محتاج سيراميك وبلاط وين اروح!!

[رذاذ]

محتاج كمية صغيرة .

ناس انصحوني بـ اخد من شركة العاصمة وناس قالوا نابينا بس مب عارف الاحسن
وحذروني من الـ chaina مع انه اشوفه حلو ..

رايكم من خبرتكم

[بوفصول]

أنصار سيتي ..ارخيص وزين ،،عنده صيني وتركي

والحين عنده عرض .. بالتوفيق ياخوي

[captin]

مرحبا الأخ رذاذ

أفضل مكان لدية تنوع وأسعار مناسبة
وجودة منتج هو

( نابينــــــــا)

[Chambray]

اذا تبحث عن الجوده عليك بالمتحده ( بجانب انصار سيتي )
عندك تدمر بعد اوكي
عندك الامانه للديكور
اذا تبحث عن صيني ورخيص ( انصار سيتي )

[ولد المنصور]

نابينا

[ابوعلي]

اخوي بخصوص البلاط عندك بيت الاحساء وفي محل جنبه اسمه التيماء

[قطري قديم]

يوجد بلاط شعبي نفس الموجود في بيت الاحساء باسعار منافسه

[BoFahed]

وعندك اخوي الغانم والمهيدب للسيراميك وكلهم علا طريق سلوى

[العملة النادرة]

انا من فتره بسيطه مريت عده اماكن
نابينا حلو ومتنوع فيه الرخيص والغالي
وفي محل في قريه بروة الوكره اسمه العباس غاليري محل صغير بس بلاط الحمامات حلو واسعاره زينه
اما المكان الي عجبني وعنده تنوع و اشياء حلوة المتحده يم انصار سيتي طريق سلوى وان شاء الله ناويين نشتري من عنده حق بيت المستقبل

[K.A]

اخوي رذاذ
عندك للمحلق والسايق خذ من انصار
لكن للبيت خذ اسباني احسن من الصيني اكيد
المحلات
كافود
العاصمه
نابينا
انا بيتي كله من كافود بستثاء الدور الارضي رخام من الرخام الذهبي
وكم حمام عزك الله من العاصمه
بس ماراح تحصل غيرهم باسعار حلوه
نابينا خذت الاكسسوارات ما اخذت بلاط

واذا ميزانيه مفتوحه وتبي شي غالي روح المتحده غالي جداً ترى بس فيه شغلات حلوه
بس السعر دبل 5 مرات عن باقي المحلات

[حسن]

افضل شي عندك ياكافود ولا نابينا ولاتعب حالك

وكلهم يعطونك خصم ممتاز

بالتوفيق

[معماري قطري]

محتاج كمية صغيرة .

ناس انصحوني بـ اخد من شركة العاصمة وناس قالوا نابينا بس مب عارف الاحسن
وحذروني من الـ chaina مع انه اشوفه حلو ..

رايكم من خبرتكم


الأرضيات تعتمد على وين بتركبها وعندك ناس يركبون للمساحات المفتوحه نفس النوع أو حتى للطابق كامل نفس النوع .. انا ركبت لكل جزء نوع غير وحتى لون غير يعني تحصل بيج وأسود جنب بعض.

بالنسبة لك ولمساحة صغيرة، وإذا كانت مب مهمة ويمكن تحط عليها سجاد ركب أي شيء ترتاح له، وإذا في مدخل مثلاً أو مجلس أو صاله كل يوم بتمر عليها لتركب الا شيء يسوى وزين وابتعد عن الصيني .. لأن تجارنا غالبيتهم يجيبون الرخيص وصدقني عند أنصار ستي نوعيات فيها زخرفة بعد فترة هالزخرفة تطير من الدوس والغسيل .. والصيني شفت منه في مكتب حتى تواير الكراسي معلمه فيه .. دور أسباني ولا إيطالي ولا ألماني ولا اللي تبي بس أهم شيء تكون له مواصفات محددة وركز على درجة الكحت يسمونها mohs degree وهذي أهم مواصفه للبورسلان أو السيراميك وهي عبارة عن درجات من 1 إلى 10 وواحد للطبشور وهو سهل ينكحت وفوقه أظن القلم الرصاص يمكن واحد وربع درجته، ويجي الرخام حسب نوعه من 4 و5 تقريباً والبورسلان فيه منه أنواع توصل 8 ومستحيل الغرانيت يكون 8 يمكن يوصل 6 .. وينتهي التدرج بالألماس اللي درجته 10 وممكن يخدش أي شيء أقل منه درجة وصلابة .. وهذا يعني أن البورسلان رديء التصنيع إذا درجته 5 مثلا أو 4 وتم سحب كرسي أو طاولة عليه فقد ينخدش وتضعف لمعته.

لمتابعة تدرج الصلابة يرجى قراءَة هذا المقال.

http://en.wikipedia.org/wiki/Mohs_scale_of_mineral_hardness

[أستغفرك يارب]

لا اله الا الله

[PGR]

اخوي او اختي (رذاذ) انا درت على اغلب المحلات اللي في الدوحه (الرخيص والغالي) اذا حبيت الجوده وشي مميز وما تحصله في اي مكان عندك ثلاث اماكن ( جلفار, والمتحده (طريق سلوى)) وعندك نابينا طريق المطار ,, صح اغراضهم غاليه لكن اشياء مميزه وكواليتي عالي ,, بالتوفيق ان شاء الله

[رذاذ]

الله يجزاكم خير جميع وعلى المعلومات الطيبة ..

تسلم يا عميد الاستفسارات يا خوي معماري

لاهنتم جميعا .. بمر اليوم نابينا وبشوف عندهم .

[معماري قطري]

الله يجزاكم خير جميع وعلى المعلومات الطيبة ..

تسلم يا عميد الاستفسارات يا خوي معماري

لاهنتم جميعا .. بمر اليوم نابينا وبشوف عندهم .

مشكور يا اخوي على رتبة عميد .. إن شاء الله تكون فال خير .. عندك العمودي اللي عند برج المالكي عندهم نوعيات وايد راقية وايطالية وعندك شبيب وعلي العطيه وعندك تدمر .. وتدمر الزين فيهم معاملتهم ويوصلون لك اللي تبي لين الموقع حتى لو كمية بسيطة.

[الجواري]

نصيحه روح الامارات نصف اسعر اذا مواكثر في الشارقة أنا مأخذ برسلان. من شارقة اهنيه في أنصار ستي المتر 50'79 في الشارقة 29
في فرق واجد

[بوخالد911]

كافود

نابينا

[عايش فرحان]

نصيحه روح الامارات نصف اسعر اذا مواكثر في الشارقة أنا مأخذ برسلان. من شارقة اهنيه في أنصار ستي المتر 50'79 في الشارقة 29
في فرق واجد

بعد اذن صاحب الموضوع ..

اختي الجواري .. من وين في الشارجة؟

[Markets]

راسلني على الخاص و انا اجيبلك خصم 40% من شركات الدوحة و اسباني

[Bozizoo]

وعندك اخوي الغانم والمهيدب للسيراميك وكلهم علا طريق سلوى

انا مع بوفهد
الغانم
أرخص واحد في السوق
والصيني فيه شي جيد في البورسلان ويعتبر رخيص