الازدحام والاختناقات المرورية : الى اين والله تعبنا

[(المهندس)]

معقول يا اخوان الازدحام الشديد هذه الايام والى متى هذه المعاناه والله تعبنا مشوار ربع ساعه ياخذ ساعه ويضيع الوقت في توصيله او مشوار صغير

ماذا سوف يحدث في السنوات القادمة هل سوف تتضاعف المعاناه لقد اصبحت معاناه يومية في شوارع الدوحة والله المستعان

[حمد 2002]

من يومين ماجووف فيه زحمه يمكن لان الحين اجازه ربيع والناس مسافره مع عيالها برعع قطر ،، الله العالم

بس في اوقات الزحمه الله لايرويك هاي معاناه ثااانيه ، والحين الزحمه بعد ماتجوفها بالشوارع الرئيسيه بعد اتجوفها حتى بالفرجان ههههه والشوارع الفرعيه الي جنب البيوت الله المستعان

تحياتي لك اخووي

[ودي أكون]

ولا تنسى ان الطلاب اجازة صباحاً

والبعض مسافريين بالنسبة لزحمة المساء

يعني لين ردوا الله يعينك اخوي .. قول ماذا سيحدث في الاسابيع القادمة هه

الله المستعان

[بريق الحق]

هههه حتى الوكرة زادة الزحمه فيها
وبخصوص الشرطه يقعدون يصكرون الدوار ان ماتقدر ترجع من صوب الديوان الاميري لازم تاخذ البدع عشان ترجع صج مهزلة

[(المهندس)]

والله صوب الكورنيش وشارع حمد وحول سوق واقف وشارع الخليج كل ماطلعت من شارع فرعي دخلت بشارع رئيسي فية مأساه مرورية اكبر

خاصة الفترة المسائية عذاب والله

[صوت مواطن]

اذكر الله وانت بالسيارة وإنشاء الله بتوصل مشوارك

[النهار]

انطر طال عمرك لين 2022

[(المهندس)]

لا اله الا الله

بس والله ياخي شي ينرفز تحس نفسك محاصر من كل صوب

[بريق الحق]

نزل السيرة النبوية على فلاش وقصص الانبياء والصحابه واقعد اسمع واستفيد

[(المهندس)]

جزاك الله خير اخوي الكريم

[النهار]

لا اله الا الله

بس والله ياخي شي ينرفز تحس نفسك محاصر من كل صوب





لوجات مثل ماتقول محاصره من كل صوب في الشواع العموميه اش تقول نفس الشي صاير داخل الفرجان ياخوي السيارات زادات انا اتكلم عن نفسي انا اسرتي صغيره مكونه من 10 افراد طبعا من ظمنهم الخدم عندنا في 8 سيارات عدد السكان بزدياد
بس لويفكونا من هالشاحنات احنا بالف خير ونعمه

[ودي أكون]

يبيلكم تك تك

[(المهندس)]

لوجات مثل ماتقول محاصره من كل صوب في الشواع العموميه اش تقول نفس الشي صاير داخل الفرجان ياخوي السيارات زادات انا اتكلم عن نفسي انا اسرتي صغيره مكونه من 10 افراد طبعا من ظمنهم الخدم عندنا في 8 سيارات عدد السكان بزدياد
بس لويفكونا من هالشاحنات احنا بالف خير ونعمه

والله ياخوي كلامك صحيح

انا مرات اقعد افكر اقول شلون زحمة سوق واقف والشوارع المحيطة تأثر على مناطق مثل رمادا والسد حتى الطريق السرع ماعندك فرصه تمشي براحتك السيارات حولك كأنك في شارع الكهربا سابقاً :weeping:

[(المهندس)]

يبيلكم تك تك

فكرت اطلع رخصة موترسيكل

[ودي أكون]

فكرت اطلع رخصة موترسيكل

صعبه الموترسيكل لو كان معاك الاهل

خذ التك تك على كثر ما ادعم فيها ماتخترب ان شاءالله

[(المهندس)]

صعبه الموترسيكل لو كان معاك الاهل

خذ التك تك على كثر ما ادعم فيها ماتخترب ان شاءالله

هههههه حلوة التك تك بس مايزورق بين السيارات في الزحمة

[ودي أكون]

هههههه حلوة التك تك بس مايزورق بين السيارات في الزحمة

بالعكس هي اصلا حق التزرق .. وماتصرف بترول بعد

[ضوى]

بجد زهقنامافي حلول جذرية؟!

