إصابات بين الطلاب".

[Qatari1981]

في شوارع ميشغن ولا نيواورلينز الامريكيه الاكثر اجراماً في امريكا
عمرنا ماسمعنا مشاجره سببها تحفيص للاسف من اتفه الاسباب
اصبح الشجار يكون الحل

والي باط جبدي عقب يوميين رد ومعه بعض الاصدقاء
ايش ذا لو بعير كان هدا ونسا وفوق كل هذا اولياء الأمور
احس اهم من افتعلوا الازمه بالعلم كانوا يقدرون احتوائها
من البدايه

[R 7 A L]

باااااااااااااااال

للحين فيه احد يفكر يسوي هالخرابيط

[غايه الطواش]

المشكله الحين اولياء الامور عقولهم من عقول عيالهم

[حمد 2002]

أنا احمل وزاره الداخليه وعلى راسها عبدالله بن ناصر ال ثاني المسؤؤليه ، لانهم المفروض ايخلوون قدام كل مدرسه بالدوله سياره فزعه ولا سياره لخويا ، لردع الطلاب عن االاستعراض قدام المدارس والتشييك على اللياسن ، لان في طلاب ايسوقون دون الحصول على رخصه سواقه ،
بس الشيء الحاصل ان وزاره الداخليه شاطره بس تاخذ فلووس من المواطنين والمقيمين وتبتكر الرادارات المخفيه للحصول عليها

[Doha Sun]

مادري ليش احس ان الموضوع مهب سالفة تحفيص .. وجزء من النص مفقود

[دوحة الجميع]

المطلوب من الداخلية انهم يعملون دورية شرطة قدام كل مدرسة إعدادية وثانوية، لردع الطلاب عن الاستعراض والتفحيص وكذلك التشييك على اللياسن ، لان في طلاب ايسوقون دون الحصول على رخصة سواقة.

[حسن]

المشكله الحين اولياء الامور عقولهم من عقول عيالهم

:victory:

[QTR-1978]

شدعوه يالربع قدام كل مدرسه دوريه والشوارع والزحمه حق من هههههههههههههه

[حسن]

أنا احمل وزاره الداخليه وعلى راسها عبدالله بن ناصر ال ثاني المسؤؤليه ، لانهم المفروض ايخلوون قدام كل مدرسه بالدوله سياره فزعه ولا سياره لخويا ، لردع الطلاب عن االاستعراض قدام المدارس والتشييك على اللياسن ، لان في طلاب ايسوقون دون الحصول على رخصه سواقه ،
بس الشيء الحاصل ان وزاره الداخليه شاطره بس تاخذ فلووس من المواطنين والمقيمين وتبتكر الرادارات المخفيه للحصول عليها

اناااتفق معاك بان احمل الداخليه في انها
تجيب هل المبزره سوق واقف وطيح
فيهم جلد بخيازرين بن عباس واللي بيحشر نفسه ينسدح معاهم ول كان ابوه

:victory:

[مكين]

المفروض الطلاب وأولياء أمورهم في السجن

[شموخ دائم]

,

,


مرحبا

موضوع بسيط ويحصل بكل مكان بالدنيا
هذا سن المراهقه واذا المراهقين ما تهاوشوا منو بيتهاوش
:)
ياما صارت هوشات اكبر من هذي وياما صار ضرب ومضارب بالعجرات
على ايامنا
يعني احنا الجيل مو احسن من هذا الجيل بالعكس كنا اسواء منهم بالهوشات بمليون مره
:)

لا تكونون مثاليين اكثر من اللازم
هذي امور عاديه جدا
في امريكا ضرب بمسدسات ورشاشات
:)

,

,


اخوك


شموخ دائم

[البارع]

الله يصلح الحال

[واحد قطري]

أنا أختلف مع الأخوان بتحميل وزارة الداخلية المسؤولية

أولا الغلط من أولياء الأمور هم المحاسبين في الدرجه الأولى لانهم أسمحوا وعطو عيالهم سيارات يسوقونها للمدارس وهم ماعندهم ليسن

ثانيا المدارس تبع المجلس الأعلى للتعليم مو وزارة الداخلية بمعنى انه لو في رقابه من المدارس او المجلس الأعلى على الشباب اللي يداومون بمدارس بسيارات من غير لياسن المفروض ياخذون فيه اجراء فصل او تحذير والمفروض يكون هناك قانون رادع لأولياء الأمور قبل أبنائهم

ثالثا وزارة الداخلية ماتقصر ياما حطو تفتيشات قدام المدارس لليسن وغيره لاكن شبيلحقون وشبيخلون اتوقع عندهم وايد اشغال اهم من يهال اهاليهم مهملينهم يعني بمعنى اصح ولي الامر اللي ماربى عياله على احترام القانون يبي الدوله تربيه !!!!!!!

