المساعد الشخصي الرقمي

مشاهدة النسخة كاملة : الفيزا البريطانيه ايش الحل ؟ ارجو المساعده والافاده



الجوري
03-02-2013, 10:44 PM
الله يرضى عليكم

سفرنا الى بريطانيا يوم الاربعا ليلا

والفيز ماخلصت وصار لها اسبوعين وش الحل في نظركم او كيف اتصرف

راجعتهم قالو ارسلي ايميل وارسلت ولا حد جاوبني


ارجو المساعده لو تتكرمون

Bin.Yousef
03-02-2013, 11:00 PM
اختي عندهم خدمه مستعجله تدفعين على الجواز اظن 564 ويخلص خلال 3 ايام

الجوري
03-02-2013, 11:04 PM
الحين مافي مجال للدفع لان راح الطلب عادي

ورحت اليوم قلت بدفع بس خلصوني قالو ابد مافي مجال

الجوري
03-02-2013, 11:53 PM
ارجو الافاده

عاشقة قطر
04-02-2013, 07:07 AM
والله احنا نفس المشكلة اليوم كملنا 20 يوم من خذوا جوازاتنا وماخلصت

الجوري
04-02-2013, 07:25 AM
20 يوم كثيرررررررررررررررررر ولا سالتو حد ولا استفسرتو

ياليت حد يفيدنا

سفري الاربعاء واضطراريه السفر

غير البشر
04-02-2013, 08:47 AM
الله يرضى عليكم

سفرنا الى بريطانيا يوم الاربعا ليلا

والفيز ماخلصت وصار لها اسبوعين وش الحل في نظركم او كيف اتصرف

راجعتهم قالو ارسلي ايميل وارسلت ولا حد جاوبني


ارجو المساعده لو تتكرمون


اختي خذي التذاكر الاصليه
وروحي عماره الشريف وكلمي السوبر فايزر عندهم
قولي له الموضوع وخليه ياخذ نسخه من تذاكركم ويشوف الموضوع

يوم قدمتي قالو لج متى تخلص يعني كم يوم عمل تذكرين او لا

الجوري
05-02-2013, 11:11 AM
العائلات المسا فرين الى بريطانيا ايش صار على الفيز حقتكم


بشرووووووووووووووو

نو لمت
05-02-2013, 11:50 AM
اختي مقدمة فيزتها من تاريخ 20 يناير وسفرنا يوم الجمعه علاج
وللحين ماطلعت الفيزة وقاعدين ننتظر قالوا اصبروا السستم خربان

الزلزال
05-02-2013, 11:57 AM
الله يعينكم لو ما الحاجه الواحد ماراح لهم

وطن
05-02-2013, 12:25 PM
اووووف الله يعينكم

احنا في شهر 11 قدمنا خلال اسبوع طلعت

اذا السستم خربان مثل ما ذكر نو لمت

انطروا لين الثلاثاء اذا ما طلعت غيروا حجزكم والله يعينكم

روز باريس
05-02-2013, 12:51 PM
اليوم راح زوجي ودي التذكر صوروهم وقالوا بردون علينا العصر
بس اذا ما خلصت يصير اسحب الجوزات لاني مسافرة يوم الخميس سويسرا

شموخ-qtr
06-02-2013, 09:51 AM
الله يعين
احنا قدمناها اول امس وبكره بتطلع مايندرى
قدمناها مستعجله ...

ام الحلوين
06-02-2013, 10:02 AM
السفارة البريطانيه عدم مصداقية بالمواعيد واسلوب متعب ولما ياخذون الاوراق منك اساسا مش هامهم لو الاوراق ناقصه بعد اسبوعين يرسلون مسج تعال استلم الجواز بالاخير مرفوضه لعدم استكمال الاوراق؟؟
هذا اسلوب؟؟

ضوى
06-02-2013, 10:20 AM
عنصريين اكرهم البريطانين

روز باريس
06-02-2013, 12:48 PM
قاعدين ننطر الساعة ثلاث يمكن يكون جوزتنا معهم على احر من الجمر الله يحرقهم فيها
ايش لنا في لندن حسبي الله عليهم مذلة
هم عندنا بس في المطار ياخذون الفيزة
الله ييسر اللي فية الخير

Right
06-02-2013, 02:09 PM
عنصريين اكرهم البريطانين





المشكلة أن إلي يشتغلون في مكتب تلقي الجوازات بعمارة الشريف



هم مكس من الهند والنيبال والفلبين وعرب وغيرهم



وأغلبيتهم نفسيتهم خااااايسة .. كأن الواحد يطر منهم



المفروض أي قطري يدخل بريطانيا بدون فيزا والسبب إستثمارات قطر الهائلة والرهيبة في بريطانيا



بعد فضل الله عزوجل .. احنا ندعم إقتصادهم ونعيشهم !!!

روز باريس
06-02-2013, 03:37 PM
حسبي الله عليهم ماجهزت الفيز خربوا كل الحجوزت
اللهم اجرني في مصيبتي

ولدQTR
07-02-2013, 07:52 AM
الله يعينكم ..

انا خسسوا فيني شهر 12 بالذات هالهندي اللي في الاستقبال ينرفز بأسلوبه الخايس ردني مرتين ..

مرة لاني تأخرت عن الموعد ..

