من المسئول بالتحديد لشكوى على مديرات المدارس بالمجلس الاعلى

[السيف5]

نعم عطوني اسم محدد واكون لكم شاكرا ...ابقي اشتكي على مديرة مدرسة وتعنتها ...

مديرة مدرسة ابتدائية تصدر قرارا بتعميم ...ممنوع على المدرسة لبس العباءة داخل المدرسة
مع ان العامل كثير مايدخل للمدرسة ..
وايضا ممنوع لبس البنطلون والقميص حتى لو كانا واسعين والقميص طويل ..ولازم المدرسة
تلبس التنورة والقميص فقط ..
اذا في مسئول يبي اسم المدرسة باعطيه ماعندي مشكلة ........السلام

[بوخالد911]

المجلس الاعلى للتعليم

قدم بنفسك شكوى

ولا تعتمد ع غيرررررررررررررررررررررررررررررررررررررررررررررك

[حمد 2002]

ياليت تذكر لنا اسم المدرسه علشان الكل ايفيدك اخوووي

تحياتي لك

[بوخالد911]

تفضل موقعهم

http://www.sec.gov.qa/Ar/about/Pages/Contact.aspx

[vip-30003]

لو اتقدم الشكوى للوزير

بترجع للاساس لاخذ الافاده وهو مكتب المدارس المستقلة التابع لهيئة التعليم

مديرة هيئة التعليم الاستاذه الفاضلة هيا جهام الكواري

مساعدة المديرة الاستاذه الفاضلة فوزية الخاطر

مدير مكتب المدارس المستقلة الاستاذة الفاضلة رانيا الانصاري

وفي اخصائيين وهم متابعين على المدارس

فا المدرسة عليها اخصائية تبداء الشكوى منها وتتصاعد لين توصل الوزير

او بالعكس تتقدم على مكتب الوزير بس لازم يطلبون الافاده من الاخصائية

[السيف5]

شكرا للجميع وان شاء الله التوجه بيكون للمجلس الاعلى
وعن اللي سأل اسم المدرسة هي مدرسة الهدى الابتدائية بمعيذر

[Riku3]

للعلم في مدارس ثانيه ايضاً تمشي نفس هالنظام من سنوات وجات شكاوي حتى بوطني الحبيب صباح الخير ولا صار شي فلا تتعبون اعماركم ..

السبب بنظري وبعد سؤال بعض هلي الي يشتغلون بمدارس مستقله تم منع لبس العبايه فيها .. بسبب تسييب المدرسات والاداريات في اللبس اما ان يكون مهمل او مبالغ فيه في العبايات او ان يكون "غير لائق" في بعض البناطلين الي تلبسه بعض الاداريات او المدرسات وما ينعكس على الطالبات ..

الافضل ان تكلمون المديرة تمنع دخول العمال وهذا يكفي .

[التيما]

بقولك ليش يمنعون لبس العباه ! لأنك لو دخلت مدرسة بنات ماراح تعرف ولية الأمر من المدرسة ! دخلت مرة مدرسة ولدي لابسين عبي زين أنا شعرفني من الأمهات ومن المدرسات !! ومسألة العامل أخوي العمال مايدخلون غرف المدرسات والصفوف اسمحلي كلامك مبالغ فيه .. وبعدين وين تبيها تلبس بنطلون ووين تبيها تلبس عباه !! ماعرفنالك ..

[دانة الطواش]

اخوي السيف المجلس الاعلى عطوا المديرة الصلاحية في كل شي واغفلوا عن متابعتها والكثير منهم طغوا وتكبروا وحطوا قوانين وأوامر على كيفهم وسالفة العباية بعد مديرتنا طلبت من عدم لبسها وراح تأثر على تقييمنا بس محد سمع لها لان مالها حق تتحكم في لبسنا والعمال على فكرة كم مرة يؤصلون لين باب الصف واحنا ما عندنا خبر بوجودهم ونحمد ربنا ان عباياتنا واحجبتنا علينا .

[تربوي]

متابع بهدوء

[السيف5]

بقولك ليش يمنعون لبس العباه ! لأنك لو دخلت مدرسة بنات ماراح تعرف ولية الأمر من المدرسة ! دخلت مرة مدرسة ولدي لابسين عبي زين أنا شعرفني من الأمهات ومن المدرسات !! ومسألة العامل أخوي العمال مايدخلون غرف المدرسات والصفوف اسمحلي كلامك مبالغ فيه .. وبعدين وين تبيها تلبس بنطلون ووين تبيها تلبس عباه !! ماعرفنالك ..

اختي الكريمة
اعتقد لو اردتي مدرسة ولدج لن يعجزك السؤال عنها وبالنسبة للعامل ليس مبالغة يحصل واكثر
من مرة واؤكد لج 100%

واشلون ماعرفتي لي اقول التعميم نص على منع العباه وكذلك نص على عدم لبس البنطلون
والقميص ويكتفى فقط بالتنورة هذا تعميم مديرة المدرسة ,,ان شاء الل وضحت المسألة

[السيف5]

اخوي السيف المجلس الاعلى عطوا المديرة الصلاحية في كل شي واغفلوا عن متابعتها والكثير منهم طغوا وتكبروا وحطوا قوانين وأوامر على كيفهم وسالفة العباية بعد مديرتنا طلبت من عدم لبسها وراح تأثر على تقييمنا بس محد سمع لها لان مالها حق تتحكم في لبسنا والعمال على فكرة كم مرة يؤصلون لين باب الصف واحنا ما عندنا خبر بوجودهم ونحمد ربنا ان عباياتنا واحجبتنا علينا .

فعلا هذا اللي حاصل لازم من يعطي صلاحية ان يراقب لترى مدى تطبيقه والتزامه
بهذه الصلاحية ..والحمد لله بتمسككم بعباياتكم حتى بالمدرسة فالعباة لاتمنع التدريس
وستر للمراة من عمال المستقلة اللي يدرعمون ..!

[اسعاف]

الظاهر بدأت خطة نزع الحياء عن بنات أهل قطر
ابتداءً من المدرسة
وانتهاءً إلى كل نواحي عمل المرأة

[Bo jassim 33]

المديرات اللي اهني وينهم ؟ ليش ما يردون ؟ ويتخفووون ورا اسماءهم الوهميه ؟ ولا بس لما احد يمدح مدرستهم ينقزون لنا آآآآي يا زوووول

[السيف5]

الظاهر بدأت خطة نزع الحياء عن بنات أهل قطر
ابتداءً من المدرسة
وانتهاءً إلى كل نواحي عمل المرأة

رحم الله والديك وهي مالها تفسير غير هالشئ

[السيف5]

المديرات اللي اهني وينهم ؟ ليش ما يردون ؟ ويتخفووون ورا اسماءهم الوهميه ؟ ولا بس لما احد يمدح مدرستهم ينقزون لنا آآآآي يا زوووول

اللي اعرفه يوجد بالمنتدى يمكن موافقين
خاطري اعرف رأي مديرة مدرسة

[نورهان88]

متتتتتتتتتتتتتابعة فقط

[معماري قطري]

هذي المديره عندها نشاط زايد وتبي تسيطر على كل شيء .. أشكره دخلت العسكرية في السابق .. والمفروض تسوي حظر جوي وأرضي وبحري على دخول العمال لمناطق الطالبات والمدرسات، وأصلاً ليش عمال بدال عاملات في مدرسة ابتدائية وكل اللي فيها نساء؟!

أذكر أول ما تخرجت وجيت قطر بعقلية غير وطريقة تفكير غير ما ادري تختلف عن طريقة تفكيري ألحين، وكانت بداية الدراسة ذاك الوقت وقبل عصر الجوال، ووصلت زوجتي المدرسة وواعدتني 10 أرجع آخذها، ورجعت وانتظرت وناس ينطرون عند الباب من ضمنهم رجال شايب وكانوا بس يداومون المدرسات وللحين ما داوموا الطالبات، فشفت شلة عمال هنود على مصريين شايلين عدة إصلاح وبايبات ورايحين داخل، فقلت هؤلاء رجال وانا معاهم ودرعمت داخل وهم جدامي بحوالي 20 خطوه .. وكانت المدرسة لها حوش ومدخل فناء مفتوح وتطل عليه الصفوف والمكاتب على النظام القديم .. وانا امشي أشوف العمال يمرون في الساحة وكم مدرسة تتمشى والله بدون لا عباية ولا شيء على الراس والعمال يمرون جنبهم بحدود المترين، ولا اللبس والزينه صراحة شكيت إني في عرس.

وفجأة ... بدأ الفلم إستنفار غريب من كل الجهات بعد رؤية ذلك الشاب البريء المرتدي الغترة والعقال، وإذا بواحدة كانت تمشي تصرخ رجال دخل علينا .. زين واللي بعيني أشوفهم متوغلين لين الله يعزكم الحمامات وانتوا تمرون بينهم بكل براءَه وكأنهم قطع أثاث .. بس من شفتوا الغترة أعلنتوا الحرب .. وتطلع لي ذيك المدرعة اللي لو مسكتني كانت بتغسلني عدل لكن الحمد لله استجمعت ما تبقى من الشجاعة ووقفت ورديت عليها وهي تصرخ انت شمدخلك هنيه؟ قلت ياي آخذ زوجتي فلانه بنت فلان .. ردت يالله يالله اطلع برا بنناديها لك.. وجات المسكينه حزينه وشسويت فيني فضحتني قلت ما سويت شيء شفت رجال داخلين دخلت وراهم وزين وقفت عند مدخل الساحة ما توغلت كامل التوغل مثلهم.