افضل شركه تأجير سيارات في اوروبا .. استفسار

[AL-MAYSTRO]

السلام عليكم ورحمه الله وبركاته

كل عام وأنتوا رياضيين وصحيين :nice:
بمناسبة اليوم الرياضي لدوله قطر

عندي استفسار بخصوص تأجير السيارات في اوروبا

للمجربين تأجير السيارات في اوروبا

شأفضل شركه تأجير سيارات من حيث:

السعر / الخدمه / نوع السياره / الموديل

خصوصا أني ناوي ان شاء الله .. استلم السياره من مطار ميلانو (ايطاليا)
واسلمها في مطار برشلونه (اسبانيا)

والمده بتكون تقريبا 8 أيام

ياليت كل عضو فالمنتدى جرب يتكرم و يقولنا ويفيدنا

وبتكون الاستفادة لنا جميعا :nice:

[AL-MAYSTRO]

وكز!!!

:rolleyes2:

[Chambray]

هلا اخوي
ما اعتقد في شركة بترضى انك تاخذ سيارة في دولة وترجعها في دولة ثانية
خصوصاً ان من ميلان لين برشلونه في حدود 1000 كيلو

واذا في شركة رضت بهذا الشئ .. فصدقني بياخذون منك مبلغ مش اقل من 7500 ريال ( 1500 يورو ) ( كفرق سعر ) لارجاع السيارة للمكتب الاصلي

لذلك الحل الوحيد ..
انك تأجر سيارة ثم ترجعها ثم تاخذ طيارة لين برشلونه ( ثم تأجر سيارة في برشلونه )

أو
انك تأجر سيارة في برشلونه وتروح ميلان وترجع برشلونه من جديد ..

والله يعينك

انا اكلمك من واقع تجربه

[AL-MAYSTRO]

هلا اخوي
ما اعتقد في شركة بترضى انك تاخذ سيارة في دولة وترجعها في دولة ثانية
خصوصاً ان من ميلان لين برشلونه في حدود 1000 كيلو

واذا في شركة رضت بهذا الشئ .. فصدقني بياخذون منك مبلغ مش اقل من 7500 ريال ( 1500 يورو ) ( كفرق سعر ) لارجاع السيارة للمكتب الاصلي

لذلك الحل الوحيد ..
انك تأجر سيارة ثم ترجعها ثم تاخذ طيارة لين برشلونه ( ثم تأجر سيارة في برشلونه )

أو
انك تأجر سيارة في برشلونه وتروح ميلان وترجع برشلونه من جديد ..

والله يعينك

انا اكلمك من واقع تجربه

بالعكس اخوي في اوروبا شي عادي وبالنسبة للسعر ترى عادي السعر بالنسبة ل8 ايام وانا كنت متوقع اكثر

وانا لقيت وايد شركات تأجير سيارات والاستلام في بلد والتسليم في بلد اخر
بس أنا حبيت لو فيه اعضاء مجربين او متعاملين انهم يذكرون لنا تجربتهم

عموما شكرًا على الرد

[Chambray]

بالعكس اخوي في اوروبا شي عادي وبالنسبة للسعر ترى عادي السعر بالنسبة ل8 ايام وانا كنت متوقع اكثر

وانا لقيت وايد شركات تأجير سيارات والاستلام في بلد والتسليم في بلد اخر
بس أنا حبيت لو فيه اعضاء مجربين او متعاملين انهم يذكرون لنا تجربتهم

عموما شكرًا على الرد

صحيح في اخوي .. بدال لاتدفع 400 يورو على كامل المده اذا بترجعها في نفس المدينة
راح تدفع 1800 يورو اذا بترجعها في دولة اخرى

انا اتكلم عن سيارات اقتصادية صغيره مثلاً بيجو 208 - 308

وليست سيارات لاكشري مثل البي أم والاودي والمرسيدس وهالسيارات .. الي راح تكون اغلى ..

اذا انت تشوف هالمبلغ بالنسبه لك عادي .. معظم الشركات بتوافق على هالشئ دام انك بتدفع لهم قيمة الشحن ( شحن السيارة من مدينة إلى المدينة الي خذت منها السيارة )

ولازم تركز على مسألة التأمين
مثلاً التأمين الي يطلع في النت حتى لو كان تأمين شامل ، لكن في شئ اسمه ( فرونشيز ) يكون بمبلغ 1000 او 1500 يورو
يعني اي حادث لاقدر الله لازم تدفع حتى لو تأمين شامل ..

فلو طلبت تأمين ( بدون فرونشيز ) راح يحسبون عليك مبلغ إضافي يومي .. وهكذا ..

انا عايش في اوروبا وعارفت السستم هناك ..

ومجرب معظم شركات التأجير هناك ..

عموماً ..

كل الشركات تنافس بعض

لكن انت اتجهه دائماً للشركات الي تقدم لك ( اوبن لمت ) الكيلوات المفتوحه

وانا ارشح لك صراحة ( يوروب كار وهارتز ) هم الشركتين المفضلتين عندي ..

بس لاتربط نفسك بكيلوات محدده في اليوم ..

واخذ سيارة ديزل لاتغلط وتاخذ سيارة بترول ..

وبالتوفيق

[AL-MAYSTRO]

صحيح في اخوي .. بدال لاتدفع 400 يورو على كامل المده اذا بترجعها في نفس المدينة
راح تدفع 1800 يورو اذا بترجعها في دولة اخرى

انا اتكلم عن سيارات اقتصادية صغيره مثلاً بيجو 208 - 308

وليست سيارات لاكشري مثل البي أم والاودي والمرسيدس وهالسيارات .. الي راح تكون اغلى ..

اذا انت تشوف هالمبلغ بالنسبه لك عادي .. معظم الشركات بتوافق على هالشئ دام انك بتدفع لهم قيمة الشحن ( شحن السيارة من مدينة إلى المدينة الي خذت منها السيارة )

ولازم تركز على مسألة التأمين
مثلاً التأمين الي يطلع في النت حتى لو كان تأمين شامل ، لكن في شئ اسمه ( فرونشيز ) يكون بمبلغ 1000 او 1500 يورو
يعني اي حادث لاقدر الله لازم تدفع حتى لو تأمين شامل ..

فلو طلبت تأمين ( بدون فرونشيز ) راح يحسبون عليك مبلغ إضافي يومي .. وهكذا ..

انا عايش في اوروبا وعارفت السستم هناك ..

ومجرب معظم شركات التأجير هناك ..

عموماً ..

كل الشركات تنافس بعض

لكن انت اتجهه دائماً للشركات الي تقدم لك ( اوبن لمت ) الكيلوات المفتوحه

وانا ارشح لك صراحة ( يوروب كار وهارتز ) هم الشركتين المفضلتين عندي ..

بس لاتربط نفسك بكيلوات محدده في اليوم ..

واخذ سيارة ديزل لاتغلط وتاخذ سيارة بترول ..

وبالتوفيق

اشكرك اخوي على هالمعلومات القيمه اللي استفدت منها
وكلامك سليم التركيز على التأمين والديزل

انا كنت افكر أتعامل مع شركت Sixt
http://www.sixt.com/fleet-guide

شرايك في هالشركه من ناحيه الاشياء اللي نبهت عليها ؟؟

وأشكرك اخوي على اهتمامك فالموضوع
ولا تنسى ان المعلومات اللي ذكرتها ووضحتها راح يستفيد منها الجميع

جزاك الله خير

[Chambray]

ويجزاك اخوي ..

بس حدد نوع السيارة ..

سكست تعاملت معاها مرة وحده بس وماحبيتها صراحة .. اسعارهم كانت اغلى من غيرهم

بس انت حدد نوع السيارة ..


ملاحظة : كثير من الاحيان تختار سيارة لكن تستلم سيارة ثانية ( لكن بنفس المستوى الي انت اخترته )
مثلاً : تختار بي أم دبليو الفئة 5
مش متوفره
راح يعطونك مرسيدس e أو اودي a6
او سيارات في نفس المستوى

يعني لاتنصدم وتتضايق اذا سوو لك هشكل ههههه

[الزلزال]

بالتوفيق
تروح وترجع بسلامه

[AL-MAYSTRO]

الله يسلمك يالزلزال

اسمك يخرع :omen2:

[بوعجيل]

يورب كار انصحك به

[التيما]