[رجل مثالي]

الحل لهذه المشكلة زيادة عدد الجسور والانفاق واشارات المرور وزيادة الطرق الفرعية

وعمل شوارع خاصة للشاحنات والسيارات الكبيرة

[(المهندس)]

الحل لهذه المشكلة زيادة عدد الجسور والانفاق واشارات المرور وزيادة الطرق الفرعية

وعمل شوارع خاصة للشاحنات والسيارات الكبيرة

اما الشاحنات لحالها قضية تحصلهم سايقين بسرعة في اضيق الشوارع

ولا حياة لمن تنادي

[غير البشر]

مشكله الزحمه اخوي خلاص بتكون المشكله ازليه

والسبب
ان مافي نسبه وتناسب بين العدد الي يدخل البلد من وافدين وعماليه وسياح
وبين اصلاحات وتوسعه الطرق

نسبه الناس الوافده اكبر بكثير من عمل شركات اصلاح الطرق عندنا
من جذي اذا استمر الوضع على ماهو عليه
مايفنع الترقع في الشوارع والاصلاحات الجاريه وراح تزيد الزحمه اكثر واكثر

[(المهندس)]

مشكله الزحمه اخوي خلاص بتكون المشكله ازليه

والسبب
ان مافي نسبه وتناسب بين العدد الي يدخل البلد من وافدين وعماليه وسياح
وبين اصلاحات وتوسعه الطرق

نسبه الناس الوافده اكبر بكثير من عمل شركات اصلاح الطرق عندنا
من جذي اذا استمر الوضع على ماهو عليه
مايفنع الترقع في الشوارع والاصلاحات الجاريه وراح تزيد الوحمه اكثر واكثر

هذا واحنا بالبداية الله يعين بعد سنتين

[ارين]

اي والله تعبنا ..

بلادنا وشوارعنا غير مهيئة لهـ الأعداد الهائلة من الأجانب ولسياراتهم ..
والمشكلة إنهم في ازدياد .. والله المستعان

ولحل هالمشكلة في رأيي والتي كان من المفترض أن يخطط لها في استشرافهم للمستقبل ..
هو توسعة الامتداد الأفقي لمدينة الدوحة
وضواحيها والمناطق الأخرى المحيطة بها تدريجياً إلى أن تشمل جميع مناطق قطر ..

وتأهيلها بالمنشآت الحيوية على حسب احتياجات السكان كما هو الحاصل في دولة الإمارات ..

بدلاً من التركيز والهدم والبناء في نفس المكان وهو الذي أدى لتفاقم مشكلة الازدحام أكثر وأكثر ..

وما صاحبه من اختناقات مرورية والحوادث اليومية والتعطيل في السير
الذي أثر على شئوننا الحياتية من أعمال ومواعيد .. الخ.

[(محمد)]

الاسراع في انشاء محطة القطارات الارضية (السب وي) وعدم اعطاء رخص سياقة للاجانب (العمال) لمن يملكون دخل اقل من مبلغ كذا وكذا .

[نجدي قطري]

الحل لهذه المشكلة زيادة عدد الجسور والانفاق واشارات المرور وزيادة الطرق الفرعية

وعمل شوارع خاصة للشاحنات والسيارات الكبيرة

وتسكير حنفية الوافدين إلين تخلص هالمشاريع اللي تاخذ وقت طويل
ومحاسبة أشغال على أي تأخير

[(المهندس)]

اضيف على كلامكم تصرفات بعض السائقين الاسيويين واللي تزيد المعاناه بالشوارع مثلاً

واحد يسوق بسرعة محدده وماسك اليسار ومايفتح الخط
واخر يسوق بالزحمة وخايف يدش في الدوار وبطيئ بتحريك سيارته
غير وقوفهم بالشوارع الضيقه عند دكان او محل والسيارات وراه طابور

يومياً على الحالة

[نجدي قطري]

اضيف على كلامكم تصرفات بعض السائقين الاسيويين واللي تزيد المعاناه بالشوارع مثلاً

واحد يسوق بسرعة محدده وماسك اليسار ومايفتح الخط
واخر يسوق بالزحمة وخايف يدش في الدوار وبطيئ بتحريك سيارته
غير وقوفهم بالشوارع الضيقه عند دكان او محل والسيارات وراه طابور

يومياً على الحالة

ولا تنسى الهرانة اللي عَمّال على بَطّال.

