هل تعانون صعوبة الرد على اتصالاتكم من قبل الكثير من الجهات ؟

[نور الحور]

السلام عليكم ورحمة الله وبركاته ..

لاحظت شيء يتكرر أكثر من مرة لما اتصل على جهات مختلفة بالبلد (وزارات/ هيئات/ مؤسسات/ شركات) .. لدرجة إني أحس إنها صارت (ظاهرة) ..
وهي عدم الرد بسهولة على هواتف المتصلين .. حتى (البدالة) لا ترد !
وأنا لا أتكلم عن اتصال واحد فقط .. أنا أتكلم عن اتصالات كثيرة على مدار وقت الدوام للجهة الواحدة ولمدة أكثر من يوم !!
هل هذه الجهات تضع لها (بدالة) سد خانة مثلاً ؟ واجهة ؟ و الملاحظ أنه حتى عندما يتم الاتصال على الأرقام المباشرة للأسف فإنه نادراً ما يتم الرد عليها ..

شالحل ؟ هل نترك دواماتنا ونراجع تلك الجهات لتلقي الإجابة على استفسارات شفهية بسيطة؟ هل في حالة الحاجة للتنسيق بين جهة عملنا وبعض تلك الجهات (في بعض الأمور الهامة) يجب علينا التواجد وجهاً لوجه .. و في كل مرة؟

وطبعاً للتوضيح .. أنا أقول (البعض) .. أو بالأصح ( الكثير) .. حتى ما نظلم كل الجهات ..

رأيكم ؟؟

والحلــــــــــــــــــــــــــــــــول ؟؟؟

تعبت بصراحة :(:weeping:

[حمد 2002]

اكثر شي الجهات الحكوميه الاقي معاها صعوبه اذا ابي منها معامله ولا شي

وعندي ههههه ملاحظه على أقسام التوظيف بالجهات المختلفه بالدوله من سابع المستحيلات ايردون على مكالماتك خخخ

تحياتي لج اختي على الموضوع الرائع

[نور الحور]

اكثر شي الجهات الحكوميه الاقي معاها صعوبه اذا ابي منها معامله ولا شي

وعندي ههههه ملاحظه على أقسام التوظيف بالجهات المختلفه بالدوله من سابع المستحيلات ايردون على مكالماتك خخخ

تحياتي لج اختي على الموضوع الرائع



الله يحييك بو حمد .. بالنسبة لي جربت عدة جهات وللأسف ما من مجيب .. اما قسم الموارد البشرية فهذولا خارج الحسبة أصلاً .. خايفين من حنة اللي مقدمين على وظايف :secret:

[لاجل QT]

وي وي وي خلنى احط حرتي

المجلس الاعلى للتعليم ..بصراحة شي لايطاق

البدالة مايقصرون يردون رايتهم بيضة...المشكلة في اللى يحولونا لهم

عمك اصمخ لاحياة لمن تنادي ..كل مسميات التطنيش

بنعطيهم عذر انهم مشغولين ساعة ساعتين اما طول الوقت وطول السنة على هالوضع..غريبة بصراحة

طيب السؤوال ليش حاطين لهم تلفونات دامهم مايردون ..ومن يجاوب على استفسراتنا؟؟ اذا الرد يبيلة سنة او نروح بنفسنا على قولت البدالة

وبعد كذا النظام في بعض المدارس

[أم محمد 90]

انا وحدة من الي مايردون على التلفون

وعندي اسبابي الصراحة :telephone:

[نور الحور]

وي وي وي خلنى احط حرتي

المجلس الاعلى للتعليم ..بصراحة شي لايطاق

البدالة مايقصرون يردون رايتهم بيضة...المشكلة في اللى يحولونا لهم

عمك اصمخ لاحياة لمن تنادي ..كل مسميات التطنيش

بنعطيهم عذر انهم مشغولين ساعة ساعتين اما طول الوقت وطول السنة على هالوضع..غريبة بصراحة

طيب السؤوال ليش حاطين لهم تلفونات دامهم مايردون ..ومن يجاوب على استفسراتنا؟؟ اذا الرد يبيلة سنة او نروح بنفسنا على قولت البدالة

وبعد كذا النظام في بعض المدارس


حطي حرتج لأجل ..حرتج على حرتي على حرة الأعضاء بنقدر نبرد خاطرنا فيهم هههههههههه
أنا صراحة من كثر ما أعاني فكرت أخذ إجازة أراجع فيها عدة جهات مرة وحدة ..:(

والقهر لما ترد البدالة بعد طلعة الروح .. توني أسأل إلا تووووووت محوليني على رقم ما يرد .. حتى ما عندهم سعة بال على الأخذ والرد :weeping:

[نور الحور]

انا وحدة من الي مايردون على التلفون

وعندي اسبابي الصراحة :telephone:


:waiting::waiting:

لو كنتِ في وظيفة فيها مراجعة جمهور ولازم تردين على تساؤلاتهم فمالج حق الصراحة .. أما لو شي ثاني فالله أعلم بالوضع
وياليت تشرحين لنا الأسباب ياأم محمد للتوضيح

[راشد محمد]

وي وي وي خلنى احط حرتي

المجلس الاعلى للتعليم ..بصراحة شي لايطاق

البدالة مايقصرون يردون رايتهم بيضة...المشكلة في اللى يحولونا لهم

عمك اصمخ لاحياة لمن تنادي ..كل مسميات التطنيش

بنعطيهم عذر انهم مشغولين ساعة ساعتين اما طول الوقت وطول السنة على هالوضع..غريبة بصراحة

طيب السؤوال ليش حاطين لهم تلفونات دامهم مايردون ..ومن يجاوب على استفسراتنا؟؟ اذا الرد يبيلة سنة او نروح بنفسنا على قولت البدالة

وبعد كذا النظام في بعض المدارس

الله يعينكم..اذا تبين شي طبي عليهم

[أم محمد 90]

:waiting::waiting:

لو كنتِ في وظيفة فيها مراجعة جمهور ولازم تردين على تساؤلاتهم فمالج حق الصراحة .. أما لو شي ثاني فالله أعلم بالوضع
وياليت تشرحين لنا الأسباب ياأم محمد للتوضيح

اهلين اختي ... انا ماشتغل ببدالة

انا اشتغل بقسم يستقبل اوراق الناس للتوظيف ..