جربت سكيست ويورو كار .. عادي جدا انك تأخذها من بلد وترجعها في بلد ثاني وتدفع بس مئة يورو وهالكلام عن تجربة .. سفرة لي خذت السيارة من بلجيكا ومنها لباريس وألمانيا وسويسرا وإيطاليا ورجعنا لألمانيا وسلمتها في ألمانيا ودفعت ميه يورو بس عشان يرجعونها .. هالشركة يورو كار .. بس للأسف انتبهت أنهم بعد ما رجعت صاروا يسحبون من فيزتي مبالغ بسيطه كل أسبوع الفجر بتوقيتنا !!! كل أسبوع حول خمسين يورو !! وكلمت البنك ووقفت السحب يعني باقوني بالعربي .. والشركة الثانية سيكست .. وهذيلا زينيين خذت السيارة من امستردام وسلمتها في فرانكفورت .. ميزتهم يفهمونك كل شي من البداية من الف لين الياء .. بس أسعارهم شوي أغلى .. والحمد لله ماباقوني .. بس عند تسليم السيارة لو مانتبهت للمبالغ ممكن يدفعونك حق شي ما سويته .. ولازم تنتبه للكيلو مترات لان زياده عن الألف كيلو او ثلالث الاف ناسيه بالضبط يدفعونك مبلغ فاحسبها صح ..

[AL-MAYSTRO]

جربت سكيست ويورو كار .. عادي جدا انك تأخذها من بلد وترجعها في بلد ثاني وتدفع بس مئة يورو وهالكلام عن تجربة .. سفرة لي خذت السيارة من بلجيكا ومنها لباريس وألمانيا وسويسرا وإيطاليا ورجعنا لألمانيا وسلمتها في ألمانيا ودفعت ميه يورو بس عشان يرجعونها .. هالشركة يورو كار .. بس للأسف انتبهت أنهم بعد ما رجعت صاروا يسحبون من فيزتي مبالغ بسيطه كل أسبوع الفجر بتوقيتنا !!! كل أسبوع حول خمسين يورو !! وكلمت البنك ووقفت السحب يعني باقوني بالعربي .. والشركة الثانية سيكست .. وهذيلا زينيين خذت السيارة من امستردام وسلمتها في فرانكفورت .. ميزتهم يفهمونك كل شي من البداية من الف لين الياء .. بس أسعارهم شوي أغلى .. والحمد لله ماباقوني .. بس عند تسليم السيارة لو مانتبهت للمبالغ ممكن يدفعونك حق شي ما سويته .. ولازم تنتبه للكيلو مترات لان زياده عن الألف كيلو او ثلالث الاف ناسيه بالضبط يدفعونك مبلغ فاحسبها صح ..

شكرا التيما

يعطيك العافيه ع الشرح

ماقصرت

[الفا برافو]

مرحبا اخوي
انا استأجرت سياره من نفس الشركه مرتين
مره استلمت السياره بمطار ميلان ورجعتها بمطار ميونخ
ومره استاجرتها بميونخ ووصلوها للفندق واستلموها من الفندق بميونخ
هم شركه عباره عن وسيط يدورون لك افضل الاسعار واذا حجزت مبكر حصلت اسعار تفاضليه
وانا مالقيت اي مشاكل معاهم .
موقعهم هو : rentalcars.com

[XP.Qatar]

السلام عليكم اخوي المايسترو ،،

جربت اليورو كار من كان إلى برشلونة سعر معقول ، سيارة جديدة ونظيفة
أنصحك فيها ،،

تحياتي لك

[RAK_SL_Dubai]

يورب كار انصحك به

[.. الكاش ..]

سنكست وايد زين وله فرع في محطه بترول الوعب الي على اشاراه روحه وبيضبطك مثل ماقالك اخوي التيما بيلعبون بك في الفيزا من هناك نفس ماصار معي صح شوي اغلى بس افضل

[بونووف]

يورب كار .. بس حط في بالك الايام اللي تنزل فيها السياره لانه اجرت سياره من باريس وسلمتها في بلجيكا وكانت المحلات كلها مسكره فرحت مواقف محطة القطار تحت اسم الشركه وقطيت المفاتيح في البوكس التابع للشركه واتصلت لهم قلت لهم اني نزلت السياره وخذت تكسي مره ثانيه للفندق

[AL-MAYSTRO]

مشكورين الله لايهينكم ماقصرتوا

[ضوى]

انا جربت سيكست وايد مريحين في التعامل

سوينا حادث ببيرن بسويسرا والحمد لله ماخذوا علينا شي ماكان الغلط منا اصلا


تعاملهم مريح يمكن غاليين شوي بس ترتاح من القلق