المكتب الطبي فاللمانيا فاشل بكل ما تعنيه الكلمه

[المليونير الفقير]

السلام عليكم

المكتب الطبي في تايلند قمة فالخدمات وايضا في لندن وايضا في امريكا ولاكن في المانيا الله لايوريكم فاشل ولا يقدم خدمات ولاعليهم اي رقابه وابصراحه حرام أتكون هالاداره هي من يشرف على شؤون المرضى لانها وللأسف ليست بكفؤ

[mr.hamouda]

المانيا... افــــــــــــــــــــــــا !

[R 7 A L]

ليست الشكوى الاولى على المكتب الطبي في المانيا

نتمنى في البداية اخوي ان تشرح بشكل مفصل
ماهي السلبيات فربما المسئولين هناك لا يعرفون
ماذا يحصل وربما يكون هذا الموضوع فاتحة خير
عليك وعلى جميع المرضى هناك

[المليونير الفقير]

اتصلت بهم وطلبت منهم مواعيد لبعض الدكاترة وقالو أوكي بنسوي المواعيد وبنتصل وصبرت يوم يومين محد اتصل ورجعت وكلمتهم وقالو نفس الكلام وصبرت ومحد اتصل وبعدها اتصلت حق مترجم يشتغل لحسابه ورتبلي المواعيد ثاني يوم ومع دكتورين وخلصت معاهم والمكتب الطبي للحين ماتصل معاناتها قمة فالاهمال وعدم الاهتمام في مواعيد المرضى مع العلم أني مطرش لهم اكتاب من اللجنة الطبيه لترتيب المواعيد قبل لااسافر

[المليونير الفقير]

في تايلند المواطن القطري يهتمون فيه اهتمام مب طبيعي ويسهلون كل الصعاب وطبعا لان سفيرنا الدوسري معطيهم التعليمات وهو بنفسه يزور المرضى ويطمن عليهم

[R 7 A L]

اتصلت بهم وطلبت منهم مواعيد لبعض الدكاترة وقالو أوكي بنسوي المواعيد وبنتصل وصبرت يوم يومين محد اتصل ورجعت وكلمتهم وقالو نفس الكلام وصبرت ومحد اتصل وبعدها اتصلت حق مترجم يشتغل لحسابه ورتبلي المواعيد ثاني يوم ومع دكتورين وخلصت معاهم والمكتب الطبي للحين ماتصل معاناتها قمة فالاهمال وعدم الاهتمام في مواعيد المرضى مع العلم أني مطرش لهم اكتاب من اللجنة الطبيه لترتيب المواعيد قبل لااسافر

وجود المترجم شي مهم جداً
وفي حالة عدم وجودة يعاني المريض خصوصاً اذا كان لايعرف اللغة المتعامل بها في المستشفى


ياليت اخوي تعاود الاتصال بهم ولو تتصل شخصياً بمدير او رئيس الملحق الطبي يكون افضل ،

[Right]

بعد خروج عبدالله الأنصاري من المكتب الطبي في بون



إعتفس المكتب وصارت خربطة ومشاكل لها أول وما لها تالي



وهالمشاكل تطيح على روس المرضى والمرافقيين



الله يذكرك بالخير يا عبدالله الأنصاري .. هو حالياً بالمكتب الطبي بلندن



نصيحة:



أتمنى أن السيد/ عبدالله الأنصاري يعطي دورات مكثفة في فن إدارة المكاتب الطبية


وفن التعامل مع المرضى ومرافقينهم لمدراء المكاتب إلي عليهم شكاوي

[الزلزال]

الله يكون في عونهم مرضانا في المانيا

[وحيد-الشوق]

انا اشهد انه مكتب فاشل

بس خلوني افضى بقولكم شيسوون في المرضى هناك :(

[ذيب ازغوى]

اتمنى الصوووت يوصل حق المسولين

فعلا عندي واحد كان يتعالج اهنااك قالي اسم مواحد يفرق بين هل قطر يقول والله ان بغيت امد يدي عليه لان يرد عليه رد كانه شغال عند ابووه

وهو مايدري ان بومشعل مشغله لاجل القطري ويرتب للقطريين

بس شتسوي في البلشتيه

[storm..]