اختي بصراحة أي شخص خل يكون واقعي .. الحين لو الجهة تبيه واوراقة مطابقة لشروط التعيين اكيد بيتصلون فيه !!

ولما يتصل اول مرة مرتين ارد عليهم (اوراقكم تحت الاجراء أو اذا صارت وظيفة شاغرة بنتصل فيكم)

لكن مش معقولة بعض الناس طريقة حرقهم للتلفون كلششش مب طبيعيه وتنرفز الموظف

انتي حطي نفسج مكاني عندج تسجيل وتوزيع بريد عند ترتيب ملفات وسير ذاتية وعندج اعداد عقود وعروض عمل وغير الرد ع الايميلات الرسمية

يجيج واحد ولا وحدة سوو مقابلة او جابو اوراقهم توهم من كم يوم ونقول لهم بالحرف الواحد (لما يكون فيه شاغر يناسب مؤهلكم بنكلمكم)

ويقعدون يحرقون التلفون بطريقة فظييييييييعة ورا بعض ورا بعض لدرجة ماقدر اكلم مسئولي من كثر مايتصلون !

اكيد لو فيه شي الجهة بتكلمهم !!

ولو محد كلمهم معناته مايبونهم !

بصراحة انا قدمت اختبار بالبنك التجاري وجبت 90% بالامتحان وسويت مقابلة وكل شي اوكي وقال لي اسبوعين وبرد عليج اتصلت فيه مرة قال لي بشيك وبرد عليج ولا رجع اتصل ولا انا رجعت اتصل عرفت ان مايبوني لاني اعرف امور التوظيف

ليش اقط ويهي واحرق تلفووون مكتبهم كأن ماعندهم شغل الا انا !

وترى حتى جية المكتب تتعنى تجيني لين المكتب كأن قرار التوظيف بيدي واانا موظفة عادية شنو ارد عليها !
اقول لها اختي اذا صار شاغر بنكلمج مافي ماتفهم تتم تلاحقنا وبدش ع المدير وبدش ع المسئول مايصير اختي لازم موعد لازم كذا

انا اقول من واقع شغلي تأكدي اختي لو أي جهة تبيج واوراقج مناسبة لهم على طول بيكلمونج انتي الي عليج اتصلي مرة ذكريهم وخلاص
محد يحس بالمعاناة الا الي مجرب اختي ..

[لاجل QT]

حطي حرتج لأجل ..حرتج على حرتي على حرة الأعضاء بنقدر نبرد خاطرنا فيهم هههههههههه
أنا صراحة من كثر ما أعاني فكرت أخذ إجازة أراجع فيها عدة جهات مرة وحدة ..:(

والقهر لما ترد البدالة بعد طلعة الروح .. توني أسأل إلا تووووووت محوليني على رقم ما يرد .. حتى ما عندهم سعة بال على الأخذ والرد :weeping:

المفروض هذي مسؤولية جدام الله ..ليش البعض بهالاهمال ..ومن قالج ماخذت عارضه ورحت ادابج عندهم:weeping:..كل مرة جذي استاذان او غياب..مرة دخلت على مسؤول في المجلس حاط تلفون المكتب على الصامت:eek5:
مهب زين عليهم نضرب مشاوير ممكن موضوعنا يخلص بالتلفون..قمة القسوة والاهمال والامبالاة

كلة الا استفسار ..معقولة اغيب حق استفسر:eek5:

[لاجل QT]

الله يعينكم..اذا تبين شي طبي عليهم

هذا احنا نطب عليهم بعارضة او بلاراتب

كلها الا سؤال :(

الله يعين الجميع انشالله

[أم محمد 90]

باختصار وبخط عريض

محد يرد على اتصالاتكم لان ماعندهم جوووواب لكم !

شنو يردون عليكم ؟؟

والله اختي نسبتج مش مقبولة عندنا ؟؟

والله اختي انتي فوق 30 سنة مانقدر نوظفج عندنا !

والله اختي انتي (من عايلة فلان) ومديرنا مايحب نوظف ناس من هالعيلة !!

الخافي اعظم ياناس .. احنا موظفين مانقدر نقط كاش في وجه المراجع لان احنا راح نتحاسب

المراجع بيروح يقول الموظفة الفلانية قالت لي مارديتو علي لان انا من العايلة الفلانية ولا لاني فوق 30 سنة ولا لان نسبتي كذا ..

[لاجل QT]

باختصار وبخط عريض

محد يرد على اتصالاتكم لان ماعندهم جوووواب لكم !

شنو يردون عليكم ؟؟

والله اختي نسبتج مش مقبولة عندنا ؟؟

والله اختي انتي فوق 30 سنة مانقدر نوظفج عندنا !

والله اختي انتي (من عايلة فلان) ومديرنا مايحب نوظف ناس من هالعيلة !!الخافي اعظم ياناس .. احنا موظفين مانقدر نقط كاش في وجه المراجع لان احنا راح نتحاسب

المراجع بيروح يقول الموظفة الفلانية قالت لي مارديتو علي لان انا من العايلة الفلانية ولا لاني فوق 30 سنة ولا لان نسبتي كذا ..

لحظة لحظة لحظة

اول مرة اسمع بهاالشي :omg:

فينى فضول اعرف منهي العائلة الممنوعة من التوظيف:eek5:

[أم محمد 90]

لحظة لحظة لحظة

اول مرة اسمع بهاالشي :omg:

فينى فضول اعرف منهي العائلة الممنوعة من التوظيف:eek5:

انا ماقدر اذكر اسم العائلة ولكن لما تجينا اوراق من وزارة العمل
او ناس من هالعائلة المدير على طول يقول حطو اوراقهم ف ملف
مايعينون منهم .. شنو السبب مادري

او اذا شخص من عائلة (مشهورة ان مذهبها غير سني ) بعد مايفتكرون بأوراقة

وانا كموظفة ماقدر اروح واقول للشخص اخوي والله انت من العيلة الفلانية مانقدر نوظفك !!!!


