سهم ماينزل
03-02-2013, 06:20 PM
بسم الله الرحمن الرحيم
قصتي مع محل مع محل النظارات بمستشفى العمادي ( نصب )
كنت في زيارة لأحد الأخوة مرقد في المستشفى وطولت عنده فقلت له بروح البنك اللي تحت وبرجع لك وأنا رايح للبنك حصلت أحد الأخوة يشوف نظارة ماركة LOUIS VUITTON وأنا الصراحة أحب ذي الماركة فوقف أشوف قال حق الريال أن سعرها 2200 ريال فقلت هذا سعرها الطبيعي بس قال الأخ مسئول المحل المصري آه بس أحنا عملين تنزيلات على كل النظارات 50% ماعدى كارتير فتصدمت قلتله يعني آخر شئ بكم قال باقي 3 نظارات من ماركة LOUIS VUITTON وعشان كده نبيرع الوحدة على 1000 ريال :eek5: فقلتله يا أخي متأكد أن النظارة أصلية قالي أحنا شركة مفهاش تقليد قلتله بشتريها بس بشرط اذا طلعت مب أصلية ترد لي فلوسي قال وديها شركتها وكلم كمان حماية المستهلك :telephone: فقلت له خلاص بشتريها دفعت له وخذت النظارة والصراحة أنا شفتها أصلية جزازتها فيها الشفاف ركز الماركة وكل شئ وقوطيها قوطي لويس فتون
وطلعت بعدها حق رفيجي وعلمته قالي حظك والله سعرها روعة وشافها قال أصلية وووو
طلعت من عنده وأنا أتمشى رايح مول Villaggio مواعد واحد من الربع قلت يالله خلني أخق على شركة النظارة LOUIS VUITTON واصعقهم واقول لهم أني شريت النظارة بألف وأن أسعارهم غاليه
دخلت حصلت واحد مصري قلتله اخوي هذي النظارة شاريه من برع بغيت أتأكد هي أصلية ولا ؟ شافها وهز راسة قال أصلية :nice: عقب قالي دقيقة أعطي المسئولة تشوفها عقب ماشافتها أستوى أستفار قي المحل :rolleyes2: ويات قالت هذي لك قلت لها أيه قالت من وين شاريها قلت من محل النظارات بالعمادي قالت عندك فاتورة قلت لها أيه ومكتوب في الفاتورة أنها ماركة LOUIS VUITTON قالت ممكن مساعدة قلت تفضلي قالت ممكن نصور النظارة وناخذ كوبي من الفاتورة قلت لها اوكي بس ليش قالت هذي النظارة مب أصلية كوبي قوي لكن هذي مب أصلية والحين بنكلم المحامي :eek5: قلت لها والحل قالت لا تروح لهم الحين روح لهم باجر عشان نبي نطب عليهم ونصور النظارات في محلهم عشان نرفع قضية قلت لها آسف برد الحين وباخذ فلوسي وكيفكم معاهم بغيتوني شاهد ماعندي مشكلة وتموا يصورون النظارة يمكن عشر مرات وخذوا صورة من الفاتورة.
رجعت للعمادي معصب وقبل ما أوصل كلمت حماية المستهلك قالوا اشتك عليهم وبرد لك حقك قلت اذا مارضوا يرجعون لي فلوسي بايكم.
رجعت وحصلت الثاني قلتله الموضوع قال والله أنا يبيه مش عارف LOUIS VUITTON أصلية ولا لا بس بعضهم أصلي قلت له حرام عليكم رايح راد وتقولون وتتكلمون انكم شركة كبيرة وفوق هذا يخليني أطمن يقولي روح وديها الشركة قال يبيه وطي صوت عشان المشاكل قلت له عطني فلوسي عطاني ورديت النظارة
لهذا أحذروااااااااااااااااااا الموضوع أمس صاير
وبالتوفيج للجميع
قصتي مع محل مع محل النظارات بمستشفى العمادي ( نصب )
كنت في زيارة لأحد الأخوة مرقد في المستشفى وطولت عنده فقلت له بروح البنك اللي تحت وبرجع لك وأنا رايح للبنك حصلت أحد الأخوة يشوف نظارة ماركة LOUIS VUITTON وأنا الصراحة أحب ذي الماركة فوقف أشوف قال حق الريال أن سعرها 2200 ريال فقلت هذا سعرها الطبيعي بس قال الأخ مسئول المحل المصري آه بس أحنا عملين تنزيلات على كل النظارات 50% ماعدى كارتير فتصدمت قلتله يعني آخر شئ بكم قال باقي 3 نظارات من ماركة LOUIS VUITTON وعشان كده نبيرع الوحدة على 1000 ريال :eek5: فقلتله يا أخي متأكد أن النظارة أصلية قالي أحنا شركة مفهاش تقليد قلتله بشتريها بس بشرط اذا طلعت مب أصلية ترد لي فلوسي قال وديها شركتها وكلم كمان حماية المستهلك :telephone: فقلت له خلاص بشتريها دفعت له وخذت النظارة والصراحة أنا شفتها أصلية جزازتها فيها الشفاف ركز الماركة وكل شئ وقوطيها قوطي لويس فتون
وطلعت بعدها حق رفيجي وعلمته قالي حظك والله سعرها روعة وشافها قال أصلية وووو
طلعت من عنده وأنا أتمشى رايح مول Villaggio مواعد واحد من الربع قلت يالله خلني أخق على شركة النظارة LOUIS VUITTON واصعقهم واقول لهم أني شريت النظارة بألف وأن أسعارهم غاليه
دخلت حصلت واحد مصري قلتله اخوي هذي النظارة شاريه من برع بغيت أتأكد هي أصلية ولا ؟ شافها وهز راسة قال أصلية :nice: عقب قالي دقيقة أعطي المسئولة تشوفها عقب ماشافتها أستوى أستفار قي المحل :rolleyes2: ويات قالت هذي لك قلت لها أيه قالت من وين شاريها قلت من محل النظارات بالعمادي قالت عندك فاتورة قلت لها أيه ومكتوب في الفاتورة أنها ماركة LOUIS VUITTON قالت ممكن مساعدة قلت تفضلي قالت ممكن نصور النظارة وناخذ كوبي من الفاتورة قلت لها اوكي بس ليش قالت هذي النظارة مب أصلية كوبي قوي لكن هذي مب أصلية والحين بنكلم المحامي :eek5: قلت لها والحل قالت لا تروح لهم الحين روح لهم باجر عشان نبي نطب عليهم ونصور النظارات في محلهم عشان نرفع قضية قلت لها آسف برد الحين وباخذ فلوسي وكيفكم معاهم بغيتوني شاهد ماعندي مشكلة وتموا يصورون النظارة يمكن عشر مرات وخذوا صورة من الفاتورة.
رجعت للعمادي معصب وقبل ما أوصل كلمت حماية المستهلك قالوا اشتك عليهم وبرد لك حقك قلت اذا مارضوا يرجعون لي فلوسي بايكم.
رجعت وحصلت الثاني قلتله الموضوع قال والله أنا يبيه مش عارف LOUIS VUITTON أصلية ولا لا بس بعضهم أصلي قلت له حرام عليكم رايح راد وتقولون وتتكلمون انكم شركة كبيرة وفوق هذا يخليني أطمن يقولي روح وديها الشركة قال يبيه وطي صوت عشان المشاكل قلت له عطني فلوسي عطاني ورديت النظارة
لهذا أحذروااااااااااااااااااا الموضوع أمس صاير
وبالتوفيج للجميع