استفسار افضل ارتفاع للسقف

[][ Q6r ][]

السلام عليكم

استفسار افضل ارتفاع للسقف مع الجبس


للصاله

7x9

:)

[شموخ دائم]

,

,


مرحبا

اخوي الكريم

الموضوع يعتمد على الديكور بالسقف هل بتحط شغل ثقيل وطبقات او لا

عموما احسن ارتفاع للبيوت الان 4 متر

يناسب كل شي من ( دكتات التكييف ) ومن شغل الجبس المعلق الطبقات وتعلق ثريات
وتتحكم فيه على حسب ما تحب
:)

راح يبقى الصافي بحدود ال 3 متر وشوي

والامور طيبه

,

,


اخوك

شموخ دائم

[Ashom Qatar]

3 متر

[معماري قطري]

إذا بتركب جبس 3 أمتار كافي بشرط المكيفات تكون سبلت لكن دكتد سبلت تحتاج حول 40 سم زيادة وتأكد إن الأبيام تكون مخفية حتى تقدر تمرر الدكتات ومع الجبس ممكن تصفي على 2.9 أو 2.8

فيه ناس الحين يسون إرتفاع عالي لكل دور بحدود 4.5 أو 5 متر ويقسمون كل غرفة إلى دورين مثل جلسة تحت ومكتب وغرفة ملابس وفوق نص دور يكون فيه السرير بس.

وفيه ناس يركزون على إرتفاع 4 أمتار صافي ويسوون ديكورات وفاصل في الحائط من كورنيش الجبس الثقيل وفيه إناره مخفية.

كل اللي ذُكِر يعتمد على خطتك وشتبي تسوي، ولتنسى شيء مهم الإرتفاع الكبير اللي يقارب عرض الغرفة أو الصالة بدون فواصل أو قبه مثلاً يسوي صدى قوي في البيت من أي صوت وهذا شيء مزعج.

انا تعجبني فكرة ترك الصالات والمجالس مرتفعه وعمل الغرف صغار في المساحة بس مرتفعين وبميزانين فلور جزء للنوم فوق وجزء للمعيشة تحت.. ويجي درج خفيف سيده لفوق أو دائري مثل ذيه.

http://im32.gulfup.com/dNx41.bmp (http://www.gulfup.com/?UqgX56)

[][ Q6r ][]

شاكر للجميع على النصائح والملاحظات

[بوخالد911]

4 م

وهالارتفاع بيعطيك وكان المكان فعلا كبييرررررررررررررررررر

عن بيتي
الدور الارضي 4م
والأول بعد 4 م

[حسن]

خله اربع متر وسدح الجسور لاتخليها ساقطه علشان الدكتات للمكيفات
اذا تبي تركب ولا في المستقبل ماعندك مشكله

بالتوفيق

[ولد المنصور]

كل مارفعت احسن واحسن ,, يعطيك منظر ووسع ..
انا بيتي الدور الارضي صافي قبل الجبس 4,10 ,, والاول 4 ,, والمكيفات اسبلت ..

[معماري قطري]

الإرتفاع 4 متر وحتى 5 متر أو 6 متر للصالات وللمجالس حلو أما لغرف النوم بيكون مزعج وللحمامات بعد .. تخيل حمام عرض مترين وهو العرض العادي وإرتفاعه 4 أمتار بيكون يبين مثل داعوس طويل .. وبعدين فيه إرتفاع معين ويستوي بعده عندك صدى صوت قوي.

الأفضل لو عندك صاله وسطيه وارتفاعها نفترض دورين وفيها لفت ودرج بسيط ويطل على الصالة كلها، وتسوي قبه أو سكاي لايت هرمي لكسر إنعكاس وصدى الصوت، أو تحط جبس بكم طبقة متدرج لكسر صدى الصوت بعد، وتضطر تسوي أبواب الغرف في كسرات داخلية عن الصوت القوي وخصوصاً صوت التلفزيون للراحة والنوم، وتحافظ على الغرف والحمامات بإرتفاع عادي أو بالأقصى 4 متر حق تمرير الدكتات وطبيعي مع الجبس بتنزل عن ال 4 متر.

[captin]

مرحبا أخوي

أنا عندي الإرتفاع 4.20 لكل دور بسبب اني
مركب تكييف دكت سلبيت والجسور ساقطة .

راح افقد من الارتفاع حوالي 80 سم لتمديدات الدكتات
للهواء الداخل والراجع ومع أعمال الفنش للديكور .