بعد خروج عبدالله الأنصاري من المكتب الطبي في بون



إعتفس المكتب وصارت خربطة ومشاكل لها أول وما لها تالي



وهالمشاكل تطيح على روس المرضى والمرافقيين



الله يذكرك بالخير يا عبدالله الأنصاري .. هو حالياً بالمكتب الطبي بلندن



نصيحة:



أتمنى أن السيد/ عبدالله الأنصاري يعطي دورات مكثفة في فن إدارة المكاتب الطبية


وفن التعامل مع المرضى ومرافقينهم لمدراء المكاتب إلي عليهم شكاوي










:nice::nice: انا اشههد مب مقصر في شي ونعم فيه

[ضوى]

الله يستر زوجي مسافر علاج عسى مايبهدلونهم بس زوجي مايعرف كاني ماني والله بيحثلها معاهم

[Northqatar]

السلام عليكم

الله يسخر للمكتب الطبي من هو كفأ

ويرزقنا بواحد مثل " عبدالله الأنصارى "

ونعم الرجل رجل حازم بتعاملة مع موظفينه بطريقة عجيبة

شفته في سنة 2010 م

[بن موسى]

في 2002 كنت مرافق لمريض في المانيا وكم اعجز عن شكرك ياعبدالله الانصاري على مابذلتة في خدمتي وخدمة مريضي بيض الله وجهك
في 2004 كنت مرافق المريض في لندن واقول للسليطي مدير المكتب الطبي في لندن سووووووووووووووود الله وجهك

[Abdullah_89]

الدوسري وعلى البنعلي والمري مو مقصرين في تايلاند وبنفسهم يزورون المرضى ويتطمنون عليهم

لو يرقون المري او علي البنعلي ويودونهم ألمانيا راح يمشي المكتب على الصراط المستقيم

الله يزين الامور ويعين المرضى المتأذيين هناك

والواحد يسافر يتعالج واهم يزيدون المرض حسبي الله ونعم الوكيل


كل الشكر للمكتب الطبي في تايلاند وعلى رأسهم سعادة السفير وكافة العاملين بالمكتب

[يوسف0]

الله يعين

[فرهود]

اي والله عبدالله الانصاري نعم الرجل يعامل المرضى والمرافيقن كأنهم اهله ولا عمره لا هو ولا الموظفين في القسم الطبي في لندن يتأخرون في اي طلب .جزاهم الله خير .

[R 7 A L]

الحين السفير مايقدر يتدخل في الملحق الطبي

[محمد2]

والله اللي انا اجوفة ان المكتب الطبي في المانيا يدلعون المرضى اللي عندهم بدليل ان العلاج الطبيعي يعطون للمريض ب7و8اشهر فما بالكم بالامراض اللي فيها العمليات ومتابعة الدكاترة.
الا اذا الواو شغال فالمكتب (الله العالم(

[الباحثة]

كلام صحيح 100%

[حسن]

بعد خروج عبدالله الأنصاري من المكتب الطبي في بون



إعتفس المكتب وصارت خربطة ومشاكل لها أول وما لها تالي



وهالمشاكل تطيح على روس المرضى والمرافقيين



الله يذكرك بالخير يا عبدالله الأنصاري .. هو حالياً بالمكتب الطبي بلندن



نصيحة:



أتمنى أن السيد/ عبدالله الأنصاري يعطي دورات مكثفة في فن إدارة المكاتب الطبية


وفن التعامل مع المرضى ومرافقينهم لمدراء المكاتب إلي عليهم شكاوي






ماعقب هذا الكلام كلام صحيح المفروض
يستعينون بهذا الشخص في التدريب

الله يعينك يالمليونير

[R 7 A L]