اسف على الاطاله لاكن بعض الردود بس كلام فالهوى ورمي اللوم على غير الملامين

[ابن قطر]

الله يستررررررر

[BoFahed]

,

,


مرحبا

موضوع بسيط ويحصل بكل مكان بالدنيا
هذا سن المراهقه واذا المراهقين ما تهاوشوا منو بيتهاوش
:)
ياما صارت هوشات اكبر من هذي وياما صار ضرب ومضارب بالعجرات
على ايامنا
يعني احنا الجيل مو احسن من هذا الجيل بالعكس كنا اسواء منهم بالهوشات بمليون مره
:)

لا تكونون مثاليين اكثر من اللازم
هذي امور عاديه جدا
في امريكا ضرب بمسدسات ورشاشات
:)

,

,


اخوك


شموخ دائم

اخوي الكبير شموخ مع احترامي لرايك بس ابي اعرف هل في ايامكم كان كل واحد يدعم الثاني متعمد !!!! هل كان في اياكم معيلة تافهين يحط الكلاشن ويرزه في الموتر ؟؟؟ هل كان في اياكم يهال يرمون بعض بالرصاص في نص الشارع ؟؟؟؟هل كان في اياكم كل واحد يتفل ويلف ويهاوش ويدعم الثاني علا اتفه الاسباب ؟؟

احنا نشوف سلوكيات واخلاق زباله للاسف وكله بسبب تساهل القانون وما ندري وين بنروح ؟؟؟؟؟؟

اخر هوشة مدرسة اذكرها بالتسعينات ووكان رفبجي فيها احبسوه شهر كامل

[الزلزال]

والله شي يحزن

وين الدوريات ؟؟

[qtr1]

COLOR="SeaGreen"]وزارة الداخليه تتحمل هالشي والاسباب اول شي اصوات الهدرزات للحين نسمعه وازعاج اخر الليل وثاني شي المبزره الي تسووق وما معها لياسن المفروض حجز السياره لاتقل عن 3 شهور عشان يحس ولي الامر بالغلط الي سوااه واذا بعد يشددون على من يثبت عليه تهمة التحفيص تتصادر سيارته بشكل نهائي وتنباع وتنحط قيمة السياره للاعمال الخيريه وشي اخير منع الواسطه منع شنو منع الواااااااااااسطه نهائيا لان لو واحد اخطاء علي ومعه واسطه وطلع منها شسوي بتتحول السالفه شخصيه وتصبح اكبر من موضوع تافه [/COLOR]

[فارس قطر]

من امن العقوبة اساء الادب ناس غجر

عمرها ماتتطور وهذي مب اول مرة حوادث المدارس.

[Bozizoo]

أنا احمل وزاره الداخليه وعلى راسها عبدالله بن ناصر ال ثاني المسؤؤليه ، لانهم المفروض ايخلوون قدام كل مدرسه بالدوله سياره فزعه ولا سياره لخويا ، لردع الطلاب عن االاستعراض قدام المدارس والتشييك على اللياسن ، لان في طلاب ايسوقون دون الحصول على رخصه سواقه ،
بس الشيء الحاصل ان وزاره الداخليه شاطره بس تاخذ فلووس من المواطنين والمقيمين وتبتكر الرادارات المخفيه للحصول عليها

الي يسمعك يقول في قطر
ثلاث ولا اربع مدارس

[qatari 111]

مال اول الهوشات

[حنان k]

اناااتفق معاك بان احمل الداخليه في انها
تجيب هل المبزره سوق واقف وطيح
فيهم جلد بخيازرين بن عباس واللي بيحشر نفسه ينسدح معاهم ول كان ابوه

:victory:



المبزره بيسدحونهم بسوق واقف :rolleyes2: والأباء :secret:

[Al-Kuwari]

أنا أختلف مع الأخوان بتحميل وزارة الداخلية المسؤولية

أولا الغلط من أولياء الأمور هم المحاسبين في الدرجه الأولى لانهم أسمحوا وعطو عيالهم سيارات يسوقونها للمدارس وهم ماعندهم ليسن

ثانيا المدارس تبع المجلس الأعلى للتعليم مو وزارة الداخلية بمعنى انه لو في رقابه من المدارس او المجلس الأعلى على الشباب اللي يداومون بمدارس بسيارات من غير لياسن المفروض ياخذون فيه اجراء فصل او تحذير والمفروض يكون هناك قانون رادع لأولياء الأمور قبل أبنائهم

ثالثا وزارة الداخلية ماتقصر ياما حطو تفتيشات قدام المدارس لليسن وغيره لاكن شبيلحقون وشبيخلون اتوقع عندهم وايد اشغال اهم من يهال اهاليهم مهملينهم يعني بمعنى اصح ولي الامر اللي ماربى عياله على احترام القانون يبي الدوله تربيه !!!!!!!