صح ؟؟


اطنش لاتصاله افضل واكمل شغلي

[qatara]

التيلفون والموظف وضعو لخدمة الناس

وبالعكس توفيرا للتزاحم على المكاتب


يعني مش معقوله شخص عنده استفسار ماذا يحضر
من ارواق او ماهو المطلوب لتخليص معاملته انه ياخذ مشوار
رايح راجع ويسبب زحمه في الشارع وضغط في عمله بانه يستاذن
وضغط على الجهه التي له فيها معامله

ولو رد اي موظف مختص لتوفر كل ذالك ولسهلت الامور
لاكن شكل بعض الموظفين لايفرعون التيلفونات الا شغالهم الخاصه
لايرفعه الا لمصلحته هو وليس مصلحة
الوطن او المواطن بتسهيل اجراءات المواطنين
لاكن هذه الحاله كثرت من فتره قريبه فمثلا من 10 سنين
يستحيل تتصل اي جهه ولا يردون عليك ....
فما السر ؟

[حمد 2002]

انا ماقدر اذكر اسم العائلة ولكن لما تجينا اوراق من وزارة العمل
او ناس من هالعائلة المدير على طول يقول حطو اوراقهم ف ملف
مايعينون منهم .. شنو السبب مادري

او اذا شخص من عائلة (مشهورة ان مذهبها غير سني ) بعد مايفتكرون بأوراقة

وانا كموظفة ماقدر اروح واقول للشخص اخوي والله انت من العيلة الفلانية مانقدر نوظفك !!!!


صح ؟؟


اطنش لاتصاله افضل واكمل شغلي

شكلج تشتغلين اختي في أمن الدوله :secret: ولا جهه عسكريه

[الزلزال]

ياليت نذكر الجهات الحكومية الي ماترد
انا عن نفسي كل ماتصل بداله وزارتنا يردون على طول

[نور الحور]

أم محمد .. أوكي انتي تتكلمين عن التوظيف .. وهذا لج حق فيه خاصةً لما يكون الاتصال بشكل مستمر .. ومزعج .. وفيه جهة للمراجعة غيرج

بس احنا نتكلم عن امور ثانية بعد ..
استفسار بسيط مثلا ..
أحيانا أنا اتصل بجهة وأكون ممثلة لجهة عملي عشان أسأل عن شي معين ..
مااااااااااااااااااافي رد .. صدقيني ما في رد ..:telephone:

اما بالنسبة للأسباب اللي ذكرتيها وتمنع التوظيف فأنا أقول لج لو كان السبب غير قانوني لازم يكون لكم دور في التنبيه أو الشكوى على هالمدير .. حسبي الله ونعم الوكيل .. يمكن هو ظن خطأ إن هالجهة بيته مثلا وحسباله يقدر يرد من يبي ويقبل من يبي بدون حسيب ولا رقيب :anger1:

[أم محمد 90]

شكلج تشتغلين اختي في أمن الدوله :secret: ولا جهه عسكريه

لا اخوي احنا جهة عااادية فالبلد لا تمت للعسكرية او امن الدولة او الشرطة او الداخلية والخارجية بأي صلة !!


لكن عندنا احزاب ادارية مش طبيعية انا مابي اتكلم ف تفاصيل تسوي لي مشاكل او شي

ولكن انا اذكر جزء من الواقع واشرح لكم ليش انا مارد على اتصال بعض المراجعين

انا ماقدر اقط كاش ف وجهه واجرحة ، اكيد ودي اساعد ودي اخدم !!

بس لما يكون السبب قوي وجارح ماقدر اقط كاش ف وجهه

اقوله بس انتظر لين مايجي شاغر يناسب مؤهلك بنكلمك ان شاء الله ..


(واقع التوظيف لا اكثر ولا اقل .. )

[نور الحور]

التيلفون والموظف وضعو لخدمة الناس

وبالعكس توفيرا للتزاحم على المكاتب


يعني مش معقوله شخص عنده استفسار ماذا يحضر
من ارواق او ماهو المطلوب لتخليص معاملته انه ياخذ مشوار
رايح راجع ويسبب زحمه في الشارع وضغط في عمله بانه يستاذن
وضغط على الجهه التي له فيها معامله

ولو رد اي موظف مختص لتوفر كل ذالك ولسهلت الامور
لاكن شكل بعض الموظفين لايفرعون التيلفونات الا شغالهم الخاصه
لايرفعه الا لمصلحته هو وليس مصلحة
الوطن او المواطن بتسهيل اجراءات المواطنين




صحيح كلامك أخوي .. بس من يطبق ؟

[نور الحور]

ياليت نذكر الجهات الحكومية الي ماترد
انا عن نفسي كل ماتصل بداله وزارتنا يردون على طول


جرب يالزلزال تزلزل كم جهة غير وزارتك بالاتصال .. صدقني بتتعب وبتستسلم .. خذ لك عشوائيا كم رقم وشوف !

[لاجل QT]

انا ماقدر اذكر اسم العائلة ولكن لما تجينا اوراق من وزارة العمل
او ناس من هالعائلة المدير على طول يقول حطو اوراقهم ف ملف
مايعينون منهم .. شنو السبب مادري

او اذا شخص من عائلة (مشهورة ان مذهبها غير سني ) بعد مايفتكرون بأوراقة

وانا كموظفة ماقدر اروح واقول للشخص اخوي والله انت من العيلة الفلانية مانقدر نوظفك !!!!


