استفسار هامم وعجل

[الجنوبي]

السلام عليكم ورحمة الله

اخواني استفسار عاجل

الوالده تبي تسافر مكه معاي وتاخذ الخدامه والخدامه بسم اخوي وهو ماراح يجي ويانا ....السؤال شلون طريقة خروجها معانا هل التاشيره من الحدود او لازم من السفاره

افيدوني افادكم الله

[رآعي موآجيب]

حاولت من كم سنه اطلع خدامة أخوي ومارضوا الأخوان في المملكه إلا بحضور الكفيل

وأضطر أنه يجي للحدود يخرجها وعقب رجعنا عادي

مالك إلا السفاره إذا فيه إجراء معين أو تستغني عنها


الله يتقبل منكم أن شاء الله

[خزامئ]

تاخذ ورقه من السفاره
وتاخذ خروجيه وتقول لهم مع الوالده

[الخزرجي قطر]

التاشيره من السفاره على ان يكتب برفقة الكفيل او عائلته
اما الخروج من قطر سهله يعمل ورقة خروجيه من الجوازات
الله يسهل اموركم ويتقبل منكم العمره وترجعون بالسلامه ان شاءالله

[احب قطر]

أنا من يومين طالع من الدوحة ورائح العمرة ، معاي خدامة عمي لانها مسلمة ولا احد قال لي شئ ، بس عمي سوئ لها خروجية من الدوحة.... والله يتقبل مقدما

[المليونير الفقير]

اخوي دام الوالده معاك عادي يمشونك حتى بدون خروجيه بس جيبلهم جوازك وجواز الوالده وبطاقة الكفيل ويمشونك عادي

[حمد 2002]

ماعليك اخوووي الأمور تساااهيل لاتحاتي ، وانشاءالله تروح وترجع بالسلامه ،،، وعمره مقبوله انشاءالله