ممكن شركات لعمل المواقع الالكترونيه

[clouds]

حبيت اعمل مشروع تجاري عن طريق النت يعني انشئ صفحه والناس تشتري من النت وين ممكن يساعدوني وينشئون لي هالصفحه؟وشلون اقدر احط طريقه للدفع عن طريق النت؟يعني اروح للبنك وهم يسوون لي او اللي بيسوي لي الموقع؟

[blueZircon]

السلام عليكم اخوي

من واقع خبره
قبل ممارسة اي نشاط تجاري عبر الانترنت ، تحتاج رخصه تجاريه حتى تتمكن من الحصول على بوابة دفع الكترونيه من احد البنوك ، البنوك اللي تمنح البوابات هي التجاري والوطني بس مشكلتهم غلاء قيمة الاشتراك بهالخدمه ، 15000 شهريا باللضافه الى نسبه مئويه من كل عمليه شرائيه.

وبالنسبه للشركات اللي تعمل مواقع عندك كثير متوفر منها في قطر لكن ماانصحك بالتعامل معاها بسبب غلاءها وسوء منتجاتهم.
الحل ، عندك شركات عالميه تبيع قوالب لمواقع جاهزه تقدر تتحكم بموقعك وكل العمليات الشرائيه بسهوله
Shoppify.com احد المواقع

اتمنى اني افدتك اخوي

[clouds]

بال!!15 الف شهريا كاني ماجره محل!!وايش البديل؟شكرا لانك وضحت لي الموضوع انا فكرته سهل وغير مكلف وماكنت ادري اني احتاج رخصه تجاريه

[Mohammed_QTR]

السلام عليكم ..
مهب شرط بوابه الكترونيه ولا سجل تجاري ..تقدرين تفتحين اكاونت مع paypal والدفع عن طريقهم
وبخصوص الموقع في شركات وايد ممكن يسون لج الموقع بس علشان اقدر افيدج لازم اعرف وشو المشروع او التجاره لانه على اساسه ممكن اقولج تحتاجين شركه تصمملج ولا بنفسج ممكن تحطين قالب

[ساس الوفا]

انا عندي موقع جاهز ومساحته كبيرة وشركة استضافه عالمية ..

ابي حد يقوم الموقع معاي

[Abdulla Al.F]

السلام عليكم،
اخوي لاتحتاج حتى لرخصه تجاريه ولا ال ظ،ظ¥ الف الي ذكرها اخوي

اول شي ممكن توضح لي الفكره بشكل مبسط ؟
هل هو منتج واحد و حاب الناس تشتري منك على النت ؟

[Abdulla Al.F]

انا عندي موقع جاهز ومساحته كبيرة وشركة استضافه عالمية ..

ابي حد يقوم الموقع معاي

من اي ناحيه ؟

[ساس الوفا]

من ناحية انه يدير الموقع ..

الموقع مصمم تصميم تجاري 100 % والاسم واصلي 30 الف ولا افكر ابيعه ..

ابي شخص ياخذ كل الصلاحيات ويشغل الموقع بالطريقه الصحيحه اللي يشوفها ..

اتمنى قدرت اوصلك الفكره ..

اللي خاطره يدير الموقع يراسلني ع الخاص ..

[clouds]

مشروعي عباره عن ادوات تجميل والشراء يكون اون لاين

[رحال الدوحه]

مشروعي عباره عن ادوات تجميل والشراء يكون اون لاين


السلام عليكم ورحمة الله وبركاته ،،
اختي العزيزه clouds ربي يوفقج وينولج اللي فخاطرج ، الشئ الثاني
من 2010
صارت المواقع فقطر مرخصه وخاصة المواقع اللي فيها بيع واستلام مبالغ
من الجمهور ورواد الموقع عندج .

نشاط اسمه
" التجاره عبر الانترنت / التجاره الالكترونيه "
ورسوم النشاط 3000 ريال حق السجل التجاري ، وما
يحتاج تأجرين محل أو رخصه لانج بتكونين وسيط عن طريق الموقع
لبيع أدوات التجميل يعني من المصدر نفسه
وما يحق لج تستوردين البضاعه وتدخلينها قطر تسوين الطلبيه باسم
المشتري ويستلمها من البريد او شركات الشحن .

اما بخصوص الشركات التصميم الاخوان والخوات ما قصروا
اشرحوا لج وربي يعينج على شركات المواقع وطلباتهم وأسعارهم ... !!!

أتمنى قدرت افيدج وربي يوفقج ويوفقنا جميع

[تغلبية]

اليوم كنت اتصفح بعض المواقع لقيت ان في مواقع مدونات مخلينها مواقع تجارية .. هل لها نفس التعامل مع المواقع التجارية من ناحية خدمة الدفع والامان والا فيها اختلاف ؟!؟
وشكرا

[حماد الدغيمان]

انا مجالي الاشهار والاعلان لو حبيت ان شاء الله بعد ما تسوى الموقع خاصتك انا باعلن عنه وباشهره الك باذن الله وبسعر مناسب

[damar]

السلام عليكم ورحمة الله وبركاته
من واقع التجربه انا عندي موقع اول 5 اشهر خليت الموقع يشتهر والموقع اهو وسيط يكون فيه بيع وشراء ... بس مع الايام حسيت فالملل فاتجاه لانه يبي له ناس تساعد فالموقع وانا كنت بروحي اديره وتعبت وخليته
ونصيحه ان كنت اابروحك تديره بتتعب لازم يكون معاك ناس تساعدك
والله يوفقك يارب

[blueZircon]

مع احترامي للاخوان, اي نشاط تجاري فيه عمليه شرائيه على الانترنت يحتاج سجل تجاري بنشاط مرخص.

العمليه الشرائيه اقصد فيها : ادخال معلومات البطاقات الائتمانيه عن طريق لاجراء عملية الشراء, يعني بالعربي اي عمليه يكون فيها الدفع اون لاين.

اما المواقع التي فقط تقوم بعرض البضائع فهي ماتحتاج ترخيص.

وان شاءالله بالقريب العاجل سينطلق موقع تسويقي ضخم مثل امازون في قطر بادارة قطريه 100% وبالتعاون مع جهات ومؤسسات حكوميه قطريه, وان شاءالله سيتم الاعلان عنه قريبا.



شكرا

[سوق جالس]

الكثير من الناس شغالين حاليا بعمل مواقع الكترونيه للبيع و الشراء .. بس لانه هالمجال جديد في العالم الثالث و منهم قطر فاجراءاتها طويله و يحتاج لها صبر و مراكض و مرات واسطات عشان تخلص بسرعه

على العموم انا من الناس اللي داخلين هالمجال و قريب ان شاء الله راح افتح موقعي اللي راكضت عشان اخلص اجراءاته اكثر من سنه و نص .. و الله يوفقنا و ييسر امرنا


اخوكم

سوق جالس

[خبير الانترنت]

انا مصمم مواقع وممكن اساعدك بشكل كبير في هذا الموضوع ياليت نتواصل

[hany7403]

بالتوفيق