صح ؟؟


اطنش لاتصاله افضل واكمل شغلي

الله يعينج ..انتى انحطيتى في وضع محرج مع الجمهور

واكيد بيكون الوضع محرج اكثر فيس تو فيس

بس بخصوص اللى عدو 30 اشوفة حرام وظلم انهم مايلقون وظيفة يترزقون منها ليش ممنوعين ..؟؟30 عز الشباب؟؟

[Al-Kuwari]

لا اخوي احنا جهة عااادية فالبلد لا تمت للعسكرية او امن الدولة او الشرطة او الداخلية والخارجية بأي صلة !!


لكن عندنا احزاب ادارية مش طبيعية انا مابي اتكلم ف تفاصيل تسوي لي مشاكل او شي

ولكن انا اذكر جزء من الواقع واشرح لكم ليش انا مارد على اتصال بعض المراجعين

انا ماقدر اقط كاش ف وجهه واجرحة ، اكيد ودي اساعد ودي اخدم !!

بس لما يكون السبب قوي وجارح ماقدر اقط كاش ف وجهه

اقوله بس انتظر لين مايجي شاغر يناسب مؤهلك بنكلمك ان شاء الله ..


(واقع التوظيف لا اكثر ولا اقل .. )


انتي خليتي شي ما قلتيه عشان تقولين مابي ادخل فالتفاصيل ههههههههههههه

[qatar.syria]

ولماذا نتكلم عن المؤسسات الحكومية فقط .......... انا عندي حساب في مصرف قطر الاسلامي ،، وإذا أردت شيء من الفرع وهو فرع سلوى فيجب عليك الذهاب لهم وحتى لو كنت تعرف ان الموضوع ممكن متابعته على الهاتف ولكن ليس هناك من أمل بالرد على الهاتف ابدا .......

[الخزرجي قطر]

هناك بداله اليه تحولك على الرقم الفرعي المطلوب اذا تعرفه
وهناك تسجيل للبداله يحولك على الاداره او القسم المطلوب او0 للمساعده
المشكله اذا تم تحويلك والشخص مايرد عليك وعدة اتصالات بدون فايده ؟؟

[معماري قطري]

انا وحدة من الي مايردون على التلفون

وعندي اسبابي الصراحة :telephone:

إذا تضرين مصالح ناس وتعطلينها بعدم ردج اسمحي لي أقول لج إنتي من أسباب كتابة الموضوع.

[معماري قطري]

ولماذا نتكلم عن المؤسسات الحكومية فقط .......... انا عندي حساب في مصرف قطر الاسلامي ،، وإذا أردت شيء من الفرع وهو فرع سلوى فيجب عليك الذهاب لهم وحتى لو كنت تعرف ان الموضوع ممكن متابعته على الهاتف ولكن ليس هناك من أمل بالرد على الهاتف ابدا .......

هذا عيب بنكونا الإسلامية صراحة .. الخدمة والترتيب والنظافة وبشاشة الوجه كلها مفقودة عند الكثير من هذي البنوك وكأن التطوير حرام عندهم .. رحت مره لسحب شيك أرباح للبنك التجاري الا ما شاء الله ترتيب ونظافة وجلسة إنتظار ما ودك تقوم منها عندك الجريدة وتقرأ مستمتع لين يجي دورك، ويجيك اللي يصب القهوه ويقدم التمر قبل .. صراحة جزاهم الله خير اللي يرفهون العميل مب يتعبونه.

سامحوني شقحت الرصيف بس شسوي شجون حبيت أقولها.

[معماري قطري]

والله تصير معاي كثير لا تلفون ولا حتى إيميل ما ادري ليش أُمور بسيطة يسوون لها تعقيد كبير، أحياناً أدور موظف معين وعامل البداله يحولني على كم جهة لين بصعوبة أصيده، وأكثر المواضيع التافهة يحتد الواحد يخلصها بالسياره وأوقات مشوار ياخذ اليوم كله.

[pure]

باختصار وبخط عريض

محد يرد على اتصالاتكم لان ماعندهم جوووواب لكم !

شنو يردون عليكم ؟؟

والله اختي نسبتج مش مقبولة عندنا ؟؟

والله اختي انتي فوق 30 سنة مانقدر نوظفج عندنا !

والله اختي انتي (من عايلة فلان) ومديرنا مايحب نوظف ناس من هالعيلة !!

الخافي اعظم ياناس .. احنا موظفين مانقدر نقط كاش في وجه المراجع لان احنا راح نتحاسب

المراجع بيروح يقول الموظفة الفلانية قالت لي مارديتو علي لان انا من العايلة الفلانية ولا لاني فوق 30 سنة ولا لان نسبتي كذا ..


لا الشيخه مب من حقج تطنشين وماتردين وتشترين راحتج !!

انتي محطوطه في مكان المفروض انج تردين وتجاوبين عل استفسارات مقدم الطلب !

مب والله بنتصل والله حاطين ببالنا وظيفه ولا ننطر رد الاداره ؟!

المفروض بكل بساطه انتي يا فلانه غييييير مطابقه لشروطنا ومالج وظيفه عندنا وبس مافيه اسهل منها محد طلب منكم اسرار الدوله


ردو عل الاستفسار بدبلوماسيه وصراحه احسن من ان والله اشتري راحتي !!!!!!


على فكره البني ادم اللي مفضي عمره و قاعد يتصل وناطر رد مب قاعد يطر منكم يبي بس رد عل سؤاله بعد ما تعشمونه وتنحاشون بردود حتى مو منطقيه !

[ضوى]

اسمحي لي ام محمد مب من حقج ماتردين عالاتصالات ، اسبابج ماقنعتني


كثر مانزعجت من الاتصالات والشكاوي والاستفسارات ماقد مر علي يوم قلت مب رادة وباشتري راحتي لو اعرف الرقم والمتصل ، صعبة اسويها ، انا ادخل دقايق اتوضا ينحرق التلفون ويقولون الادارة الفلانية مايردون اشلون بعد لوًقاعدة واطنش ، مع انه هذا مب سبب اني ارد عالكل بس لانه واجبي الوظيفي

والصراحة انا شخصيا اعاني من شؤون الموظفين عندنا ، تبين شي اتصلي لين يخيب ثناج محد درا بج ، لكن ماروح لهم اطرش المراسل ومعاه رقمي وعتب مبطن وانتظر اتصالهم ، والايميلات بعد خففت هالمعاناة لانهم صاروا يخافون لانه استلام الايميلات موثق واقدر اشتكي لو مافادوني او ردوا علي

[أم محمد 90]

انتي خليتي شي ما قلتيه عشان تقولين مابي ادخل فالتفاصيل ههههههههههههه

الخافي أعظم :)

[أم محمد 90]

لا الشيخه مب من حقج تطنشين وماتردين وتشترين راحتج !!

انتي محطوطه في مكان المفروض انج تردين وتجاوبين عل استفسارات مقدم الطلب !

مب والله بنتصل والله حاطين ببالنا وظيفه ولا ننطر رد الاداره ؟!

المفروض بكل بساطه انتي يا فلانه غييييير مطابقه لشروطنا ومالج وظيفه عندنا وبس مافيه اسهل منها محد طلب منكم اسرار الدوله


ردو عل الاستفسار بدبلوماسيه وصراحه احسن من ان والله اشتري راحتي !!!!!!


على فكره البني ادم اللي مفضي عمره و قاعد يتصل وناطر رد مب قاعد يطر منكم يبي بس رد عل سؤاله بعد ما تعشمونه وتنحاشون بردود حتى مو منطقيه !

انتي تشوفينها بساطة ، قلة قليلة الي يسكتون ويتقبلون الوضع
وناس ماتتقبل وتسوي سالفة وتجيب امها وتدخل ع المسئول وليش عشان جايبة 50 بالثانوية ماتاخذونها ولازم تدورون لها وظيفة وحجي وايد


ارجع واقول اللي مجرب مب نفس الي ماجرب ..

[أم محمد 90]

اسمحي لي ام محمد مب من حقج ماتردين عالاتصالات ، اسبابج ماقنعتني


كثر مانزعجت من الاتصالات والشكاوي والاستفسارات ماقد مر علي يوم قلت مب رادة وباشتري راحتي لو اعرف الرقم والمتصل ، صعبة اسويها ، انا ادخل دقايق اتوضا ينحرق التلفون ويقولون الادارة الفلانية مايردون اشلون بعد لوًقاعدة واطنش ، مع انه هذا مب سبب اني ارد عالكل بس لانه واجبي الوظيفي

والصراحة انا شخصيا اعاني من شؤون الموظفين عندنا ، تبين شي اتصلي لين يخيب ثناج محد درا بج ، لكن ماروح لهم اطرش المراسل ومعاه رقمي وعتب مبطن وانتظر اتصالهم ، والايميلات بعد خففت هالمعاناة لانهم صاروا يخافون لانه استلام الايميلات موثق واقدر اشتكي لو مافادوني او ردوا علي

كل شخص له اسبابه اختي ،
فالنهاية انا اتلقى الاوامر وانفذها ..
في مراجعين والنعم فيهم سهل التعامل وياهم وارد عليهم وينصك الموضوع بسرعة
في مراجعين الله يهديهم بس .. يحسسون ان الموظف بس مشتغل عشانهم
او كأني أنا المديرة غصبن عنج تلاقين لي وظيفة وتودين اوراقي فوق !

انا اتعامل مع كل مراجع حسب سلاسته اذا كان سلس خلاص كل شي بيخلص وبرد عليه وبيقتنع

لكن اذا ارد عليه مرتين ثلاث ويتم يناحس ويسأل عن الشغل ويحاول يعرف تفاضيل داخلية انا ماقدر اطلعها هني خلاص ستوب مارد عليه او احوله لشخص ثاني ..


وارجو انكم تحطون بالاعتبار انا ماقلت اني مارد ع التلفون خير شر
ان ذكرت فئة من المراجعين الي صعب الشخص يتعامل وياهم :shy:

اتمنى محد يفهمني غلط

[نور الحور]

ولماذا نتكلم عن المؤسسات الحكومية فقط .......... انا عندي حساب في مصرف قطر الاسلامي ،، وإذا أردت شيء من الفرع وهو فرع سلوى فيجب عليك الذهاب لهم وحتى لو كنت تعرف ان الموضوع ممكن متابعته على الهاتف ولكن ليس هناك من أمل بالرد على الهاتف ابدا .......



صح كلامك .. وأنا ذاكرة جهات كثيرة في الدولة مو بس الوزارات .. (وزارات /هيئات/ مؤسسات) يعني الأمر يعم شريحة كبيرة ما قاعدة ترد على عملاءها أو مراجعينها ..وبالفعل البنوك بعد تدخل معاهم .. لي تجربة طويلة في تطنيش اتصالاتي مع الدولي الإسلامي .. والحل ؟ هل في رايك نرفع ملاحظة؟ نكلم المسؤول ؟

[المدريدي]

أشهر وزارة عندهم بدالة وأحلم حد يرد عليك

المقصود وزارة العمل عندي شكوى على مكتب خدم اتصلهم بالأيام ولا أحد يرد علي حتى اضطريت أني أروح الوزارة

[نور الحور]

هناك بداله اليه تحولك على الرقم الفرعي المطلوب اذا تعرفه
وهناك تسجيل للبداله يحولك على الاداره او القسم المطلوب او0 للمساعده
المشكله اذا تم تحويلك والشخص مايرد عليك وعدة اتصالات بدون فايده ؟؟


أحياناً حتى البدالة ما يردون لأنها مو تسجيل .. وبنقعد نقول يااااااليل ما أطولك ..
لي تجربة بعد مع المستشفيات .. يصير أخذ موعد او استفسار بسيط مسألة عويصة تتطلب وقت وجهد وتفرغ للاتصالات :weeping:

[R 7 A L]

اهلين اختي ... انا ماشتغل ببدالة

انا اشتغل بقسم يستقبل اوراق الناس للتوظيف ..

اختي بصراحة أي شخص خل يكون واقعي .. الحين لو الجهة تبيه واوراقة مطابقة لشروط التعيين اكيد بيتصلون فيه !!

ولما يتصل اول مرة مرتين ارد عليهم (اوراقكم تحت الاجراء أو اذا صارت وظيفة شاغرة بنتصل فيكم)

لكن مش معقولة بعض الناس طريقة حرقهم للتلفون كلششش مب طبيعيه وتنرفز الموظف

انتي حطي نفسج مكاني عندج تسجيل وتوزيع بريد عند ترتيب ملفات وسير ذاتية وعندج اعداد عقود وعروض عمل وغير الرد ع الايميلات الرسمية

يجيج واحد ولا وحدة سوو مقابلة او جابو اوراقهم توهم من كم يوم ونقول لهم بالحرف الواحد (لما يكون فيه شاغر يناسب مؤهلكم بنكلمكم)

ويقعدون يحرقون التلفون بطريقة فظييييييييعة ورا بعض ورا بعض لدرجة ماقدر اكلم مسئولي من كثر مايتصلون !

اكيد لو فيه شي الجهة بتكلمهم !!

ولو محد كلمهم معناته مايبونهم !

بصراحة انا قدمت اختبار بالبنك التجاري وجبت 90% بالامتحان وسويت مقابلة وكل شي اوكي وقال لي اسبوعين وبرد عليج اتصلت فيه مرة قال لي بشيك وبرد عليج ولا رجع اتصل ولا انا رجعت اتصل عرفت ان مايبوني لاني اعرف امور التوظيف

ليش اقط ويهي واحرق تلفووون مكتبهم كأن ماعندهم شغل الا انا !

وترى حتى جية المكتب تتعنى تجيني لين المكتب كأن قرار التوظيف بيدي واانا موظفة عادية شنو ارد عليها !
اقول لها اختي اذا صار شاغر بنكلمج مافي ماتفهم تتم تلاحقنا وبدش ع المدير وبدش ع المسئول مايصير اختي لازم موعد لازم كذا

انا اقول من واقع شغلي تأكدي اختي لو أي جهة تبيج واوراقج مناسبة لهم على طول بيكلمونج انتي الي عليج اتصلي مرة ذكريهم وخلاص
محد يحس بالمعاناة الا الي مجرب اختي ..



اتمنى بعد هذا الرد
ان يتم مراقبة مكالمات البدالة والمكاتب التي من المفروض ان تستقبل مكالمات الجهور
والتحقيق معهم اسبوعياً من قبل الجهه التي يعملون بها

[راشد محمد]

الله يعينج اختي ام محمد

[نور الحور]

هذا عيب بنكونا الإسلامية صراحة .. الخدمة والترتيب والنظافة وبشاشة الوجه كلها مفقودة عند الكثير من هذي البنوك وكأن التطوير حرام عندهم .. رحت مره لسحب شيك أرباح للبنك التجاري الا ما شاء الله ترتيب ونظافة وجلسة إنتظار ما ودك تقوم منها عندك الجريدة وتقرأ مستمتع لين يجي دورك، ويجيك اللي يصب القهوه ويقدم التمر قبل .. صراحة جزاهم الله خير اللي يرفهون العميل مب يتعبونه.

سامحوني شقحت الرصيف بس شسوي شجون حبيت أقولها.


هذي بروحها سالفة ثانية يبيلها فتح موضوع ثاني .. تخيل صارت لي إن أثناء مقابلتي لموظف البنك ومناقشة أمور مالية متعلقة برصيدي دخلت مراجعة وقامت تسأله عن حسابها ..وهو يجاوبها ! .. بعدين قام يتكلم عن تفاصيل مالية خاصة فيني قدامها .. مافي احترام لخصوصية العميل أبداً ..
ونفس الموضوع تكرر معاي في المركز الصحي .. تدخل مراجعة وتقعد تستمع لتفاصيل الحالة المرضية والدكتورة عادي عندها ..أحس صادهم تبلد للأسف .. شكلي لازم افتح موضوع ثاني :omen2:


والله تصير معاي كثير لا تلفون ولا حتى إيميل ما ادري ليش أُمور بسيطة يسوون لها تعقيد كبير، أحياناً أدور موظف معين وعامل البداله يحولني على كم جهة لين بصعوبة أصيده، وأكثر المواضيع التافهة يحتد الواحد يخلصها بالسياره وأوقات مشوار ياخذ اليوم كله.


المشكلة الموضوع أشوفه وايد منتشر .. يعني تبونا نراجع عشان استفسار بسيط ويروح يومنا علينا في الزحمة ؟

[نور الحور]

لا الشيخه مب من حقج تطنشين وماتردين وتشترين راحتج !!

انتي محطوطه في مكان المفروض انج تردين وتجاوبين عل استفسارات مقدم الطلب !

مب والله بنتصل والله حاطين ببالنا وظيفه ولا ننطر رد الاداره ؟!

المفروض بكل بساطه انتي يا فلانه غييييير مطابقه لشروطنا ومالج وظيفه عندنا وبس مافيه اسهل منها محد طلب منكم اسرار الدوله


ردو عل الاستفسار بدبلوماسيه وصراحه احسن من ان والله اشتري راحتي !!!!!!


على فكره البني ادم اللي مفضي عمره و قاعد يتصل وناطر رد مب قاعد يطر منكم يبي بس رد عل سؤاله بعد ما تعشمونه وتنحاشون بردود حتى مو منطقيه !


اسمحي لي ام محمد مب من حقج ماتردين عالاتصالات ، اسبابج ماقنعتني


كثر مانزعجت من الاتصالات والشكاوي والاستفسارات ماقد مر علي يوم قلت مب رادة وباشتري راحتي لو اعرف الرقم والمتصل ، صعبة اسويها ، انا ادخل دقايق اتوضا ينحرق التلفون ويقولون الادارة الفلانية مايردون اشلون بعد لوًقاعدة واطنش ، مع انه هذا مب سبب اني ارد عالكل بس لانه واجبي الوظيفي

والصراحة انا شخصيا اعاني من شؤون الموظفين عندنا ، تبين شي اتصلي لين يخيب ثناج محد درا بج ، لكن ماروح لهم اطرش المراسل ومعاه رقمي وعتب مبطن وانتظر اتصالهم ، والايميلات بعد خففت هالمعاناة لانهم صاروا يخافون لانه استلام الايميلات موثق واقدر اشتكي لو مافادوني او ردوا علي



صح مو من حقها لو كان هذا من صلب عملها ..يعني كان في قسم أو موظف مختص بالردود على الاستفسارات .. لكن لو من صلب عملها فهذا تقصير تلام عليه

[نور الحور]

أشهر وزارة عندهم بدالة وأحلم حد يرد عليك

المقصود وزارة العمل عندي شكوى على مكتب خدم اتصلهم بالأيام ولا أحد يرد علي حتى اضطريت أني أروح الوزارة


جرب تتصل بجهات ثانية .. بتصيدك نفس المشكلة :rolleyes2:

[نور الحور]

اتمنى بعد هذا الرد
ان يتم مراقبة مكالمات البدالة والمكاتب التي من المفروض ان تستقبل مكالمات الجهور
والتحقيق معهم اسبوعياً من قبل الجهه التي يعملون بها


اقتراح جيد ..وياليت هالمراقبة بغرض التطوير مو تصيد الأخطاء

[R 7 A L]

اقتراح جيد ..وياليت هالمراقبة بغرض التطوير مو تصيد الأخطاء



أكيد التطوير
من الي ما يخطئ ؟

بس رد الاخت مش خطاء انما عدم الجدية في العمل

يعتبر أهمال

[غايه الطواش]

بصراحه احيان اذا عندي ضغط شغل مارد ع التلفون
واذا خلصت شغلي اذا رقم من داخل الشغل ارد اتصل بعد ماخلصت اما اذا رقم من برا ماتصل

[نور الحور]

أكيد التطوير
من الي ما يخطئ ؟

بس رد الاخت مش خطاء انما عدم الجدية في العمل

يعتبر أهمال



رحال أنا ما أتكلم عن أم محمد .. يمكن هي مو الموظفة المعنية بالرد ..
أنا أتكلم عن فكرة لو حطوا مراقبة بغرض (ضمان الجودة) نفس لو تتصل في بعض الجهات مثل كيوتل يقولون لك إن المكالمة مسجلة بغرض ضمان الجودة .. لأنهم يردون يسمعون بعض المكالمات وسرعة الاستجابة من الموظف وطريقة رده على المتصل وغيرها من أمور معنية بجودة الخدمة ..

[نور الحور]

بصراحه احيان اذا عندي ضغط شغل مارد ع التلفون
واذا خلصت شغلي اذا رقم من داخل الشغل ارد اتصل بعد ماخلصت اما اذا رقم من برا ماتصل

غاية إذا شغلج له علاقة بالعملاء لازم تردين .. حتى لو تتصلين عقب ..
لكن بسأل هل جميع الموظفين اللي نتصل لهم مشغولين لهدرجة كل يوم على مدى شهور ممكن ! ولا رد ! حتى لو تم تحويلنا (هذا ان ردت البدالة أصلاً) نادر ما يرد أحد ..

[نور الحور]

ياليت اللي له تجربة ناجحة في عملية الاتصال يذكر لنا هالجهات .. لأن الواجب علينا نشكرهم ونستثنيهم من هالموضوع

[غايه الطواش]

غاية إذا شغلج له علاقة بالعملاء لازم تردين .. حتى لو تتصلين عقب ..
لكن بسأل هل جميع الموظفين اللي نتصل لهم مشغولين لهدرجة كل يوم على مدى شهور ممكن ! ولا رد ! حتى لو تم تحويلنا (هذا ان ردت البدالة أصلاً) نادر ما يرد أحد ..

اختي شغلي يعتمد ع العملاء لكن في عملا الله لايرويك
لدرجه اني حفظنا ارقامهم
والله ان في وحده من العميلات متصله تقولي شكوماكو شو عندكم ماعدكم السوق هادي هالايام ماكو شغل ؟؟

بذمتج شتسوين

[نور الحور]

اختي شغلي يعتمد ع العملاء لكن في عملا الله لايرويك
لدرجه اني حفظنا ارقامهم
والله ان في وحده من العميلات متصله تقولي شكوماكو شو عندكم ماعدكم السوق هادي هالايام ماكو شغل ؟؟

بذمتج شتسوين



ههههههههههههه .. الله يعينج .. ناس يخربون على ناس .. بس شنو ذنب اللي متصل استفسار مثلا أو مراجعة خفيفة ظريفة ؟

[qatar.syria]

هذا عيب بنكونا الإسلامية صراحة .. الخدمة والترتيب والنظافة وبشاشة الوجه كلها مفقودة عند الكثير من هذي البنوك وكأن التطوير حرام عندهم .. رحت مره لسحب شيك أرباح للبنك التجاري الا ما شاء الله ترتيب ونظافة وجلسة إنتظار ما ودك تقوم منها عندك الجريدة وتقرأ مستمتع لين يجي دورك، ويجيك اللي يصب القهوه ويقدم التمر قبل .. صراحة جزاهم الله خير اللي يرفهون العميل مب يتعبونه.

سامحوني شقحت الرصيف بس شسوي شجون حبيت أقولها.