[Dark_QTR]

هم القطريين الي مسببين الزحمة في البلاد؟؟؟ سافروا اقعدوا سيم سيم رفيق

[ام ناصر1]

احس هالمشكلة من المشاكل الي مالها حل ....ومالنا الا الصبر

[Mohammed2]

دام هاذي المشكلة حاصلة ولابد منها
ليش مانفكر نقلب هذي المشكلة الى شي ايجابي

مثلا مثل ماقال اخوي في رد سابق ان تسمع سيرة الأنبياء
وأنصح في الاستماع الى حياة الانبياء للشيخ ابراهيم الكفيف العجمي
الصراحة ماودي اوصل المكان اللي رايح له عشان اسمع القصه كاملة
واللي يبي السلسله انا بنسخها له على فلاش ميموري
بالاضافه الى قصص امهات المؤمنين

ترى الاستماع الى هذي القصص الجميلة يجعل الوقت يمر بسرعه
ولاتحس في الزحمه نهائيا
وأقول هذا الكلام لأني مجرب واستفدت الكثير من هذه القصص

أو تقدر تنزلها من النت

[معماري قطري]

احس هالمشكلة من المشاكل الي مالها حل ....ومالنا الا الصبر

الحل في التثقيف المروري الإجباري عن طريق محاضرات مدفوعة الثمن من المخالف ومجبور على حضورها والانتباه للمحاضر، وهذي ممارسة في أمريكا وجربت حضورها مره.

والمفروض مخالفة الكثيرين في مخالفات السواقة بخطورة والسواقة البطيئة جداً والإستهتار بحقوق الغير .. اليوم انا دخلت صوب كيوتل اللي في السد ناسي ان إجازة وطلعت سرعة الا واحد على طرف المخرج عربي يسولف في التلفون وواقف معطل اللي وراه، وبعدها واحد ثاني واقف على الشارع ومخلي فتحة للمرور بسيطة جداً ونازل من سيارته وبعد عربي، وبعد شوي واحد قطري صاف عند عش البلبل بالعرض مخلي فتحة صغيرة يقدر يمر منها المرور وبصعوبه والبعض يوقف فترة يفكر شلون يمر .. بعد ما سجلت رقم الثاني وكلمته انه بيتخالف قلت في نفسي حرام سيستم البلاد هشكل والكل من حقه يخالف.

نجي عند الإشارات يعجبوني من يكونون في البداية، هذيلا من مختلف الجنسيات أنانيين ويوقفون لحظات طويلة بإنتظار الهرن وراهم علشان ينتبهون ويلتفتون ورا بدال ما يشوفون الإشارة، وبعدها يبققون عيونهم عدل في الإشارة وتمر لحظات عصيبة على بعض اللي ورا وبعضهم لين ينزل الهاندبريك وحتى بعضهم مبند السيارة لين يشغلها مرت لحظات طويلة على المستعجل، ولين يمشون شكل ما نقول " يا دهينه لا تنكتين " .. جنها عروس تمشي ليلة زفافها والسواق حنون للغاية على السيارة اللي سعرها ما يوصل راتب شهرين من راتبه، وبعد تكون مرت لحظات طويلة وكم سيارة بس وتستوي الإشارة حمراء ويكونون بدال ما يطوفون 50 سيارة يطوفون 30 سيارة بسبب سواقة البعض.. وهذي يبي لها مخالفة وبدون تردد، وأمس شفت واحد يسوق ببطيء مميت حول 40 كيلو في شارع سرعته 100 وبدون مبالغة كانت السيارة الفان الصغيرة السوزوكي، والظاهر فيها خلل ويسوق في الخط الأوسط ومشغل الإشارات لتنبيه الباقين لكن سواقته خطره وتسبب خطر على الكل والمفروض يوقف وينقل سيارته بسيارة نقل، وكان يسوق على شارع 22 فبراير سيء الذكر.

