سؤال عن سيارة الكوماروا ss

[مونت بلانك]

يالربع ابي استسفر عن سيارات الكوماروا اس اس
انا ريال ماعمري شريت لي سياره سبورت
وخاطري بسياره سعرها معقول فياليت تتكرمون بمساعدة اخوكم وتردون على سؤالي
واكون لكم من الشاكرين وياليت تتكلمون بكل صراحه والي يرحم والديكم
هل السياره فيها مشاكل وكالة الشفر فيها مشاكل عيوب مصنعيه الحراره المكيف ومن هالامور :omen2:

[مونت بلانك]

ماشاء الله

[مونت بلانك]

تبارك الرحمن

[الزلزال]

الشباب يفيدونك ان شاء الله

[مونت بلانك]

محد فادني للأسف

[وحيد-الشوق]

الموتر كشكل خارجي رووعة وكقوة ايضا بس الداخليه تلوع الجبد

كانت عندي السيارة موديل 2012 وخذتها بسعر حلو بعد ماشيه 5000 فقط وعليها اقزوز بورلا وفلتر هالكلام من 9 شهور كنت دووم اشوف الموتر وافكر اشتريه اهون عقب قررت اخذه ولما خذته وتحسفت صدقني موتر مايسوى وداخليته بلاستيك تحس مواد رخيصه لاشاشه والطبلون يلوع الجبد بس الكراسي زينه :)

انا ما ابي اذم في الموتر بس انا اقولك تجربتي شريت السيارة وبعتها بعد 5 ايام استخدام لاشوارع تساعد ولاهم يحزنون مادري شلون هالعالم تسوق كورفيت وفيراري في الدوحة !!

من ناحية المشاكل ما اقدر افتي لك بس السيارة عليها ضمان 12 سنة اتوقع موديلات 2012 وطالع بس الوكالة محد يمدحها والسيرفس كل 10000 كم وتروح الصناعية الموتر يتكسر من الحفر

[freespirit]

السياره زينه بس ما تعتبر سبورت .. لو تدز مع جيب اس ار تي راح عليك ههههههه

لو داخله مزاجك السياره لاتخليها في خاطرك .. ماسمعت لها مشاكل والله بس سعرها يطيح يعني اخذ لك مستعمله احسن

تبي نصيحتي خذ لك موستنج .. الجديده صدق تعتبر سبورت, توني بايع اللي عندي والله مجبور ولا ما بعتها

تحياتي

[العودي V.X.R]

مرحبا اخوي

الموتر لايعلي عليه قوي ورزه والحمد لله لحد الان ماعانيت من شي منه صب بترول وامش وسواقته حلوه بصراحه تطرب بس ماتتقارن بالموستنج من الداخل والسيرفز عادي في الشركه.

بس مثل ماتفضلوا الاخوان شوارعنا تعابنه يعني لازم اتحاسب.

واذا بخاطرك توكل علئ الله.

[مونت بلانك]

بيض الله وجيهكم عالردود بالنسبه لاخوي العودي نصحتني بالموستنج مادري هل الموستينج او شركة الفورد احسن من الشفر في للخدمه والمعامله
واذا خذت لي موستينج طررربته مثل الكومارو

[العودي V.X.R]

والله ياخوي ((مونت بلاك )) كل موتر وله ميزته. انا عن نفسي يوم خذت الكامارو عشقتها وصج انها فاضيه من الداخل بس لمساتها وتصميمها حلو. وعلي حسب تضبيطك بعد

اما الموستنج فيها رفاهيه من الداخل مثلا شاشه واضاءه عند الدواسات.
بس في كذا واحد من الربع ذموا في الموستنج ان الفيول بمب يضرب. بس مادري والله

وبعد لاتستعيل اسال عن الموترين وجوف خاطرك وين يوديك
واذا ودك اتجوف واتجرب الكامارو انا حاظر اخوي.

[فيصـــل]

الشيخ الموتر اتوقع والله يعلم انه ممتاز كاستعمال يومي وتطلع فيه فالصيف ولا الشتا حر ولا برد ماعندك مشكله، واذا الموتر عالضمان بعد ولا تحاتي شي، وانزلت الكومارو الجديدة zl1 اللي عليها سوبر

انا بصراحه الموتر ماجربته وماسقته بس مثل منت شايف الموتر منتشر والناس تسوقه ماعندها مشكله

واذا تبي موتر احلى من وجهة نظري عندك الجالنجر، ولو فلوسك كاش اطلبلك وحده من امريكا بمواصفات ولا اروع وشكل لا يعلى عليه.

[qews]

شي غريب البعض يقارن الموستنج مع الكمارو من داخل !! صج انهم الاثنين سيئيين من داخل بس الموستنج مساه يذكرتني من داخل ب سياره اسمها تيرسل

اخوي بهدف استخدامي للكمارو 2010 من الوكاله وحتى الان الحمدالله لا مشاكل ولاشي والان ماشيه 70 الف ..

وبنسبه للاخ الي يقولك من امريكا ( فعلا من امريكا ارخص بفرق 30 الى 50 الف يعتمد على السياره)
بس حطها في بالك اذا بتبيع السياره المشتري بيضرب بسعر السياره كان جايبها من جهنم كل شوي بيقولك وارد امريكا و و و و وبتتحسر

انا اقولك اشتر من الدوحه افضل لك ولا تعور راسك

وبخصوص السيرفس
المانع والجيده كلهم اطقع من الثاني
المانع بكل صراحه بيبعك السياره وعقبها دبر نفسك مع الوكاله التعبانه السيرفس والغطع غيار نار ( اكلمك بهد تجربتي للنكنور)

الجيده افضل منه بشوي

الحين في هالزمن الواحد يشتري السيرفس ويرتاح مالك الا المناعي خدمه ولاافضل

ولك حريه الاختيار وشكرا