موضوع على السريع قبل صلاه الجمعه (( الاجانب ببلادنا ))

[حمد 2002]

السلام عليكم ورحمه الله وبركاته

عندي لكم موضوع على السريع قبل صلاه الجمعه تحت عنوان (( الاجانب ببلادنا ))

ليش كل مامر على كتارا اجووف الاجانب هم الي مستانسين بهالشواطىء الحلوه والقطريين محرومين منها اتحسهم محتليينها ..

وليش كل مامر بالموتر على حديقه البدع اجوووف الاجانب احتلوها واحتلو الكرونيش كامل بسيايرهم

ونفس الشيء بالمولات والفنادق وغيره العديد العدديد من الاماكن

السؤال الي يسدح نفسه ليشش احنا القطرييين مالنا أماكن خااااااصه فينا بس ناخذ راحتنا فيها بحكم عاداتنا المحافضه وبحكم العادات والتقالييد

تحيياتي لكم

[Aaziz]

من احد الاسباب:
انت عندك قرايبك و مجلس يجتمعون فيه الربع و الجيران.
و هم ماعندهم الا قليل من هالشي فا يعوضون بالطلعات برى لشغل وقت الفراغ و الاستمتاع

[يوسف0]

خلهم يستانسون شنو المانع حمد؟

والقطريين بكيفهم يبوون يروحون بيروحون مافي مانع اما عن اماكن محجوزة للقطرين
القطرين بعد مابيروحون الله أعلم ليش.

القطريين غالباً مجالس وكرك تايم

ولاتنسى عددنا مقابل عددهم

[حمد 2002]

لي عوده للموظوع انشاءالله

[kuwari]

لو اهل قطر يبون البحر والبدع كان سبقناهم لاكن للاسف شعب كسول للاسف

[أسد الجزيرة]

لانهم الاغلبية غير هذا اكثر القطريين ما يروحون كتارا عشان سمعته السيئة

[حمد 2002]

من احد الاسباب:
انت عندك قرايبك و مجلس يجتمعون فيه الربع و الجيران.
و هم ماعندهم الا قليل من هالشي فا يعوضون بالطلعات برى لشغل وقت الفراغ و الاستمتاع

اخووي بس الواحد بعد من حقه كمواطن انه ايطالب بمتنزه غيرر المجالس ليتسمتع به نهايه الاسبوع على الاقل

تحياتي لك اخووي

[حمد 2002]

خلهم يستانسون شنو المانع حمد؟

والقطريين بكيفهم يبوون يروحون بيروحون مافي مانع اما عن اماكن محجوزة للقطرين
القطرين بعد مابيروحون الله أعلم ليش.

القطريين غالباً مجالس وكرك تايم

ولاتنسى عددنا مقابل عددهم

اخووي اكيد هم عددهم اكثر بس لاتنسى ان هاي بلادنا ومن حقنا انشاء متنزه خاص للقطريين للترويح عن انفسهم وفق العادات والتقاليد الخليجييه

تحياتي لك اخووي

[حمد 2002]

لانهم الاغلبية غير هذا اكثر القطريين ما يروحون كتارا عشان سمعته السيئة

صحيح اخووي كتارا سمعته سيئه وماتناسب عاداتنا كمجتمع محافظ ،، فالحل من وجهه نظري انشاء شواطىء او متنزهات للعوائل القطرييه

تحياتي لك اخووي

[حمد 2002]

لو اهل قطر يبون البحر والبدع كان سبقناهم لاكن للاسف شعب كسول للاسف

بالعكس اخووي احنا مب شعب كسووول ، والدليل جووف المخيمات بالغاريه ومختلف مناطق قطر ،،،

هناك اتحس بالمتعه الحقيقيه بعيدا عن اجواء العمل ، ووسط العوائل القطريييه ،،،

انا اجوووف لو ايخلون المخيمات طوال السنه جاااان الواحد ماحس بالملل نهائيا

تحياتي لك اخووي

[بوخالد911]

هلا

الاسبوع الفايت
رحنا محمية الدوسري

وانصدمنا !!!!!!!!!!!!!!

زززززززززززززززززززززززززززحمة من قلللللللللب
الجاليات العربية و الهندية تارسيييييييييييييييييين المكان

ولا حصلنا مكان نقعد فيه

[حمد 2002]

هلا

الاسبوع الفايت
رحنا محمية الدوسري

وانصدمنا !!!!!!!!!!!!!!