لذلك من البداية خل إرتفاع الأماكن العامة ما يقل عن 4 متر
وإن قدرت الجسور تكون مخفية في مستوى خرسانة السطح
عشان تقدر إن بقيت تركب تكييف دكت سلبيت أو غيره وتكون
عندك مطلق الحرية تتفنن في اعمال ديكورات السقف .

بالتوفيق ان شاء الله

[نور الحور]

مرحبا أخوي

أنا عندي الإرتفاع 4.20 لكل دور بسبب اني
مركب تكييف دكت سلبيت والجسور ساقطة .

راح افقد من الارتفاع حوالي 80 سم لتمديدات الدكتات
للهواء الداخل والراجع ومع أعمال الفنش للديكور .

لذلك من البداية خل إرتفاع الأماكن العامة ما يقل عن 4 متر
وإن قدرت الجسور تكون مخفية في مستوى خرسانة السطح
عشان تقدر إن بقيت تركب تكييف دكت سلبيت أو غيره وتكون
عندك مطلق الحرية تتفنن في اعمال ديكورات السقف .

بالتوفيق ان شاء الله


نفس المشكلة :weeping: .. انتبهوا للجسور الساقطة ..

[معماري قطري]

نفس المشكلة :weeping: .. انتبهوا للجسور الساقطة ..

حتى الجسور الساقطة ممكن تخترق بس يبي لها حسابات دقيقة وما ينقطع الحديد المشدود وتتمرر من خلالها الدكتات .. وممكن تتمرر الدكتات من تحتها وترجع ترتفع تلصق في أسفل السقف وينعمل كورنيش نازل شوي في الأطراف وسقف الغرفة في الوسط يكون مرتفع أكثر.

[نور الحور]

حتى الجسور الساقطة ممكن تخترق بس يبي لها حسابات دقيقة وما ينقطع الحديد المشدود وتتمرر من خلالها الدكتات .. وممكن تتمرر الدكتات من تحتها وترجع ترتفع تلصق في أسفل السقف وينعمل كورنيش نازل شوي في الأطراف وسقف الغرفة في الوسط يكون مرتفع أكثر.

ياريت والله .. أحسه أحسن حل :(

[معماري قطري]

ياريت والله .. أحسه أحسن حل :(

يعتمد على شركة التكييف وإمكانياتها، ولكل شركة طريقة شوي تختلف أحياناً في حساب عمق الدكت، وبعضهم يسونها عريضة وعمقها بسيط حتى ممكن 20 أو 30 سم .. أحسن شيء بيكون اللي يسمونه linear grill وهو مخرج يوزع الهواء بشكل متوازي على كل الغرفة ويقابله نفس الشكل من الجهة الثانية شفط للهواء، وهذا النوع يعطي تبريد هاديء وحركة هواء خفيفة وعلى تقريباً كل الغرفة بعكس المربعات الصغار.

[K.A]

نفس المشكلة :weeping: .. انتبهوا للجسور الساقطة ..


وانا للاسف بعد طحت في هذي المشكله والحمد الله اني كنت رافع شوي من عندي
الجسور الساقطة 0.30cm والتكيف الدكت 0.45cm والجبس 0.15cm
يعني متر راح على الفاضي
وصار الصافي 2.85 على الاطراف وفي الوسط 3.35 تقريباً
هذي الطريقة خلت شكل البيت رفيع مب نازل واي شخص بيتوهق في الجسور وعنده دكت
يعمل هذا الحل اطراف نازله والعمق مرتفع

[K.A]

يعتمد على شركة التكييف وإمكانياتها، ولكل شركة طريقة شوي تختلف أحياناً في حساب عمق الدكت، وبعضهم يسونها عريضة وعمقها بسيط حتى ممكن 20 أو 30 سم .. أحسن شيء بيكون اللي يسمونه linear grill وهو مخرج يوزع الهواء بشكل متوازي على كل الغرفة ويقابله نفس الشكل من الجهة الثانية شفط للهواء، وهذا النوع يعطي تبريد هاديء وحركة هواء خفيفة وعلى تقريباً كل الغرفة بعكس المربعات الصغار.


