خيمة مصدر إزعاج مستمر للسكان

[غزلان]

الشرق -

أشتكى مواطن من وجود خيمة بالقرب من منزله يرتادها الشباب على مدار الساعة خاصة في الفترة المسائية وهو ما يسبب له الإزعاج بشكل مستمر ودائم نظرا لكثرة السيارات التي تصدر اصواتا مزعجة عند قدومها إلى المكان وعند الخروج منه.

وأشار إلى أنه حاول عدة مرات مع رواد الخيمة وأن وجودهم وتصرفاتهم تسبب له ولبقية الجيران الكثير من الإزعاج إلا أن ذلك لم يأت بنتيجة ولا يزالون يقومون بتصرفاتهم غير المسئولة إلى جانب أصوات سياراتهم التي تزعج الكبار والصغار وأصبحت مصدر قلق لأهالي المنطقة وتحديدا القاطنين في المنازل المجاورة للخيمة.

وطالب الجهات المعنية بضرورة التعامل مع مثل هذه الحالات ومنع التخييم في المناطق السكنية وأمام البيوت وفي حال كانت تلك الخيام ضمن البيوت الخاصة فيجب أن تكون هناك مراعاة واحترام للآخرين الذين يقطنون في ذات المنطقة مع احترام حق الجيران في الحصول على الراحة والطمأنينة في منازلهم وهو ما لا يلتزم به المترددين على بعض الخيام ومنها الخيمة المعنية.



00



الخيام فاكهه فصل الشتاء هل فعلا اصبح وجودها بين المساكن وقريبه جدا من البيوت مصدر ازعاج؟

[حمد 2002]

مب بس الخيام اختي حتى المجالس الي تكون قدام البيوت من برع ويرتادونها ناس وسيارات وايد لين صباح اليوم الثاني هههه، مما تسبب ازعاج للجيران وللفرييج كله ،
وخصوصا الحين انجوف انها صارت موضه كل بيت ينبني لازم اتجوف قدام بيته مجلس !!! بعكس قبل بكل فريج مجلس واحد فقط يرتادونه الجميييع

تحياتي لج

[حسن]

مانقدر نعمم على انها مصدر ازعاج عندنا خيمه في منطقتنا لكن مالهم اي حس
والمفروض الجار له احترام والتقدير

الجار قبل الدار يقولون

[فارس قطر]

اكثر بيوت اهل قطر عندها خيام ومجالس خارجية

لاكن الاجاويد من اهل قطر مايظرون جيرانهم بس السمنديقة والمتجنسين هم الي يخربون

على عاداتنا وتقاليدنا ومايمنع ان في يهالوة طائشة في كل فريج تسي لبعض الجيران.

[Aaziz]

هو مايقصد خيمه التخيم الي في البر ،، يقصد الخيام الي يحطونها غالبا الشباب قدام بيوتهم وكانها مجلس اضافي ،

المفروض يكلم كبير البيت (الاب او الجد) او كبير العائله عم او خال .
بفضل الله الى الان مجتمعنا فيه تقدير لكبير السن و للجار و التجاوزات غالبا من صغار السن نتيجه جهل بالواجب و الحقوق .

واحمل التخطيط العمراني نتيجه هذه المشاكل بسبب توزيع الاراضي السكنيه بشكل متعمد بهدف خلط الناس و تغيير التركيبه السكانية.

[غزلان]

مب بس الخيام اختي حتى المجالس الي تكون قدام البيوت من برع ويرتادونها ناس وسيارات وايد لين صباح اليوم الثاني هههه، مما تسبب ازعاج للجيران وللفرييج كله ،
وخصوصا الحين انجوف انها صارت موضه كل بيت ينبني لازم اتجوف قدام بيته مجلس !!! بعكس قبل بكل فريج مجلس واحد فقط يرتادونه الجميييع

تحياتي لج


الشي الى مب حلو وفرق اكثر بين الأهل انه امم اغلب البيوت الجديده مجلس او خيمه
من فتره انتبه لبيت نعرفهم مسوين مجلس امام بيتهم الجديد مع انه في مجلس رئيسي وكبير في بيت الجد ,,اقول الحين الجد ماعاد بيشوف احفاده كل كم حفيد في مجلس :rolleyes2:

[غزلان]

مانقدر نعمم على انها مصدر ازعاج عندنا خيمه في منطقتنا لكن مالهم اي حس
والمفروض الجار له احترام والتقدير

الجار قبل الدار يقولون


كلامك صحيح لازم نراعي جيرانا ومانسبب لهم احراج او ازعاج يمكن عندهم مريض او طلاب يدرسون

[فتى الجود]

السلام عليكم

الموضوع ليس موضوع الخيمة
الموضوع موضوع الأزعاج وعدم أحترام الجيران واحترام الأخرين

انا قدام بيتي واحد ينقالكم ولد عرب ومن اكبرها واسمنها

لكن للأأسف مربي كلاب " جعر " في بيتة ومسندرنا من نباحهم

كلمناه بس ما في فايدة

وورد عن الرسول الأكرم

ان لم تستحي فصنع ماشئت

[الإكسير]

ههههههههههاي والله تضحكون
اذا راحوا المجمعات قالتوا ليش ،،، واذا راحوا السينماء قالتوا الله يهديم،، واذا شفتوهم في كتارا قالتوا مغازلجيه،، واذا راحوا العديد قالتوا متهورين،،، واذا راحوا يكركون قالتوا مسويين زحمه ،،،، الحين افتريتوا على الي قاعدين في بيوتهم قدام أهاليهم،،،، ههههههههاي مالكم حل

[بومحمد 00]

المجالس راحت مع اهلها

[بوخالد911]

احترام الجيران شيء أساسي ومطلوب

يا ريت الشرطة تتدخل

[الفورتك]

المجالس راحت مع اهلها

ان كانت مجالسكم راحت مع اهلها .. مجالسنا الحمدلله موجوده وحتى لو اهلها راحوا
على سنعنا ماتغيرنا ولاتعلمنا من اهل مجالسنا الا السنع والطيب .

[theeb_qatar]

احنا الحمدلله خيمتنا لاصقة فالبـيت وعللى زاويـة .. في الفريج ..

الشباب في الخيـمة .. والشيـاب فالميـلس لعب هـنـد هههه

والحمدلله محد اشتكى علينا من 4 سنين ولا حصلنا ورقة ازالة ..

[ريم 28]

جارنا عنده اولاد ماشاء الله يمكن ظ¦ وشباب

كل يوم نسمع لهم ازعاج وقالبين المكان كراج

بس احسن شي ان يسهرون لين الصبح فكنت انام مرتاحه لانهم يحرسون المكان الصراحه.

المهم الحين ما لهم حس ولا حد كلمهم ولا شي

من نفسهم مساكين او يمكن احد نبهم
عموما الشباب عندهم طاقه وطبيعي الازعاج بيكون

الواحد يكلمهم بالطيب وانتهئ.

[R 7 A L]

ههههههههههاي والله تضحكون
اذا راحوا المجمعات قالتوا ليش ،،، واذا راحوا السينماء قالتوا الله يهديم،، واذا شفتوهم في كتارا قالتوا مغازلجيه،، واذا راحوا العديد قالتوا متهورين،،، واذا راحوا يكركون قالتوا مسويين زحمه ،،،، الحين افتريتوا على الي قاعدين في بيوتهم قدام أهاليهم،،،، ههههههههاي مالكم حل

ليش مايروحون للبحر :tease: