اكبر قضية تزوير في تاريخ التصميم برعاية اشغال

[almaf1a]

من المؤسف ان نرى غسيل شركة اشغال على صفحات الانترنت بالعقود وبالصور والايميلات والاسماء

الموضوع متعلق بالحبيب هذا

http://www.qatarfakes.com/images/executive/Standard%20Latina%201996.png

الي صار هذا بس شغل صيني

http://www.qatarfakes.com/images/executive/Specially%20modified%20Latina%20Al%20Waab%20St%20L ighting%20Project%202006.png

الموضوع وصل لمحاكم برشلونة



ناقل الكفر ليس بكافر :this:

[R 7 A L]

اعتقد القضية قديمة 2006

بس اللي في الصورة الاولى المفروض صناعة وين ؟

[almaf1a]

صناعة اسبانيا

والمضحك في الموضوع انهم واجهوا مشاكل وطلبوا من الشركة نفسها عمل صيانة :rolleyes2:

[رذاذ]

التصميم الاول يختلف عن الثاني شوف فوكس الليتات شلون واحد بزاوية والثاني بـدون
كلهم حلوين

[R 7 A L]

السؤال الي يطرح نفسه شلون قدرت تمر عليهم ؟

[غايه الطواش]

حد يفهمني شسالفه

[بن غيث]

هههههههه .. ان شاء الله ما يكتشفون أشياء ثانية
كانوا يظنون أنهم أذكاء ويقدرون يخدعون الشركات العالمية ..

[Aaziz]

بالغت جدا في العنوان و الخبر اساسا قديم . و اشغال تعتبر من المصايب الي حلت على روسنا .


حد يفهمني شسالفه

الليتات الي في خط 22 فبراير

[تاسيتوس]

وين الترجمة

[بـومحمد]

شسالفه ممكن توضيح

[almaf1a]

صحيح الموضوع قديم ولكن الجديد فيه ان محكمة برشلونة قبلت الدعوه المقدمه
بتاريخ 31-1-2013 من الشركة لخرق الحقوق الفكرية استنادا لقوانين المنظمه العالميه للحقوق الفكريه

http://img826.imageshack.us/img826/7333/17499336.jpg

الدعوه فيها تشهير وايضا انتقام :weeping:

[آنا غيــر]

حشه مافهمت شطماط

[Aaziz]

بصراحه غريبة انهم بعد 7 سنين يقبلون قبول القضية .

ولكن عادي ترى اشغال تمثل شركة و الشركه الي صممت تعبر شركه ايضا .

سامسونغ و ابل كل يوم قضايا و الامور طيبه
واساسا مش مضمون انهم يكسبون القضية

[وطن]

هذي مشكلة اللي يدور الرخيص

[بن غيث]

صحيح الموضوع قديم ولكن الجديد فيه ان محكمة برشلونة قبلت الدعوه المقدمه
بتاريخ 31-1-2013 من الشركة لخرق الحقوق الفكرية استنادا لقوانين المنظمه العالميه للحقوق الفكريه

http://img826.imageshack.us/img826/7333/17499336.jpg

الدعوه فيها تشهير وايضا انتقام :weeping:

هذه الدعوة من الصيف الماضي .. مقدمة من شركة سانتا الاسبانية .. وفعلا هذه التصاميم تم تصنيعها بشكل خطأ ومواد سيئة الصنع وبعلم أشغال ..

[راشد محمد]

شسالفه ممكن توضيح

[ثابت]

الله يعين الا شخبار شركة برهان هل صحيح الخبر الي سمعنة عنهم يليت لو حد عندة فكرة يفيدنا

[بن غيث]

هذا التوضيح .... واتمنى ان يتم محاسبة جميع المسئولين عن هذه الفضيحة ..

http://www.qatarfakes.com/

[almaf1a]

بصراحه غريبة انهم بعد 7 سنين يقبلون قبول القضية .

ولكن عادي ترى اشغال تمثل شركة و الشركه الي صممت تعبر شركه ايضا .