التكيف بصوره عامه لا احد يركب فوق 5طن لانه 7.5 راح يكون لفل واحد كله على الهاااي ومافي كنترول على القوه التكيف
و5 طن 45cm ارتفاعه
وللعلم من 3 الى 5 نفس حجم البيبات تبع التكيف
يعني لو ركبت في الغرفه 3 وحبيت عقب فتره تغير الى 5 تقدر بدون اي تكسير

والتكيف للامانه غير جنرال لا يوجد منافس
والعيب الوحيد المواعيد يمكن يتاخر يوم يومين جي
ويجيك يوم ويومين محد
بس لعوزهم يخلصونك وادفع تفتك ههههههههههه

[معماري قطري]

التكيف بصوره عامه لا احد يركب فوق 5طن لانه 7.5 راح يكون لفل واحد كله على الهاااي ومافي كنترول على القوه التكيف
و5 طن 45cm ارتفاعه
وللعلم من 3 الى 5 نفس حجم البيبات تبع التكيف
يعني لو ركبت في الغرفه 3 وحبيت عقب فتره تغير الى 5 تقدر بدون اي تكسير

والتكيف للامانه غير جنرال لا يوجد منافس
والعيب الوحيد المواعيد يمكن يتاخر يوم يومين جي
ويجيك يوم ويومين محد
بس لعوزهم يخلصونك وادفع تفتك ههههههههههه

صح مره شفت جنرال مسوين دكتِد سبلت وشفت الدكتات عبارة عن فلكسبل بايب قطر 20 أو 25 سم، والواحد أحسن يمر قبل عند شركات التكييف مثل جنرال والريس ومتسوبيشي وغيرهم ويشوف التصميم الأنسب له ويتفق معاهم وحتى لو متفق مع شركة مبدئياً وحب يغير أتوقع يقدر بسهولة .. بس ما قلت لنا يا اخوي شصار مع الشكل النهائي للغرف وتجربة هالنوعية من التكييف؟ وانا رايي 3.35 إرتفاع ممتاز لمجالس وصالات و2.8 جيد لغرف نوم، ومتوقع عندك فرق 55 سم بين الأطراف والوسط أكيد طلعت تشكيلة الجبس والإضاءَة حلوه ونطمع في شوية صور لو ما فيها إحراج.

[نور الحور]

وانا للاسف بعد طحت في هذي المشكله والحمد الله اني كنت رافع شوي من عندي
الجسور الساقطة 0.30cm والتكيف الدكت 0.45cm والجبس 0.15cm
يعني متر راح على الفاضي
وصار الصافي 2.85 على الاطراف وفي الوسط 3.35 تقريباً
هذي الطريقة خلت شكل البيت رفيع مب نازل واي شخص بيتوهق في الجسور وعنده دكت
يعمل هذا الحل اطراف نازله والعمق مرتفع


مشكور على ذكر تجربتك ..
عاد سبحان الله أنا كنت اقرا كثير عن هالمشكلة وايد حذروا منها لكن الله كتب وصارت عندنا مع اني محذرة زوجي .. لا يغني حذر من قدر ..
واعتقد حلك اوكي بس يا ترى شلون لو نبي نسوي أكثر من ديزاين .. وكلها ناعمة ومودرن ما فيها شغل كثير ..يا ترى في حل ثاني؟

[Markets]

حسب نوع الديكور و المكيفات مركزي او لا

[معماري قطري]

مشكور على ذكر تجربتك ..
عاد سبحان الله أنا كنت اقرا كثير عن هالمشكلة وايد حذروا منها لكن الله كتب وصارت عندنا مع اني محذرة زوجي .. لا يغني حذر من قدر ..
واعتقد حلك اوكي بس يا ترى شلون لو نبي نسوي أكثر من ديزاين .. وكلها ناعمة ومودرن ما فيها شغل كثير ..يا ترى في حل ثاني؟

بسهولة إخت نور تقدرون تسون الدزاين المودرن على إرتفاعات مختلفة وكل التصميم ممكن يكون قواطع جبس سيده تغطي السقف وحتى ممكن بكورنيش مودرن أو بدون وممكن يكون الجبس يبين طافي على السقف .. بحيث ينترك فراغ بسيط 2 - 4 سم بينه وبين الجدار.. والمودرن حل مناسب للي تعتبرينه مشكلة في إرتفاع سقف البيت واللي انا أعتبرها نهائياً مب مشكلة خصوصاً إن بيتكم بنظام الصالة المفتوحة على إرتفاع دورين.. وبعدين واجهات الزجاج كبيرة والنتيجة بتكون مرضية لآخر درجة من رايي.

