استفسار يالربع بخصوص الرخام و الارضيات في السعوديه

[asasasss]

هل صحيح تستاهل الروحه للسعوديه و شراء ارضيات البيت من هناك يعني هل هي اقل ب 5% او 10% ام الفارق كبير 30% الى 40 %


وكم بتفرق يعني انا ابي اشوف الفرق بين نفس النوعيه في قطر و السعوديه مثلا ادا الكريما مارفيل في قطر ب 250 بكم بتحصله في السعوديه نفس النوعيه؟


و هل عليهم جمارك ادا ادخلو الدوحه ولا ببلاش طبعا البناء شخصي



يرجى الافاده

[قطري !]

إذا الكميه كبيره اعتقد تستاهل الروحه صوب الرياض


الجمرك مبلغ رمزي ,,, يعطيك المعرض او المصنع فاتورة بسعر رمزي وفي المركز ياخذ عليها 5 %



اما اذا الكميه قليله اخذها من الدوحه

[شموخ دائم]

,

,


مرحبا

اخوي الكريم

بس حبيت انبهك ان الرخام من السعوديه ما يدخل الى قطر
الا بطلوع الروح وواسطات
ياريت تسئل كثير من رجال الجمارك بالدوحه
عن استيراد الرخام من السعوديه
للعم فقط لي اصدقاء واجهوا مشاكل كبيره


,

,


اخوك


شموخ دائم

[asasasss]

,

,


مرحبا

اخوي الكريم

بس حبيت انبهك ان الرخام من السعوديه ما يدخل الى قطر
الا بطلوع الروح وواسطات
ياريت تسئل كثير من رجال الجمارك بالدوحه
عن استيراد الرخام من السعوديه
للعم فقط لي اصدقاء واجهوا مشاكل كبيره


,

,


اخوك


شموخ دائم

شنو السبب؟؟؟ يعني كل المواد عادي اتجيبها الا رضيات


انا سمعت في حركه يسونها يكتبون بدال رخام في الفاتوره شي ثاني مسموح فيه سراميك او قرانيت هدا والله اعلم

[الشلهوب]

كلام الاخ شموخ صحيح سمعت عند الربع بان الرخام من السعودية لا يدخل قطر اخوي تاكد قبل اتروح الله ايوفقك انشا الله

[BoFahed]

اخوي اذا المساحة الارضيات والحمامات قليلة تحت ال 1000 م انصحك بالدوحه لانه العملية ما تسوى لاني رحت انا الرياض وشريت ب 100 الف تشطيب ولقيت محل الامانة اللي في سلوى وطريق المطار عنده نفس التشكيلات وفرق بسيط ما يتعدى 10 الاف ريال

اخوي ما حد بيريح بالك يعني لازم انت تروح شوف كل المحلات السيراميك والرخام اللي وصوا عليها الاخوان في مواضيع سابقة وتاخذ الاسعار واذا قررت من الرياض الموضوع سهالات نفس المحل بيدبر لك تريلا مع السايق واصلة الدوحة اذا زاد ب 2500 ريال غير رسوم الجمارك في المراكز حسب قيمة الفاتورة

اناناوصيك في محلات بالدوحه تمر عليها وتكفيك ان شالله لاخذ فكرة عن الاسعار - بالنسبة للسيراميك :
كافود ونابينا والامانة وكلهم علا طريق المطار
العمودي والمتحدة والمهيدب والضحى والغانم وكلهم علا طريق سلوى من دوار مدماك وانته رايح علا يمينك ويسارك

بالنسبة للرخام عندك الرخام الذهبي في الصناعية ومركز الرخام والجرانيت اللي في بروة معرضه اخر صفة صوب البر

[كبير المتداولين]

صحيح اخي الكريم كلام الاخ شموخ وبقيه الاخوان

الرخام المستورد من السعوديه بكافه انواعه لايسمح بتصديره الى خارج السعوديه

وحتى بالواسطه انا حاولت وماقدرت مشددين بشكل كبير على موضوع الرخام

اما السيراميك والبورسلان عادي ماعندهم مشكله

اما بالنسبه للفرق فهو يختلف من صناعه ونوعيات ويتراوح بين 10% الى 40%

[شموخ دائم]

,

,


مرحبا

asasasss

والله ياخوي محد عارف السبب حتى المسؤلين مو عارفين ليش المنع
:)

بالنسبه للعب في الفاتوره وتغيير الاسم او المسمى او تغيير السعر
ما انصحك فيها

دائما فكر بطريقتي بترتاح

( الحلال والحرام ) في اللعب بالفواتير

وثانيا

انا افكر ان الدوله ( اذكاء مني )
ولا تفكر ان الدوله غبيه

ههههه

كذا ترتاح من المشاكل الي ما تتوقعها دنيا واخره
:)



,

,


اخوك


شموخ دائم

[ZURICH]

شنو السبب؟؟؟ يعني كل المواد عادي اتجيبها الا رضيات





لان الطلب علية من دول الخليج كبير بسبب السعر المناسب

فا أكيد ان قرار منع التصدير لدول الخليج يضمن استقرار الاسعار داخل السعودية

[K.A]

اخوي نصيحه مني لك

هني كم حصلت سعر الرخام مثلاً 150 وفي السعودية 100
تكلفه شحن وتركيب وادوات وسفر وجمرك بيوصل 140
اشتر راحتك بفرق 10
ماتضمن يجيك نفس الشي 100% او لا
ولو قصر كم متر بترجع لسعودية على شان 5 متر او 10

هذا بنسبه لي ولك الحريه

[king999]

يالربع من قال ان الرخام رخيص في السعوديه ؟
الكريما مارفل لقيته 380 وفي مكارم النخبة 350 يعني الفرق ما يسوى هذا بعد لو حصل تكسير شنو بتسوي
انصحك في قطر وصدقني ما راح يطلع الفرق 20000 الف بينهم بس اشتر راحتك
والمهم ان الربع اكدوا على انة ممنوع من خروج اللمملكه

[شموخ دائم]

,

,

مراحب

الكريم مارفيل في الدوحه 300 ريال
وتحصله ب 280 ايضا اسباني

,

,


اخوك


شموخ دائم

[الزلزال]

بالتوفيق ان شاء الله