الي نعرف في المحلقات الطبية ان وظايفهم
1- استقبال المريض في المطار
2- ارسال المخصصات المالية لحساب المريض ومرافقينه
3- ارسال التقارير الطبية الى وزارة الصحة في قطـر
4- توفير سيارة لنقل المريض ومرافقينه من السكن للمستشفى فقط


هل المكتب الطبي في المانيا اخل بأحد هالنقاط ؟

[ديمه]

الي نعرف في المحلقات الطبية ان وظايفهم
1- استقبال المريض في المطار
تم الاستقبال من باب الطائرة وحتى السكن2-
ارسال المخصصات المالية لحساب المريض ومرافقينه

نعم تم ارسال المخصصات المالية ، هناك بعض التأخير عند ارسال الضمان المالي لبعض الاطباء في احيان كثيرة الاطباء يستقبلون المريض وهناك البعض يشترط وجود الضمان المالي مما يؤدي إلى إلغاء الموعد

3- ارسال التقارير الطبية الى وزارة الصحة في قطـر
لم يتم ارسال التقارير الطبية من أخر موعد في أول شهر 12 وحتى لحظة كتابتي لهذه الاسطر هناك اهمال واضح في تجميع التقارير الطبية للمريض واذا ما توليت هالمهمة وأنت لازلت في ألمانيا راحت عليك حتى إن هناك مواعيد لا تجد لدى المكتب تقرير طبي عنها
واذا ما تعرف أحد يساعدك هناك من المترجمين أو الاصدقاء لن تحصل عليها .


4- توفير سيارة لنقل المريض ومرافقينه من السكن للمستشفى فقط
نعم تم توفير سيارة لنقل المريض لكل مواعيدة ليس فقط المريض على حساب الدولة بل حتى المريض على حسابه الخاص مع توفير مترجم وفي هذه النقطة للأمانه ما قصروا بس هناك تقصير في جانب وهو :
ان كل موعد للمريض يتغير المترجم فما الذي يحدث :
1- يأتي المترجم دون أية خلفية عن المريض وعما يعانيه وما طلبه الطبيب من المريض في أخر موعد فإن كان المريض من كبار السن تبهدل ويعيد شرح حالته للمترجم مرة ثانية علشان بدورة المترجم يشرحها للطبيب أو مسؤول الاشعة أو التحاليل أو .......... وإذا قلتوا ايش دور المرافق أحيان المرافق ينسى بعض التفاصيل المهمة في ما قاله الطبيب
2- بعد نهاية الموعد اذا قرر الطبيب تحاليل أو أشعة أو ............. لابد أن يتابع المريض اخذ المواعيد مع المكتب الطبي والا نسوا موضوعة

لحل هذه المشكلة لابد أن يكون هناك ملف للمريض يتم كتابة تقرير مختصر عن حالته وعن ما قاله الطبيب في آخر كل موعد له وما طلبه من تحاليل للمريض وتوصيات الطبيب والعلاج الذي صرفه للمريض
أو تخصيص مترجم واحد يختص بكل مواعيد هذا المريض مع ضرورة كتابة المترجم تقرير عن هذا المريض وحالته .هل المكتب الطبي في المانيا اخل بأحد هالنقاط ؟


وهذه ابرز الملاحظات على المكتب الطبي في ميونخ

[sendarala]

اتمنى الصوووت يوصل حق المسولين

فعلا عندي واحد كان يتعالج اهنااك قالي اسم مواحد يفرق بين هل قطر يقول والله ان بغيت امد يدي عليه لان يرد عليه رد كانه شغال عند ابووه

وهو مايدري ان بومشعل مشغله لاجل القطري ويرتب للقطريين

بس شتسوي في البلشتيه

:nice:

بس والله حراام هذيله ينحطون في هالمواقع المهمة

[الأصيلة]