سامسونغ و ابل كل يوم قضايا و الامور طيبه
واساسا مش مضمون انهم يكسبون القضية


القضيه مرفوعه على دولة قطر ممثله باشغال
وليست كما وضحت بين شركات


(against the State of Qatar and the Public Works Authority “Ashghal” for breach of copyright)

[الدوحه1]

التفاصيل....
http://lighting.com/qatar-sued-forging-streetlights/

[سيناتورنايف]

الموضوع كانوا يبون يسوون نفسس الليتات الاسبانية اطلعت غالية راح واحد وقالهم بسوي نفسها في الصين والسالفك اسياد ظ¢ظ*ظ*ظ¦ وطلعت رخيصة واااااجد نفس اللي يشترون اشياء من تايلند وحتى من نفس المنتدى تقليد درجة أولى وغيرها

[Riku3]

مالت عليها من ليتات كم واحد مات بسبتها !! .. تدعمها تكنسل الموتر وتقصه قص ولا تتحرك من مكانها .

[الدوحه1]

اذا الاداره القانونيه في اشغال على علم بالموضوع وموافقين فهم اللي يتحملون المسئوليه الكامله!!!

[HotBlood]

عادي أشغال محد راح يتحاسب

[بوحمد111]

كأني شفت في احد الردود واحد يقول الليتات على خط 22 فبراير ولكن انا اشوفهم يوميا على شارع الوعب الممتد من اشارة المناصير الى اشارات السد ممكن توضيح

وعن موضوع الغش ترى هذه وحده من الآف

والله المستعان

[دلة الرسلان]

تصرف ينم عن غباء وضيق افق متخذ قرار التقليد ، ولوتبعات قراره بيكون معلق في رقبته

معليه، بس تضرر سمعة قطر وتظهرونها بأن مالها مصداقية هنا المشكله .

فشلتونا ما تعرفون حقوق الملكية الفكرية ؟!

[الزلزال]

مشكله والله

[Al-Kuwari]

فضيحة

قسم بالله انفضحنا

وش هالمصخره , اقدم على طلب للشركة لما اشوف السعر غالي ابوق التصميم واروح اسويه في فالصين هههههههه

اللي اتخذ القرار وش كان يفكر فيه حزتها ؟

عباله قاعد فسوق الحراج ولا وين ؟

هذي النتايج السلبية لتعيين اشخاص غير مؤهلين وغير اكفاء من باب الواسطه ان كان قطري او من دون التأكد من ماضي الموظف والتحقق من شهاداته الاكاديميه في حال كان اجنبي


انا شفت اشياء ومواقف وقصص غبيه , لكن نفس هالموضوع ماعتقد بشوف

[السيف5]

الصراحة راحة
هذه سرقة افكار علنية يجب المحاسبة عليها
انتهى

[مابدل العادات]

للأسف وكل العاده ماراح نشوف محاسبه لأي شخص في اشغال

[LiL iNVe$ToR]

هاذي ليتات اللي على خط اسياد 2006 خط فيلاجيو ..

التصميم من حق شركه اوروبية ..لكن اشغال ( او الجهه المعنيه) خذت نفس التصميم/الفكره من شركه ثانيه, من غير اذن صاحب التصميم.

وهذا قانونيا غلط, لان التصميم من حقوق الشركه اللي صممته.

[تاجر كشخة]

امحق تصميم هههههههههه انا بكرة بسوي تصميم عمدان انارة وابيعه لاشغال

[@الأدعم@]

ويا حرامي

[معماري قطري]

من المؤسف ان نرى غسيل شركة اشغال على صفحات الانترنت بالعقود وبالصور والايميلات والاسماء

الموضوع متعلق بالحبيب هذا

http://www.qatarfakes.com/images/executive/standard%20latina%201996.png

الي صار هذا بس شغل صيني

http://www.qatarfakes.com/images/executive/specially%20modified%20latina%20al%20waab%20st%20l ighting%20project%202006.png

الموضوع وصل لمحاكم برشلونة



ناقل الكفر ليس بكافر :this:


هذي من زمان الله يسلمك وما قلت شيء غلط

حتى بصعوبه ضبطوا الإنارة وتحترق بسرعة، ومن الأخطاء الأُخرى إنهم ركبوا أعمده قوية ومربعة تحطم السيارات ولا تتحرك، والمفروض دائرية ولو اندعمت تنسدح جدام بحيث تسمح للسيارة بالحركة ولا تتسبب في أذى كبير للي فيها من وقوف مفاجيء.

