عطور من امريكا

[بنت مريخ]

بقيت اعرف
اقدر اطلب عطور من امريكا؟؟؟
فيه حد يقدر يطلب لي؟؟؟

[تغلبية]

اي ممكن بس بشرط انهم يشحنون على بريد قطر موب على شركات الشحن الدولي لانه ممنوع
والافضل وعلشان القرب واجرة الشحن تطلبين من بريطانيا

انا مرة شريت من هالموقع ..
عطوراته مميزة
وخدمتهم زينة
خذت حول اسبوعين من امريكا على البريد الممتاز

http://www.luckyscent.com

[Aaziz]

سبحان الله ،،، توني جاي من البريد الامريكي شاحن اغراض للدوحة .. من دخلت من الباب شايل الكرتون و مغلف و عليه العنوان ولا تقول لي الموظفة ،، فيه سوائل داخل ،، قلت لها لا و نص الي في الكرتون كريمات :)
ان شاءالله توصل.

[R 7 A L]

سبحان الله ،،، توني جاي من البريد الامريكي شاحن اغراض للدوحة .. من دخلت من الباب شايل الكرتون و مغلف و عليه العنوان ولا تقول لي الموظفة ،، فيه سوائل داخل ،، قلت لها لا و نص الي في الكرتون كريمات :)
ان شاءالله توصل.

عادي توصل اكثر من مرة شحنت
عطور مع أغراض للدوحة

[Aaziz]

عادي توصل اكثر من مرة شحنت
عطور مع أغراض للدوحة

مع البريد الحكومي ؟ ولا مع ارمكس و فدكس ود اتش ال.
وايش تكتب في ورقه الجمارك. هل تذكر عطور او شي.
انا قالولي داخل امريكا نشحن عطور بس دولي مانشحن.

[R 7 A L]

مع البريد الحكومي ؟ ولا مع ارمكس و فدكس ود اتش ال.
وايش تكتب في ورقه الجمارك. هل تذكر عطور او شي.
انا قالولي داخل امريكا نشحن عطور بس دولي مانشحن.

لا مش حكومي ولا شي من الشركات الي ذكرتها عن طريق شركات محلية تتعامل مع القطرية والاماراتية
أجيب لهم البوكس مسكر والعطور معها ملابس وعشر ايام او اسبوع توصل للدوحة في المطار

[Aaziz]

اها قصدك كارغو
هذا امره طيب انا طرشت منه بلاوي و وصلت :secret:

ينفع للي عنده كميه اغراض بيطرشها.
اما شويه اغراض. خفيفه مالك الا البريد العادي او شركات ارمكس و ربعها

[غايه الطواش]

عزيز رحال
ابي اشحن اطقم مواعين وقلاصات
ابي شركه اضمن ماتوصل الاغراض متكسرين
جربتو تشحنون اشيا قابله للكسر؟

[غرِيبهـ]

اتذكر في سايت شركة تشتريلك كل اللي تبي من غالبيه المواقع
وتشحنة لك على البريد الممتاز

عاد لا تسالون عن السايت زهايمر لين ادوره

[بنت مريخ]

مشكورين
جزاكم الله خير