سؤال للخبراء : عندي ارض لو تنازلت عنها للدوله كم يعوضوني

[عمر الفاروق]

السلام عليكم ورحمه الله وبركاته

عندي ارض هبه من الدوله

وفكرت اني اتنازل عنها واخذ قرض الاسكان

واشتري لي بيت جاهز بدل عوار الراس مع البناء

كم تعوضني الدوله بدل الارض

من عنطه خبر يفيدني

وجزاه الله خير

[شموخ دائم]

,

,


مرحبا

عندك خيارين اما تاخذ الارض وتبني عليها من بنك التنميه

اما تاخذ بدل الارض ( 800 الف )

اعتقد بهذه الحاله انت خسران

لان قيمه الارض الان في أي مكان توصل بحدود
المليون ريال الى مليون و نص

حسب المنطقه وحسب المساحه

لو اخذت 800 الف + مليون ومئتان = 2 مليون

راح تجيب لك فيلا مساحتها صغيره بحدود 350 متر
في احد الاماكن خارج الدوحه

ولو بنيت على ارضك بالقرض ال مليون ومئتان

راح تعمل فيلا بحدود
ال 450 متر الى 550 متر

وايضا ملحق بحدود ال 100 متر

هذا الفرق بين ( الفكرتين ) وهو مكسب مساحه الفيلا اكبر
لو بنيت على ارضك

,

,


اخوك


شموخ دائم

[الشلهوب]

الاخ شموخ ماقصر في التوضيح و ايضا ممكن ان تاخذ فيلا جاهزة وتاخذ قرض الاسكان حسب قوانين الاسكان من هذة الناحية هذا من ناحية القرض , اما من ناحية الارض ممكن تنقل الشرط المانع من التصرف من الارض الحكومية المنحة على ارض الفيلا الجاهزة وفي هذة الحالة يتم التقيم مابين الارضين من ناحية المساحة والمنطقة وتدفع الفرقية وبعد ذلك تصبح الارض الحكومية حرة التصرف والارض التى عليها الفيلا مشروطة , واتمنى لك التوفيق انشا الله

[عمر الفاروق]

مشكورين ياشموخ دائم والشلهوب وصلت الفكره وجراكم الله كل خير