والخطأ التخطيطي الفادح إنهم حطوها قريبة من الطريق واستوت دعمات كثيرة مميتة بسبتها، وانا أذكر كتبت موضوع في جريدة الوطن من زمان عنها حول يمكن 6 أو 7 سنين أول ما انحطت وقلت يا مرور جهزوا إحصائية بالحوادث والإصابات.

الشركة الاساسية ألمانية وكانوا بيتفقون معاها وطلع واحد فذ من أشغال خذ التصميم وطلب تقليده في الصين علشان توفير شوية دراهم، وعيون أهل قطر الحين تعبت من الليتات اللي موجهة عليها.

[بن غيث]

معماري قطري .. أيش رايك ..!! :waiting:
حتى تصاميمي كانوا يفكرون يبقونها ..

[معماري قطري]

هذه الدعوة من الصيف الماضي .. مقدمة من شركة سانتا الاسبانية .. وفعلا هذه التصاميم تم تصنيعها بشكل خطأ ومواد سيئة الصنع وبعلم أشغال ..

حسب علمي كان التهديد برفع القضية من 2006 بس ما ادري شصار وليش بدوا فيها هالوقت

[معماري قطري]

معماري قطري .. أيش رايك ..!! :waiting:
حتى تصاميمي كانوا يفكرون يبقونها ..

انا شكيت فيك في البداية بس الحين تأكدت :tease:

بعدين تهون عليك أشغال ترفع عليها قضية؟

المشكلة كانت الشركة الأساسية بتجهز الإنارة للشارع وعطت أشغال عينات وربعنا يحبون اللف والدوران والسفرات وراء البحار والإتفاقيات من تحت الطاولة وسووا كل شيء غصب على الشركة المصممة وطلبوا من الصينيين عمل شيء مشابه وأي كلام.. والله يعين حكومتنا على هالتجاوزات اللي مضرة بمنظر البلاد وبمصداقية ممثلين الدولة وبمقيمين وزوار هذا البلد.

زين ما تتوقعون فيه حلول حماية جذرية للكاميرات بدال أعمدة مصبوبة حديد تنهي حياة من يصدمها غصب عنه وتتم شامخة مثل ذي :nice:

http://im33.gulfup.com/VLXY1.jpg (http://www.gulfup.com/?zr9yD1)

ومعليه خلونا نقول الأُولى كانت غلطة، واللي في الصورة ليش يتكرر؟ الحل بسيط جداً لو يبون يسون حماية .. فيه نوعية كاميرات تتعلق بكيبل من فوق وتكون مثبتة بأعمدة بعيدة، وفيه نوعيات تتركب على عمود الإشارة المرتفع والمثبت بعيد عن إحتمال وجود إصطدام مباشر.

وعلى الوضع الحالي ممكن تركيب معدن خفيف ماص للصدمات على العمدان ذي، وعلى الوضع الحالي ممكن عمل صبية خرسانية مرتفعة يتركب عليها عمود الإشارة بس بداية الصبية تكون بأكياس رمل أو مادة بلاستيكية ماصه للصدمات أو حديد قابل للإنحناء وتخفيف الصدمة.. شدعوى مهندسين وخبراء ويبوني انا أعلمهم؟؟ :anger1: شيء يقهر من أشغال من كبيرهم إلى صغيرهم إذا هذي نتيجة الملايين اللي يصرفونها على مضرة خلق الله

لا وشوفوا الرصيف شلون مقرض والله في بيتي ما احطه

[بن غيث]

ماشين على المقولة " ممتلكات الدولة اهم من الانسان "

[حميداني]

موضوع غريب وردود تضحك

[فتى الدوحة]

