كيوتل والجيدة يبيعونه بـ 700 تعلوا شوفوا سعره في الأنترنت !!

[mE mYself & i]

السلام عليكم ورحمة الله وبركاته

طبعا كيوتل بدأت تركب الالياف الضوئية في البيوت ومن ضمنها بيتنا بس أرسال الوايرليس في البيت تعبان لما أتصلت كيوتل وقلتلهم ابي حد يجي يشوف لي الوايرليس ما يغطي حتى ربع البيت

قالولي بنرسل لك فني يركب لك جهاز قيمته 700 ريال في الغرف الي فيها الوايرليس ضعيف ( كل غرفه تحتاج جهاز ) قلت لا حول ولا قوه على الأقل أركب في المجلس وبعدين اشوف حل

جاني الفني وركب لي الجهاز وقالي ما تبي اتركب في الغرف الثانيه قلتله لا مب الحين لما ابغي بكلم كيوتل فقالي اذا تبي كلمني وانا بجيبلك الجهاز بـ 650 ريال :eek5: مباشره من شركة الجيده!! على ما اعتقد هم الموردين, فقلت له انزين اذا بغيت بكلمك

قلت خل أشوف سعر الجهاز في الأنترنت يمكن أرخص ودورت عليه في أي باي وأمازون وحصلت نفس الجهاز بالضبط وتفاجأت بالسعر كلهم حدود 40 - 60 دولار ( حدود 200 ريال قطري :omg: )

يعني قاصين علينا و يربحون من وراانا فوق 200% خافوا الله , يعني اطلب 3 أجهزه عن سعر جهاز واحد هني !!

هذي صورة الجهاز
https://images-na.ssl-images-amazon.com/images/G/01/electronics/detail-page/linksys/small-B005FDXMJS.MAIN.jpg

والي حاب يطلب هذي لنكات الجهاز في امازون والأي باي

Cisco Wireless-N Range Extender (http://www.amazon.com/gp/product/B0077BB3VA/sr=8-2/qid=1360095937/ref=olp_product_details?ie=UTF8&me=&qid=1360095937&seller=&sr=8-2)
Cisco Wireless-N Range Extender (http://www.ebay.com/itm/Brand-New-Linksys-RE1000-Wireless-N-Range-Extender-USA-SELLER-/261154123027?pt=US_Networking_Boosters_Extenders_A ntennas&hash=item3ccdffad13)
Cisco Wireless-N Range Extender (http://www.ebay.com/itm/Cisco-Linksys-RE100-Wireless-N-Range-Extender-/321065360181?pt=US_Networking_Boosters_Extenders_A ntennas&hash=item4ac0fc9b35)

[بومحمد 00]

شلون استخدامه اخوي

يحتاج برمجه مثلا

[mE mYself & i]

يحتاج برمجه اول استخدام وبعدين خلاص اتركبه اي مكان

[..er..]

ههههههههههه

طيب هات شي جديد ..

من زمان وكيوتل شغاله علينا والمشكله قاعدين ندفع ولانسأل ..

وقفت على وايرلس .. يعني ..

[الاستثمار]

حسبي الله ونعم الوكيل

[تغلبية]

وعليكم السلام ورحمة الله وبركاته

شارية نفس الجهاز من الغرافة بــ 400

قوى الارسال عندي في الغرفة لكن تصفح النت بعده بطيء

مادري العيب منه والا من جهازي !!!


اذا الجهاز في امازون بـ 200

لو كان بسعر الجمله مثل ماهم ماخذينه .. بكم يكون ؟!؟؟!
:weeping:

[ذيب ازغوى]

يالربع من يقدر يطلبه لي ؟؟

[بوجاسم@قطر]

الجهاز موجود في اللولو على 350 ريال

[أم محمد 90]

انا اظن تروحون اللولو تاخذونه

لان لو بتطلبونه ب 200 ريال مع شحنه يمكن 100 ريال تقريبا

مافرق وايد عن سعر اللولو ..

انا ابوي ركب واحد بغرفتي بس الارسال لحين ضعيف كل بيتنا يشتكي من ضعف الارسال

[راشد محمد]

حسبي الله ونعم الوكيل

[جمال اليافعي]

ما انصحكم فيه نهائيا جهاز تعبان لأبعد الحدود

ما ينع غير الترنكنج بالبيوت , في محل في سوفتيتل يسوي لكم توصيلات كيابل وعنده جهاز ياخذ من الكيبل وينشر الأشارة أسرع و أضمن .