اسف على الاطاله لاكن بعض الردود بس كلام فالهوى ورمي اللوم على غير الملامين

معاك 100٪

[vip-30003]

هذا عرف وعادة تعود عليها الطلاب في فترة الاختبارات او اخر يوم

الاستعرض بالسيارات وتكثر الحوادث والمشاجرات

على جميع المدارس طلب دورية اخر ساعه بالدوام

وطبعا لازم توفر كاميرات راقبه ترصد جميع المخالفين

والاهم المحاسبة من قبل وزارة الداخلية

وبسناااا خرابيط سيارات تنحجز اشهور وسيارات تنحجز ساعات

واطالب بقانووون صارم بحق اي طالب دون السن القانوني ويسوق سيارة

اتمنى غرامة 50 الف وسحب السيارة 6 اشهور

من امن العقاب اسااااء الادب

[لولو2022]

ليش دوريات الله يهداكم ،،انضيع جهد الشرطه على ناس تافهة

[نورهان88]

لا حولا ولا قوة إلابالله

[معماري قطري]

أنا احمل وزاره الداخليه وعلى راسها عبدالله بن ناصر ال ثاني المسؤؤليه ، لانهم المفروض ايخلوون قدام كل مدرسه بالدوله سياره فزعه ولا سياره لخويا ، لردع الطلاب عن االاستعراض قدام المدارس والتشييك على اللياسن ، لان في طلاب ايسوقون دون الحصول على رخصه سواقه ،
بس الشيء الحاصل ان وزاره الداخليه شاطره بس تاخذ فلووس من المواطنين والمقيمين وتبتكر الرادارات المخفيه للحصول عليها

أأيدك بشدة

فيه مخالفات كبيرة في الطرق الفرعية والفرجان والمدارس والطرق الرئيسية مستحيل يحلها الرادار دوريات زيادة ومخالفات مباشرة وفرض الأمن غصب على الكل.

[R 7 A L]

الله يا زمن اول
اذا مرت دورية شرطة كنا ننتفض حتى لو كنا واقفين او ماخذينها مشي

الحين مبزرة الواحد حتى ماوصل 15 يصول ويجول من شارع لشارع حتى داخل الدوحة

لا ولي امر ينهى
ولا شرطة ينخاف منها

اطالب برجوع هيبة الشرطة
والضرب بيد من حديد

[MAZEN37]

المشكله الحين اولياء الامور عقولهم من عقول عيالهم
فعلا هذا ما لفت انتباهي
صراحه تغير نوعي للاسوء

[معماري قطري]

اناااتفق معاك بان احمل الداخليه في انها
تجيب هل المبزره سوق واقف وطيح
فيهم جلد بخيازرين بن عباس واللي بيحشر نفسه ينسدح معاهم ول كان ابوه

:victory:

ههههههههههه أتخيل الولد مسدوح في سوق واقف وتلشط فيه .. والأجانب يصورون ما يبي له كلام بيسحبون بطولة 2022 من قطر ..

اللي المفروض يصير فرض للأمن المروري في كل مكان حتى في الفرجان .. وعندك العناصر الأمنية في قطر كثيرة وحتى خارج الدوام المفروض فيه توجيه لهم بمخالفة المخالف.

من أيام وقفت شاحنة في وسط مخرج من الدوار وسدت الطريق والسبب إنه يبي يركب واحد يركض له من بعيد، فأحتديت إني أوقف سيارتي وأرجع ريوس عليه وأنزل له وأهزئه وآخذ ليسنه وأسلمه للمرور .. بس كسر خاطري إنه تم يترجاني فطلبت من المرور إنذاره بدون مخالفة ووعدوني إن اللي ابيه بيصير ولو حاب يتخالف بيتخالف وقالوا لي بس من حقك تاخذ رقم سيارته وتبلغ بالحادثة اللي صارت وهو يتخالف وبدون ما تتناقش معاه أو تاخذ ليسنه.

[بريق الحق]

الله يا زمن اول
اذا مرت دورية شرطة كنا ننتفض حتى لو كنا واقفين او ماخذينها مشي

الحين مبزرة الواحد حتى ماوصل 15 يصول ويجول من شارع لشارع حتى داخل الدوحة

لا ولي امر ينهى
ولا شرطة ينخاف منها

اطالب برجوع هيبة الشرطة
والضرب بيد من حديد

ماراح ترجع هيبة الشرطة اذا كان تفكيرهم مادي فقط

[qatara]

سجنهم للتاديب ليس بحل
لانه الولد قد يتعود السجون وتتكون لديه شخصيه اجراميه
وان جينا نادبهم بضربهم قد يخرجون علينا
بحقوق البجا

[بوعلي2]

بال شخباري لحين يتهاوشون ويحفصون

هاي بعد مخلين الجي اكس دفع رباعي لهم شلون حفصو ههههه --> مايبي يفهم

الاهم من ذالك انهم سيطروا ع الموضوع وجات العواقب سليمه

[OREO]

Jungle

[ms-qtr]

مشاكل سواقة المراهقين ما تخلص
السياير الي تصف عند المدارس تحسسك انها مؤسسة حكومية مب مدرسة
المفروض الفزعة يلعبون دور ويصادرون هالسيارات
ويخلون هالطلاب يركزون بدراستهم