كيوتل وخدمه العملاء call center

[ابوالعبد]

السلام عليكم والرحمة الله وبركاتة


بصراحه شي مستغرب منه ومب اول مره اكثر من 4 مرات صارت معاي


كنت حاب استفسر علي اشياء عاديه مثلا بلاك بيري خدمه ماتشتغل او مثلا كم باقي علي الميجابايت وتنتهي يعني اسئله عاديه تخيلوا يتمون معاي بساعه لما يجابون

ويخلوني انطر علي الخط تقولي الموظفه لحظه شوي عرفت انهاعليميه وراحت تسئل المدير كلهم مايدرون

بسالفه هل توظفوا من خلال الواسطات؟ ام انهم متوظفين من شركه ستارلينك ومجبوره كيوتل

تشغلهم ولا واحد مره اتصلت مغربي ونعم با اهلنا المغاربه لكن ماينفهم عليه كلش

وغير هشكل اكثرهم مايعرفون شي بالمجال للخدمه العملاء !!! اين القطري من هذه الوظيفه!

[أم محمد 90]

اخوي من يوم ما حطو خدمة 180 انك ترسل اسم المكان ويطرشون لك الرقم

ولما اتصل على 180 اطلب رقم ولا قطري او قطرية ترد علي كلهم اجانب

وحتى لما اتصل امدد لمت فاتورة كلهم اجانب ونفس الشي فودا فون ..

والبنك التجاري من نقلت عندهم وانا متحسفة يرد علي (هندي) يقول لي how can i help you
اقول له عطني حد يتكلم عربي يرد علي يقول (نعم اختي الفاضلة تفضلي) معلمينه اللغتين

والله صح كلامك صج ان الوظيفة بسيطة ولكن القطريين اولى بها صراحةً يوظفونهم ويدربونهم مدة 3 شهور مثلا وبعدها يخلونهم call center .. مافيها شي يوم كنت ببنك قطر الوطني كانو الي يردون علي كله قطريين وكان التواصل والتفاهم والمساعدة احسن والله

[رذاذ]

انا اتعقد يوم اسمع الدعايات وانهم فاتحين خدمه الاس ام اس واكتب الاسم ويطلع غير موجود ..

خلو الاتصال دايركت ع البداله بدون مسج الترحيب ع 180

[حمد 2002]

وين كيوتل عن التقطيرر

المفروض هالوظائف يشغلها قطريين من الجنسين لانها ماتحاتاج خبره كثيره ، كلها شهر واحد ايتم تدريب الموظف على طبيعه الشغل واتحصله مستواه فووق الممتاز

[R 7 A L]

صدقت اخوي

خدمة الكول سنتر لكيوتل
كانت ممتازة

الحين قل مستواهم

[احب قطر]

العمل في الكول سنتر من اصعب الأعمال داخل كيوتل ، لهالسبب مايتمون القطريين في هالمكان يا أم ينتقل أو يستقيل.

[Aaziz]

بصراحه انا تجربتي معاهم غير عنكم تماما .

اتصلت لموضوع عويص شوي و رد علي مصري خفيف دم اذكر اسمه والله "محمد" ،، كانت مكالمه ممتعه جدا و طولت معاه يمكم 40 دقيقه ولا ساعه وخدمني بمعنى الكلمه .

و كانت احد الشغلات العالقه اني افصل خدمه الانتر نت والي كانت تحتاج ارسال رساله و بحكم اني مسافر السستم اعتقد مايقبل و قال لي ارجع اتصل اذا ما انفصلت ،،، ورديت اتصلت و ردت علي بنت الله يسترها ملاحظتي كانت انها تكلم عربي مكسر جدا

[ابوالعبد]

مشكله هي مو مشكله انهم اجانب مع العلم ما اعتقد في قطري في هالوظيفه معنه وظيفه سهله مش محتاجه

للاجانب الاولى هي توظيف القطري مع العلم كول سنتر ماتحتاج شهادات فيها يعني الي عنده ثانويه

يقدر يشتغل فيها ماعلينا القصد هناااا انه مساعدتهم لك فاشله بالمعنى عليميه كلهم مايعرفون شي

ولايعرفون شلون يحلون لك المشكله وينقعونا وعقب يقولك شيل البطاريه ورد ركبها طيب هههههههههه

اكثرهم مايعرفون شي متوظفين بالواسطات هالاجانب او عن طريق شركه ستارلينك براتب 5000 ريال

مع العمل كيوتل ماتبي تتدفع للقطري راحت سوت شراكه مع ستارلينك للتوظيف علي 5000 ريال

يعني يجيبون 3 اجانب علي راتب قطري ومشكله جايبين ناس ماتفهم شي عن الكول سنتر وعن

تلفونات هذا هو القصد تعبانين

ماعرف شالمشكله هل كيوتل مقصره في تتدريبهم او ماذااااااا


ملاحظه ياليت ياكيوتل يكون في تقطير شدعوه معقوله مافي قطري في قطر حتى لو تتدخلون علي افرع كيوتل باي مكان كله اجانب مسطرين علي كونترات

وين القطري!!!!!!!!!!!!!!! القطري وين تبونه يروح فقط الخويا او حمايه !!! مع العلم هذه الوظايف الكول سنتر و خدمه العملاء وغيرها مايحتاج واحد عبقري يكون فيها

[qews]

اخوي ابوالعبد عط غيرك فرصه يتعلم يعني تبي الشخص الجديد يكون بروفشنال

ومافي فرق بين القطري والجانب كلهم خدومين وان كان جديد بيتعلم وبيتحسن مستواه وهذي هي حاله الدنيا

كلنا بدينا من الصفر والان نعلم الجديد وندربه

الله يعينك على حالك

[ابوالعبد]

اخوي ابوالعبد عط غيرك فرصه يتعلم يعني تبي الشخص الجديد يكون بروفشنال

ومافي فرق بين القطري والجانب كلهم خدومين وان كان جديد بيتعلم وبيتحسن مستواه وهذي هي حاله الدنيا

كلنا بدينا من الصفر والان نعلم الجديد وندربه

الله يعينك على حالك


احترم رايك ولكن شكلك من الفئه ؟ ونعم فيك وين ماكنت الموضوع واضح مو القصد

علي الاجنبي القصد شغلهم تعبان واكثر من مره مو انا ببس اشتكي غيري كثير شوف ونعم بالجميع المقيمين بقطر لكن القطري اوله من غيره في الوظائف !!! وخصوصا

لو كانت سهله ومش محتاجه للعباقره وعلماء ذره !!! الاجنبي ممكن استفيد منه بالمجالات الصعبه الي مافيها كفائات !!!!!

[ابوالعبد]

كيوتل ماعندها تقطير موظفيها اغلبهم اجانب وقليل جدا فيها قطرين!! مادري الاتش ار في كيوتل شكله اجنبي هندي او جنسيه اخرى مايختار الا من ربعهم!

[بوخالد911]

هلا

قلة من القطريين اللي يقبلون العمل في الكوول سنتر

الغالبية يتطلع الى مواقع أفضل
ولا أتوقع قطري يقبل براتب مثلا 5000 ويشتغل بالكووول سنتر

الجنسيات الاخرى تقبل بذي الشي
فهم شبه مجبرين

[qews]

مستحيل اخوي كول سنتر ياخذ 5000

ممكن الاجنبي 12 والقطري 22 في نقس المجال