السلام عليكم ورحمة الله وبركاته

بصراحة يا شباب ولا لكم عليّ يمين ، مع العلم بأني مواطن عاااادي جداً ولاني بمهندس ولا هم يحزنون ولكن من أيام بداية المشاريع الغلط في غلط من شبكات طرق وصرف صحي وخلافه ، أني من أشوف هالمشاريع على أرض الواقع وأنا أدري أنها غلط في غلط والسبب هو العيب الكبير جداً في خرائط التصميم ، أسأل نفسي وأقول : وش هالتصميم ؟ والله راح يكون في مخرج هذا الجسر زحمة ( أقول هالكلام للربع ) وراح تصدقوني أول ما يخلصون ، وبالفعل يصير اللي كنت متوقعه !!
ونفس الشي لمشاريع الصرف الصحي اللي يخلون خطوط الصرف الصحي ومناهيلها في وسط الشارع اللي مع الوقت يصير خفس بالشارع مما يؤدي إلى قطع الطرق على سالكية والوقوع في خطر تدهور البنية التحية لهذه المشاريع ( يعني بالعقل والمنطق حط خطوط الصرف الصحي موازية للشارع على بعد لا يقل عن 10 متر !! مب في الشارع !! ) ..

أما بالنسبة لأعمدة الإنارة والله العظيم أنه عندي صديق مواطن فنان كان يصمم أعمدة للإنارة في الشوارع من خلال إستنباط الفكرة من التراث ومن ضمنها تصميم مشابه لأعمدة الإنارة اللي على شارع أسباير ، وبالفعل كنت أقوله : آخ خ خ خ لو ياخذون تصميمك الأشغال وينفذونه !! هذا غير بعض التصاميم لمرافق أخرى تهم المجتمع ..
العقول عندنا موجودة ، بس يبيلها الثقة وما نسلم مشاريعنا وفلوسنا لناس ما يهمها مصلحة البلد بكثر ما يهمها أخذ الفلوس وعقب يروح لبلادة !!

مع خالص التحية ..

[Right]

فشيله !!!



ناسٍ علـى كسـب المراجـل مضـرّاه .. وناسٍ على كسب الفشيلة يضـرّون

[Dark_QTR]

مادري أضحك ولا أعصب ولا أصيح يا أشغال

[التيما]

الحمد لله والشكر .. تخلف

[غايه الطواش]

شخبار هيئه الرقابه والشفافيه ...؟؟؟

[ضوى]

شخبار هيئه الرقابه والشفافيه ...؟؟؟

:secret:

[معماري قطري]

شخبار هيئه الرقابه والشفافيه ...؟؟؟

يراقبون ويشوفون :tease:

[سداوي&مدريدي]

جااااو اشغال مجي توم سي نفرت كرتيهو

[Qatar-Qa]

http://www.m5zn.com/newuploads/2013/02/05/jpg//m5zn_ce4d015815c679e.jpg

اتوقع سر السالفه كلها او الخيط الناقص هو شركه الشعلة هذي

شوفوها باسم مين وبتتضح السالفه اكثر :)

[ريم 28]

التقليد عمره ما كان مثل الاصل

ارواح راحت والسبب توفير مبلغ

تخطيط وافكار ترجعنا وراء

مشكلتنا لا يوجد متابعين ومدققين لما يحدث

لا يوجد من يراقب الشي بحذافيره ويتاكد من كل شي

اذا واحد غلط ما تمر على الباقي المفروض

لكن كلهم يهزون راسهم ويوافقون بعض. ما ادري يستحون يعترضون.

