زيادة الرواتب والتلاعب

[طلعة الروح]

مرحبا عدت لكم وللمنتدى بعد غياب طويل

اعزائي ... السؤال بسيط ... شموضوع التلاعب الحاصل اللي صار بعد زيادة رواتب القطريين
في مؤسسات الدولة

راتب الزياده مش داخل في الراتب الأساسي ولا ينبني عليه البونس ولا غيره مثل ما سمعت من الموظفين في بعض الشركات الخاصه...

أتمنى حد عنده خبره ودليل على ان هالكلام غير صحيح وهل احنا من حقنا ان الزياده تدخل في البونس أو لا؟

[ضوى]

هذا اللي صار

الزيادة مب في الراتب الاساسي تنزل في شكل علاوة تحايل خبيث عالمكرمة الاميرية خبث يهود اعوذ بالله

[دنيا الاسهم]

عودا حميدا
اضم صوتي لصوتكم ،، ايش اللي يمنع ان تنظم الزيادة المكرمة الاميرية اللي سمو الامير حفظة الله ورعاة ما قصر
ليش اللي تحتة يتحكمون في مخصصات المواطن وفي التوزيع
الله ينصرنا على كل ظالم اللهم امين

[Nasser Mohd]

صح في شركتنا الزيادة لا تدخل في البونص والسبب طبعا معروف لإن الأجانب الأفاضل بيزعلون على شكرتنا

[Al-Kuwari]

احنا عندنا الحمدلله دخلت بالراتب الاساسي وتعدل عليها البونص والعلاوات والامور طيبة

[captin]

الزيادة الأميرية في رواتب الموظفين القطريين بنسبة 60%
نصت صراحة على أن الزيادة تكون في الراتب الأساسي للموظف.

حاولت بعض الهيئات والمؤسسات والشركات الحكومية وشبه الحكومية
تأخير تنفيذ هذه الزيادة بسبب اللبس الذي حدث وهو هل تشمل هذه الزيادة جميع
القطريين وفي جميع القطاعات أم القطاع الحكومي العام الذي
يخضع لقانون إدارة الموارد البشرية.

عموما تعريف الراتب بقانون الموارد البشرية يعني الراتب الأساسي
فلا يجوز لجهة ما أن تعطي الزيادة خارج الراتب الأساسي. :nice:

[moonبنتnight]

عندي سؤال 00
بونس راتب كم شهر 00 في مؤسسات تعطي راتب شهرين وفي ثلاث شهور 00

[العنيده]

عندي سؤال 00
بونس راتب كم شهر 00 في مؤسسات تعطي راتب شهرين وفي ثلاث شهور 00

وفي جهات أساسي شهر والحمد لله :)

[R 7 A L]

نعم هذا الحاصل

بعض الشركات المساهمة عدلت الموضوع وضمت الزيادة للراتب الاساسي
وبعضها حتى الان

ولكن اعتقد بعد صرف بونس سنة 2012
سوف يضم للاساسي

[آنا غيــر]

احنا الزياده داخله في الاساسي ومبنيه عليها الزياده السنويه والبونس السنوي والتذاكر d:

[حمد 2002]

كلنا أمل بأن تكون زياده ومكرمه اميريه هالسنه بزياده الراتب الاساسي بنسبه 100 %

[مساهمة بسFresh]

هذا اللي صار

الزيادة مب في الراتب الاساسي تنزل في شكل علاوة تحايل خبيث عالمكرمة الاميرية خبث يهود اعوذ بالله

:rolleyes2:
الله يقطع حب الفلوس اللي خلا المسلمين يكفرون بعض ويتهمون بعض باليهودية
اختي ضوى
ترى الفلوس مب كل شي
صلي ع النبي وان شاء الله بيعطونج البونس على راتبج كامل
لاتخلين حب الفلوس يسوي فيج جذيه
ترى ماتسوا والله

هدي اعصابج فديتج:shy:

[ضوى]

:rolleyes2:
الله يقطع حب الفلوس اللي خلا المسلمين يكفرون بعض ويتهمون بعض باليهودية
اختي ضوى
ترى الفلوس مب كل شي
صلي ع النبي وان شاء الله بيعطونج البونس على راتبج كامل
لاتخلين حب الفلوس يسوي فيج جذيه
ترى ماتسوا والله

هدي اعصابج فديتج:shy:

ههههههه

حبيبتي انا مش متضررة والحمد لله ماعليه قاصر بشي ، خبث اليهود انا عنيته بمعنى الكلمة للشركات الاجنبية اللي مسؤولينها اجانب ،شل وميرسك وخلافه ـ، روحي استفسري وبتعرفين وش اقصد :)

[مساهمة بسFresh]

ههههههه

حبيبتي انا مش متضررة والحمد لله ماعليه قاصر بشي ، خبث اليهود انا عنيته بمعنى الكلمة للشركات الاجنبية اللي مسؤولينها اجانب ،شل وميرسك وخلافه ـ، روحي استفسري وبتعرفين وش اقصد :)

:telephone: راعي الموضوع كاتب عن مؤسسات الدولة
شل وميرسك وخلافه صارت من مؤسسات الدولة؟


واضح
وبعدين هل شل وميرسك وخلافه زادت الرواتب مع الدولة اختي؟
الله يهدينا وياج بس ولا يخلي حب الفلوس يسيطر علينا قولي آمين
حب الفلوس يعمي ترى :victory:

[ضوى]

:telephone: راعي الموضوع كاتب عن مؤسسات الدولة
شل وميرسك وخلافه صارت من مؤسسات الدولة؟


واضح
وبعدين هل شل وميرسك وخلافه زادت الرواتب مع الدولة اختي؟ :victory:

اللي ماتعرفينه انهم اقروا الزيادة ولكن بشكل علاوة :shy:

[R 7 A L]

:telephone: راعي الموضوع كاتب عن مؤسسات الدولة
شل وميرسك وخلافه صارت من مؤسسات الدولة؟


واضح
وبعدين هل شل وميرسك وخلافه زادت الرواتب مع الدولة اختي؟
الله يهدينا وياج بس ولا يخلي حب الفلوس يسيطر علينا قولي آمين
حب الفلوس يعمي ترى :victory:

راعي الموضوع كاتب الشركات الخاصة

[ضوى]

راعي الموضوع كاتب الشركات الخاصة

مشكلة يارحال وش تقول بس

[مساهمة بسFresh]

اللي ماتعرفينه انهم اقروا الزيادة ولكن بشكل علاوة :shy:

:shy: واللي لازم تعرفينه ان محد الزمهم تكون الزيادة في الاساسي ولا غيره

مافي قانون يلزمهم
هم سووها من نفسهم
:shy:
القانون ماقال الشركات الخاصة
مب ملزومين يزيدون اصلا مع الدولة:victory:

[مساهمة بسFresh]

راعي الموضوع كاتب الشركات الخاصة




مشكلة يارحال وش تقول بس

:shy:مشكلة اذا ماتقرون :
مرحبا عدت لكم وللمنتدى بعد غياب طويل

اعزائي ... السؤال بسيط ... شموضوع التلاعب الحاصل اللي صار بعد زيادة رواتب القطريين
في مؤسسات الدولة



وبعدين لازم تلاحظون وتفهمون شغلة يمكن انتوا مافهمتوها :
الشركات الخاصة اصلا غير نمشمولة بالقرار الاميري

يعني يزيدون على الاساسي او على غير الاساسي
هذا شي راجع لهم

وين التلاعب؟:victory:

[قطري !]

:shy: واللي لازم تعرفينه ان محد الزمهم تكون الزيادة في الاساسي ولا غيره

مافي قانون يلزمهم
هم سووها من نفسهم
:shy:
القانون ماقال الشركات الخاصة
مب ملزومين يزيدون اصلا مع الدولة:victory:




هذا يعتبر تحايل اختي على المكرمه



كل الشركاااااات الزياده في الاساسي ... بس يمكن شركة او شركتين الزياده صارت بروحها حتى في وقت توزيع البونس ماتشملهم

[R 7 A L]

مشكلة يارحال وش تقول بس

على فكرة احدى الشركات المساهمة
والتي تعتبر من اوائل الشركات القطرية من حيث السجل التجاري
ادارة شئون الموظفين فيها يعتمد على كادر اجنبي وهو الامر الناهي وكل شي لايخرج الا بعد توقيعهم

[ضوى]

على فكرة احدى الشركات المساهمة
والتي تعتبر من اوائل الشركات القطرية من حيث السجل التجاري
ادارة شئون الموظفين فيها يعتمد على كادر اجنبي وهو الامر الناهي وكل شي لايخرج الا بعد توقيعهم

رحال الله يصلحك تشرح لمن ؟

قوم وانا اختك نطلع من هالموضوع :shy:

[مساهمة بسFresh]

للتوضيح :
التلاعب مستحيل يصير في اي جهة ماشملها القرار

لان اي جهة ماشملها القرار فهي حرة تزيد على الاساسي او على غير الاساسي
او ماتزيد اصلا

لانها غير مشمولة بالقرار

اما التلاعب (ان وجد) فمفترض انه يكون في الجهات اللي شملها القرار

انا اقول ان وجد التلاعب

واللي يقول في تلاعب يقدر يشتكي
بس لازم يثبت التلاعب اول شي:shy:

[مساهمة بسFresh]

هذا يعتبر تحايل اختي على المكرمه



كل الشركاااااات الزياده في الاساسي ... بس يمكن شركة او شركتين الزياده صارت بروحها حتى في وقت توزيع البونس ماتشملهم

اخوي
وين التحايل؟
في شركات ماشملها القرار
هاذي اصلا حتى لو ماتزيد محد يقدر يكلمها

افرض اني شركة في القطاع الخاص ، خلنا نقول بنك اجنبي مثلا

هل تقدر تجيني وتحتج بالقرار وتقول لي وين الزيادة؟
اصلا القرار ماشملني
فانا لو زدت من عندي سواء ع الاساسي او على غير الاساسي او حتى مازدت فمافي تلاعب

عرفت اخوي؟:shy:

اتمنى الصورة وضحت

والله يبعد عنا حب الفلوس اللي يعمي القلوب
:shy:

[قطري !]

اخوي
وين التحايل؟
في شركات ماشملها القرار
هاذي اصلا حتى لو ماتزيد محد يقدر يكلمها

افرض اني شركة في القطاع الخاص ، خلنا نقول بنك اجنبي مثلا

هل تقدر تجيني وتحتج بالقرار وتقول لي وين الزيادة؟
اصلا القرار ماشملني
فانا لو زدت من عندي سواء ع الاساسي او على غير الاساسي او حتى مازدت فمافي تلاعب

عرفت اخوي؟:shy:

اتمنى الصورة وضحت

والله يبعد عنا حب الفلوس اللي يعمي القلوب
:shy:




المكرمه لجميع المواطنين القطريين العاملين في الحكومه والقطاع الخاص





والقطاع الخاص الحكومه لها نسبة مئوية في كل شركه او بنك او او الخ ,,,, وال 60 في الميه لازم تدفعها الشركه المعنيه للقطري في الاساسي ... بس بعض الشركات تحايل وجعل ال 60 بروحها

[R 7 A L]

رحال الله يصلحك تشرح لمن ؟

قوم وانا اختك نطلع من هالموضوع :shy:

اشرح للناس الي ماتدري شطبخة
لابد لنا من توعيتهم

بالنسبة للشركات المساهمة وبعض الجهات التي تصرف مايسمى ( البونس ) اعتمدت وتعمدت عدم اضافة الـت 60% حتى تنتهي من تصفية الحسابات
مثال :
الملاحة القطرية
كانت الزيادة بروحها والاساسي بروحة وذلك من خلال مايسمى بالسليب سلري الشهري الذي يبين لكل موظف ماله وماعلية
وبعد اعتماد التقييمات وماسوف يصرف لكل موظف ( الونس ) اعتمدوها مع الراتب الاساسي
الا نه حتى الان يوجد بعض الجهات لم تضف الزيادة 60% للاساسي
واعتقد بعد الانتهاء من التقييمات سوف يضيفونها للاساسي

[مساهمة بسFresh]

المكرمه لجميع المواطنين القطريين العاملين في الحكومه والقطاع الخاص






اخوي قطري
تقدر تجيب لي نص القرار اللي يقول ان الزيادة تشمل القطريين في القطاع الخاص؟

اسمح لي اخوي بس معلوماتك غير دقيقة

ارجع لنص القرار الاميري وبتعرف ان القطاع الخاص غير مشمول

لكن بعض الشركات هي زادت من نفسها

القرار ماشمل القطاع الخاص
:shy:

[طلعة الروح]

أنا اشوف ان في 2 رايين ف الموضوع:

رأي مطلق :
وهو أن القرار الأميري بالزيادة مشمول كافة المواطنين في الجهات الحكومية والخاصة وبالتالي من حق الجميع ان تكون علاوة االموظف القطري داخله في الاساسي بنص القانون الصريح.

