شنو الافضل من خبرتكم

[BU_7MD]

السلام عليكم

اخواني انا ناوي اشتري سياره

وفخاطري اخذ اما مرسيدس اس 350 او اس 500 او رنج سبورت سوبر شارج

موديل 2010 او 2011

فشنو تنصحوني اخذ من بين هالـ 3 سيارات

[qatari-vip]

المرسيدس بتغير 2014 حرام تأخذ ه لا إذا بتاخذ 2006 أو 2007 ويكون 350 وياريت يكون مجدد2011 ويكون سعره حلو

الرنج يقلون الوكالة بينزل 2015 الشكل الجديد حاول تحصل 2010 ويكون بكت آتش اس تي يكون افضل وما يكون من داخل اسود

أنا عن نفسي أرجح الرنج بس يكون سبورت لان الفوج نزل الشكل الجديد

بتوفيق

[وطن]

الاس راح يتغير شكله قريب
وكانت الوكالة مسويه عليه عرض

توقع ينزل الشكل الجديد خلال هذه السنة

اذا ما يهمك الشكل
توكل على الله واخذه

[لاجئ عاطفي]

انا عندي رنج سبورت والموتر ماعليه كلام خصوصا اذا عليه ضمان اما اذا بدون فابعد عنه لان مشاكله كثيره خصوصا الهدروليك واذا عندك اسره وعيال بعد ماينفع ينفع لعزوبي لان كراسيه الخلفيه ضيقه اما دون ذلك فهو موتر ماعلبه كلام من ناحية قوته ورزته وكشخته

[وحيد-الشوق]

اذا انت من النوع الي مايفكر في السعر وقت البيع والشكل اذا تغير خذ الي يميل له قلبك وعقلك اكثر

المرسيدس شكله بيتغير السنة الجايه بالكثير والرنج سبورت يقولون 2015 والله اعلم

لو تحدد ميزانيتك ممكن نفيدك بخيارات اخرى :)

والله الموفق

[BU_7MD]

تسلموووون على النصيحه

ميزانيتي 250000

واذا على موتر عائلي .. انا عندي موتر عائلي .. بس ابي موتر ثاني

[العميد الركن]

انا عندي رنج سبورت والموتر ماعليه كلام خصوصا اذا عليه ضمان اما اذا بدون فابعد عنه لان مشاكله كثيره خصوصا الهدروليك واذا عندك اسره وعيال بعد ماينفع ينفع لعزوبي لان كراسيه الخلفيه ضيقه اما دون ذلك فهو موتر ماعلبه كلام من ناحية قوته ورزته وكشخته

أكيد الي عندك موديل قديم لان من 2008 وطالع انحلت مشاكل الهدرولك

راعي الموضوع أكيد رنج روفر

موتر قوي وقليل خرابات وقطع الغيار جيبها من دبي لانها ربع سعر الدوحه المحتكرين

[أبوهيا]

صراحه الرنج راحت هيبته صار حاله حال الكروزر بكل مكان موجود وكل من هب ودب عنده
يعني تكون ب2012 حذاك واحد 2005 مجدده 2012

[فيصـــل]

نصيحتي لك يالذيب لاتاخذ هذا ولا ذاك

الاس بيتغير والرنج بيتغير ، انطر وخذلك الشكل الجديد