[مضارب جديد]

هو بس الليتات ؟؟؟؟


خلها على ربك بس

[Bo jassim 33]

يا ربي عليهم

[بورصواوي]

اتصميم شوي يختلف
بعدين بالعقل اذا واحد لابس ساعه تقليد تقدر الشركه ترفع عليه قضيه ؟؟
تحاسب الي يبيع مش اللي يستعمله... هذي العيوز الي في الصوره شكلها تبي فلوس

[جمال اليافعي]

اتصميم شوي يختلف
بعدين بالعقل اذا واحد لابس ساعه تقليد تقدر الشركه ترفع عليه قضيه ؟؟
تحاسب الي يبيع مش اللي يستعمله... هذي العيوز الي في الصوره شكلها تبي فلوس

صحيح كلامك بس الطامة الكبرى انهم متصلين بالشركة الأسبانيه وطالبين مساعده بالصيانه ههههههههههههههه :nice:

[معماري قطري]

اتصميم شوي يختلف
بعدين بالعقل اذا واحد لابس ساعه تقليد تقدر الشركه ترفع عليه قضيه ؟؟
تحاسب الي يبيع مش اللي يستعمله... هذي العيوز الي في الصوره شكلها تبي فلوس

بس يا اخوي في عالم التصميم والإنشاءات إذا إنت فرضاً شبه متفق مع شركة معينه .. وخلنا نفترض مصنع لبضاعة معينة وخذت هالنموذج وطلبت إنت تقليده وحصلت الشركة إثباتات عليك طبيعي بتاخذ حقها منك .. وحتى لو فرضنا تصميم هندسي مبدئي لملعب مثلاً وخذته جهة وعطته لمكتب ثاني يطوره وحتى لو تم تغيير أشياء كثيره فيه يبقى للمكتب الأصلي حق.

إنت لو تدخل أشغال بتشوف نص الموجودين شقر وكل أشقر خبير في مجال معين ليش ما استعانوا بهم من قبل؟

ولننسى شيء مهم الصين خارج أغلب إتفاقيات التجارة وهي تسرق تصاميم وتكنولوجيا العالم، وحتى عندهم ورش صغيرة تصنع وتقلد أي شيء لفترة مؤقتة وتسكر ولا حد يقدر يلاحقها قضائياً، أما الحلقة الأضعف والأسهل هنيه فهي إدارة تتبع لحكومة موقعة ومتعهده بهذي المواثيق الدولية.

[Riku3]

http://www.m5zn.com/newuploads/2013/02/05/jpg//m5zn_ce4d015815c679e.jpg

اتوقع سر السالفه كلها او الخيط الناقص هو شركه الشعلة هذي

شوفوها باسم مين وبتتضح السالفه اكثر :)
جلست ادور في جوجل وحصلت موقعهم :-
http://www.qatarlighting.com/home.asp

وحصلت موقع فيه اسم بس ما اعتقد انه صاحب المشكلة لان شكله شخص عادي وكان مورد فقط ..
http://www.communitywalk.com/location/alshulah_electrical_equipment/shopping/9396358

[معماري قطري]

http://www.m5zn.com/newuploads/2013/02/05/jpg//m5zn_ce4d015815c679e.jpg

اتوقع سر السالفه كلها او الخيط الناقص هو شركه الشعلة هذي

شوفوها باسم مين وبتتضح السالفه اكثر :)


نشوف كرتون مكتوب عليه مصنع لحساب الشعله بس ما ندري شفي الكرتون .. لكن ذيلا قضيتهم تختلف هم كانوا شبه متفقين مع الشركة المصممة، والتصميم الأصلي فيه نظام حماية للسائق وقت الإصطدام بحيث ينحني العمود ويطيح بدون ما يسبب توقف مفاجىء للسيارة واصابات مميتة، وكذلك نوعية الإنارة منتشرة بدون ما تسطع في العين مثل الحاصل ألحين.

وبعدين خبراء اشغال يشترون شيء تقليد بسعر غالي ويمكن أرخص ب 10% من الأصلي ويقولون سوينا إنجاز.

http://im34.gulfup.com/pwjDd.jpg (http://www.gulfup.com/?waaFUe)

[رذاذ]

هذي من زمان الله يسلمك وما قلت شيء غلط

حتى بصعوبه ضبطوا الإنارة وتحترق بسرعة، ومن الأخطاء الأُخرى إنهم ركبوا أعمده قوية ومربعة تحطم السيارات ولا تتحرك، والمفروض دائرية ولو اندعمت تنسدح جدام بحيث تسمح للسيارة بالحركة ولا تتسبب في أذى كبير للي فيها من وقوف مفاجيء.