كلامك رائع وأكثر من رائع ..........
وأنا أزيد عليه لو بتسمحلي ..
يجب أن يكون البنك الاسلامي مثالا وقدوة في حسن التعامل وخدمة العملاء ،، ولكن للأسف الواقع يقول أن البنوك الاسلامية تستفيد من تدفق العملاء عليها بحكم أنها إسلامية ،، ويهملون في الكثير من الخدمات حتى أنك مثلا ترى المراجعين يقفون على أبواب بعض البنوك الإسلامية في طوابير مثل طوابير الخبز والديزل في سوريا ...
وهم لا يدرون أنهم بذلك العمل يسيئون لسمعة الإسلام أولا ولسمعة الاقتصاد والصيرفة الاسلامية ثانياً ...
مرة سمعت أحد الأجانب المقيمين في قطر يتكلم عن البنوك وكان لديه حساب في بنك قطر الوطني فسألته هل فكرت بفتح حساب في بنك إسلامي ... فضحك وأجابني طبعا لا ... هل تريد مني الانتظار ساعة كاملة كلما أردت سحب شيك او ايداع مبلغ بسيط.
إن البنوك الإسلامية عليها التزام اكثر بكثير من تحقيق الأرباح وزيادة التوزيعات وتنويع المنتجات والخدمات ..... فهي في البداية واجهة للإسلام وللعمل المصرفي الإسلامي .....

وآسف على الإطالة ...... وشكلي أنا يلي "شقحت الرصيف":nice:

[غايه الطواش]

ههههههههههههه .. الله يعينج .. ناس يخربون على ناس .. بس شنو ذنب اللي متصل استفسار مثلا أو مراجعة خفيفة ظريفة ؟



اختي احنا حتي الاستفسارات الخفيفه نطلبها تكون فاكس او ايميل
لغرض قانوني يتعلق بالمحاكم

[معماري قطري]

كلامك رائع وأكثر من رائع ..........
وأنا أزيد عليه لو بتسمحلي ..
يجب أن يكون البنك الاسلامي مثالا وقدوة في حسن التعامل وخدمة العملاء ،، ولكن للأسف الواقع يقول أن البنوك الاسلامية تستفيد من تدفق العملاء عليها بحكم أنها إسلامية ،، ويهملون في الكثير من الخدمات حتى أنك مثلا ترى المراجعين يقفون على أبواب بعض البنوك الإسلامية في طوابير مثل طوابير الخبز والديزل في سوريا ...
وهم لا يدرون أنهم بذلك العمل يسيئون لسمعة الإسلام أولا ولسمعة الاقتصاد والصيرفة الاسلامية ثانياً ...
مرة سمعت أحد الأجانب المقيمين في قطر يتكلم عن البنوك وكان لديه حساب في بنك قطر الوطني فسألته هل فكرت بفتح حساب في بنك إسلامي ... فضحك وأجابني طبعا لا ... هل تريد مني الانتظار ساعة كاملة كلما أردت سحب شيك او ايداع مبلغ بسيط.
إن البنوك الإسلامية عليها التزام اكثر بكثير من تحقيق الأرباح وزيادة التوزيعات وتنويع المنتجات والخدمات ..... فهي في البداية واجهة للإسلام وللعمل المصرفي الإسلامي .....

وآسف على الإطالة ...... وشكلي أنا يلي "شقحت الرصيف":nice:

عادي يا اخوي المرور ما يدرون من شقح ولا من حفص ولا من قطع الإشاره.

صدقت يا اخوي انا دخلت مره مصرف الريان ابي استفسار بسيط ما عرف الموظف قال روح لقسم المساهمين من الباب اللي ورا، والبنك فرع طريق سلوى في سوق في العزيزية، قلت زين ما دام نفس البنك ووراكم لازم في ممر بينكم قال لا بالكامل مستقل، ركبت سيارتي ورحت ورا وكان المفروض الموظف ينقل استفساري تلفونياً للمسؤول هناك وللعلم كان البنك شبه خالي من العملاء، دخلت من باب ومقابله درج وتحت الدرج كم سيكل حلي مربوطين وعلى الدرج غبار ووصخ وأوراق مقطعة وأعقاب زقاير وريحة، هذا مع إن البناية شبه جديدة لكن إهمال واضح في النظافة يفوق الوصف، ودخلت على الموظفين اللي كل واحد قاعد جنب الثاني بتكدس غريب وكل واحد يسولف مع عميل أو زائر ما اقدر أحكم ولا حد معطيني ويه، وتجرأت وسئلت وكان الرد بكلمة بسيطة لحد الحين ما ندري، وطلعت وانا ماخذ فكرة سيئة جداً عن هالبنك وكلموني إدارتهم مره بخصوص فتح حساب عندهم وإعتذرت وأبديت أسبابي بكل وضوح.

[معماري قطري]

كل شخص له اسبابه اختي ،
فالنهاية انا اتلقى الاوامر وانفذها ..
في مراجعين والنعم فيهم سهل التعامل وياهم وارد عليهم وينصك الموضوع بسرعة
في مراجعين الله يهديهم بس .. يحسسون ان الموظف بس مشتغل عشانهم
او كأني أنا المديرة غصبن عنج تلاقين لي وظيفة وتودين اوراقي فوق !

انا اتعامل مع كل مراجع حسب سلاسته اذا كان سلس خلاص كل شي بيخلص وبرد عليه وبيقتنع

لكن اذا ارد عليه مرتين ثلاث ويتم يناحس ويسأل عن الشغل ويحاول يعرف تفاضيل داخلية انا ماقدر اطلعها هني خلاص ستوب مارد عليه او احوله لشخص ثاني ..


وارجو انكم تحطون بالاعتبار انا ماقلت اني مارد ع التلفون خير شر
ان ذكرت فئة من المراجعين الي صعب الشخص يتعامل وياهم :shy:

اتمنى محد يفهمني غلط


الله يعينج يا ام محمد ولا يحطنا في موقفج إن شاء الله .. العيب الصراحة على جهات التوظيف اللي يعتمدون اللف والدوران ويحطون موظفينهم في مواجهة طالبين التوظيف ويكونون هالموظفين مجبورين على الإجابات الإلتوائية والدبلوماسية اللي تخليهم يتعلقون بأمل ويكررون المراجعة مرات ومرات.