الوان الغرف والستاير والجلسات

[شيزكيك]

السلام عليكم ورحمة الله وبركاته

اخواني ممكن الافادة

ترشيح اسماء افضل محلات الموكيت وكم صارت الاسعار للموكيت السميك :ok:

ترشيح اسماء افضل محلات الستاير ويكون عندهم تصاميم حلوه وباسعار جيده نوعا ما:shy:

ترشيح محلات الجلسات ابيها تكون راقية وموديلاتها حلوه وما يمنع السعر الزين :rolleyes2:

ترشيح الوان الغرف والصالات اخاف اغامر وملينا من الابيض والبيج :weeping:

[شيزكيك]

اشدعوه ولا رد ما تفرشون انتوا

[معماري قطري]

اشدعوه ولا رد ما تفرشون انتوا

ما يبي لج رد إخت شيزكيك تركبين سيارتج وتاخذين جولة في شوارع الدوحة الواسعة >>> شكله يكتب موضوع إنشاء.

المهم السجاد مفروشات الخليج أو الجميل أو الأندلس وتفاضلين بينهم .. إذا تاخذين كندي أو بلجيكي بتحسين بالجودة واضحة فيه وحتى الأمريكي السميك، ولتنسين تحطين أندرلي سميك بعد ونوعية جيدة .. كان فيه انجليزي عند الأندلس.

وإتركي الخوف إخذي عينات ونسقيها بروحج على الطبيعة وحطي العينة في مكانها وشوفيها من بعيد وبتعرفين شلون بتطلع على كامل المكان، ولو حبيتي شوفي مهندسة انترير بس شوفي من خريجات فرجينيا وتابعي معاها وهي أكيد بتسوي شيء مميز.

[شيزكيك]

:shy:شكرا اخوي معماري

انا ابي اروح المحلات على دليل

شارع سلوى بروحه شكبره يبيله وقت

ومثل ما تفضلت بمر على محلات الموكيت وبفاضل بينهم

محد شاف ستاير حلوه :shy:

[معماري قطري]

الله يعينج صج والله على الزحمه وقلة المواقف .. خطتج صح 100% بس سوي لسته للمحلات اللي بتزورينها وخطة هجوم بحيث كل مره تزورين عدة أماكن جنب بعض، وبالتوفيق إن شاء الله.

[ja077]

ستائر الجميل طريق سلوى

[شموخ دائم]

,

,


مرحبا

لا ما نفرش جالسين على البلاط يا حسره

:)

هدي اعصابك بس

فرساي كراسي كلاسيك بشارع سلوى ونتي داخله الشارع على اليمين بعد محطه البترول


الجلسات تبون شي مرتب ودرجه اولى وفلوسك زينه وشي يستاهل قيمته
ولازم تمرون عليه لو تاخذون فكره بس
فن الفخار بطريق سلوى ونتي راجعه للدوحه

شغل عدل وذوق وحركات
:)

جلسات شي مطعم بالفخار
وشي مطعم بالخشب
وشي مطعم بالسيراميك

,

,


اخوك


شموخ دائم

[ريان]

الستائر- بن راشد
الجلسات - فن الفخار
السجاد - السلام غالي جدا :rolleyes2:
الالوان انتي وذوقج طبعا :)

وبالتوفيق ان شاء الله

[شيزكيك]

شكرا اخواني على ردودكم وان شاء الله بمر على فن الفخار اخذ فكره

[معماري قطري]

,

,


مرحبا

لا ما نفرش جالسين على البلاط يا حسره

:)

هدي اعصابك بس

فرساي كراسي كلاسيك بشارع سلوى ونتي داخله الشارع على اليمين بعد محطه البترول


الجلسات تبون شي مرتب ودرجه اولى وفلوسك زينه وشي يستاهل قيمته
ولازم تمرون عليه لو تاخذون فكره بس
فن الفخار بطريق سلوى ونتي راجعه للدوحه

شغل عدل وذوق وحركات
:)

جلسات شي مطعم بالفخار
وشي مطعم بالخشب
وشي مطعم بالسيراميك

,

,


اخوك


شموخ دائم



ما شاء الله عليك أخ شموخ

انا أمر كم مره على هذي المحلات وفيه محل يسوي بامبو بعد تصاميمه حلو وتتركب لأي غرفه على البلاستر حتى بدون صبغ بس برايمر، وتعطي تشطيب خشبي حلو.

يبي لها فراغة كم يوم الواحد يبدأ من أول طريق سلوى لآخره في الجهتين .. بس يودي معاه فايل للخرايط ولإحتياجاته ويركز إنه يصور المواد وياخذ كتلوجاتها ويتخذ قراره بعدين وبتأني.