صراحة أنا لاحظت يهتمون باللي يعرفونه أكثر،،،
مافيه مجال للمقارنة بينهم
وبين المكاتب الطبية الأخرى،،،
المشكلة تقول لي أخت من الأخوات
أنهم ما يسألون عن المريض وأحواله
عشان جذيه المريض ماله هيبة عند بعض المستشفيات ويعاني من بعض الإهمال ،،،،
أخذهم لمواعيد المرضى بطيء جداً ما يستعجلون ،،،
،يعني على هونهم،،،،

[Right]

بعض المكاتب الطبية ومن فيها .. يبيلها مطهرات تعقيمية ومواد تنظيف !!

[s4qatar]

بخصوص تايلاند

انا موجود للعلاج هنا في تايلاند .. الملحقية الطبية قمه في الرقي من حيث الاستقبال في المطار و مواعيد المستشفيات و الراتب وخلافه .
الشي الذي يميز الملحقية الطيبة القطرية هنا شيء لا يوجد في مكاتب الدول الاخرى وهو ان الملحق الطبي لا يتبع المجلس الاعلى للصحة . بل هو احد الدبلوماسيين التابعين للسفارة القطرية بقيادة سعادة السفير الفذ جبر بن علي بن حسين الدوسري ومساعده سعادة محمد المحنا المري والمشرف على الملحقية الطبية علي محمد البنعلي.
ابوابهم وجوالاتهم مفتوحة لخدمة القطرييين . والله يحفظهم جميعا ويكثر من امثالهم.
للعلم فقط

[سراب الامل]

السلام عليكم

المكتب الطبي في تايلند قمة فالخدمات وايضا في لندن وايضا في امريكا ولاكن في المانيا الله لايوريكم فاشل ولا يقدم خدمات ولاعليهم اي رقابه وابصراحه حرام أتكون هالاداره هي من يشرف على شؤون المرضى لانها وللأسف ليست بكفؤ


السلام عليكم ورحمة الله وبركاته

انا بالمانيا اللحين مرافق مريض ومعاك بكل كلمة المكتب الطبي في بون فاشل بكل معاني الكلمة والله يكون بعون اللي ماعنده لغة انجليزية ولا يعرف يدبر اموره واجراءات المريض اللي يرفقه لانه مابيلاقي حد يخلصه باجراءات المريض ومواعيد المريض وحتى الترجمه

عندك موضوع مهم او مشكلة تحرق تلفوناتهم وماكو حد يرد عليك تقول كان محد مداوم بالمكتب

مترجمين بالعافيه تسحبهم عشان يترجمون للمريض وصرت انا اللي اسال عن مواعيد المريض ومواعيد فحوصاته واعمل موعد مع الدكتور والمترجم الله بالخير

سيارة وانت مرافق مريض تبي تروح المستشفى للمريض بتكون محظوط اذا صدت السيارة الصبح

الله يشفى مرضانا وجميع مرضى المسلمين ويعين مرافقي المرضى :rolleyes2:

[محمد2]

والله اللي انا اجوفة ان المكتب الطبي في المانيا يدلعون المرضى اللي عندهم بدليل ان العلاج الطبيعي يعطون للمريض ب7و8اشهر فما بالكم بالامراض اللي فيها العمليات ومتابعة الدكاترة.
الا اذا الواو شغال فالمكتب (الله العالم(

[راشد محمد]

انا اشهد انه مكتب فاشل

بس خلوني افضى بقولكم شيسوون في المرضى هناك :(

ننتظرك:secret:

[راشد محمد]

الله يعينكم

[BuFaisal]

انا جربت المكتب الطبي في لندن لما كنت مرافق .. فعلا قمة التعاون والاخلاق والذوق

سمعت كثير من الشكاوي في برنامج وطني الحبيب صباح الخير على المكتب الطبي بالمانيا
وعندي واحد مرافق بالمانيا اشتكى منهم كثير

المطلوب التحقيق بهذه الشكاوي واتخاذ خطوات تصحيحية بالمكتب الطبي بالمانيا

[Right]