والخطأ التخطيطي الفادح إنهم حطوها قريبة من الطريق واستوت دعمات كثيرة مميتة بسبتها، وانا أذكر كتبت موضوع في جريدة الوطن من زمان عنها حول يمكن 6 أو 7 سنين أول ما انحطت وقلت يا مرور جهزوا إحصائية بالحوادث والإصابات.

الشركة الاساسية ألمانية وكانوا بيتفقون معاها وطلع واحد فذ من أشغال خذ التصميم وطلب تقليده في الصين علشان توفير شوية دراهم، وعيون أهل قطر الحين تعبت من الليتات اللي موجهة عليها.



نفس العمود اتوقع

http://im12.gulfup.com/2012-07-02/1341224449251.gif

نفس الموضوع لـ عنزي قطر وياكد على صلابة وجودة العمود الصب
http://www.qatarshares.com/vb/showthread.php?t=516432

[معماري قطري]

نفس العمود اتوقع

http://im12.gulfup.com/2012-07-02/1341224449251.gif

نفس الموضوع لـ عنزي قطر وياكد على صلابة وجودة العمود الصب
http://www.qatarshares.com/vb/showthread.php?t=516432

لو صار هالشيء لأجنبي بيرفعون هله وسفارته قضية على تصميم طريق ما يراعي سلامة السائقين.

أولاً الطريق سرعته 80 وهي سرعة خطره في هالنوعية من الحوادث.

ثانياً قرب الأعمدة ذي من الرصيف واحنا نعرف إن الحوادث تقع وغصب عن الواحد، والواجب إستخدام نوعية غير تنحني وقت الإصطدام.

ثالثاً تكلمنا من البداية ولا حد يسمع من أشغال والمرور... حاولت أطلع مقال كتبته في جريدة الوطن أول ما افتتح الشارع بس جريدة الوطن نظام البحث عندهم معقد شوي ولا حصلت المقال.

[يوسف0]

لو صار هالشيء لأجنبي بيرفعون هله وسفارته قضية على تصميم طريق ما يراعي سلامة السائقين.

أولاً الطريق سرعته 80 وهي سرعة خطره في هالنوعية من الحوادث.

ثانياً قرب الأعمدة ذي من الرصيف واحنا نعرف إن الحوادث تقع وغصب عن الواحد، والواجب إستخدام نوعية غير تنحني وقت الإصطدام.

ثالثاً تكلمنا من البداية ولا حد يسمع من أشغال والمرور... حاولت أطلع مقال كتبته في جريدة الوطن أول ما افتتح الشارع بس جريدة الوطن نظام البحث عندهم معقد شوي ولا حصلت المقال.

معماري قطر ممكن التاريخ التقريبي للخبر وأكون شاكرلك

[خــالــد]

فشلونا جدام العالم فضيحة

[خــالــد]

نشوف كرتون مكتوب عليه مصنع لحساب الشعله بس ما ندري شفي الكرتون .. لكن ذيلا قضيتهم تختلف هم كانوا شبه متفقين مع الشركة المصممة، والتصميم الأصلي فيه نظام حماية للسائق وقت الإصطدام بحيث ينحني العمود ويطيح بدون ما يسبب توقف مفاجىء للسيارة واصابات مميتة، وكذلك نوعية الإنارة منتشرة بدون ما تسطع في العين مثل الحاصل ألحين.

وبعدين خبراء اشغال يشترون شيء تقليد بسعر غالي ويمكن أرخص ب 10% من الأصلي ويقولون سوينا إنجاز.

http://im34.gulfup.com/pwjDd.jpg (http://www.gulfup.com/?waaFUe)


وين العالم وين الناس :omg:

[أسد الجزيرة]

الغلط من اشغال او الشركة المنفذة

[معماري قطري]

الغلط من اشغال او الشركة المنفذة

الغلط من أشغال في كل حال .. إذا يدرون بالشركة وسكتوا من الأساس وغشوا البلاد وساعدوا في تربيح شركة على حساب جودة المشروع، وفي حال إنهم صم بكم عمي ما يدرون شيصير وشركات تجيب تقليد وتسوي شغل ترقيع وهم بس يسافرون ويوقعون عقود.

