احترت فالعنوان صراحه

[البارع]

الى متى وحنا ساكتين على الاسائه لنا
نعم فيه ناس اسأو لنا ذكور وإناث
حريم يلبسون لباس اهلنا ويتكلمون بلهجة اهلنا وتشوف الوحده منهم تفعل من الافعال مايندى له الجبين فثلا تشوف
هالنوعيه فالمجمعات والاسواق يتصرفون
بتصرفات مثل الميوعه والتطنز والكلام مع الرجال واشيا استحي صراحه من ذكرها
هذا حال الحريم اما الرجال فبذكر لكم مواقف صارت مر من المرات كنت طالع من سوق واقف مع اهلي الا واحد يدش علي
من اليمين وبالغصب يبي يدش علي وانا كنت مركز على جهة اليسار الا العيال يقولون يبه بيصدمنا يوم التفت الا اخينا داش من فوق الرصيف قلت فنفسي هالشخص واحد من اثنين اما مسعف مريض ولا خبل اخليه يروح ابرك لي سمحت له الا سياره وراي ادق هرن وتاشر بالليت وايئشر بيده بمعنى لا تخليه يدش المهم صار الي صار وطلع واحد ايراني والثاني فلسطيني لا بسين قطري
ومره بكستاني ومره مصري ومره بلوشي
كلهم لابسين قطري ويتكلمون قطري

ليه نسكت لهم يسيؤون لنا بتصرفاتهم

ارجو مايعلق على الموضوع الا قطري

[MAZEN37]

من اخر سطر اقدر اقولك انك بارع

[أخت الكل]

أخوي التصرف الخطأ مرفوض سواء من قطري أو غير قطري

أنت منقهر لان الاشخاص لابسين الزي القطري ويتصرفون تصرفات مرفوضه تسيء لنا كقطريين

ومعك حق وانا منقهره من القطريين وخصصا بنات الحمايل اللي اسلموا سلوم ماهي لنا ولا احترموا اصالتهم ودينهم

[سارآ]

صحيح كلامك .. لاحول ولاقوة الا بالله .. يعني وش انسوي نطردهم ؟!
بس بالنسبة لسوق واقف حابه أحط معلومه اللي يشتغلون بالمحلات هم أجانب من الدول العربيه ،،
ومطلوب منهم أنهم يلبسون لبس قطري يعني مجبورين .. وبالنسبه للكلام من عاشر القوم 40 يوما صار منهم ..
يعطيك العافيه ..

[ذيب ازغوى]

بخصوص سالفه الحريم شوف انا وانت مالنا خص اهلهم موجودين واهلهم اللي يحاسبونهم ووزاره الداخليه تشوف وساكته ويوم القيامه هم الاثنين بيتحاسبون
ولو انا كلمته او قلت لها شي ممكن تبهدلني وتجرجرني في المحاكم وانا غني عن ذي المشاكل

اما بسالفه ان واحد يلف علي او احد يعطيني هران وياشر ان كان ذكر ممكن افقع له وجهه واذا كانت مره بنزل امسح فيها البلاط لاني انا مارتاح اذا احد غلط علي ومااارديت عليه من كان ان شاء الله

وبقولك سالفه مره كنت مستعجل وماسك خط الشمال وكان قدامي رجال لابس عسكري مال القوات الخاصه الحرس الاميري المهم والله اني ديمت له مره وحده وتنقعت وراه ولايبي يوسع المهم لفيت يمين عنه الا الحبيب يناحس ويلف علي تنرفزت وطارت شياطيني والله اني لفيت علي وحااولت اوقفه مب موقف واحمدلله انه موقف لان كنت نااوي على شر

شوف انا نظامي لاتغلط علي وبحطك فوق رااسي لاكن تغلط علي ماراح اخلييييك

واسمحولي انفلعت اشوي مع الموضوع

[ريتويت]

شي محزن

[الحريّه]

