ابي حل مع هالحشره

[basma222]

السلام عليكم

عندي مشكله وابي حل لها

انا ساكنه في فيلا في الخيسه من سنتين ونص ولا عمري شفت حشرة عندنا ومن اسبوعين سافرت العمرة وكان عندي خادمه اندونسيه يوم قلت لها بسافر وبخليج عندنا ناس من اهلي قالت لالا انا ما ابي اروح مكان ابي اسافر وسافرت ويوم رجعت من العمرة حصلت حشرة غريبه تطلع في الصاله وكل يوم انظف البيت بديتول ولا اشوف شىء واذا نمنا وقمنا في الصباح نحصل الحشرة طلعت تطلع بس في الصاله وفي الليل مع العلم نظفت الفيلا كلها الغرف والميلس والصاله وحتى الكنب والطاولات غيرت مكانهم ونظفت تحتهم وحتى تحت الدرج نظفت ولا تم شىء في الفيلا الا حركته من مكان ولا حصلت اى حشرة في الفيلا بس في الليل تطلع من وين ما ادري الحوش ما فيه الطابق الثاني ما في والمليس ما فيه المطبخ ما فيه بس تطلع فالصاله

والحشره شكلها غريب ما اعرف نوعها

وهاذي صورتها

http://i.imgur.com/mW7sBBT.jpg

[حسن]

يقولون الاول اذا الله اراد زوال النمله سوى لها جنحان

يمكن هذه هي واخبر تطلع على اواخر الشتاء

فتره وبتروح

[basma222]

اخوي حسن شكلها مو نمله ومن وين تطلع طول اليوم الصاله ما فيها شىء والابواب مسكرة وين تدخل النمله
وما تطلع الا في الليل
مشكور على المرور

[بن غيث]

مثل ما ذكر الاخ حسن .. نوع من النمل المجنح

استعينوا بالله وأكثروا من الصلاة والدعاء ليصرفه عنكم

وأبحثوا عن شركات لمكافحة هذا النوع من الحشرات

وأن شاء الله بيختفي من بيتكم ..

[تاج الحياء 2]

كانت تينا هالحشرة وقت المطر وماتطير بس اجنحه عالفاضي ههههه وبعد فتره تطيح الأجنحه وتختفي الحشرة مدري وين تروح كنا ننظف ونسوي كل شي بس هم مافي فايده بروحها كانت تختفي بعد المطر بيومين او ثلاث

[راشد محمد]

حطي ايات الحرب في الصالة

[رذاذ]

اتوقع اكل الخشب ..

شيكي ع الابواب وحبذا لو تفكرين بتجديد صبغة الباب او عمل لمعة لن ريحة الصبغ والمواد البترولية تبعدهم

[غير البشر]

وين حصلتيهااا اختي :omg:
اخر مره شفتها يمكن من 20 سنه مالها وجود الحين

نخبر كنا نشوفها وقت الشتاء بالخشب تحفر الخشب
وخاصه اذا المكان مندي او جايه مطر
وتحب الخشب للين المشرب باالماي

[basma222]

وين حصلتيهااا اختي :omg:
اخر مره شفتها يمكن من 20 سنه مالها وجود الحين

نخبر كنا نشوفها وقت الشتاء بالخشب تحفر الخشب
وخاصه اذا المكان مندي او جايه مطر
وتحب الخشب للين المشرب باالماي

انا ساكنه الفيلا من سنتين ونص ولا شفت شىء بس من اسبوعين سافرت العمرة رجعت حصلت الصاله مليانه منها

[غير البشر]

انا ساكنه الفيلا من سنتين ونص ولا شفت شىء بس من اسبوعين سافرت العمرة رجعت حصلت الصاله مليانه منها


اختي فضي الصاله من الاغراض
وحطي نايلون على الكراسي غطيها زين
وكلمي شركه ترش بالصاله
عندهم نوه جديد من الرش ماله ريحه ولا خطر على الصحه
بس للأحتراز لاتدخلونها الا بعد تنظيف الصاله

[الزلزال]

اعتقدر هذا موسميه
وانت ساكن في الخيسه
والله اعلم

[شموخ دائم]

,

,


مرحبا

اختي الكريمه

هذي الحشره معروفه بقطر وهي نوع من النمل
ويطلع ويتكاثر بعد سقوط المطر لانه يعيش في الاماكن الرطبه
من الواضح ان في الصاله مكان يصيده الماي او فيه رطوبه
تاكدي من كل مكان فيه خشب او ممكن يكون ( رطب )
خشب الابواب خشب الكراسي او في حمام مفتوح على الصاله
مكان موظاهر للعين فتشي بهدوء وين ممكن يكون فيه رطوبه
( بين فتحات السيراميك )

ونصيحه لله
لاتربطين سفر الخادمه مع هذه الحشره او امور لمحتي لها
:)

هذي الحشره معروفه بقطر
تطمني


,

,


اخوك


شموخ دائم

[دانة الطواش]

كلام الاخ شموخ صح وهذا نوع من النمل يجي من الرطوبة وأكيد دخل الصالة من فتحة في السيراميك او زوايا الأبواب ، تأكدي من إغلاق هالفتحات بواسطة المعجون الخاص بالسيراميك واذا البيت مافيه أطفال في الجمعيات ينباع مادة لها رائحة قوية عبارة عن كور بيضة والله ماعرف اسمها رائحتها تبعد وتقتل الحشرات .

[قرنقووش]

هاذي صح شفتها قبل سنتين بعد المطر تتمشى فالحوش

صورتها بهد :)

اتصلي البلدية يحطونلج بيف باف بودر وان شاء الله خير