انا جربت المكتب الطبي في لندن لما كنت مرافق .. فعلا قمة التعاون والاخلاق والذوق

سمعت كثير من الشكاوي في برنامج وطني الحبيب صباح الخير على المكتب الطبي بالمانيا
وعندي واحد مرافق بالمانيا اشتكى منهم كثير

المطلوب التحقيق بهذه الشكاوي واتخاذ خطوات تصحيحية بالمكتب الطبي بالمانيا





للفضل لله تعالى عز وجل أولاً



ثم للسيد/ عبدالله الأنصاري



بيض الله وجهه إلي ما قصر ولاهو مقصر مستقبلاً مع أهل قطر




أما المكتب الطبي في بون .. فحدث ولا حرج .. للأسف !!!

[وحيد-الشوق]

في اجازة نهاية راس السنة المكتب مسكر حلو قلنا معليه والخط الساخن عند الاخت الي في المكتب ماودي اذكر اسمها لكن صار تأخير في تمديد علاجنا من الدوحة بعد توقف قريب الشهر طبعا اتصلت في الخط الساخن والاخت كانت حافظه رقمي الظاهر لأني يمكن اكون ازعجتها والتلفون يرن يرن محد يشيل وكنت اغير الرقم يردون علي ومره من المرات في نفس اليوم سكرت التلفون في وجهي والله على ما اقول شهيد وعقب اتصلت فيها وقلت قدمت عليج شكوى عند المسؤول فلان الفلاني ماعلقت بشيء وتقولي مشكور ومشت اموري !!!

السايق الي عنده السيارة (والسيارة مأجره على حساب المكتب) امي كان عندها علاج طبيعي في يوم من الايام قابلته يوم الجمعة في البنك قلت له امي عندها علاج طبيعي اليوم الساعة الفلانيه قالي انا رايح امسترادم والله :) بالذمة شرد عليه اضربه اسبه شنو اقوله ؟؟

اغلب مواعيد الوالده كنت اخذ مترجم او بالاحرى صديق تربطني به معرفة قديمة عشان ما اعور راسي معاهم

المكتب ضايع وايد شكاوي عالمترجمين ولحد يتحرك تخيلوا 12 عايلة قطرية في المدينة الي كنا فيها على قولة احد المترجمين والمكتب موفر لك سيارة وحده فقط للتوصيل من والى المستشفى وللعلاج الطبيعي ايضا شلون سيارة وحده بتكفي ياجماعه

والله يا اخوان اذا ماعندك واسطة واسمك مب مهم هناك محد بيسأل فيك شيء يرفع ضغطك كل ماتتصل لازم يعرفون اسمك الكامل عشان يردون عليك ويمشون امورك

لاتنسون بعد ترى اللجنة في الدوحة ماتقصر خرابيطهم وايد يعني مالك مفر من الدوحة ومكتب بون مافي راحه ابدا يزيدونك مرض

ملاحظة الي قلته ولاشيء ترى وحسبي الله ونعم الوكيل :)

[Right]

في اجازة نهاية راس السنة المكتب مسكر حلو قلنا معليه والخط الساخن عند الاخت الي في المكتب ماودي اذكر اسمها لكن صار تأخير في تمديد علاجنا من الدوحة بعد توقف قريب الشهر طبعا اتصلت في الخط الساخن والاخت كانت حافظه رقمي الظاهر لأني يمكن اكون ازعجتها والتلفون يرن يرن محد يشيل وكنت اغير الرقم يردون علي ومره من المرات في نفس اليوم سكرت التلفون في وجهي والله على ما اقول شهيد وعقب اتصلت فيها وقلت قدمت عليج شكوى عند المسؤول فلان الفلاني ماعلقت بشيء وتقولي مشكور ومشت اموري !!!