رأي مقيد:

وهو ان الشركات الخاصة مالها زياده وانها هي اللي تفضلت وزادت من نفسها يوم علمت بالقرار الأميري اللي يخص مؤسسات الدولة الحكومية وذلك خوفا من هروب الكفاءات المحلية من تلك الشركات.:telephone:
وبالتالي من حق تلك الجهات الخاصة انها ما تضيف علاوة القطري على الأساسي:)


من رأيي ان المواطن مواطن في جميع الجهات ومب عشان القطريين اقلية في القطاع الخاص ما تنطبق عليهم الزيادة بمفهومها الاصلي ، بما ان الجهات خذت الـ initiative وطبقوا الزيادات يجب عليهم ان يطبقوا القانون بحذافيره وهو ادخالها في الاساسي وخصوصا ان احنا في زمن الراتب مايسوي شي وكل شي سعره في ارتفاع واغلبية الموظفين مالهم مصادر دخل ثانية غير رواتبهم.

[مساهمة بسFresh]

أنا اشوف ان في 2 رايين ف الموضوع:

رأي مطلق :
وهو أن القرار الأميري بالزيادة مشمول كافة المواطنين في الجهات الحكومية والخاصة وبالتالي من حق الجميع ان تكون علاوة االموظف القطري داخله في الاساسي بنص القانون الصريح.

رأي مقيد:

وهو ان الشركات الخاصة مالها زياده وانها هي اللي تفضلت وزادت من نفسها يوم علمت بالقرار الأميري اللي يخص مؤسسات الدولة الحكومية وذلك خوفا من هروب الكفاءات المحلية من تلك الشركات.:telephone:
وبالتالي من حق تلك الجهات الخاصة انها ما تضيف علاوة القطري على الأساسي:)


من رأيي ان المواطن مواطن في جميع الجهات ومب عشان القطريين اقلية في القطاع الخاص ما تنطبق عليهم الزيادة بمفهومها الاصلي ، بما ان الجهات خذت الـ initiative وطبقوا الزيادات يجب عليهم ان يطبقوا القانون بحذافيره وهو ادخالها في الاساسي وخصوصا ان احنا في زمن الراتب مايسوي شي وكل شي سعره في ارتفاع واغلبية الموظفين مالهم مصادر دخل ثانية غير رواتبهم.

بس اختي القرار كان واضح :shy:

مادة (1)
تزاد رواتب الموظفين المدنيين العاملين بالجهات التالية بنسبة (60%) من الراتب الأساسي وبنسبة (60%) من العلاوة الاجتماعية:-
1- موظفو الوزارات والأجهزة الحكومية الأخرى والهيئات والمؤسسات العامة الخاضعين لقانون إدارة الموارد البشرية رقم (8) لسنة 2009 المشار إليه.
2- القضاة ومساعدو القضاة وأعضاء النيابة ومساعدو النيابة العامة.
3- موظفو الديوان الأميري.
4- أعضاء السلكين الدبلوماسي والقنصلي.
5 - أعضاء هيئة التدريس الجامعي.
6- موظفو قطر للبترول.
7- موظفو ديوان المحاسبة.

مادة (2)
تزداد رواتب الموظفين العسكريين من رتب الضباط بنسبة (120% ) من الراتب الاساسى وبنسبة (120% ) من العلاوة الاجتماعية .
وتزداد رواتب الموظفين والعسكريين من الرتب الاخرى العاملين بالجهات العسكرية بنسبة ( 50%) من الراتب الاساسى وبنسبة (50%) من العلاوة الاجتماعية .



يعني القطاع الخاص غير مشمول

المسالة مب مسالة اراء لان القرار واضح
يعني القطاع الخاص مب ملزوم يزيد
بس يمكن اختي مثل ماقلتي خافوا القطريين يطلعون فزادوهم
لكن حتى لو زادوهم مانقدر نقول في تلاعب اذا مازادوا الاساسي او الاجتماعية وسووا لهم علاوة جديدة في الراتب لانهم مب ملزومين
وشلون يطبقون القانون بحذافيره وهم اصلا مب ملزومين يطبقونه؟
:shy: