تصرف غير حضاري من أحد الأخوة الخليجيين في مواقف الستي سنتر

[Dark_QTR]

بسم الله الرحمن الرحيم..

بينما كنت أريد الذهاب إلى مواقف الستي سنتر الأرضية لاحظت أن يوجد
هناك منفذ مغلق يتطلب أخذ بطاقة ليتم فتح الحاجز(كالمعتاد) و الآخر كما يبدو أن الحاجز تم
رفعه بتلاعب لتتمكن السيارات من الدخول "مجاناً".. بعد قضاء حاجتي وأثناء التحدث
إلى البواب عن الموضوع، أشار لي أن كميرات المراقبة قامت برصد أفراد من جنسية
خليجية يقومون بفعل هذه الأعمال.. ,وأن هذه الفعله غير مسبوقة من قبلهم.. ومثل هذه
الأعمال سببت الكثير من المشاكل، لأن معضم السيارات التي تختار الطريق المجاني
تتعراض للمساءلة عند الخروج عن كيفية الدخول و التمييز بين الأشخاص
.. والآخر يذهب بمبدأ(ليش هو يدفع وأنا ما أدفع؟!) مما يتطلب الاستعانة بكمرات
المراقبة وبعض الأجراءات التي تأخذ وقت طويل وتسبب اختناقات في عملية الدفع

عموماً، صحيح إن البعض ضد فكرة المواقف النقدية...
ولكن على الأقل.. المفروض يكون في احترام لقوانين الأفراد في الدولة!!

[مالي ومال الناس]

دامهم ضيوفنا يستاهلون ندفع لهم بعد

[R 7 A L]

:omg:

احنا واحنا قطريين واهل البلد
مانعرف هالشي

شلون هذولاء عرفوا هالشي ؟

[شيزكيك]

مايبون يدفعون خل يصفون خارج المجمع مثل بعض المقيمين يصفون برع ويطقونها كعابي لين المجمع

[Class - Qtr]

السلام عليكم

هالامور بسيطه والفئه اللي تسوي هالشي ( مسموحه ) بلادنا تكرم البعيد وهالناس ضيوف عندنا

وابد ياخذون راحتهم ويسوون اللي يبونه بعد اهم شي لايسيئون للناس ولايسيئون لبلادي قطر

[Class - Qtr]

دامهم ضيوفنا يستاهلون ندفع لهم بعد


بعد ردك .. المفروض يغلق الموضوع ..

:nice:

[QtrGate]

حياهم الله ونحطهم فوق الرأس

لأكن يا غريب كن أديب
ماراح نرضى بالتعدي على أملاك الشعب

وفي موقف ثاني صار في سوق واقف
واحد من الشارع العام ركب الرصيف ووقف في الباركنق بدون كرت ولااحترام

حالات شاذه تصير
واخيراً نرحب فيهم في بلادهم الثانيه

[ذيب ازغوى]

ههههههههه احسن خل العالم تدخل ابلاش وتطلع ابلاش

[غايه الطواش]

اخبر كاميرات الستي ماتشتغل !

[النهار]

اخبر كاميرات الستي ماتشتغل !


لا يختي شغاله لوبغوها تشتغل تشتغل ولومابغوها ماتشتغل
معناها لهم شغاله ولغيرهم مب شغاله

[فراغ]

دافع بلا عن صاحب المجمع اذا ما دفعوا
وما اتأثر على ميزانيته
لكن النظام نظام والفوضه مرفوضه

[لمعة الالماس]

الكيمرا اللي موجودة مع بوابة الدخول تصور حتى رقم السيارة تلقطه

والمفروض يحترمون قوانيين الدولة والحين اغلب البلدان تسوي المواقف بفلوس

وزين صادوهم

[معماري قطري]

دافع بلا عن صاحب المجمع اذا ما دفعوا
وما اتأثر على ميزانيته
لكن النظام نظام والفوضه مرفوضه

إيه والله المفروض الكل يحترم النظام ولا كسر البوابه سهل كلها دفعه بسيطه بجمس حتر موديل 1980 ومشمخ من كل صوب .. هذا لو يحصل في دوله متقدمه تحصل السكيورتيه عندهم " code of action " ويتفاعلون مع أي حادث أمني، وخصوصاً مع التصوير ووجود عدد كبير من اللي يرطنون انجليزي مكسر بلغتهم، كان الواجب يرقدون بمن سوى هالفعله ويخلونه نكالاً لبني قومه لكن شتقول .. ناس يعكسون أقلية همجية من باقي شعبهم ويسئون لسمعته في كل مكان، وكفاية الإمارات عرفت تتعامل معاهم بحزم، وقطر إن شاء الله في مجال الأمن رائدة ولا نرضى بأي تخريب أو تجاوز أمني مهما كان ومن أي شخص.

[الدمعه]

الضيف اللي ما يحترم المكان اللي هو فيه ،،،،غير مرحب فيه.

خله في بلاده يلعب ويخرب فيها مثل مايبغي ،،،

لو مواطن اللي مسوي جيه جان كلامكم تغير. ،،،


مانبغي اللي ما يحترمون قوانين البلااااااااد. ،،،،

ما اعتقد ان في واحد من اللي قالوااا خلهم على راحتهم وحطوا

لهم أعذار بيرضون هالشي ،،

[alrheeb2020]

يوم الخميس واحد من الشباب راح الستي ..
قالي حساب الموقف طلع ب 38 !!



اذا جي مالومهم لين رفعوا الحاجز واكسروه بعد

[حمد 2002]

إداره السنتر اتقول في مقابله ان هدفهم بأخذ فلوس للدخول للمواقف هو بهدف تخفيف الزحمه ههههههههه اي صح صدقتكم

هدفهم مااااااااااااادي بحت ، انا لو من الجهات المختصه الزمتتهم ايسون مبنى كامل كله مواقف جنب السيتي سنتر ،،،

مب ايسونلهم فندق تابع للستي لتجميع الفلوس زيااده وزياااده :secret:

[MAZEN37]

بقانون البلديه والتخطيط العمراني لاي مالك سوق او مجمع تجاري
اول شرط توفير مواقف للزبائن وفي يقصون من الارض ويسون مواقف
طبعا مجانيه لمرتادين السوق ومايوافقون للرخصه الا بحال توفير مواقف

[بوخالد911]

المفروض يدفع
حاله كحال اي زبون

[الخزرجي قطر]

لازم الغريب يحترم قوانين اهل البلد

[بوطويشم]

السلام عليكم

استغرب الي يقول عادي ضيوف !!!!

ادخلو بطريقه غير قانونيه يعني انصبو على المجمع

[alfahad1]

بخصوص الرسوم مستغرب الناس تتذمر وايد هذا واحنا من اغنى الدول وهالنظام موجود في كل مكان

انا مع الرسوم اول كنت اقعد نص ساعه عشان موقف الحين اوكي تدش وعلى طول تحصل الموقف

وعلى موضوع الضيوف اذا ما احترم قوانين البلد يعني ما يحترمنا فهذا يبيله كسر خشم عشان يتادب

[Dark_QTR]

يوم الخميس واحد من الشباب راح الستي ..
قالي حساب الموقف طلع ب 38 !!



اذا جي مالومهم لين رفعوا الحاجز واكسروه بعد

كلام غير صحيح
أنا رحت أحجز تذاكر للسينما وتعشينا وتمشينا ودخلنا الفلم ساعتين والحساب طلع 8 ريال

رفيجك مخلي الموتر واقف من 10 الصبح لين 10 في الليل

[حمد 2002]

كلام غير صحيح
أنا رحت أحجز تذاكر للسينما وتعشينا وتمشينا ودخلنا الفلم ساعتين والحساب طلع 8 ريال

رفيجك مخلي الموتر واقف من 10 الصبح لين 10 في الليل

مستحيل 8 ريال :)

[النهار]

دافع بلا عن صاحب المجمع اذا ما دفعوا
وما اتأثر على ميزانيته
لكن النظام نظام والفوضه مرفوضه

مواقف الستي اصبحت متوفره بعد هذالقرار قبل الواحد يحوس لين مايحصل له موقف
الي كان يصير موظفين الابراح معظمهم يوقفون سياراتهم ويرحون اشغالهم

[المحاميه]

الصراحه استغرب من اللي يقول ضيوفنا واحنا ندفع لهم شدخل!!

هالحركه تدل على عدم الاحترام والتلاعب بالانظمه والقوانين ..

وبعدين مب عدل ان انا ادخل وادفع وغيري يدخل ومايدفع!!

ايه والله الفوضى والهمجيه واعمال الشغب هذي مرفوضه ..

[alrheeb2020]

كلام غير صحيح
أنا رحت أحجز تذاكر للسينما وتعشينا وتمشينا ودخلنا الفلم ساعتين والحساب طلع 8 ريال

رفيجك مخلي الموتر واقف من 10 الصبح لين 10 في الليل

,:omen2: مايندى يالذيب انت ادرى مني ,, ماحب اروح هالمجمعات ,, لكن نقلت كلام رفيجي وماله مصلحة يكذب علي :nice:

[Bin Hood]

موضوع جدا مهم

حياكم البحرين

[دانة الطواش]

صج هم ضيوف وعلى رأسنا بس لازم هم يحترمون قوانين البلاد الي هم فيها ، إحنا لما
نروح بلادهم او اي بلاد لازم علينا نحترم قوانينها .

[ريتويت]

من يومين رحت اتغدى مع ربعي وليتنا مارحنا وانحرق دمي واعصابي .. 2 من الجنسيه الخليجيه يدورون ورانا ويرقمون واخر قله تربيه .. والله ماكنت بسوي شي وبتحسب عند رب العالمين وقمت استغفر ولكن ماقدرت اتحمل والف عليهم وبصوت مسموع وصراخ هزأتهم وذكرتهم ان ممكن تكون وحده من خواتهم او اهلهم يتمشون ويصيدهم هالموقف ترضون عليهم؟؟؟؟ قام رد بكل وقاحه وببرود وقال ماعندي خوات:eek5: .. رديت وقلت اي عشان كذا انت قليل حيا الشرهه مب عليك الشرهه على هلك الي ماعرفو يربونك ... عبالك هذي رجوله؟؟ حسبي الله عليكم من بشر.. وبعدها ماشفنا وجيههم فالمكان:victory:

[همر]

إداره السنتر اتقول في مقابله ان هدفهم بأخذ فلوس للدخول للمواقف هو بهدف تخفيف الزحمه ههههههههه اي صح صدقتكم

هدفهم مااااااااااااادي بحت ، انا لو من الجهات المختصه الزمتتهم ايسون مبنى كامل كله مواقف جنب السيتي سنتر ،،،

مب ايسونلهم فندق تابع للستي لتجميع الفلوس زيااده وزياااده :secret:




خمس فنادق مب فندق واحد !!! مافي مكان بعد وين تبونهم يبنون مواقف ؟!!!!

تبونهم يسوون مواقف مكان واحد من الفنادق والعياذ بالله :eek5:

[كازانوفا]

هاي سرقه حتى لو كان غريب او ضيف
كل واحد اجاز انهم ضيوف قيس الموضوع لو ضيف في بيتك وتعدى على حلالك ايش بتكون ردة فعلك

؟؟؟؟؟؟

كل صغيره وكبيره راح نسال عنها

الله المستعان

[ولد البدر]

احنا في بلادهم ما انتجرأ نسوي مثلهم مستحيل شلون هم عندهم الجرأة بس علشان 3 او 5 ريالات وهم يصرفون الالاف على هالسفرة
على العموم حياهم الله في بلدهم الثاني قطر

[المستور]

هذي قوانين البلد

ولازم الكل يحترمها

يعني لو كنا احنا ببلدهم وصار نفس الشي شبيكون ردهم ؟؟؟

[Bozizoo]

مايبون يدفعون خل يصفون خارج المجمع مثل بعض المقيمين يصفون برع ويطقونها كعابي لين المجمع

اختي فاهمة الموضوع غلط انتي
ترى مب كل واحد يصف سيارته برع مب قطري او مايبي يدفع فلوس
والي يسمعك كعابي يقول من الستي سنتر لين الوكره مشي
انا من الناس الي يوقون برع و اطقها كعابي على قولتك
لعدة اسباب
السبب الاول و المهم اقل وقت
لانه يبيلي مب اقل من نص ساعه بس عشان تفتح البوابه
و عشان تصف في موقف انت ونصيبك عاد
وعشان تطلع يبيلك ربع ساعه
و السبب الثاني عشان امشي ومنها رياضه

تحياتي للجميع

[لاجل QT]

ههههههههه

يحليلهم يضحكون:nice:

الافضل اتباع القوانين والالتزام بذالك هذا هو الرقي والتحضر ..الالتزام بالقوانين وين ماكنا

طيب كيف ماصادوهم :eek5:اللى ماعندة البطاقة اظن يدفع 30 او 100

[بوسلمان 2010]

الله يهديهم ويصلح شانهم

[أم محمد 90]

الي يبي يروووح الستي يروح الفندق ويعطيهم السيارة ويقول انه رايح يتعشا او يتغدا

ولما يخلص يروح الكوفي شوف الي تحت ياخذ له كوفي ب 12 ريال

ويختم كرت السيارة ويروح يجيبون له سيارته (كأنه شيـــــــخ) ولا يعور راسه بهالمووواقف

[حمد 2002]

الي يبي يروووح الستي يروح الفندق ويعطيهم السيارة ويقول انه رايح يتعشا او يتغدا

ولما يخلص يروح الكوفي شوف الي تحت ياخذ له كوفي ب 12 ريال

ويختم كرت السيارة ويروح يجيبون له سيارته (كأنه شيـــــــخ) ولا يعور راسه بهالمووواقف

فكره حلووووه يبيلها تجربه :nice:

[الزلزال]

فيه كثير من ضيوف الدوله محترمين ويحترمون النظام
اكيد القله منهم الي تسئ للكثرية

[لاجل QT]

الي يبي يروووح الستي يروح الفندق ويعطيهم السيارة ويقول انه رايح يتعشا او يتغدا

ولما يخلص يروح الكوفي شوف الي تحت ياخذ له كوفي ب 12 ريال

ويختم كرت السيارة ويروح يجيبون له سيارته (كأنه شيـــــــخ) ولا يعور راسه بهالمووواقف

منتاز:nice:

طيب هل الفندق في مدخل للستي

[أم محمد 90]

منتاز:nice:

طيب هل الفندق في مدخل للستي

اي تروحين اللفت تضغطين الطابق الثاني وبيفتح لج وروحي الممر كللله سييييدة وعقب اخر لفة اجبارية يمين وعقب سيدة اول لفة يسار في باب اوتوماتيكي شفاف يدخلج الستي على طول بتطلعين عند خان الصابون هههههاي ورا هاي لاند الله يعينج عليه

[ahmed203949]

الي يبي يروووح الستي يروح الفندق ويعطيهم السيارة ويقول انه رايح يتعشا او يتغدا

ولما يخلص يروح الكوفي شوف الي تحت ياخذ له كوفي ب 12 ريال

ويختم كرت السيارة ويروح يجيبون له سيارته (كأنه شيـــــــخ) ولا يعور راسه بهالمووواقف

ترتيب واللـه :nice:

[fooz55]

بعد ردك .. المفروض يغلق الموضوع ..

:nice:

موضوع جميل جدا .. وكل كلامكم على متمه


الحل

(( اي سيارة تحمل لوحة خليجية )) تعفى من الدفع في بعض الاماكن وخلينا واحد ..

[التيما]

المشكلة ان البعض يرحب بهالفئة ويقول ضيوف .. حسسني أنهم داشين بيته .. افرض يا زيد الهلالي أنهم مثل ما كسروا الحاجز أو ارفعوه كسروا درايش سيارات عادي وبتقول ضيوف خلهم !!! ولا سيارتك بتجي تكتب شكوى هنئ ان السيتي يدفعك فلوس ومايحافظ على امن المواقف !!
في فرق بين الضيافة وهي في شئ يخصك .. واللقافة وهي في شئ ما يخصك ..

[aljooker]

الي يبي يروووح الستي يروح الفندق ويعطيهم السيارة ويقول انه رايح يتعشا او يتغدا

ولما يخلص يروح الكوفي شوف الي تحت ياخذ له كوفي ب 12 ريال

ويختم كرت السيارة ويروح يجيبون له سيارته (كأنه شيـــــــخ) ولا يعور راسه بهالمووواقف



تونى بكتبه هههههههههه

[أم محمد 90]

تونى بكتبه هههههههههه

شكلهم بيكشفون خطتنا وبنرجع نصف ويا الاجانب ف الزحمة ههههههههههههههههه :tease:

[aljooker]

شكلهم بيكشفون خطتنا وبنرجع نصف ويا الاجانب ف الزحمة ههههههههههههههههه :tease:

لا تحاتون فيه مدخل موسسة قطر للبترول :nice:

[نور الحور]

أم محمد والجوكر << نفس خطتي :shy:
طلعنا أشرار :shy:

[ابن قطر]

اهلا وسهلا بالاخوه والاخوات من السعوديه والخليج والواحب مب معصوم عن الخطئ واكيد مب قصده

[alnoida]

3/4 سكان قطر ضيوف

على العموم فئة قليله
لكن المشكلة حطت المتقييدين بالنظام في موقف محرج في جميييييييييييييع دول العالم
وياما راح تشفون تو الناس

[Dark_QTR]

,:omen2: مايندى يالذيب انت ادرى مني ,, ماحب اروح هالمجمعات ,, لكن نقلت كلام رفيجي وماله مصلحة يكذب علي :nice:

أبد محشوم يالذيب:thumbup1:.. إذا رفيجك قضى اليوم في الستي ممكن ليش لاء..
أما اذا ساعة ولا ساعتين مستحيل يطلع هالمبلغ

[دلة الرسلان]

وين السكيورتي عن بوابتهم ؟

[نوار قطر]

أم محمد والجوكر << نفس خطتي :shy:
طلعنا أشرار :shy:

يمه منكم ولا مره يى في بالي هالشي :omg: اصلا احنا الدريول ينزلنا عند الباب الرئيسي ويصف برع :nice:

[clouds]

ليش في اوروبا نلتزم بنظامهم؟وليش مانتحلطلم لما ندفع حول ال100 ريال عشان صفينا في مواقف تحت الارض تابعه للشانز او غيره؟ال5 ريال ولا 10 ريال ماتاثر فينا..الحين انتو تشترون كوفي وتدفعون اكثر من الباركنغ ..وليش هالخليجين لما يسافرون يلتزمون واحنا لان بلد خليجي مايلتزمون عندنا؟مثل مادفعوهم قيمه المخالفات وادبوهم لازم بعد يحترمون القانون ويدفعون مثلهم مثل غيرهم للمواقف

[تغلبية]

هذي قوانين البلد

ولازم الكل يحترمها

يعني لو كنا احنا ببلدهم وصار نفس الشي شبيكون ردهم ؟؟؟



اي والله حتى انا اقول ..؟!؟

ما اعتقد حد بيدق سدره لي ضد القانون لو كنت في بلادهم

والمفروض الكرم وحسن الضيافة مايجون على حساب قانون ..

بلادي أولى من كل حد

وحياهم الله فــ قطر عزيزين وغاليين

[نور الحور]

يمه منكم ولا مره يى في بالي هالشي :omg: اصلا احنا الدريول ينزلنا عند الباب الرئيسي ويصف برع :nice:


:nice::nice:

[aljooker]

أم محمد والجوكر << نفس خطتي :shy:
طلعنا أشرار :shy:

:shy:انا ماعرف شي ام امحمد دلتنى ع هالاماكن

[معماري قطري]

من يومين رحت اتغدى مع ربعي وليتنا مارحنا وانحرق دمي واعصابي .. 2 من الجنسيه الخليجيه يدورون ورانا ويرقمون واخر قله تربيه .. والله ماكنت بسوي شي وبتحسب عند رب العالمين وقمت استغفر ولكن ماقدرت اتحمل والف عليهم وبصوت مسموع وصراخ هزأتهم وذكرتهم ان ممكن تكون وحده من خواتهم او اهلهم يتمشون ويصيدهم هالموقف ترضون عليهم؟؟؟؟ قام رد بكل وقاحه وببرود وقال ماعندي خوات:eek5: .. رديت وقلت اي عشان كذا انت قليل حيا الشرهه مب عليك الشرهه على هلك الي ماعرفو يربونك ... عبالك هذي رجوله؟؟ حسبي الله عليكم من بشر.. وبعدها ماشفنا وجيههم فالمكان:victory:

زين سويتي :nice: ولو في مول محترم ونظام أمان صح كان حصلتي أمن المجمع يتراكضون ويمسكونهم أقلها يطردونهم برا المجمع أو تستوي عليهم قضية آداب.

[م. عبدالعزيز]

حياهم الله ونحطهم فوق الرأس

لأكن يا غريب كن أديب
ماراح نرضى بالتعدي على أملاك الشعب

[لاجل QT]

اي تروحين اللفت تضغطين الطابق الثاني وبيفتح لج وروحي الممر كللله سييييدة وعقب اخر لفة اجبارية يمين وعقب سيدة اول لفة يسار في باب اوتوماتيكي شفاف يدخلج الستي على طول بتطلعين عند خان الصابون هههههاي ورا هاي لاند الله يعينج عليه

ياشكرا عليج:nice:

جاري التطبيق:)

[حمد 2002]

ياشكرا عليج:nice:

جاري التطبيق:)

هههه الحين انتو اذا سويتو هالحركات شبيتزيدوون عن الاخوان الخليجييين الي ذكرهم الاخ بموضوعه ((تصرف غير حضاري من أحد الأخوة الخليجيين في مواقف الستي سنتر ))

احسسس ان كلكم تصرف بطريقه غيرر سليمه حتى لو اختلفه الطرق والاسباب

وهالطريقه الاخيره فيها نوووع من الاحتيال :eek5:

تحياتي للجميع والله يستر عليكم انشاءالله