[أسد الجزيرة]

اعتقد انه ما لهم أي اساس يرفعون قضية المفروض يقاضون شركة lux lighting في بريطانيا الموردة لانه اشغال شرت منهم حتى لو تقليد ما لهم حق في رفع القضية و اشغال حرة في تركيب ليتات اصلية او تقليد

[شميرام]

هم رافعينها على أساس الملكية فكرية والصناعية ليتات كانت من تصميم شركه إسبانية واعتقد اختارو الموديلات الشركه وعقب خلو شركة محليه تسويها من الصين فا الشركة الإسبانية تطالب بحقوق الملكية الصناعية حق تصاميم ليتاتها!!! ذي حسب ما فهمته من ذي الفقره وعادي الشركة الاجنبيه تطالب أنهم يشلونها من الشارع

Santa & Cole claim that Ashghal chose the ‘Latina’ streetlamp, which was adapted to meet the needs of the project, after five different projects with models and technical specifications were submitted. They claim that instead of purchasing the luminaires from them, Ashghal then went on to request a local company to make nearly 1,000 copies of the streetlamp.

[معماري قطري]

اعتقد انه ما لهم أي اساس يرفعون قضية المفروض يقاضون شركة lux lighting في بريطانيا الموردة لانه اشغال شرت منهم حتى لو تقليد ما لهم حق في رفع القضية و اشغال حرة في تركيب ليتات اصلية او تقليد

شيء مؤكد أشغال حره تسوي بمليارات اللي بلدان ثانية تسويه بملايين لا وبعد تقليد

[معماري قطري]

هم رافعينها على أساس الملكية فكرية والصناعية ليتات كانت من تصميم شركه إسبانية واعتقد اختارو الموديلات الشركه وعقب خلو شركة محليه تسويها من الصين فا الشركة الإسبانية تطالب بحقوق الملكية الصناعية حق تصاميم ليتاتها!!! ذي حسب ما فهمته من ذي الفقره وعادي الشركة الاجنبيه تطالب أنهم يشلونها من الشارع

santa & cole claim that ashghal chose the ‘latina’ streetlamp, which was adapted to meet the needs of the project, after five different projects with models and technical specifications were submitted. They claim that instead of purchasing the luminaires from them, ashghal then went on to request a local company to make nearly 1,000 copies of the streetlamp.

الترجمة واضحه ولا فيها ذكر إن تنشال الليتات .. هي بإختصار عن إن الشركة قدمت 5 نماذج للتصميم حق أشغال مع المواصفات كاملة وكانوا بإنتظار الإتفاق والتركيب إلا إن أشغال أمرت شركة محلية بعمل نسخة من 1000 قطعة من أحد نماذج الشركة واستعملتها بدون الإتفاق مع الشركة.

[شميرام]

الترجمة واضحه ولا فيها ذكر إن تنشال الليتات .. هي بإختصار عن إن الشركة قدمت 5 نماذج للتصميم حق أشغال مع المواصفات كاملة وكانوا بإنتظار الإتفاق والتركيب إلا إن أشغال أمرت شركة محلية بعمل نسخة من 1000 قطعة من أحد نماذج الشركة واستعملتها بدون الإتفاق مع الشركة.
يعني باقو التصميم
اي مافي ذكر بس اذا نسخ مقلده شركة الأصلية تقدر تطالب بشيلهم وتقدر لا يعني اذا في ماركه مقلده في السوق يتم مصادرتها

[الخزرجي قطر]

المناقصه للأناره المقلده مع القضيه ورحلات العمل وغيره من المصاريف بيطلع اغلى من بيع السوق

[sahrleel]

زين بخصوص طريق 22 فبراير حد يقدر يفيدنا مين الاستشاري ولا مين المخطط ياريت تكون شركة صينية بعد على الاقل لكن حتى ما وصل نيبال