السايق الي عنده السيارة (والسيارة مأجره على حساب المكتب) امي كان عندها علاج طبيعي في يوم من الايام قابلته يوم الجمعة في البنك قلت له امي عندها علاج طبيعي اليوم الساعة الفلانيه قالي انا رايح امسترادم والله :) بالذمة شرد عليه اضربه اسبه شنو اقوله ؟؟

اغلب مواعيد الوالده كنت اخذ مترجم او بالاحرى صديق تربطني به معرفة قديمة عشان ما اعور راسي معاهم

المكتب ضايع وايد شكاوي عالمترجمين ولحد يتحرك تخيلوا 12 عايلة قطرية في المدينة الي كنا فيها على قولة احد المترجمين والمكتب موفر لك سيارة وحده فقط للتوصيل من والى المستشفى وللعلاج الطبيعي ايضا شلون سيارة وحده بتكفي ياجماعه

والله يا اخوان اذا ماعندك واسطة واسمك مب مهم هناك محد بيسأل فيك شيء يرفع ضغطك كل ماتتصل لازم يعرفون اسمك الكامل عشان يردون عليك ويمشون امورك

لاتنسون بعد ترى اللجنة في الدوحة ماتقصر خرابيطهم وايد يعني مالك مفر من الدوحة ومكتب بون مافي راحه ابدا يزيدونك مرض

ملاحظة الي قلته ولاشيء ترى وحسبي الله ونعم الوكيل :)





هل أول حرف من إسمها " ر " ؟

[ahsees]

صباح الخير

كلام الاخ المليونير الفقير صحيح 100 % .. وهذا حنا في المانيا مع الوالده الله يطول بعمرها صار لنا شهرين ولحد الحين ما بداء معاها اي علاج .. والمواعيد الله بالخير كل اسبوعين موعد وساعات ما فيه مواعيد ..

على بالهم الناس قاعدين لهم بس .. لا بد من وجود مسؤول عليهم يتابعهم ولا تترك الامور هكذا اتمنى ان يصل هذا الموضوع على صاحب السمو الله يحفظه لنا ...

وتسلم اياديكم

[دبلوماسية]

لا وبعد مكتب المانيا مسئول عن المرضى في فرنسا .....تخيلوا كيف يكون وضعهم .... ماعندهم الا رقم سكرتيرة ماترد عليهم .... يضطرون الى اللجوء للسفارة في باريس يجتهدون في مساعدتهم لكن لابد من الرجوع الى مكتب بون

[ahsees]

طيب وايش الحل معاهم ؟؟؟؟؟؟

[لطيف الروح]

الله يجزاك خير يا عبدالله الانصاري و الله لايوفق سيى الذكر الي جاء بعدك خرب المكتب الطبي في بون و طار من دعاوي المرضى عليه اكيد عرفتوة

[ضوى]

عشان الواحد يكون حقاني

زوجي واخوه صار لهم اسبوعين بالمانيا في منطقة كولون ،المواعيد سريعة والمترجم والسيارة مافيه اي تاخيروزوجي يشكر في الطاقم الطبي مواعيدهم ورا بعض للحين الحمد لله الامور طيبة والله يهون على كل مريض ان شاء الله

[Right]

الله يجزاك خير يا عبدالله الانصاري و الله لايوفق سيى الذكر الي جاء بعدك خرب المكتب الطبي في بون و طار من دعاوي المرضى عليه اكيد عرفتوة





أنا ما عرفته .. من هو ؟

[ahsees]

عشان الواحد يكون حقاني

زوجي واخوه صار لهم اسبوعين بالمانيا في منطقة كولون ،المواعيد سريعة والمترجم والسيارة مافيه اي تاخيروزوجي يشكر في الطاقم الطبي مواعيدهم ورا بعض للحين الحمد لله الامور طيبة والله يهون على كل مريض ان شاء الله


مساء الخير .. والله مادري عنهم ليش التاخير صاير معانا والوالده مسكينه ملت منهم ودها ترجع من غير علاج ؟؟؟؟؟ الله المستعان