[بن موسى]

معقول يا اخوان الازدحام الشديد هذه الايام والى متى هذه المعاناه والله تعبنا مشوار ربع ساعه ياخذ ساعه ويضيع الوقت في توصيله او مشوار صغير

ماذا سوف يحدث في السنوات القادمة هل سوف تتضاعف المعاناه لقد اصبحت معاناه يومية في شوارع الدوحة والله المستعان

عدم اللاتزام بالخطوط الارضية هو اكثر سبب من وجهة نظري في الاختناقات المرورية عند مداخل ومخارج الطرق-

[(المهندس)]

الحل في التثقيف المروري الإجباري عن طريق محاضرات مدفوعة الثمن من المخالف ومجبور على حضورها والانتباه للمحاضر، وهذي ممارسة في أمريكا وجربت حضورها مره.

والمفروض مخالفة الكثيرين في مخالفات السواقة بخطورة والسواقة البطيئة جداً والإستهتار بحقوق الغير .. اليوم انا دخلت صوب كيوتل اللي في السد ناسي ان إجازة وطلعت سرعة الا واحد على طرف المخرج عربي يسولف في التلفون وواقف معطل اللي وراه، وبعدها واحد ثاني واقف على الشارع ومخلي فتحة للمرور بسيطة جداً ونازل من سيارته وبعد عربي، وبعد شوي واحد قطري صاف عند عش البلبل بالعرض مخلي فتحة صغيرة يقدر يمر منها المرور وبصعوبه والبعض يوقف فترة يفكر شلون يمر .. بعد ما سجلت رقم الثاني وكلمته انه بيتخالف قلت في نفسي حرام سيستم البلاد هشكل والكل من حقه يخالف.

نجي عند الإشارات يعجبوني من يكونون في البداية، هذيلا من مختلف الجنسيات أنانيين ويوقفون لحظات طويلة بإنتظار الهرن وراهم علشان ينتبهون ويلتفتون ورا بدال ما يشوفون الإشارة، وبعدها يبققون عيونهم عدل في الإشارة وتمر لحظات عصيبة على بعض اللي ورا وبعضهم لين ينزل الهاندبريك وحتى بعضهم مبند السيارة لين يشغلها مرت لحظات طويلة على المستعجل، ولين يمشون شكل ما نقول " يا دهينه لا تنكتين " .. جنها عروس تمشي ليلة زفافها والسواق حنون للغاية على السيارة اللي سعرها ما يوصل راتب شهرين من راتبه، وبعد تكون مرت لحظات طويلة وكم سيارة بس وتستوي الإشارة حمراء ويكونون بدال ما يطوفون 50 سيارة يطوفون 30 سيارة بسبب سواقة البعض.. وهذي يبي لها مخالفة وبدون تردد، وأمس شفت واحد يسوق ببطيء مميت حول 40 كيلو في شارع سرعته 100 وبدون مبالغة كانت السيارة الفان الصغيرة السوزوكي، والظاهر فيها خلل ويسوق في الخط الأوسط ومشغل الإشارات لتنبيه الباقين لكن سواقته خطره وتسبب خطر على الكل والمفروض يوقف وينقل سيارته بسيارة نقل، وكان يسوق على شارع 22 فبراير سيء الذكر.

ملاحظات جديرة بالذكر ونعاني منها كل يوم

[(المهندس)]

دام هاذي المشكلة حاصلة ولابد منها
ليش مانفكر نقلب هذي المشكلة الى شي ايجابي

مثلا مثل ماقال اخوي في رد سابق ان تسمع سيرة الأنبياء
وأنصح في الاستماع الى حياة الانبياء للشيخ ابراهيم الكفيف العجمي
الصراحة ماودي اوصل المكان اللي رايح له عشان اسمع القصه كاملة
واللي يبي السلسله انا بنسخها له على فلاش ميموري
بالاضافه الى قصص امهات المؤمنين

ترى الاستماع الى هذي القصص الجميلة يجعل الوقت يمر بسرعه
ولاتحس في الزحمه نهائيا
وأقول هذا الكلام لأني مجرب واستفدت الكثير من هذه القصص

أو تقدر تنزلها من النت

جزاك الله خير اخوي ياليت تنزلها

[(المهندس)]