زززززززززززززززززززززززززززحمة من قلللللللللب
الجاليات العربية و الهندية تارسيييييييييييييييييين المكان

ولا حصلنا مكان نقعد فيه

هاي الي اقوولكم عنه الواحد وين ايروح !!!!! ، يعني بس يجلس بالبيت ولا بالمجلس ولا ايروح الشغل ويرجع يرقد :anger1:

تحياتي لك اخووي على المرور الرائع

[الخزرجي قطر]

في بعض المناطق العامه ماتصلح لنا لأن ماتراه لايسر الخاطر
والحدائق والشواطي العامه في عدة مواضيع تم كتابتها في المنتدى
والاهم من ذلك نسبة الاجانب الى اهل قطر لو اخذناها نسبه وتناسب بتشوف الفرق

[MAZEN37]

عفوا اخوي حمد انت تطالب باماكن فقط للقطرين ؟؟
يعني موضوعك باقتراح اماكن فقط للقطريين ؟
او اقتراحك اماكن للجميع وعمل خصوصيه للقطريين ؟

[خليفـة]

الأجانب عددهم اكثر من 8 اضعاف اهل قطر
بالتالي من الطبيعي ان يكون تواجدهم واضح اكثر من اهل البلاد

اما فيما يتعلق بطلبك بتخصيصي اماكن خاصة للقطريين فقط .. فأعتقد ان هذا اجراء
لم تقم فيه اي دولة في العالم اخوي

قواك الله

خليفــة

[SOONALL]

هههههههههههه
!!!!!!
لا اله الا الله محمد رسول الله

[ودي أكون]

نبي كوكب خاص حق القطريين بعد .. :tease:

اخوي حمد الله يهديك شرايك فهالفكره المنتازه :rolleyes2:

[معماري قطري]

القطريين فيه منهم من اللي عنده مزارع خاصة وعزب ومنهم من إحتل البر ومنع حد يسكن قربه.

بعدين إحنا في منظومة عالمية حتى مستشفى ما تقدر تسوي للقطريين بس، ولا حتى طابق خاص بهم بتنتشر بكره الأخبار في العالم والكل بيطلع قصة عن " عنصرية قطر "

[النهار]

اخووي اكيد هم عددهم اكثر بس لاتنسى ان هاي بلادنا ومن حقنا انشاء متنزه خاص للقطريين للترويح عن انفسهم وفق العادات والتقاليد الخليجييه

تحياتي لك اخووي


تأكد انه بيكون فاضي طول السنه

[H A S S A N]

بعد ماكتبت الموضوع ورحت صليت الجمعه ما لحظت انه مسجد الجمعه زحمه وكله اجانب

ماتبي مسجد خاص للقطرين

[متفائل وايد]

ولنفرض انهم سووا اماكن خاصه للترفيه من (منتزهات ، حدائق ) وغيرها (حسب اقتراحك )
كيف بيعرفون ان هذا قطري او غير قطري فلازم يجيب كل واحد يجيب بطاقته الشخصية او جوازه عشان يدش هالمكان

[فراغ]

أحيانآ يكون الانسان سجين عاداته وتقاليدة التي تربى عليها ويخاف من المنقود
وهي شيئ جميل لكن اذا كانت بتشدد تصبح جحيم على الاسرة
لذلك يتغير الآنسان وتتغير عاداتة وتقاليده بتغير الزمان وتغير المكان وتغير الاشخاص وبختلاطه بجنسيات أخرى
لذلك دائمآ ما نسمع بالحفاظ على الهوية

[حمد 2002]

عيل ليش البنوك اذا بتاخذ سلفيه تسألك اول سؤؤال انت قطري ول لا:tease:

[Al-Kuwari]

هههههههه عليكم افكار ما يتقبلها العقل السوي السليم

الله يهديك ياخوي حمد : )

[تاج المراجل]

بعد ماكتبت الموضوع ورحت صليت الجمعه ما لحظت انه مسجد الجمعه زحمه وكله اجانب

ماتبي مسجد خاص للقطرين

:nice: هههههههههههههه :nice:

[alfahad1]

الطلب مفروض يكون لزيادت الاماكن الترفيهيه اما سالفت المواطنيين يخصص مكان لهم هذي اول مره اسمعها
في العالم

[Rosso]

حلوة هاي اماكن خاصه للقطريين
احنا مب شعب الله المختار
كلنا بشر
ولو عشان المسخره، في اماكن خاصه للعائلات :discuss:

[nono80]

الله يهدأك الأجانب لهم نصيب الأسد في كل شئ

[عصير بو نص]

الاماكن اللي تقول عنها زحمه نهاية الاسبوع زحمه باقي الايام بتلاقي موقف وبتتمشى عادي من فتره رحنا حديقة متحف الفن الاسلامي بنص الاسبوع المكان فاضي كلهم مايجون عشر سيارات في المواقف والحديقه جد حلو للمشي والقعده وممارسة الرياضه

[غايه الطواش]

اطالب يسسون قطر دورين دور لنا ودور التحتي حق الاجانب !!

[حمد 2002]

اطالب يسسون قطر دورين دور لنا ودور التحتي حق الاجانب !!

يرجى الرقي بالرد على الموضوع :)

[intesar]

تعرف ليش لأن أغلب الأماكن السياحية من الخارج تراثي ومن اللب خربوطي.. يعني سياحة تستهدف الأجانب.. مو لأهل قطر.. سياحة تستقطب الأجانب والسياح..
شيء آخر قلة عدد القطريين بالمقارنة مع الكثافة الأجنبة اللي موجودة عندنا..