[محمد2]

عشان الواحد يكون حقاني

زوجي واخوه صار لهم اسبوعين بالمانيا في منطقة كولون ،المواعيد سريعة والمترجم والسيارة مافيه اي تاخيروزوجي يشكر في الطاقم الطبي مواعيدهم ورا بعض للحين الحمد لله الامور طيبة والله يهون على كل مريض ان شاء الله

لانج انتي الواو وتشتغلين في مكان له علاقة بالمكتب الطبي
وعشان الواو الجماعة اللي يقربون لج في المانيا ويتلقون العلاج مرتاحين والحمدلله على قولتج
اما غيرهم متلعوزين والله يعينهم

[ahsees]

صباح الخير

ما نقول الا الله المستعان والله كريم

[ضوى]

لانج انتي الواو وتشتغلين في مكان له علاقة بالمكتب الطبي
وعشان الواو الجماعة اللي يقربون لج في المانيا ويتلقون العلاج مرتاحين والحمدلله على قولتج
اما غيرهم متلعوزين والله يعينهم

ههههههه

والله تعليقك يضحك

ورب السموات السبع اني ماتدخلت لا من قريب ولا من بعيد ولا زوجي سمنديقة عشان يروح يقول مرتي تشتغل عندكم مشوا حالنا ،

التساهيل من رب العالمين مب من البشر

[ضوى]

الواحد صار يخاف من العين ، بس بعد الواحد يقول التجارب السيئة والتجارب الزينة ،

[qarooob]

قمه الفشل والاسلوب. زفت خل يرد قبل اصلا الدكتور خمسس الكعبي المسؤل عن المكتب الطبي على الناس عشان يهتم بشؤون المرضى
والمكتي اللي مسلمينه اخذ المواعيد في ميونخ للاسف مكتب اصلا سياحي وباخذون مواعيد مع دكاتره ماديين غير اسلوب الفلسطيني اللي هو صاحب المكتب واللي هم اصلا مكتب لتوصيل والسياحه زفت يلغي مواهيد وياخذ مواعيد على كيفه غير المترجمين اللي مايعرفون اصلا يترجمون ولازم تدفع ؛للمترجم عشان يمشيك اقلها 50 يورو اي مايعادل 250 ريال احنا يادوب نكفي مصاريفنا وغير المترجمين يتكلمون في خصوصيات المرضى
انا واحد عانيت منهم رايج موعدي والاقيهم مغيرينه واكلم مديرهم يصارح علي واكد لي الدكتور انه هم ملغين الموعد لانه ماعندهم سياره ولامترجم
غير السيارات الزباله الله يعزيكم تعالوا شوفوا الاماراتتين ماشاء الله عليهم ترتيب سيارات
بي ام ومرسيدس احنا سياره قوطي الواحد معامل رجله او ظهره مايقدر يجلس
غير الحريم يطرشون لهم السياره من غير مترجمه يعني تركب المريضه مع السايق بروحها ويقولون لك المترجمه تنطرق بالمستشفى خير ليش ماتجي
الاماراتيين مواعيدهم مرتبه و مترجم واحد يظل مع المريض عارف حالته
احنا كل يوم مترجم وتعال قول حالتك حق كل واحد
غير اسرارك وعلاجك تلاقيه عند كل القطريين والالمان والعرب اللي في ميونخ
ماخلصنا من خديجه المغربيه اللي نصبت وكلت حق القطريين جابوا الفلسطيين
انا مااذم اخواني الفلسطيين بس جد الفلسطينيي اللي ماسك المكتب
معاملته زفت واخص اللي ياخذ المواعيد اللي اسمه امين يصارخ كانك تشتغل عنده
ولا كله كوم وجاي واحد من المترجمين بلفيت اني ضربت صحبه معاه
يقول بسالك شنو العواىل الكريمه يااخي الاماراتيين اكرم منكم
يعطون بخشيش
اعطيك بخشي من نفسي ياولد الناس مب تجلسون تتكلمون فلان بخيل وفلان مايعطي دواللع حزبالكم عندنا كنوز ماتدرون عشان نطلع العلاج شنو سوينا انتوا ترتب ماعندكم تكلمونا بنفس يوم الموعد او تصدمونا السياره تحت وكل يوم واحد جديد ويتكلمون بالالماني حزبالهم مانفهم والله اني مره سجلت الكلام وترجمته وشنو جالسين يحشون في عايله ويتكلمون عن الحرمه والرجال في كل شيء حسبي الله عليهم ياخي سلموا المكتب حق قطريين وعطوهم لغه ناس مب لاقيه وظايف او اقلها خلوا الاداره قطريه نفس الاماراتيين قنصليه بكل مكان والمترجمين يكنون اجانب بس اشراف قطري