عدم اللاتزام بالخطوط الارضية هو اكثر سبب من وجهة نظري في الاختناقات المرورية عند مداخل ومخارج الطرق-

صحيح هو جزء اساسي من المشكلة ولكن احياناً مايمديك تشوف الخط من عفسة السيارات

[Mohammed2]

جزاك الله خير اخوي ياليت تنزلها

بس سو بحث في جوجل واكتب حياة الانبياء ابراهيم الكفيف العجمي
تقدر تحمل ملفات mp3 للقصص

أو تحصل السيديات تنباع في محلات التسجيلات الاسلاميه

حياة الانبياء
و
امهات المؤمنين

[أم محمد 90]

ودي اشتري سيارة توايرها تباعد عن بعض عشان امر من فوق السيايير واكمل دربي

وسيارة فيها بكس من قدام عشان اذا واحد يستهبل قدامي اطلع البكس اضربه اطيره واكمل دربي هههههههههههه خيالات وسيعه :rolleyes:

الظاهر احنا لازم نطور سياراتنا عشان تتماشى مع الزحمة لول
او نستمر على السيارات الكبيرة مثل الكروزر نصعد رصيف ونريح راسنا

[أم محمد 90]

الحل في التثقيف المروري الإجباري عن طريق محاضرات مدفوعة الثمن من المخالف ومجبور على حضورها والانتباه للمحاضر، وهذي ممارسة في أمريكا وجربت حضورها مره.

والمفروض مخالفة الكثيرين في مخالفات السواقة بخطورة والسواقة البطيئة جداً والإستهتار بحقوق الغير .. اليوم انا دخلت صوب كيوتل اللي في السد ناسي ان إجازة وطلعت سرعة الا واحد على طرف المخرج عربي يسولف في التلفون وواقف معطل اللي وراه، وبعدها واحد ثاني واقف على الشارع ومخلي فتحة للمرور بسيطة جداً ونازل من سيارته وبعد عربي، وبعد شوي واحد قطري صاف عند عش البلبل بالعرض مخلي فتحة صغيرة يقدر يمر منها المرور وبصعوبه والبعض يوقف فترة يفكر شلون يمر .. بعد ما سجلت رقم الثاني وكلمته انه بيتخالف قلت في نفسي حرام سيستم البلاد هشكل والكل من حقه يخالف.

نجي عند الإشارات يعجبوني من يكونون في البداية، هذيلا من مختلف الجنسيات أنانيين ويوقفون لحظات طويلة بإنتظار الهرن وراهم علشان ينتبهون ويلتفتون ورا بدال ما يشوفون الإشارة، وبعدها يبققون عيونهم عدل في الإشارة وتمر لحظات عصيبة على بعض اللي ورا وبعضهم لين ينزل الهاندبريك وحتى بعضهم مبند السيارة لين يشغلها مرت لحظات طويلة على المستعجل، ولين يمشون شكل ما نقول " يا دهينه لا تنكتين " .. جنها عروس تمشي ليلة زفافها والسواق حنون للغاية على السيارة اللي سعرها ما يوصل راتب شهرين من راتبه، وبعد تكون مرت لحظات طويلة وكم سيارة بس وتستوي الإشارة حمراء ويكونون بدال ما يطوفون 50 سيارة يطوفون 30 سيارة بسبب سواقة البعض.. وهذي يبي لها مخالفة وبدون تردد، وأمس شفت واحد يسوق ببطيء مميت حول 40 كيلو في شارع سرعته 100 وبدون مبالغة كانت السيارة الفان الصغيرة السوزوكي، والظاهر فيها خلل ويسوق في الخط الأوسط ومشغل الإشارات لتنبيه الباقين لكن سواقته خطره وتسبب خطر على الكل والمفروض يوقف وينقل سيارته بسيارة نقل، وكان يسوق على شارع 22 فبراير سيء الذكر.

ههههههههههههههههههههههههه واقع نعيشه يوميا
واكثر مايقهرني اذا الاشارة لحين توها بدت تجهز تصير صفرا وعقب حمرا
يجيك هالاجنبي يوقف من الحين ويرفع الهاند بريك
زين للللللللللللحين في مجال تروح تووووها ماصارت حممرررا!!