الموظفين الي مايحلالهم الدخول على المنتديات الا بالدوام

[حمد 2002]

السلام عليكم ورحمه الله وبركاته
فيه الكثير من الموظفين اعرفهم مايحلالهم الدخول على المنتديات الا بالدوام ، والا التسليه والعب بالايفون ولا البلاك بيري وغيره من وسائل التسليه ؟

ماهي وجهه نظركم بخصوص هالموظوع ؟ وماهي رده فعلك اذا جفت زميلك ايتسلى بالدوام وانت تشتغل ؟ هل هالشيء ايضايقك ولا مالعمل معاه ؟

وماهي الناحيه الشرعيه بخصوص هالموضوع

تحياتي لكم

[qatari911]

انا اول واحد ادخل المنتدى في الدوام
بس لما مايكون عندي شغل
لكن اذا فيه شغل لازم اخلصه مايصير اعطل مصالح الناس علشان منتدى او للتسلية
وانا الحمدالله من النوع الي اخلص شغلي اول باول
وسؤال انت الحين ماتكتب من الدوام <<<<<<<<<<<اعترف
والله ماتصدق ياحمد2002 لو اقولك اني مسجل واحد بتيلفوني حمد2002
^ـــ^

[أم محمد 90]

اخوي الموظف مب جهاز آلي يعمل على مدار 7 او 8 ساعات
انا ادش المنتدى فقط فالدوام وذلك لان طول يومي برا البيت
وارجع المغرب مايكون لي مزاج ادش المنتدى واقعد ع الاب توب ..

ومادخل واشارك الا لما اخلص شغلي ومايكون عندي شي
مايصير بعد اذا انا فاضية اتكتف واقعد مامسك جوالي اوادخل موقع مني مناك ..


بعد اذا الحالة الي انت تمر فيها ان موظف عنده شغل ومايسويه وقاعد ع النت هاي موضوع اخر

[شبح الصمت]

أصلا عآآآآآآآآآآآآآآآآآآآآآآآآدي

بدش وانا شاق الحلج بعد دآمني مخلص اموري وكل حاجة والا معطل احد والا مسبب مشاكل

:nice:

[التيما]

لا تطالع غيرك .. خلص شغلك وخل له شغله هو بيتحاسب عليه ..

[قطريه أصيله]

انا بعد اشبك على المنتدى من الدوام في الوقت اللي اكون فاضيه فيه .. واخلص شغلي اول بأول

[نوار قطر]

عاادي اذا كنت مخلصه اموري ومخلصه شغلي وماعندي شي شنو الي يمنعني ادخل ..

[aljooker]

هههههههههههه
اكيد بنقهر اذا شفت اللي معاي يلعب وانا اكرف

[راشد محمد]

عااااااااااادي دام مخلص شغلي وفاضي بفتح النت

[بوالبيض]

عاد اكبر غلط ناس تكرف وناس تلعب
الحمدلله انخلص امورنا وكل شي بعدين
اذ في مجال والمزاج زين دخلنا المنتدي

[حمد بن سعد]

وين المشكله دام اني منجز الشغل اول بول ولا فيه تاخير الحمدالله

[نوار قطر]

ممم ساعات يكون عندي شغل والي معاي تكون فاضيه ماعندها شي بس مااعطيها الشغل .. لو عطيتها بتقعد تسأل شلون اسويه ووين ووووو .. فمن الاسهل لي اخلص الشغل بروحي ولا اقعد اعور راسي واشرح لهاا,,

[دااانة قطر]

الحمدلله شغلي اتصالات وايميلاات
وقت الشغل مادخل المنتدى
ولا اعطل اي شي

[طرف محايد]

بالعكس عادي ادخل المنتدى حتى لو فيه شغل



دام الشغل ممكن يتاخر وين المشكلة ؟

[حمد 2002]

بس المفروض ايكون الشغل للشغل :telephone: ، الا اذا بعض الاشغال تعطي بريك لموضفينها بهالناحيه الموضوع مختلف تماما :nice:
تحياتي لكم

[نوار قطر]

بس المفروض ايكون الشغل للشغل :telephone: ، الا اذا بعض الاشغال تعطي بريك لموضفينها بهالناحيه الموضوع مختلف تماما :nice:
تحياتي لكم


مممم سؤال انت من وين شابك الحين:con2:

[حمد 2002]

مممم سؤال انت من وين شابك الحين:con2:

من البلاك بيري :tease: ، انا مااوجه اصابع الاتهام الى اي حد اختي الكريمه ولا حبيت احرج اي حد ، وربما هاذي اختي صارت ضاهره الكل مشترك فيها وهي استخدام الانرنت بالدوام لغير صالح العمل ، وانتي اختي الكريمه اعترفتي انج تدخلين على المنتديات من دوامج ؟ فماهي الحلول من وجهه نظرج لحل هاذي الظاهر ؟ مممم يعني بوضحلج اكثر هل من الممكن ان الواحد ايغير من نفسه ومايستخدم انترنت الا لصالح العمل ، يعني بدال الوقت الي اتضيعينه باستخدام الانترنت بأمكانج

اتدورين افكار لكيفيت تطوير العمل وابتكار امور جديده :)

[حمد 2002]

الحمدلله شغلي اتصالات وايميلاات
وقت الشغل مادخل المنتدى
ولا اعطل اي شي

:nice:

[Locale]

ماتشوف المنتدى الصبح مولع وردود ورى بعض
اذا بغيت حد يرد على موضوعك نزله الصبح

اساسا حتى البرودكاست اكثر شي الصبح
واذا جمعه وسبت مايطرشون كثر ايام الدوامات

[نوار قطر]

من البلاك بيري :tease: ، انا مااوجه اصابع الاتهام الى اي حد اختي الكريمه ولا حبيت احرج اي حد ، وربما هاذي اختي صارت ضاهره الكل مشترك فيها وهي استخدام الانرنت بالدوام لغير صالح العمل ، وانتي اختي الكريمه اعترفتي انج تدخلين على المنتديات من دوامج ؟ فماهي الحلول من وجهه نظرج لحل هاذي الظاهر ؟ مممم يعني بوضحلج اكثر هل من الممكن ان الواحد ايغير من نفسه ومايستخدم انترنت الا لصالح العمل ، يعني بدال الوقت الي اتضيعينه باستخدام الانترنت بأمكانج

اتدورين افكار لكيفيت تطوير العمل وابتكار امور جديده :)

لا والله ياخوي مب قصدي انك وجهت كلامك لحد معين ،،،
اي فعلا انا اشبك من الدوام زين ياخوي شنو نوع الابتكار الي ممكن نسويه ،،، انا اتكلم عن نفسي وعن شغلي لاني عارفه طبيعة الشغل عندنا مافي اي ابتكار ولانقدر نسوي اي شي،،، احنا ماعندنا شغل فاضيين عمل ،،، انا اتم بالاسبوع ورقه ماتمر علي ،،، وطبيعة شغلي لاتسمح لا ابتكار ولا غيره

[intesar]

متابعة..

[الزلزال]

انا ادخل المنتدى في الدوام
وعلى فكره المنتدى الوحيد الي ادخله هو شبكة الاسهم القطرية
بس مش على حساب مصلحه العمل
اذا كان فيه وقت فراغ ادخل
وانا ضد الي يبدي شغله على اي شي ثاني اذا كان منتدى او غيره

[حمد 2002]

لا والله ياخوي مب قصدي انك وجهت كلامك لحد معين ،،،
اي فعلا انا اشبك من الدوام زين ياخوي شنو نوع الابتكار الي ممكن نسويه ،،، انا اتكلم عن نفسي وعن شغلي لاني عارفه طبيعة الشغل عندنا مافي اي ابتكار ولانقدر نسوي اي شي،،، احنا ماعندنا شغل فاضيين عمل ،،، انا اتم بالاسبوع ورقه ماتمر علي ،،، وطبيعة شغلي لاتسمح لا ابتكار ولا غيره

المفروض انتي اتبادرين بالشغل ، يعني لاتنظرين الشغل ايج لين مكتبج
لا انتي دوري افكار وعرضيها على مديرج او مسؤلج ، واذا مسؤلج ماهتم بأفكارج لاتيأسيين عرضيها على الوزير نفسه

[حفيد الأنصار]

بالغالب اذا خلصت الشغل ادخل ع النت
لكن اذا كنت مضغووط مافي مشكلة ادخل بوقت البريكات
والواحد صعب يشتغل بعدد ساعات الدوام كاملة
يعني لازم يرتاح شويتين بعيدا عن تعطل مصالح غيره

[حمد 2002]

انا اول واحد ادخل المنتدى في الدوام
بس لما مايكون عندي شغل
لكن اذا فيه شغل لازم اخلصه مايصير اعطل مصالح الناس علشان منتدى او للتسلية
وانا الحمدالله من النوع الي اخلص شغلي اول باول
وسؤال انت الحين ماتكتب من الدوام <<<<<<<<<<<اعترف
والله ماتصدق ياحمد2002 لو اقولك اني مسجل واحد بتيلفوني حمد2002
^ـــ^

مشكوور على المرور اخووي ، وهالله هالله بدوامك :telephone::)

[حمد 2002]

اخوي الموظف مب جهاز آلي يعمل على مدار 7 او 8 ساعات
انا ادش المنتدى فقط فالدوام وذلك لان طول يومي برا البيت
وارجع المغرب مايكون لي مزاج ادش المنتدى واقعد ع الاب توب ..