ليش تنفعلون ؟!!! عطوا روحكم العافيه !
لبلاد انترست , و كلنا في الأخير صرنا قطريين , سواء بالتجنس و لا بغيره !
و كل واحد يعمل بأصله !
يقول المثل القديم " سيري يا حرّه , و لا عليج مضره " و من عدا ذلك , و ما عدا ذلك , فكلٌّ يعمل بأصله , سواء قطري مصلصل أو لافي أو من يكون !
و لأن هذا واقع الحياة في كل مكان , بسبب الحراك الإجتماعي و الجري وراء لقمة العيش و الإستقرار , فقد كان من المفترض أن تحرص الحكومات على الحفاظ على هويتها الأصلية من التغيّر و التسييل بسبب المدخلات الكثيرة . و هذا يكون بتأصيل أماكن العمل والوظائف بكفاءات قطرية حقيقية لها الأولوية دائماً , و لا تترك " القرعه ترعى " و كيفما صار فليكن " . كما يكون أيضاً بالحفاظ على هوية المجتمع الأصلية بعدم السماح لغيرها بالإزدهار إلا من خلالها , بحيث تكون هي المسيطرة . مثل عدم السماح لأي غريب أو متجنس حديث التجنيس بعرض ثقافته إذا كانت تتناقض مع ثقافة المجتمع الأصلية , بل تجبر الجديد على تبني ثقافة القديم . و هذا رأيناه في كثير من الدول التي تعتبر من دول الهجرات , حين أجبرت كل متقدم للحصول على الجنسية أن يثبت أنه يستحقها من خلال التقدم لإختبار في تاريخها , و من خلال وضع مبالغ طائلة في بنوكها لضمان انتمائه و استحقاقه للخدمات التي ستقدمها له .
همسة " لا يجب أن نكون من الضعف فيبتلعنا و يبتلع ثقافتنا الأصيلة الآخرون "
تحياتي:discuss:

[الأصيلة]

للحين ماشفتوا شيء...
المناظر كل مالها وتزيد
بنات يخرعون في سياراتهم مع صوت الأغاني والسجائر وحالتهم حاله
الشخص العادي أو الزائر للبلد اشدراه إنهم غير قطريات
وبالفعل هم غير قطريات...
أنا ماصدقت لين نزلت الجام وسمعت سوالفهم
بصوت عالي وعرفت إنهم غير خليجيات...

[بوخالد911]

يا ريت ينسحب الجواز القطري لكل من أساء له

وبجذيه بيتأدبون

[البحار00]

شمعنى الجوازات تفرض على بعض المقيمين انهم ايجيبون صورة للبطاقه شخصيه

بدون الغترة والعقال

الا المفروض اصلا يمنعونهم من لبس الثوب والغترة

ياكثرهم السوريين في سوق واقف لابسين لباسنا ويلاحقون بنات هالقطر

مب مخلين وحده في حالها

[ريم 28]

ليش تنفعلون ؟!!! عطوا روحكم العافيه !
لبلاد انترست , و كلنا في الأخير صرنا قطريين , سواء بالتجنس و لا بغيره !
و كل واحد يعمل بأصله !
يقول المثل القديم " سيري يا حرّه , و لا عليج مضره " و من عدا ذلك , و ما عدا ذلك , فكلٌّ يعمل بأصله , سواء قطري مصلصل أو لافي أو من يكون !
و لأن هذا واقع الحياة في كل مكان , بسبب الحراك الإجتماعي و الجري وراء لقمة العيش و الإستقرار , فقد كان من المفترض أن تحرص الحكومات على الحفاظ على هويتها الأصلية من التغيّر و التسييل بسبب المدخلات الكثيرة . و هذا يكون بتأصيل أماكن العمل والوظائف بكفاءات قطرية حقيقية لها الأولوية دائماً , و لا تترك " القرعه ترعى " و كيفما صار فليكن " . كما يكون أيضاً بالحفاظ على هوية المجتمع الأصلية بعدم السماح لغيرها بالإزدهار إلا من خلالها , بحيث تكون هي المسيطرة . مثل عدم السماح لأي غريب أو متجنس حديث التجنيس بعرض ثقافته إذا كانت تتناقض مع ثقافة المجتمع الأصلية , بل تجبر الجديد على تبني ثقافة القديم . و هذا رأيناه في كثير من الدول التي تعتبر من دول الهجرات , حين أجبرت كل متقدم للحصول على الجنسية أن يثبت أنه يستحقها من خلال التقدم لإختبار في تاريخها , و من خلال وضع مبالغ طائلة في بنوكها لضمان انتمائه و استحقاقه للخدمات التي ستقدمها له .
همسة " لا يجب أن نكون من الضعف فيبتلعنا و يبتلع ثقافتنا الأصيلة الآخرون "
تحياتي:discuss:

لا فض فوك
مع كل كلمه :)

[عمر الفاروق]

الله يهدي جميع المسلمين سوأء كان موطن أو مقيم سواء كان بالزي القطري أو بالجينز

[نور الحور]

لا حول ولا قوة إلا بالله ...
وياريت توقف عند هالحد .. اللحين تلقى مذيعات ومغنيات و ممثلات يالله سترك ومحسوبين على أهل الخليج .. وبعضهم مجنسين للأسف ..
وفوق هذا يقولون لنا ان هم يعبرون عن عاداتنا وقيمنا وحياتنا ومشاكلنا ..
شوف أغلب المسلسلات الخليجية .. 99.9 % منهم غير خليجيين .. ومسويين الهوايل ..نفس الأمر ينطبق على المغنيات والمذيعات .. طبعا ما نقول أهل قطر أو الخليج معصومين .. لكن للأسف غالبية الإعلاميين جذي ..من هالفئة !
والمشكلة هني دور الإعلام الكبير يعني التأثير مضاعف.. الله يحفظنا من كل شر ويبعد عنا كل مكروه ..

[البارع]

شاكر لكل واحد على المداخله
واحب اوضح شي بسيط

انا ماتكلمت عن الجنسيه

انا تكلمت عن الزي القطري
قلت فيه ناس تلبس الزي القطري
وتتصرف تصرفات مشينه
(هذا توضيح للي مافهم قصدي )

[أم محمد 90]

شمعنى الجوازات تفرض على بعض المقيمين انهم ايجيبون صورة للبطاقه شخصيه

بدون الغترة والعقال

الا المفروض اصلا يمنعونهم من لبس الثوب والغترة

ياكثرهم السوريين في سوق واقف لابسين لباسنا ويلاحقون بنات هالقطر

مب مخلين وحده في حالها


:omg::eek5::omg::eek5::omg::eek5:

[آنا غيــر]

اي والله =(

[ضوى]

الواحد مايعرف بشنو يعلق

الله المستعان

[Al-Kuwari]

لين متى بترمون اخطائكم على غيركم يا شعب المدينة الفاضلة ؟!

[البارع]

لين متى بترمون اخطائكم على غيركم يا شعب المدينة الفاضلة ؟!

هههههه اخوي اقرا الموضوع عقب علق

[♫ احسـاسـ طفلـهـ ♫]

شمعنى الجوازات تفرض على بعض المقيمين انهم ايجيبون صورة للبطاقه شخصيه

بدون الغترة والعقال

الا المفروض اصلا يمنعونهم من لبس الثوب والغترة

ياكثرهم السوريين في سوق واقف لابسين لباسنا ويلاحقون بنات هالقطر
مب مخلين وحده في حالها


ترى هالشي صج قاعد يصير وياليت لرجالنا وقفة جاده وصارمة اذا عندهم غيره على بنات بلادهم لان صج يرتفع ضغطي لاقصى درجة من هالموضوع شاللي جرأ هالنوعية على بنات الحمايل!! :) ..