افضل الاكاديميات لدراسة الطيـران ؟

[تاج المراجل]

السلام عليكم ..


اخواني لو حبيت ادرس الطيران ..على حسابي الخاص فقط الرخص وليس دراسه جامعيه ..
وين افضل مكـان .. لان هني بكليه قطر مبـالغ خياليه تقريبا 140 الف دولار ...
لان حاب اشتغل في الخطوط الجويه القطرية ..

مشكورين مقدما ..


دمتم على طآعته ،

[تاج المراجل]

سبحان الله وبحمده Up

[Not Me]

انصحك تجرب تدور مدارس تدريب الطيران في امريكا ولاية فلوريدا ارخص ووقت ارخص
في مكان اعتقد في مدينة ديتونا في فلوريدا بس مب عارف الاسم بالضبط

[تاج المراجل]

انصحك تجرب تدور مدارس تدريب الطيران في امريكا ولاية فلوريدا ارخص ووقت ارخص
في مكان اعتقد في مدينة ديتونا في فلوريدا بس مب عارف الاسم بالضبط

شـاكر لك اخوي على مرورك .. جزاك الله خير .. انا عندي اكاديميه في فلوريدا . اسمها

Aviator College وكثير ناس دلوني عليها بس انا ابي الرخصه الاوروبية Jaa ،

لان اغلبيه الاكاديميات في امريكا كل الرخصهم FAA والقطريه تقبل الرخصه الاوروبية ..


دمت على طآعتة ،،

[كازانوفا]

ما سمعت في الدوحه غير كلية الطيران لاني ناويه اسجل ابني فيها ان شالله بس للاسف المبالغ مبااااااالغ فيهااا بطريقه غريبه

انت قدم على الجامعه اللى قلت عنها وياريت تفيدني بايش انطباعك عنها
موفق ان شالله

[alnoida]

حاول البحث عن مدارس الطياران في مدارس الفلبين وجنوب أفريقيا وأستراليا
مع الأنترنت العالم قرية
ياكبتن المستقبل الله يوفقك
ذكرتني بالذي مالماضي _ اتذكر قدمت على الطياران المدني بالرغبه وحولوني على طياران الخليج واختبروني في البحرين وكانت النتيجه ناجح بنسة 75% وعرفت أن ماعندي عمى اللوان ( هل أختبرت عمى الالوان؟)
لكن غيرت توجهي مع حبي للطياران والحمدلله غير متحسف

Flight Schools and Pilot Training Directory
http://www.bestaviation.net/flight_school/

[تاج المراجل]

ما سمعت في الدوحه غير كلية الطيران لاني ناويه اسجل ابني فيها ان شالله بس للاسف المبالغ مبااااااالغ فيهااا بطريقه غريبه

انت قدم على الجامعه اللى قلت عنها وياريت تفيدني بايش انطباعك عنها
موفق ان شالله

فعــلا للاسف كليه قطر للطيران اسعارهم باهضه الثمـن .. تخصص طيار تجاري . بـ
140 الف دولار بمايعادل تقريبا 550 الف ريال قطري :secret:

بهـذا السعر استطيع ان ادرس طيران في امريكا في في فلوريدا بالتحديد كلية Aviator College واختار برنامج Professional Pilot _ ( رخص الطيران الثلاث + رخصة مدرب طيران ) وايضا راح اخذ تايب رايتنغ لـ طائرة الايرباص 320 + اخذ لي ساعات طيران اضافية عشان ازيد نسبه عدد الساعات عندي وبذلك .. اصبحت لدي نسبة قبول كبيرررة في اي شركة طيران وجاهز .. وراح يفضى معااي كثير بعد ..

اختي لو بغيتي الكلية .. راح اعطيك الرابط لـها وايضا راح اعطيك رابط في احدى منتديات الطيران وتقرير عنها بحكم ان هناك بعض الطلاب يدرسون فيها ...

دمتي على طاعتة ،،،

[تاج المراجل]

حاول البحث عن مدارس الطياران في مدارس الفلبين وجنوب أفريقيا وأستراليا
مع الأنترنت العالم قرية
ياكبتن المستقبل الله يوفقك
ذكرتني بالذي مالماضي _ اتذكر قدمت على الطياران المدني بالرغبه وحولوني على طياران الخليج واختبروني في البحرين وكانت النتيجه ناجح بنسة 75% وعرفت أن ماعندي عمى اللوان ( هل أختبرت عمى الالوان؟)
لكن غيرت توجهي مع حبي للطياران والحمدلله غير متحسف

Flight Schools and Pilot Training Directory
http://www.bestaviation.net/flight_school/

اهليـن اخـوي
منور بتواجدك طال عمــرك زين ليش ماكمـلت ؟
ماشاء الله مستواك ممتاز باين .. والله يالغالي انا خاطري
القطريه تتكفل بالدراستي وعمري 26 حاليا ومتخرج من 2007 ، ونسبتي 72 /علمي ،
يعني قالوا لازم تجيب الايلتس 5 ونص وتجيب اختبار SAT عشان لازم مايكون عمرك 27 ،
الا وانت مخلص الفاونديش وداخل التخصص .. يعني 27 اقصى شي ..
راح تكون الدراسة في كلية قطر للطيران ، بس انا في حاله انهم ماقبلوني احط خطه استراتيجيـه ، لا قدر الله .. ( وانا اومن انه لابد ان يكون لديك واسطه في القطريه ) بعد الله سبحانه عشان تمشي امورك .. وانا عن نفسي واسطتي رب العالمين وغيره ماعندي ، ،
بصراحه لو قلت لك اني احب الطيران واعشقه بجنون احسن انها قليله في حقه ،، ،
العابي كلها طيارت وانا صغير .. اطير على Flight Simulator X اذا تعرفه ومحترفه بعد فيه :nice: ،،

...

من ناحيه الصحيه فالحمدالله من فضل ربي لا اعاني من اي مشكله تعيقني من الطيران ،
سواء انني البس نظاره طبيه وهذا عادي ، اهم شي عند الفحص تاخذ 6/6 بالنظاره او بدونها ..
،، بالنسبة لعمى الالوان الله يكفينا شره فالحمدالله ماعندي هالمرض ، والله يبعده عني وعنكم ..
وهذا موقع اذا حبيت تختبر نفسك وتشوف هل عند عينك المقدره على تميزز الالوان وهو مايسمى ( عمى الالوان ) ...
http://www.freevisiontest.com/intro.php

اول ماتدخل الموقع اضغط على كلمه اللي بالشريط تحت Take the tests وبعدها

تطلع لك عده اختبارات اضغط على اختبار عمى الالوان ( Color Tests ) ..
واهم شي تجيب من 10 وفوق تعتبر ناجح لو تحت لازم تراجع طبيب عيون وتشوف شالمشكله وبعدها تحاول ... مره ثانيه بس حاول انك لا تشد على عينك وانت تطالع .. لاتضغط عليها يعني ( طالع بتركيز وهدوء ) .. اتمنى لك التوفيق والسموحه على الاطاله ، :nice:


دمت على طآعته

[i.qatar]

افضل حل انك تكلم المسؤولين في القطريه وتقولهم انك رايح تدرس على حسابك وتحطهم بالصورة قبل لا تبدى وتسألهم عن الكليات المعترف فيها ، على العموم القطريه فيها طيارين قطريين متخرجين من الأردن ومن اليونان وبالتوفيق .

[حمد 2002]

اخوي اذا اشتغلت طيار بالقطريه لاتنسانا بالخصومات ههههه

تحياتي لك وموفق انشاءالله

[تاج المراجل]

افضل حل انك تكلم المسؤولين في القطريه وتقولهم انك رايح تدرس على حسابك وتحطهم بالصورة قبل لا تبدى وتسألهم عن الكليات المعترف فيها ، على العموم القطريه فيها طيارين قطريين متخرجين من الأردن ومن اليونان وبالتوفيق .

اهلين فيك اخوي منور بتواجدك ، فعلا كلامك صحيح لكن دراسه الطيران في الاردن مب نفس قبل الحين اغلبيه المدارس اسطولها متهالك وخطره ، لا سمح الله تطير وتطيح فيك الطائره ، اهم شي السلامه ،، وبعدين مكلفه شوي يعني بروح امريكا ، اللي اهي بلد الطيران ، وكندا ، واخذ رخصه اوروبيه من بعض الاكاديميات التي تتيح لك اخذ الرخصه الاوروبيه وهي المطلوبه في القطريه ،، بالنسبه لليونان فعلا تمتاز بالجو المناسب طوال السنة لكن فيها عيب واحد كل شي فيها غـــالي ، ولا حلوه الدارسه فيها ، وناس نصحوني دلوني عليها وعلى اسبانيا ، وبما اني ان شاء الله راح اشتغل بالقطريه فالازم احصل على الرخصه الاوروبية jaa ، بس بالاول والاخير بحاول ان القطريه تقبلني ودرس بكليه قطر للطيران ، واحسن بلا غربه وجع راس لكن هي الخطه الاستراتيجيه اذا لم يقبلوني ان شاء الله ..



دمت على طاعتة

[تاج المراجل]

اخوي اذا اشتغلت طيار بالقطريه لاتنسانا بالخصومات ههههه

تحياتي لك وموفق انشاءالله

ابشر بالسعد يالغالي ،، لو بيدي اعطيك تذكره على الدرجه الاولى ، مجان بعد .. :nice:
بس بالنسبه للخصومات واسعار التذكر ليست من اختصاص الطيارين ، الطيار مهمته واضحه
ومعروفه ، وان شاء الله نشوف القطريه تخفض شوي اسعار التذاكر للمواطنين لان هذه المشكله اللي يمكن اغلبيه البعض يعاني منها ...


دمت على طاعتة ’،،

[تاج المراجل]

سبحان الله وبحمده

[تاج المراجل]

سبحان الله وبحمده

[تاج المراجل]

سبحان الله وبحمده

[تاج المراجل]

سبحان الله وبحمده