[mE mYself & i]

وعليكم السلام ورحمة الله وبركاته

شارية نفس الجهاز من الغرافة بــ 400

قوى الارسال عندي في الغرفة لكن تصفح النت بعده بطيء

مادري العيب منه والا من جهازي !!!


اذا الجهاز في امازون بـ 200

لو كان بسعر الجمله مثل ماهم ماخذينه .. بكم يكون ؟!؟؟!
:weeping:


ما أعتقد أكثر من 100 ريال هههه الجهاز ترى بس ربيتر للسجنال بـ 700 ريال أخذلي أكسس بوينت أحسن


يالربع من يقدر يطلبه لي ؟؟

أخوي أذا عندك بريد أرامكس (http://www.shopandship.com) أو myus (http://www.myus.com/) ما يبيله شي وحتى الدفع عن طريق بطاقه مدفوعه أضمن شوف موضوعي بخصوص بطاقه الماستر المجانية (http://qatarshares.com/vb/showthread.php?t=538893) وإذا أحتجت مساعدة انا حاظر


الجهاز موجود في اللولو على 350 ريال

صحيح اذا الفرق بسيط ما يساهل بس اذا كيوتل يقولون 700 لا يستاهل اطلبه ههههه


انا اظن تروحون اللولو تاخذونه

لان لو بتطلبونه ب 200 ريال مع شحنه يمكن 100 ريال تقريبا

مافرق وايد عن سعر اللولو ..

انا ابوي ركب واحد بغرفتي بس الارسال لحين ضعيف كل بيتنا يشتكي من ضعف الارسال

والله انا الاماكن الي قدرت اوصل لها واير ركبت أكسس بوينت والأرسال 100%


ما انصحكم فيه نهائيا جهاز تعبان لأبعد الحدود

ما ينع غير الترنكنج بالبيوت , في محل في سوفتيتل يسوي لكم توصيلات كيابل وعنده جهاز ياخذ من الكيبل وينشر الأشارة أسرع و أضمن .

معاك أخوي الجهاز مب لين هناك وخصوصا اذا شبك عليه اكثر من واحد

[جلكساوي]

كيوتل يبيعونه ب 700 ريال

عيل أرخص من واحد في هالمنتدي اسمه المبرمج صلاح يبيعه ب 800 ريال!!!

ونفس الجهاز بعد

[المستور]

حسبي الله ونعم الوكيل

[الخزرجي قطر]

من كل جهه ماخذين حقهم وزياده الله يكون في عون المستهلك

[بوخالد911]

حسبي الله ونعم الوكيل

[دوحة الجميع]

كيوتل يبيعونه ب 700 ريال

عيل أرخص من واحد في هالمنتدي اسمه المبرمج صلاح يبيعه ب 800 ريال!!!

ونفس الجهاز بعد

انا مركب من عند صلاح الجهاز ب 800 ريال والارسال للحين بطىء وحرام الفلوس اللي دفعته فيه .

[الـقـاسـي]

انا حصلته في كارفور ب 390 اتوقع ,, كنت احسب انا بس اللي عندي مشكله في الواير ليس طلع الكل عنده مشكله ..

يازين الجهاز القديم ياليت ماركبت الفايبر لان قبل بجهاز كيوتل كان يغطي مكان كبير الحين والله انه في نفس الغرفه مب قاعد يغطي

[mE mYself & i]

أنا طلبت جهاز Wireless-N Wifi Repeater من نوع ثاني

http://www.yugatech.com/blog/wp-content/uploads/2011/11/wifi-repeater.jpg

وجربت هذا واللنكسس وكفائتهم نفس الشي ما في فرق وممكن تستخدمه كـ أكسس بوينت إذا الغرفه وايد بعيده وما يوصل لها الوايرليس بس يكون واصلها كيبل أيثرنت

الي يفرق السعر هذا سعره $19.49 (71.14 ريال قطري) مع شحنه لقطر - الشحن خذ له اسبوعين ويوصلك على البريد

تم الطلب عن طريق Ebay
Wireless-N Wifi Repeater 802.11N Network Router Range Expander Speed Up to 300M (http://www.ebay.com/itm/290802025603?ssPageName=STRK:MEWNX:IT&_trksid=p3984.m1439.l2649)

[مشـــــاعر]

قسسسسسسسسسسسسسسسسسم بالله العظيم من ركبوا هالألياف الضوئية والواحد يكره يدش النت

إرسااااااااااااااال ضعيف والويرلس بالدقيقة يفصل

وماعندهم غير هالهنود اللي مايفهمون شي كل شوي جايين ورايحين ولا يدرون وين الله حاطهم

ليتنا ماركبنا هالألياف أففففففففففففففففففففففففففففف

[Kbusiness]

الي عنده ضعف في النت .. والتوصيل
خبروني ممكن أساعدكم بحسب خبرتي مجانا

[OREO]

الي عنده ضعف في النت .. والتوصيل
خبروني ممكن أساعدكم بحسب خبرتي مجانا

يزاك ربي كل خير ..

ما عليك امر ممكن تساعدني و اعرف كيف ارفع من كفاءة النت عندي كون اشتراكي بوخمسين ميجا و ما يعطيني الا ثلاثين ميجا و بالاضافه الى سرعة البينق تقريبا ظ§ظ* الى ظ¨ظ* و المفروض في الالياف البصريه ما تتعدى ظ،ظ* ملي سكند ،،

موفق ان شاءالله

[mr.hamouda]

الحمد لله الالياف ما وصلت لنا للحين ...

ما زلت على القديم , سريع ويغطي مساحة كبيره !

[ANONYMOUS]

هو يا المشكله من كفائة الاجهزه القديمه او لبيوت انترست صبيات

وين ايام قبل تشبك على وايرلس الجيران

الحين انا في الدور الثاني والروتر في الدور الارضي وبيني وبينه اقل من 4 امتار ومافي ارسال كلش

[تغلبية]

^^^


اعتقد تقدر تزيد قوة الارسال من الجهاز الرئيسي ويزيدعدد الخطوط في قوة الارسال

[حياة]

صراحه ضعيف عندي الارسال
مع انه مركبه لكل دور واحد وفي قسمي واحد وبعد مايوصل الا نقطه واحيان تفصل للغرفه المقابله لي

[تلفزيون قطر]

بعد طول أنتظار للي عاوز أقوى واسعر جهاز للأنترنت لو بيتك عشر طوابق يوصلك زي الحلاوه

للطلب والأستفسار أتصل على

زيرو ثلاثة طعشر عشرة تلاتين تلات واحداات + زايد مصاريف الشحن


هههههههههههههههههه ماباقي الا كيوتل تسوي نفس هذا الأعلان الله يعين والله

[qatary1]

انا اخذته من اللولو قبل شهرين ب 350 ريال والجهاز ممتاز حطيته في الفيلا تحت وغطا ختى الحوش والمجلس الخارجي
وبرمجته سهله جدا لان معاه cd

[فيصـــل]

يعني يطلع مع الشحن تقريبا ٢٣٢ ريال

يابلاااااش

[برشلوني قطر]

انا مركب من عند صلاح الجهاز ب 800 ريال والارسال للحين بطىء وحرام الفلوس اللي دفعته فيه .


مستغرب :eek5:

تاخذونه بــ800 ويقولون فالولو 350 ريال ؟؟

هل كنت ماتدري اخوي .؟

[Abd4llah]

لا حول واا قوة الا بالله

[MS.TOMA]

السلام عليكم روحمة الله وبركاته

اخواني العزاء ..
هاي تجاره .. ويبلها شطاره..
يعني اوريدوو الحين موفره لكم كل اللي تحتاجونه من النت و غيره من المزايا
والناس تتعب ترا لين يتصير لكم الخدمه ..
ترا خدمه الالياف الضوئيه ان شاء الله بيتم تفعيها لمن السننه هاي الي فبراير 2014
يعني جهود العاملين عليها ما يقصورن
انتوو بس عيب واحد اشتركتوو كلكم عليه ..
يعني لو بقول الاسال في الكل نفس الارسال .. ..

انزين ترا البيوت فيها عازل ..
اشمنا يعني يوصل الانترنيت المجلس والحوش
..
بس العرف الان فيها عازل الصوت .. يعني لاتركبون عازل في بيتكم بسوصل لكم النت سريع ..

[المبرمج صلاح]

كيوتل يبيعونه ب 700 ريال

عيل أرخص من واحد في هالمنتدي اسمه المبرمج صلاح يبيعه ب 800 ريال!!!

ونفس الجهاز بعد

لا تظلم الناس بسبب جهلك :secret:

الجهاز اللي عندي cisco power line وهذه صورته

http://www.linksys.com/videos/gallery/171/45/PLWK400_Photo01,0.jpg

وليس repeater

فرق بين السما والارض بين الجهازين

ال repaeter اللي تبيع كيوتل جهاز مقوي للاشارة فقط يجب ان تكون الاشارة تصله لا تقل عن 30 % والا سوف يقطع مع انه يعطيك اشارة فل وللاسف الجهاز محد يستخدمه لانه ليس مجاله البيوت ( مع اني سمعت كيوتل يبيعونه ب 450 مع تركيبه وليس 700 غير متاكد في المحلات سعره 370 تقريبا )

الباور لاين plwk400 يعطيك شبكة منفصلة تماما عن الجهاز الرئيسي وليس له علاقة بالاشارة الاصليه يعتمد على نقل الانترنت بالكهرباء وهو يتكون من جهازين وليس جهاز واحد وتقدر تضعه باي مكان البيت طالما نفس شبكة الكهربا وسعري 800 كان شامل البرمجة وتركيبه في بيتك

بالتوفيق لك ان شاء الله في الدنيا والاخرة


ملاحظة لاخواني واخواتي اشارة اجهزة الوايرلس تعتمد على عوامل كثيرة جدا وليس الجهاز فقط
من الممكن نفس الجهاز في بيت يوصل كل الغرف وفي بيت تاني ما يعدي الغرفة الواحد

طريقة تصميم الجدران ومواد البناء الاسمنتيه والعازل و ورق جدران الحائط تقتل الاشارة بنسبة كبيرة جدا

الحل الامثل لتقوية الويرلس هو تمديد ويرات الانترنت من الرواتر الرئيسي وتركيب اكسس بوينت في كل مكان محتاج الانترنت فيه
او استخدام تقنية الباور لاين في البيوت اللي تدعمه ولكن تمديد وعمل شبكة وايرات في البيت هو الافضل على كل المستويات

ولكل بيت وشخص ظروف خاصة به فمثلا شخص ما يحب يشوف واير في البيت ما يحب يكسر في ديكور البيت وفي شخص تاني مستعد يدفع لشركة ديكور تمدد لو ويرات بطريقة احترافية وفي ناس تدفع تركب باور لاين وفي عادي يمدون الواير معلق بالهوا او بالترنكنج وفي وفي وفي وهكذا


ومن يحس اني ظلمته في شي من خدمة او كلمة او استشارة فتلفوني مفتوح للجميع فليقل لي بصراحة وانا سوف هحاول قدر استطاعتي ارضائه
جوالي موجود في توقيعي و كما هناك البريد الخاص وهناك مواضيعي ارد فيها على كل استفسار خاصة بها


والله اعلم

[cavok]

واللة موظف كيوتل اللي كان بيركبلي مقوي للنت قالي بصراحة ما في داعي تركب هاي المقوي روح اللؤلو وركب أحسن منه 300 ريال تقريبا وبالفعل ركبته عندي
ولا اروع ولله الحمد

[لبيبة]

الحمدلله ما وصلنا الفايبر :(

[البحار]

الباور لين وايرلس موجود في سوفتل واللولو 425 شريت اثنين ولا اروع

بس حطه في الكهربه في غرفتك في الصاله ان شاء لله عند راسك اهم شي عندك سوكت كهربه واشبك وايرلس ولا احلى نت قوي وتصيد النت كامل

[Qatar dealer]

صدقت اخوي فرق فالسعر كبير

[vur]

اخواني الاحبه ..
الأرسال ضعيف بسبب 1g - 2g
اللي عنده فايبر يحتاج يرفع سرعة الأنترنت
واريدو عندهم باقات تصل الى 100g بدون تقويه ارفع سرعة الانترنت وشوف الفرق
الله يوفق الجميع.

[مشتاقة للجنة]

انا شاريته من جرير بحدود 200 مدري 300 وانا اللي سويت له برمجه

[ضوى]

الصراحة انا ركبوا لي الفايبر وادفع ٢٠٠ كل شهر والنت تمام التمام مايقطع ولا يفصل وركبت جهاز للطايق الثاني وماشاء الله النت يغطي لين الحوش

[طاش]

فيه كارفور ب360تقريبا

[رحال]

ياجماعه أيش اللي تنصحون فيه للطابق الثاني ؟

اللي بوسوكت أو توصيل واير لين الدور الثاني ؟

نفس المشكلة عندي ..

[A-Alansari]

ياجماعه أيش اللي تنصحون فيه للطابق الثاني ؟

اللي بوسوكت أو توصيل واير لين الدور الثاني ؟

نفس المشكلة عندي ..