والمرة الثانية لاني كنت ابي اخذ موعد مستعجل وقالي عن طريق النت مع انه الكاونترات فاضية ومحد فيها

ف خذت لي موعد vip مستعجل ودفعت عليه 800 وخردة وعطيتهم حجز التذكرة وكان موعد طيارتي الأحد وعطيتهم الجواز الاربعاء الصبح الخميس الظهر جاني مسج بأنه الفيزا جاهزة..

شموخ-qtr
07-02-2013, 08:26 AM
حمدلله فيزنا خلصت ف يومين .. :)

آنا غيــر
07-02-2013, 12:15 PM
غريبه مع ان فيزة بريطانيا بالكثير تاخذ 3 ايام

توني مسويتها ..

واحسن شي الواحد ياخذ الفيزا مدتها اطول يعني حول سنتين او 3 .. عشان يتفادا سوالف التقديم مره ثانيه والطلب والنطره

روز باريس
07-02-2013, 02:27 PM
ثلاث ايام ارجنت
الموظفة قالت لي ارجنت قلت لا فية وقت مقدمة الطلب من ثلاثة وعشرين شهر واحد والحين سبعة شهر ثنين

دي دي
08-02-2013, 12:36 PM
لاهنتو ا هل السيستم في السفارة البريطانية لايعمل منذ 10 ايام تم تقديم الفيزا والمعنيين قالوا تستغرق 15 يوم حسب اخر تعليمات لديهم ولكم الشكر وموفقين جميعكم

المحاميه
10-02-2013, 12:16 AM
اشوى اني استبعدت عوار الراس مع انظمتهم التعبانه ..
يعني ياتقدم ارجنت او صف وانطر لين ايجيك الدور؟

امحق

ماجد البدر
10-02-2013, 06:57 AM
يقولون الفيزا اول شي تاخذ موعد وبعدين تاخذ اوراق من النت و تمليهم وفيه نوعين مستعجل وعادي تقريبا اسبوع و امورك خالصة هذا الي اعرفه
والله اعلم
تطبع الطلب وتاخذه معاك على السفارة

التيما
10-02-2013, 09:47 PM
ترا من الزحمة ما يدزون اميل ولا مسجات اتصلي عليهم وعطيهم الرقم وبيقولون لج إذا جاهزه أو لا

دي دي
15-02-2013, 01:34 PM
اخوتي بشرونا اخر اخبار السفارة الفيزا استغرقت ثمانية عشر ¸ يوم ولايوجد خبر. اسوي تراك في الموقع الخاص بالتاشيرة وهي تحت العمل والتلفون ولايردون :(*

روز باريس
15-02-2013, 10:42 PM
ان شاء الله بتطلع الاحد باذن الله بعد عشرين يوم
احنا طلعت يوم الثلاثاء بس ماحصلنا حجز الا يوم لسبت بكرة بنقعد في سويسرا ليلتين و الاثنين الى بريطانيا
استودعكم الله الذي لا تضيع وديعة

دي دي
15-02-2013, 11:28 PM
حبيبتي تسلميلي ياقلبي روز باريس وتروحون وتردون بالسلامة ممنونة على الافادة وربي يسهل امور الجميع ان شاءالله بتصل يوم الاحد ..

روز باريس
17-02-2013, 11:55 PM
اختي دي دي بشري طلعت الفيزا

أم علي 2010
18-02-2013, 01:13 PM
انا قدمت تقريبا نفس فترتكم .. ودفعت على كل جواز تأشيرة مستعجلة

وغير ان تأشيرة الخادمة انرفضت , وقدمت مره ثانية .. وانقبلت بعد ماحطيت كل الاوراق اللي ممكن يطلبونها

خسرت بس على الفيز حول ال14 الف بس لما حسبت

وصراحة الواحد يسوي فيزا 5 او 10 سنوات افضل له .. لان صراحة تعاملهم زفت والهندي اللي يبلفيت سوبرفايزر اسلوبة زفت ..

والمفروض بريطانيا تلغي الفيزا عن القطريين مثل ما هم يسون فيزة الزيارة في الطيارة القطري المفروض بعد يسوي فيزة الزيارة في الطيارة

ولا موظف المطار لما ختم الجواز ودرا ان زوجي موجود دراسة وان احنا جايين زيارة يقول لازم تسوين فيزا اقامة

هي كلها مرة في السنة .. ونسوي اقامة ليش ... بس يبون يعقدون المواضيع

حياة
21-02-2013, 09:53 PM
ولدي صار له اكثر من شهر فيزا طالب حسبي الله عليهم
المشكله مايعرف حط في الاستبيان غير مستعجله وعقب راح ودفع800 وخبر خير

يحفظك ربي
28-02-2013, 09:36 AM
انا قدمت وجهزت في 3 اسابيع بعد ماكانت تجهز في 3 او 4 ايام عمل !
مادري ليش التاخير صار جي

cavok
28-02-2013, 09:54 AM
أنا خذتها عشر سنوات وريحت بالي

Kbusiness
28-02-2013, 12:58 PM
لتعبئة الطلبات بشكل رسمي وتخليص معاملات الفيز البريطانية والأسترالية والدفع عن طريق الموقع الإلكتروني .. يرجى المراجعة على الخاص