[المريش]

انا مع الإخوان بكل ما قالوا في عدة امور:

1. بالنسبة للتكييف الدكت الأفضل من 3 إلى 5 طن، ابدا لا تاخذ اعلىو لتفادي مشاكل الصيانة , الإزعاج واهم شي التكلفة. ويفضل ان تزور محلات الدكت سبيلت قبل ان تبدأبيتك للإلمام بكل النواحي.
2. بالنسبة للإرتفاعات الأعلى يكون الأفضل وخاصة ان التكلفه قليله ولكن الارتفاعات تكون للمساحات المفتوحه, اذا ما عندك 4 بيكون فوق الممتاز.
3. بالنسبة للجسور انا مع الأخوان لازم الإنتباه والآن هناك من الحلول الكثيرة لحل مشكلة الجسور اللي تخرب عليك الديكور او الإرتفاعات ولكن لابد قبل التنفيذ تنتبه.

أخواني وأخواتي احنا نفتقد لعملية التخطيط ما قبل البناء، بالنسبة لي قمت بزيارة حميع ما يتعلق بالبناء قبل قيامي بالبناء وعمل ملف خاص, اصبح مرجع لي الآن في التنفيذ وتلافيت كثير من المشاكل قبل حدوثها, فقط بالتطيط المسبق.

الكل يقول أن مرحلة التشطيب هي اصعب مرحلة وبالفعل هي ولكن بدون تخطيط مسبق ستصبح كارثة, وبالنسبة لي اصبحت الأمور واضحة وسهلة شيء ما، بل عرفت وانا ما زلت بالمراحل الأولية كم التكلفة المتوقعه لكل مرحلة مما ساعدني إني لا اوصل لمرحلة اوقف فيها لعدم توفر السيوله.


الله يوفق الجميع ولكن التخطيط ثم التخطيط ثم التنفيذ

[K.A]

صح مره شفت جنرال مسوين دكتِد سبلت وشفت الدكتات عبارة عن فلكسبل بايب قطر 20 أو 25 سم، والواحد أحسن يمر قبل عند شركات التكييف مثل جنرال والريس ومتسوبيشي وغيرهم ويشوف التصميم الأنسب له ويتفق معاهم وحتى لو متفق مع شركة مبدئياً وحب يغير أتوقع يقدر بسهولة .. بس ما قلت لنا يا اخوي شصار مع الشكل النهائي للغرف وتجربة هالنوعية من التكييف؟ وانا رايي 3.35 إرتفاع ممتاز لمجالس وصالات و2.8 جيد لغرف نوم، ومتوقع عندك فرق 55 سم بين الأطراف والوسط أكيد طلعت تشكيلة الجبس والإضاءَة حلوه ونطمع في شوية صور لو ما فيها إحراج.

ان شاء الله اخوي انا الحين اشتغل على الاضاء والابواب
بس لما اشطب راح انزل موضوع كامل عن البيت والتفاصيل وان شاء الله يعجبكم
بس محتاج وقت واكون مجهز كل شي بأذن الله

[K.A]

مشكور على ذكر تجربتك ..
عاد سبحان الله أنا كنت اقرا كثير عن هالمشكلة وايد حذروا منها لكن الله كتب وصارت عندنا مع اني محذرة زوجي .. لا يغني حذر من قدر ..
واعتقد حلك اوكي بس يا ترى شلون لو نبي نسوي أكثر من ديزاين .. وكلها ناعمة ومودرن ما فيها شغل كثير ..يا ترى في حل ثاني؟

العفوو اختي نور
بالعكس انسب حل لشغل المودرن والكلاسيك
وان شاء الله بنزل صور قريبه لافكار الديكور اللي عملته للبيت
وان شاء الله بصور غرفه غرفه وصاله صاله وزنفه زنفه ههههههههه
واراح ارفقها في موضوع

[نور الحور]

العفوو اختي نور
بالعكس انسب حل لشغل المودرن والكلاسيك
وان شاء الله بنزل صور قريبه لافكار الديكور اللي عملته للبيت
وان شاء الله بصور غرفه غرفه وصاله صاله وزنفه زنفه ههههههههه
واراح ارفقها في موضوع


هههههه .. واحنا بالانتظار .. بس ما فهمت شلون أحسن حل للمودرن والكلاسيك ؟ المودرن عكس الكلاسيك ..

[معماري قطري]

هههههه .. واحنا بالانتظار .. بس ما فهمت شلون أحسن حل للمودرن والكلاسيك ؟ المودرن عكس الكلاسيك ..

حسب ما فهمت هو يقصد للإثنين :)

[K.A]

حسب ما فهمت هو يقصد للإثنين :)


بضبط
تقدر تعمل مودرن
وتقدر تعمل كلاسيك