ومادخل واشارك الا لما اخلص شغلي ومايكون عندي شي
مايصير بعد اذا انا فاضية اتكتف واقعد مامسك جوالي اوادخل موقع مني مناك ..


بعد اذا الحالة الي انت تمر فيها ان موظف عنده شغل ومايسويه وقاعد ع النت هاي موضوع اخر

مشكووره على المرور اختي :nice:

[حمد 2002]

مشكوريين اخواني كلكم على اثراء الموظوع وياليت ناخذ من اليابان قدوه ونموذج بحبهم للعمل وعدم اضاعه الوقت بامور خارج نطاق العمل .

يعني الياباني اذا عنده عمل عمل ماعنده شيء ثالث واذا وقت البريك بالشغل ايسوي الي يبي تحياتي لكم .

[ROSE]

انا ادخل المنتدى قبل النوم وبعد النوم وقبل الدوام واثناء الدوام وبعد الدوام :secret:


والحمدلله محصله شهادة تقدير كاحسن موظفة لعام 2012 :nice:

[حمد 2002]

انا ادخل المنتدى قبل النوم وبعد النوم وقبل الدوام واثناء الدوام وبعد الدوام :secret:


والحمدلله محصله شهادة تقدير كاحسن موظفة لعام 2012 :nice:

:eek5: ، مشكورره على المرور

[خليفـة]

موضوعك جميل اخوي بوشهاب

من وجهة نظري اذا كان دخول الموظف للنت بشكل عام مافيه مضرة للمراجعين
ولا فيه تأخير لمصالح خلق الله .. ولا فيه مضره لجهة العمل .. فلا بأس بذلك
وبالذات لما يكون بوقت فراغه .. منها يشوف شنو الجديد .. ومنها يمشي الوقت

المهم ما يكون على حساب مضرة عمله او مضرة الآخرين

والله اعلم

خليفــة

[SASAS]

أولاً :
ما شاء الله الكل مخلص شغله ويدخل ومب معطل شغل العالم وتقييمه عالي !
ثانياً :
مطلوب فتوى شرعية لجواز استخدام وقت العمل ( حتى لو بوقت تم فيه انهاء العمل ) وذلك لغرض شخصي ( سواء الدخول للمنتديات او ادارة شركات او حتى الردود بالبلاك بيري )

[حمد 2002]

موضوعك جميل اخوي بوشهاب

من وجهة نظري اذا كان دخول الموظف للنت بشكل عام مافيه مضرة للمراجعين
ولا فيه تأخير لمصالح خلق الله .. ولا فيه مضره لجهة العمل .. فلا بأس بذلك
وبالذات لما يكون بوقت فراغه .. منها يشوف شنو الجديد .. ومنها يمشي الوقت

المهم ما يكون على حساب مضرة عمله او مضرة الآخرين

والله اعلم

خليفــة

مشكوور على المرور الرائع اخووي خليفه

[حمد 2002]

أولاً :
ما شاء الله الكل مخلص شغله ويدخل ومب معطل شغل العالم وتقييمه عالي !
ثانياً :
مطلوب فتوى شرعية لجواز استخدام وقت العمل ( حتى لو بوقت تم فيه انهاء العمل ) وذلك لغرض شخصي ( سواء الدخول للمنتديات او ادارة شركات او حتى الردود بالبلاك بيري )

صح اخووي محتاجين فتوى بذلك ،، تحياتي لك

[نوار قطر]

المفروض انتي اتبادرين بالشغل ، يعني لاتنظرين الشغل ايج لين مكتبج
لا انتي دوري افكار وعرضيها على مديرج او مسؤلج ، واذا مسؤلج ماهتم بأفكارج لاتيأسيين عرضيها على الوزير نفسه


اوكى كلامك صح بس الله يشهد علي اني دخلت حق مديري المباشر وقلت له يابوفلان ان وحده شغوله مااحب اقعد مكاني بدون شغل ،،انا كنت في ادارتي القديمه اكرف كرااف وكنت استمتع بالشغل بس الحين تمر علي اياام ماعندي ورقه قال لي ادري بس الاداره يديده وللحين نشتغل في الهيكل التنظيمي وبنوزع الشغل عليكم ،،،،، والله ان الموظفين استغربو مني شلون تدخلين وتطلبين منه شغل وانج بتفتحين على نفسج باب انتي في غنى عنه وخلج مرتااحه احسن لج ،،،،
وعقبها بفتره رحت له وكلمته مااقول انه ماكلفني باشياء مهمه فالاداره،، بس ضغط الشغل عندي يكون لمدة اسبوع اما باقى الايام فاضيه ،،، شاسووي بعد