ركب واير وطلعه من الدريشه ودخله من درشه الغرفه التي تبي فيها نت وبعدين ركب اكسس بوينت

انا مسوي للبيت كامل بروحي والواير اغلب الاوقات لونه رمادي ماراح يبين ولا بيخرب شكل البيت الخارجي

لانه العوازل هي الي تضعف الارسال انا بيني وبين غرفه اخوي اقل من 6 امتار والوايرلس في غرفته يطلع عندي نقطه وحده

افضل حل تمديد وايرات وتركيب اكسس بوينت

[Qtr-17]

ركب واير وطلعه من الدريشه ودخله من درشه الغرفه التي تبي فيها نت وبعدين ركب اكسس بوينت

انا مسوي للبيت كامل بروحي والواير اغلب الاوقات لونه رمادي ماراح يبين ولا بيخرب شكل البيت الخارجي

لانه العوازل هي الي تضعف الارسال انا بيني وبين غرفه اخوي اقل من 6 امتار والوايرلس في غرفته يطلع عندي نقطه وحده

افضل حل تمديد وايرات وتركيب اكسس بوينت

شكرا لك

[naklan]

سواال يالربع؟؟؟؟

ليش ما تاخذون الانترنت البرودباند عن طريق فودافون
اسرع وارخص والا فيه شي خفي ما نعرفه الي جرب يعطينا
انطباعه وتجاربه مع فودا فون ومن احسن هم او اوريدو

[المعنى88]

سواال يالربع؟؟؟؟

ليش ما تاخذون الانترنت البرودباند عن طريق فودافون
اسرع وارخص والا فيه شي خفي ما نعرفه الي جرب يعطينا
انطباعه وتجاربه مع فودا فون ومن احسن هم او اوريدو

فودافون طبعآ ... والسبب اوريدو مستغلة وتفشل في اي خدمة توصلها بعد ماركبوا الفيبر كان زين عندي فوق وتحت ومن شهر بدوا اوريدو يستغلون اقطعوا الخدمة جزئيا فوق لا تحت نعم وهات وخذ معاهم لين ماطرشوا فني وعقبها يقطع النت كل فترة من 10 الى 30 دقيقة وفي النهاية عارفين الأستغلال عن طريق الاتصال بكلام حلو من وحدة عربية من اوريدوا تقول والله شفناك تدفع بالشهر 200 ريال على سرعة 1ميغابايت ... زيد السرعة الى 10 بزيادة 100 يعني 300 بالشهر هنا المقصد من التقطيع والخدمة السيئة
طبعا ماقبلت منهم ... وشفت فودافون مافي احسن منه بالبلد بيعطيك سرعة 20ميغابايت بسعر 300بالشهر
شفتوا الفرق من 10 الى 20 بسعر 300

[معماري قطري]

كيوتل يبيعونه ب 700 ريال

عيل أرخص من واحد في هالمنتدي اسمه المبرمج صلاح يبيعه ب 800 ريال!!!

ونفس الجهاز بعد

هههههه ما قمت أشوف الباش مبرمج صلاح شكله اغتنى وراح مصر ولا فاحت ريحته وبيدخل بإسم ثاني

[المبرمج صلاح]

هههههه ما قمت أشوف الباش مبرمج صلاح شكله اغتنى وراح مصر ولا فاحت ريحته وبيدخل بإسم ثاني

جزاك الله كل خير والله يهديك ما توقعت منك انت بالذات هالكلام لاني متابع ردودك والناس تشكر فيك بخصوص الاستشارات الهندسية ومن كلامك يتضح انك رجل حكيم ومتزن ما توقعت منك هالرد ولو لاحظت ان مواضيعي وردودي في المنتدي في كل الاوقات في قسم الكمبيوتر والانترنت ومن فترة كنت في اجازة في مصر وكنت ايضا متابع االمنتدي بكل اقسامه ولكني لا اشارك في قسم الكمبيوتر وموضوع السوق اللي يخصني



ولي مشاركة في هذا الموضوع من قبل توضح ان جهازي الباور لاين غير اللي تبيعه كيوتل والمجمعات الربيتر جهازي سعره 800 غير ويختلف كليا عن جهاز كيوتل او اي جهاز ربيتر

ولكن ماذا نقول في الجهل عند بعض الناس اللي ولكني مقتنع

رضا الناس غاية لاتدرك فلا اتعب نفسي بالرد الا في حالة استفسار فيكون ردي بطريقة جميله توضح الجواب

في الاخير اقول بالتوفيق للجميع ان شاء الله

[mE mYself & i]

هههههه ما قمت أشوف الباش مبرمج صلاح شكله اغتنى وراح مصر ولا فاحت ريحته وبيدخل بإسم ثاني

أسمحلي على المداخله وانا عمري ما تعملت مع المبرمج صلاح شخصيا بس ارسلته كم رساله استشيره والشهاده لله ما يقصر وبدون اي مقابل