كل يوم يرتفع فيه الريان يزيد الضغط عندي (اللهم لا حسد)

[الخراز]

9000 سهم رياني راحو مني ببلاش!!
القصة: صديق يقول انه خبير في شراء وبيع الاسهم قالي يافلان خلني ابيعلك الاسهم حق الريان قلت له لالالالالالالالالالا يقولون سهم من الذهب قالي بخليلك اياه الماس قلت اشلون وانت تبي تبيعه قال بعود واشتريه لك اياه على 12 ريال بس ادعي الله اني اقدر ابيعه 18 كلها يومين وتربح فوق الخمسين الف قلت خمسين الف قال نعم وطلب مني بخشيش 2000 ريال مقابل اتعاب قلت له انت صديق قال صح ولكن مش في الفلوس قلت ما تعرف صديقك الا في وقت الضيق ، اتركونا الآن من الصديق شوفوا انا ايش سويت قلت حق ام العيال جهزي نفستج كلها يومين وبسفرج للعلاج عندي صديق بدخل على 50 الف قالت من وين قلت بيبيع الريان قالت اخاف يورطك حرام تبيع الريان اللحين اصبر عليه شوي قلت هذا خبير وكله وعايش في البورصة ، باع الخبيرالاسهم وبعد 3 ايام والسهم ينزل وكل يوم يقولي شوف إذا ما جبته لك 12 حلق شنبي قلت عليه الشحم خذنا الفلوس وقلت له شد حليك رجع 9000 تراها حق العيال قال افا عليك انت روح عالج المدام وانا برتب الامور كلها .بعد ما وصل السهم 14 وزيادة تم يطلع ويطلع دقيت له تلفون وقلت له السهم رايح فوق وش السالفة قال طلوع وهمي قلت انا خايف يا فلان لا تورطني وسمع اذا وصل السهم 17 ريال اشتر بكل الفلوس الى عندك قال يا جبان لا تخاف قلت اللي ما يخاف ما يسلم ، وانا برع اتصل فيه اقول له ايش الاخبار قال والله السهم طالع قلت له يا خوي اشتر لي قال ما قدر قلت ليش الفلوس عندك قال المعروض 000000 والمطلوب ملاييين قلت له ملايييين تشق بطنك ضحكت علي ولكن الحمد لله علاجة ام عيالي وهذا هو المكسب والريان ضاع مثل ما ضيع زيدان الكاس والعوض على الله ... ويسلم راسكم

[Bin Hood]

الله يصبرك اخوي

ان شاء الله تعوض

والرزق من رب العالمين

والحمد لله على سلامت ام العيال

وكل شي يتعوض ان شاء الله

تقدر تقول

لا حول ولاقوة الا بالله العلي العظيم

اللهم اجرني في مصيبتي وابدلني خيرا منها

[hajooh]

الله يعوضك ان شاء الله ببرك منه

[iTaLy]

9000 سهم رياني راحو مني ببلاش!!
القصة: صديق يقول انه خبير في شراء وبيع الاسهم قالي يافلان خلني ابيعلك الاسهم حق الريان قلت له لالالالالالالالالالا يقولون سهم من الذهب قالي بخليلك اياه الماس قلت اشلون وانت تبي تبيعه قال بعود واشتريه لك اياه على 12 ريال بس ادعي الله اني اقدر ابيعه 18 كلها يومين وتربح فوق الخمسين الف قلت خمسين الف قال نعم وطلب مني بخشيش 2000 ريال مقابل اتعاب قلت له انت صديق قال صح ولكن مش في الفلوس قلت ما تعرف صديقك الا في وقت الضيق ، اتركونا الآن من الصديق شوفوا انا ايش سويت قلت حق ام العيال جهزي نفستج كلها يومين وبسفرج للعلاج عندي صديق بدخل على 50 الف قالت من وين قلت بيبيع الريان قالت اخاف يورطك حرام تبيع الريان اللحين اصبر عليه شوي قلت هذا خبير وكله وعايش في البورصة ، باع الخبيرالاسهم وبعد 3 ايام والسهم ينزل وكل يوم يقولي شوف إذا ما جبته لك 12 حلق شنبي قلت عليه الشحم خذنا الفلوس وقلت له شد حليك رجع 9000 تراها حق العيال قال افا عليك انت روح عالج المدام وانا برتب الامور كلها .بعد ما وصل السهم 14 وزيادة تم يطلع ويطلع دقيت له تلفون وقلت له السهم رايح فوق وش السالفة قال طلوع وهمي قلت انا خايف يا فلان لا تورطني وسمع اذا وصل السهم 17 ريال اشتر بكل الفلوس الى عندك قال يا جبان لا تخاف قلت اللي ما يخاف ما يسلم ، وانا برع اتصل فيه اقول له ايش الاخبار قال والله السهم طالع قلت له يا خوي اشتر لي قال ما قدر قلت ليش الفلوس عندك قال المعروض 000000 والمطلوب ملاييين قلت له ملايييين تشق بطنك ضحكت علي ولكن الحمد لله علاجة ام عيالي وهذا هو المكسب والريان ضاع مثل ما ضيع زيدان الكاس والعوض على الله ... ويسلم راسكم

الحمدالله وصلاة وسلام علي رسول الله (ص)
القناعه كنز انت سلمت نفسك حق شخص والمفروض انك تقتنع بالي صار وهذا الشي قسمه ونصيب ومكتوب عليك لانك انت الي سلمته الخيط والمخيط شوف اخوي اخذها نصيحه منى قول الحمدالله علي كلي شي وانشاءالله انها خيره لك ويمكن بالفلوس هذي نغمه مو نعمه لكن احمد الله كثريا الله يرزق من يشاء وانت لاتسلم فلوسك حق احد اذا يبي ينصحك اخذ منه النصيحه الي تقتنع فيها والي ماتقتنع اسمع مني وطلع مني وجامله وحمدالله علي سلامة ام عيالك والله يخليكم حق بعض واذا لك رزق صدقني ان راح يجيلك الرزق والله يرزقك بحلاله ويبعدك عن حرامه وهذي تجربه وكل انسان يمر بتجربه كل انسان يمر بتجربه مو عيب ان الانسان يغلط لكن العيب ان يستمر بالغلط وانت اخذت درس تستفيد منه والله يعوضك بام عيالك وعيالك الي احسن من الفلوس واهم شي بدنيا الصحه اذا عندك ملاين ومافي صحه ماكو فايده معوض انشالله واتمنا من الله العزيز الحكيم ان يرزقنا انا وياك وجميع المسلمين بالجنه الي احسن من الاسهم والدنيا
والختام سلام
ودمتم

[صدى الخافق]

بكل الحالات انت ربحان والحمدلله

ولكن هناك فرصه حلوه ضاعت منك

والسبب الإستعجال

وقصتك اتمنى ياخذها كل من يبيع برخص التراب عبره

الله يوفقك اخوي وان شاءالله ماراح تضيع فرص ثانيه

لايلدغ المؤمن من نفس الجحر مرتين

[الخراز]

اشكركم يا اخوان على تعاطفكم معاي ، وانا ممكن خانني التعبير في العنوان ، والحمد لله على ما اعطى واخذ ،،،، وانا غشيم في هذه الامور واول مرة اشتري فيها اسهم ولكن عندي 100 الف ريال من البيعة تنصحوني اشتري الريان .. وسلامتكم

[دلالة]

اشكركم يا اخوان على تعاطفكم معاي ، وانا ممكن خانني التعبير في العنوان ، والحمد لله على ما اعطى واخذ ،،،، وانا غشيم في هذه الامور واول مرة اشتري فيها اسهم ولكن عندي 100 الف ريال من البيعة تنصحوني اشتري الريان .. وسلامتكم



الله ايعوض عليك الحقيقة شيء مؤلم جداُ أخوي الغالي ولله أنا عني راح أنصحك تشــترية مرة ثانية أكيد بس الســهم بالنسبة لســعرك أصبح فارق الســعر بينهم كبير وغداُ سيكون الضعف وفي رأيي تعتبر الموضوع درس ودروس في الحياه أصبحت ليست ببلاش وأنساه ولا وتتذكر أو أتفكر فية حتى لا تتألم كثيراُ وماحدث لك هو رزقك ومكتوب وكل أنســان لايأخذ أكثر من نصيبة
وأن شاالله الله ايعوضك بأفضل منة وعلاجك لزوجتك هو خيــر عمل فعلته
وتذكر أن هناك إناس لم يستطيعوا حتى الأكتتاب لظروفهم أما أنت فكانت ظروفك أفضل أكتتبت وخصص لك وبعت يعني لم تكون خســران

[100$]

السلام عليكم ...

اخوي الخراز خلني اهون عليك اشوي...

في مثل يقول ...لا سمعت مصيبة غيري هانت علي مصيبتي :)

واحد من الشباب ... قبل ادراج الريان في البورصه

جلس يمخمخ .. ويفكر ...( حلم الثراء السريع )

وقرر يسحب سلفيه 200 الف ويشتري من واحد من الربع اسهم الريان على خمسين رياااال

فعلاً شراهاااا ...

