فراغ في سكان السيارة!

[Abo Ahmed]

مرحبا شباب،

وديت السيارة على كراج بالصناعية، كروزر، ومشكلتي كانت فراغ بالسكان! طبعا فحصها وقالي الستيرنغ ويل بكس وبعض الهوزات يبيلها تبديل.. على بركة الله بدلت كل شي طلبه بقطع تويوتا أصليه! طبعا هو عمل ميزانية رودات..

بس أحس السكان بعد فيه فراغ "فضاوة"! هو يقولي ما فيها شي والسيارة تمام..

وين أقدر أتأكد؟!! وكيف؟!!

مشكورين..

[تاج المراجل]

اخـوي تقدر تروح فحـص الطائر هناك وتقوله ابي افحص الاستيرنق بوكس وتقول له بالمشكله
اللي كانت وياك وانك تحس ان فيه فضـاوه للحين .. وهو بيشوف وبيتاكد اذا كان فيه او لا .. فحص الطائر في شارع سلوى صوب معرض الشرق وشركه الجزيرة ،،،


دمت على طـآعتة

[Abo Ahmed]

بارك الله فيك أخوي تاج المراجل وما قصرت.

[..er..]

روح الوكاله بالصناعيه احسن لك واضمن لك بعد الله سبحانه ..
اترك منك الطاير وغيره .. بس بشرط تكون متواجد عند السياره وقت الفحص بالوكاله وتدخل بمخ الفني

[alwahesh]

ماذكرت موديل السياره

عموما المفتاح الي بطريق سلوى احسن مكان للرودات.

تقدر تروح اي محل رودات وتفحص عندهم وتريح بالك

[مستر بن]

روح فحص اختيار الالمان احسسن واححد وقووله

[Abo Ahmed]

السيارة موديل 1998.. صعبة أوديها الوكالة الحين خصوصا إني وديتها كراج بالصناعية! بدلت قطع وايد، تقريبا دفعت 15000 ريال بين قطع أصليه وشغل يد! طبعا مب كلها للسكان!

مشكلتي إني أحس السيارة فيها شي غلط، والميكانيكي يقولي كل شي تمام والسيارة ما فيها شي!

أبي رأي ثاني من خبير ومختص!

هل بيرللي إلي عند جسر الجيدة هو نفسه إلي بطريق سلوى؟

تحياتي..

[النهار]

ياخوي روح الطاير في فلبيني شيبه يطلع معاك ويفحص لك السكان او اي شي بالسياره

[Abo Ahmed]

ياخوي روح الطاير في فلبيني شيبه يطلع معاك ويفحص لك السكان او اي شي بالسياره

إن شاء الله بمر لهم بأقرب وقت..

يعطيك العافية..

[تاج المراجل]

اخوي الوكاله بيطلبوا منك مبلغ خيالي على شي بسيط ومايسوى بامكانك تشوفه في فحص الطائر ، ،
وتعطيه 100 ولا 150 ولا تدفع 5000 وفوق هذا اقل شي ... خصوصا ان السياره يعني قديمه شوي ..


بالتوفيق

[برويقن]

انا كان عندي فراغ في سكان النيسان

ورحت العبيدلي وضبط لي السكان

[بريق الحق]

اخوي مواتر التويوتا اغلبها فيها فراغ عادي ترى