خلوني ساكت بلاوي واجد شنو بقول بس

[qarooob]

لانج انتي الواو وتشتغلين في مكان له علاقة بالمكتب الطبي
وعشان الواو الجماعة اللي يقربون لج في المانيا ويتلقون العلاج مرتاحين والحمدلله على قولتج
اما غيرهم متلعوزين والله يعينهم
كولون وبون
اهون من ميونخ لانه كولون وبون المشرف عليهم المكتب تلطبي
لكن ميونخ المشرف عليهم فلسطيني مسك مكان خديجه المغربيه وقبله سوري بس الصراحه السوري كان والنعم فيه اقلها محترم لو تصيدج حاله طارىه جاج هو وبنته اذا عندكم حريم لو اخر الليل لكن تعالي ميونخ يااختي وبتجنين

[qarooob]

أنا ما عرفته .. من هو ؟






المكتب الطبي امسكه بعد
الانصاري

فيصل المنصوري اللي اختار خديجه النصابه
وبعدها دكتور خميس الكعبي وانقذنا من المغربيه
وطيحنا في الفلسطيني النصاب


احنا مانذم ولا شخص فيهم كل انسان له محاسنه ومسوء واحنا مب ملائكه
الموضوع كله يبيله اشراف لا اكثر ولا اقل.

اسف على صراحتي بس انا منبط ومنقهر لاني اسنين اجي واروح وكل مره تصير لي مشاكل لين اجذ مترجمين على حسابي ودافع للمستشفيات على حسابي جاي على الدوله ليش عيل

[ahsees]

مساء الخير


ربي يسهل امور كل المرضى لي بالمانيا ويرجعهم الى البلاد وهم بخير


اللهم امين

[Right]

المكتب الطبي امسكه بعد
الانصاري

فيصل المنصوري اللي اختار خديجه النصابه
وبعدها دكتور خميس الكعبي وانقذنا من المغربيه
وطيحنا في الفلسطيني النصاب


احنا مانذم ولا شخص فيهم كل انسان له محاسنه ومسوء واحنا مب ملائكه
الموضوع كله يبيله اشراف لا اكثر ولا اقل.

اسف على صراحتي بس انا منبط ومنقهر لاني اسنين اجي واروح وكل مره تصير لي مشاكل لين اجذ مترجمين على حسابي ودافع للمستشفيات على حسابي جاي على الدوله ليش عيل





الله يعيينك يا أخوي " qarooob "



ويصبرك على ما إبتلاك به

[محمد2]

ههههههه

والله تعليقك يضحك

ورب السموات السبع اني ماتدخلت لا من قريب ولا من بعيد ولا زوجي سمنديقة عشان يروح يقول مرتي تشتغل عندكم مشوا حالنا ،

التساهيل من رب العالمين مب من البشر

لا والله
بس اللي. مستغرب منه ان الكل مب مرتاح من المكتب الطبي اللي في المانيا والكل مظلوم الا انتي اللي مدحتي معاملتهم وهالشي اللي خلاني استغرب اكثر لاني عارف انج في مكان قريب من هالمكاتب