المسكين يمشي ويكلم نفسه الحين ... يالله يرب توصل الخمسين يالله يارب

[rashid_qatar]

بتوصل انشالله والواحد مايشاور حد ولا يسمع كلام الناس الي باعو تحسفو خلكم ماسكين شكلة السوق طالع انشالله

[heez1]

تستاهل سلامت ام العيال
وهذا رزقك في الريان وهذا اللي الله كاتبه لك
تستاهل العوض والله ايعوض عليك يا اخوي

[بو نايف 911]

الحمدالله على سلامت أم العيال
أتمنى للجميع بتوفيق

[ناصر الصيعري]

اخي الكريم الحمدلله علي ماقسم الله لنا , انت احسن من نسيبي 12000 سهم بالريان باعها بنفس طريقتك بعد ان شا ر عليه صديق خبير بالبورصه بان يبيعها وياخذها من تحت , المهم باع كامل الكمية ب 14 ريال وشوي وكانت البيعه في قاع قاع سعر الريان والسهم طلع فوق مثل مانت شايف والمسكين كل يوم عنده امل انه بنزل . والخسارة وانا اخوك بالاعمار ماهي بالمال والله يعوضك خير منه ان شاء الله

[حيهور]

الله كريم

[عتيج الصوف]

اخوي العزيز لا تحط في بالك,,,,انا بعت الريان على 16 ولله الحمد....وبعد البيعه تحركت بالفلوس يمين شمال وفي الوقت الحالي تقريبا كأني مابعت الريان وانا مستفيد,,,ولكن خبرك المضاربه عوار راس ,,الريان يرتفع يوميا كان اسهل من شدة الأعصاب ....ولكن في الوقت الحالي بالنسبه لي شخصيا اشوق ان هناك فرص من ذهب في السوق والله يوفق الجميع

[عبــ الرحمن ــد]

مااخطاك ماكان ليصيبك
الحمد لله والسوق ملئ بالفرص

[kitmat]

لاتستعجل يمكن ينزل بعد فترة وترد تشتري أو إنطر الاسمنت

[N7eEeS]

{ وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ }

[سهم123]

تستاهل سلامة الأهل و هذا الأهم

أما الفلوس تجي وتروح و الله يعوضك خير إنشالله

أنصحك بشراء الأسهم القيادية

أو الشركة التي ستطرح سواء السنة أو السنة القادمة

والله ولي التوفيق

[المراقب]

لكل مجتهد نصيب، وهذا نصيبك من السهم.

وكما أشار بعض الأخوة، أتوقع بأنك ستقدر أن تشتريه وبسعر مناسب ..... فلا تستعجل .......

الذي باع لك السهم، هو لم يكن مخطئ في توقعاته بوصول السهم إلى12 فقد كانت معظم المؤشرات تشير إلى ذلك في ذلك الوق. وتذكر "لو كنت أعلم الغيب لإستكثرت من الخير وما مسني السؤ".

صعود السهم هذا: يسمى في عالم الأسهم صعود عمودي وهذا أيضا معروف بأنه لا تحمد عقباه"

تابع السهم وأقتنص الفرصة ....

[salah321]

اجر وعافيه وحمدالله على سلامة الاهل وتعوضها انشاء الله

[زمان الصمت]

اولا اخواني الحمدلله على سلامة الأهل الي تسوى مليون سهم وثانيا منت بخسران الخسارة خسارة الروح وانت شاريه بخمسة ريالات وبعته بربح ولله الحمد والله هو الي رايد لك الحالة هاذي لأنه هو موزع الأرزاق وقال لك ياعبدي هذا رزقك وهذا الي يكفيك وانت احمد الله واشكرة على النعمة الي عطاك اياها الي هي الصحة وخذت الأجر في هلك الصبر زين وانا بعت الريان كله ب17ريال صدج متحسف بس رضيت بالواقع وان هذا الي قاسمه الله لي وماني بخسران شي خذت فلوسه عطت هلي منها ووديت والدتي العمرة والباقي قطيته في السوق بين بروة وناقلات والحمدلله ربحان منها واحمده واشكره على الرقم اني لوصبرت شوي كنت ربحت اكثر من 250000 ريال بس عادي مانظرت وراي ولو الواحد بيندم على كل شي ماعاش بهالدنيا انسى أمر الريان ودش السوق قبل يفوتك القطار وبتعوض وبترجع للريان بقوة بحول الله
الله يوفقك

[سلطان زماني]

انشالله اتصيده

[ام سلمان]

اخي في الله قل الحمد لله لن يصيبنا الا ماكتب الله لنا
والحمد لله على سلامة الاهل هم رأس المال
تجربتك هذه حصلت معي فقد بعته على امل شراءة باقل وفجاءة انقلب الحال ولم استطيع شراءه مع انني اضع الطلب على لمت اب لمدة اسبوع
وبعدها قررت ان اتجه الى شركة اخري جيدة بنفس رأس المال
واحتمال ارتفاعها كبير فقد تصل لمستوى ارتفاع الريان في الفترة القادمة او اكثر
مع العلم ان الريان الان اصبح يخوف واحتمال الارتداد قريب وبعدها اعدل وارجع الى الريان
بدون خسارة
فنصيحتي لك يااخي ان تختار شركة ذات عوائد جيدة وتشتري فيها بنفس راس مال الريان
لان هذه الشركات جاء دورها في الارتفاع بينما الريان له 3اسابيع لمت اب واصبح في مرحلة حرجة فربما ينزل وتقدر تأخذه مة اخرى لان صعوده غير طبيعي

[HUSSAIN]

مهما يصير بنظل نتعلم من الاخطاء

كلنا خسرنا بس انت ما زلت ربحان...