يالخرجي يا ادارة المرور شوفوا لنا حل يرحم ولديكم

[ثابت]

السلام عليكم ورحمة الله وبركاتة

ياجماعة الخير لقد هرمنا من المخالفات المبالغ فيها ياليت لو ادارة المرور تشوف لنا حل وتنظر في اعادة تعديل لسعار المخالفات لنة والله شي مبالغ فية انا عندي دريول راتبة 1000 ريال في الشهر لو عمل مخالفة رادار مثل كانت السرعة في الشارع 80 كم وهو يمشي 90.1 كم بيحصل مخالفة 500 ريال :eek5:
وبيصير اني بخصمها من راتبة لو فرضنا صارت مخالفة في الشهر مرتين رادار يعني مافي راتب لدريول بمخالفتين ايعقل هذا

طيب حط اسعار مثل جميع دول العالم لسرعة ونوع المخالفات مثل لو عداء سرعة لة كل زيادة 20 كلم با 100 ريال ولو كان مستهتر يعني السرعة 80 كلم وهو يمشي 200 كلم صكوة مخالفة 5000 ريال لنة هذا معاكم حق مستهتر ويسجن.

انا مرة دفعت مخالفة على السايق 3000 ريال والله ماقدرت اخصمها منة لنة مبلغ كبير لو خصمتها منة اكيد بتصير مشاكل لة

يليت ياوزير الداخلية و الخرجي تنظرون مرة اخرة في تعديل اسعار المخالفات وجزاكم الله خير على جهودكم المبذولة

والسلام عليكم ورحمة الله وبركاتة

[H H]

كلامك جميل ويعطيك العافيه على طيب تعاملك مع السواق
لكن واضح ان سواقك له ماضي زي الفل دامك قد دفعتله ثلاث الاف مخالفات والحين بعد عليه مخالفات!!

ثاني شي الرادارات وهالنظام له دور كبيييييير فالحد من الحوادث والسرعه المميته فماينفع
انهم يشيلونها لان السواق الله يصلحه مايقدر يضبط نفسه وسرعته !!

اشوف المخالفات جداً مناسبه وفمكانها ... بالتوفيق

[Riku3]

صحيح المخالفات كبيرة ومبالغ فيها بس مب لدرجة ان نخاف ان نتخالف شهرياً !! .. انا اسوق مثلي ومثل غيري اكثر من 40 الف كيلو في قطر بالسنه ما اتخالف الا مره كل سنه او سنتين للسرعه .

خله يتعود ما يعدي السرعه القانونيه والحين في الدوحه من الزحمة الواحد تعلم الصبر ما شاء الله ومافي مكان الواحد يسرع فيه .

[حمد 2002]

كلامك جميل ويعطيك العافيه على طيب تعاملك مع السواق
لكن واضح ان سواقك له ماضي زي الفل دامك قد دفعتله ثلاث الاف مخالفات والحين بعد عليه مخالفات!!

ثاني شي الرادارات وهالنظام له دور كبيييييير فالحد من الحوادث والسرعه المميته فماينفع
انهم يشيلونها لان السواق الله يصلحه مايقدر يضبط نفسه وسرعته !!

اشوف المخالفات جداً مناسبه وفمكانها ... بالتوفيق

اخووي اسمحلي الرادار مب حل لمشكله الحوادث ، يعني ببساطه اذا قربت من الردار بتخفف السرعه اقل من 100واذا عديته بتمشي فووق 200 ،

وهدف وزاره الداخليه معروف من زمان هو هدف مااااادي ، وليس هدفهم الحد من الحوادث

تحياتي لك

[حسن]

للا سف هذه المشكله السواق يخالف وانت تتحمل العقوبه

هذا ولا قانون قراقوش شخص يرتكب جريمه ويحاكم غيره
وين حقوق الانسان عن هذا الظلم الواضخ والبين ولا يحتاج
اي دليل اثبات

[Al-Kuwari]

فعلا قيمة المخالفات مبالغ فيها جداً

اتفق معاك بأن مثلا لو السرعه 80 فالشارع
وتم تصوير سائق السيارة على سرعه 90 تكون المخالفة مثلاً 100 ريال
اذا كانت السرعه 101, تكون المخالفة 200
اذا كانت السرعه 111 تكون المخالفه 500
اذا كانت السرعه 120+ اي بزيادة 40 كيلو عن السرعه المسموحه تكون المخالفة الف ريال او اكثر

لكن ان يبدأ الرادار من 500 ريال فهذي بصراحة مصيبة !!

[وطن]

ليش دريولكم يسرع !!!

اذا انت بتدفع له شي طبيعي ما يتأدب يا اخوي ولا يلتزم بالقوانين

خله يدفع و قسطهم له بتشوفه تأدب


قيمة المخالفات صحيح عالية
بس هم لازم دريولكم يلتزم

[alrheeb2020]

اغلب السواقين مشكلتهم يخالفون " غشامه " مب تهور ..