ودمتم بحفظ الرحمن..

[Rider]

الجواب عن المخرج ياخوي كلنا نسال نفس السؤال

[shadad]

اي شواطء اللي بكتارا ؟من صجك؟ اللي الشاطئ فيه 100 ريال الدخول ( يعني لو عندك 6 ويش بتسوي )... غير ما عندك تدخن و غير انه حدك على الكرسي ساعه تقريبا تتشمس مع اننا بالصيف دوم صاقعتنا الشمس. زين اذا فيه اجانب اصلا والا من دونهم بيفلس الشاطئ هاي ويصير مجاني.
اقول يا زين شاليهات سيلين بس.


بعد ماكتبت الموضوع ورحت صليت الجمعه ما لحظت انه مسجد الجمعه زحمه وكله اجانب

ماتبي مسجد خاص للقطرين

هههههه.

[حمد 2002]

حتى من كمن يوم رحت الخور انصدمت من المنظر ، يعني الواحد مستحيل ايروح الشاطىء مع هله بالويكند حتى الايام العاديه من الجالايات ، مب عوائل بعد لاااااا ، جفت عزابيه نازلين من باص شكلهم والله اعلم بتان ويلعبون كوره قدم قدام البحر :eek5:

[ولد البدر]

هم عاملين كل هالاماكن الترفيهية للجميع بس للاسف القطريين ما يحبون الطلعة الا ما ندر

[Al-Kuwari]

حتى من كمن يوم رحت الخور انصدمت من المنظر ، يعني الواحد مستحيل ايروح الشاطىء مع هله بالويكند حتى الايام العاديه من الجالايات ، مب عوائل بعد لاااااا ، جفت عزابيه نازلين من باص شكلهم والله اعلم بتان ويلعبون كوره قدم قدام البحر :eek5:

وين المشكلة ؟
وش بيضرك فيه الباكستاني لا لعب كورة عالبحر

شالمطلوب يعني ؟

[حمد 2002]

وين المشكلة ؟
وش بيضرك فيه الباكستاني لا لعب كورة عالبحر

شالمطلوب يعني ؟

اخووي اكيد بيضرني ، يعني انت عادي عندك تجلس على البحر مع عايلتك واتحط دله هالقهوه وهالجاي تبي تستمتع بهالاجواء واتجوف باص كله عزابيه محتلين البحر ويلعبون كوره جنبك

يعني على الاقل اتكون هالامكان خاصه للعائلات بس علشان الواحد ياخذ راحته وانشاءالله فهمت قصدي
تحياتي لك اخووي الكواري

[نوار قطر]

فعلا هالشي منتشر وبكثره ومالنا مكان نروح له مثل ماقلت بس شنسوي ياخوي هم في بلادنا وارض الله واسعه والله المستعان

[حمد 2002]

فعلا هالشي منتشر وبكثره ومالنا مكان نروح له مثل ماقلت بس شنسوي ياخوي هم في بلادنا وارض الله واسعه والله المستعان


صدقتي اختي ارض الله واسعه بسس كل شيء بالتنظيم ايكون اوكي ، يعني شلون عايلات يجلسون جنبهم عزابيه لا وبعد مب واحد ولا ثنين ايجون اباصات ايام الويكند والاجازات

تحياتي لج اختي

[نوار قطر]

صدقتي اختي ارض الله واسعه بسس كل شيء بالتنظيم ايكون اوكي ، يعني شلون عايلات يجلسون جنبهم عزابيه لا وبعد مب واحد ولا ثنين ايجون اباصات ايام الويكند والاجازات

تحياتي لج اختي

كلامك صح مب غلط وترى هالسبب الي خلانا احنا في بيتنا اقصد مااتكلم عن الكل.. هالشي خلانا مانرووح لابر لا بحر ولا مكان طلعاتنا مجمعات وبس .. لان كل ماقلنا لهم ودونا قالو زحمه مالكم محط ريل...
وابشرك ترى وصلو لي العنن .. اعرف وحده اردنيه وريلها فلسطيني عندهم عنه في الشمال :secret: ووايد مسووين جذي شلون خذوها شلون قدمو عليها الله اعلم لاني ماادري اذا تصريح العنه بس حق هل قطر او المقيمين بعد....

[حمد 2002]

كلامك صح مب غلط وترى هالسبب الي خلانا احنا في بيتنا اقصد مااتكلم عن الكل.. هالشي خلانا مانرووح لابر لا بحر ولا مكان طلعاتنا مجمعات وبس .. لان كل ماقلنا لهم ودونا قالو زحمه مالكم محط ريل...
وابشرك ترى وصلو لي العنن .. اعرف وحده اردنيه وريلها فلسطيني عندهم عنه في الشمال :secret: ووايد مسووين جذي شلون خذوها شلون قدمو عليها الله اعلم لاني ماادري اذا تصريح العنه بس حق هل قطر او المقيمين بعد....

بكل شيء ناشبين لنا هههه حتى بالعنن وصلو

الله المستعان