وصح كلامك والله اسعار المخالفات مبالغ فيها ,, وتنعطى ل ناس وناس

[qatari 111]

اخوي ثايت ترى دريولك مب احسن منك .. هو يخالف وانت ملتزم ؟! فليش يخالف ؟؟ لانه بدري انك راح تدفع عنه المخالفه ... راح يقول كفيل مال انا في شيخ عنده واااجد فلوس داخل بنك .. مافي مشكل

ياما شفت دريولييه يتسابقون .. وغير داخل الفرجان دعس حدهم .

[al_maystro]

سوء التخطيط مستمر التجاوزات تزيد رادارات في شوارع سرعتها 80

الزحمه متكررة ولا حياه لمن تنادي خلوا الناس تحت رحمه الاشارات وجالسين بمكاتبهم بعض الدوريات
في الصباح تحصلها عند وقت الشاي كرك ويفطرون ما في احترام لمهنه المرور ولا حول ولا قوة الا بالله

[الزلزال]

لا تقلب المواجع

[airbus]

الصراحة الغلط مب غلى دريولك الغلط من المرور الي حط رادار متحرك على شارع سرعته 80 ,,!!!

باين انه الربح مادي لانه السرعه هده ماتحس فيها لما تسوق انك اطوف ظ¨ظ* طبعا هده تصير بعد الساعه العشرة باليل لان قبل هدا الوقت فيه زحمة ومستحيل حد يطوف ظ¥ظ* حتى !!

[Dark_QTR]

ادفع المخالفة وخل يدفعلك 200 ريال
وقوله اذا كررتها المره الجاية راح أدفعك ال 500 كاملة

مب عشان شئ، عشان يحس بالي سواه وما يستهتر
إذا فكل مره بتقعد تتفعله أكيد بيخالف

[أم محمد 90]

كلامك جميل ويعطيك العافيه على طيب تعاملك مع السواق
لكن واضح ان سواقك له ماضي زي الفل دامك قد دفعتله ثلاث الاف مخالفات والحين بعد عليه مخالفات!!

ثاني شي الرادارات وهالنظام له دور كبيييييير فالحد من الحوادث والسرعه المميته فماينفع
انهم يشيلونها لان السواق الله يصلحه مايقدر يضبط نفسه وسرعته !!

اشوف المخالفات جداً مناسبه وفمكانها ... بالتوفيق

دور كبير ...؟؟

لا يبه اغلب الحوادث تصير بسبب الرادارات البايخة
والسرعه الفاشلة الي يحددونها

عيل طريق حيوي ودوم زحمة يحطون سرعته 80 !

يجيك الشباب المستهتر سااااارع ومرة وحدة عند الرادار يكع بريك ف ويهك عشان مايصيده
وايد صارت لي واتنرفز صراحة

أو يجونك الاجانب لان سرعة الشارع 80 يمشون يسار 80 واحنا هل قطر لازم نسرع شوي :tease: ف يصير تجاوز

صراحة السرعات المحددة ف بعض الشوارع سخيفة وماتدخل العقل وتعرقل حركة السير

[أم محمد 90]

الريال مب موضوعه (ساعدوني دريولي وايد يخالف)

الريال موضوعه يبي حل من الرادارت المحددة بسرعة ماتدخل العقل في شوارع تكثر فيها الزحمة والطرق الحيوية

شفيكم كلتوه :s

[مضارب دوسري]

كلامك جميل واتمنى انهم يطبقونه
ولطن فالوقت الحالي اذا انت دفعت عن السايق بيتعود
عالاقل يكون عليه ولوجزء بسيط من المخالفه
يعني لو 500 يكون عليه 150 لان ف مثل حالتك بيسنهتر زياده

[aljaber1]

ياريت تكون فيه شفافية في تطبيق القانون
لانه ناس تدفع وناس ينخصم لها من المسؤلين في المرور
ناس تقطع الاشارة تدفع 6000 وناس ينحسب لها قطع خط 500 ريال
مثلا السعوديين نخصم لهم 50% من المخالفات
بالله واحنا ليه ندفع كامل
امرهم غريب عجيب ويدعون بتطبيق القانون
القانون على العين وراس وماحد ضده
احنا ضد المزاجية للمسؤلين .

اسمحوا لي خرجت من الموضوع

[Bo jassim 33]

ضرائب ضرائب بصورة متخفية

[المستثمر1]

ههههههههههههههه هو الاسعار مبالغ فيها جدا ولكن يا شباب لو انه الهدف مادي مثل ما يقولون الشباب وهذا ليس دفاع وانما شوف انت كم الدولة تصرف على خسارة الحوادث كل ما زادت الحوادث زادت خسارة الدولة..