شركة تريس للديكور الداخلي والتصميم

[المريش]

السلام عليكم

من سمع او تعامل مع شركة تريس للتصميم الداخلي والديكور

[Markets]

انا اعرف صاحب الشركة و تعاملت معاهم في كذا شغلة لي و حق ناس اعرفهم
شغلهم ممتاز بالنسبة لشركات الديكور و سعرهم جيد

اي استفسار ممكن على الخاص

بالتوفيق

[المريش]

يعطيك العافيه

[نور الحور]

أخوي والله إني كنت ناوية أفتح موضوع عن شركة تريس ..
حاسب حاسب منهم .. وعن تجربة والله

أختي تبني فيلا .. وشافت إعلان لهم واتصلت لهم وهي للحين توها في مرحلة المخطط .. تعاملت مع مصمم اسمه (ساري) .. مماطل لآخر درجة ويومه بسنة ..ولا شافوا هي وزوجها منه حق ولا باطل ..
بعد فترة نزلوا إعلان في الجريدة عن الأسقف الفرنسية راحت اتصلت فيهم تستفسر مع إن ما كان في نيتها تصمم عندهم بعد ذيج التجربة.. كلمها المصمم (يوسف) .. وشرح لها عن الأسقف ..وحسته فاهم قامت قالت له إنها كانت تبي تتعامل معاهم لكن المصمم ساري مراوغ .. قال لها (يوسف) آسفين هذي غلطة وبالفعل المصمم ساري من النوع غير الدقيق وكلام كثير ..وقال لها ابشري .. وبنعطيج خصم خاص تعويض عن اللي حصل وكلااااام ووعود لها أول مالها تالي ..
المهم جا وقابلهم هي وزوجها .. وكان من كلامه باين إنه فاهم ورواهم صور وشغلات من تنفيذهم .. واتفقوا يعطيهم تصميم مبدئي لغرفة إن عجبهم تعاقدوا معاه لكل الفيلا وهو وافق .. وحتى قال ممكن اصمم لكم كامل البيت مجانا !!! بس بشرط (تكرفين) لي مصممة جديدة مصرية عندهم .. يعني بلفيت يدربها ..لكن أختي قالت بس تبي تشوف تصميم لغرفة عشان تقرر إن كان الشغل يسوى ولا لا ..
لكن تم يماطل فترة وبعدين أرسل لهم تصميم من مصممه عندهم في مكتب الأردن كان تصميم أي كلام .. شفته .. أقل ما يقال عنه إنه سيء جدا ولا يمت للذوق بصلة !!!
بعدين اعتذر عن هالتصميم و قال خلاص أنا طردت المصممة الأردنية !! و أنا اللي بصمم لكم بنفسي .. وتم على المماطلة والكذب واللف والدوران ..
تقول أختي للأسف كان يبين من كلامه إنه فاهم لكن كذبه مو طبيعي .. تم يماطل 3 شهور وكل مرة يقول اللحين بيوصلكم التصميم .. واللحين بس ارجع المكتب ارسله بالإيميل ..
حتى عند هالشركة شغل حجر للواجهات .. زوج أختي من حماسه أول ما تعاملوا معاه عرف (يوسف) هذا على واحد من اصدقائه واللي كان يبي يسوي واجهة حجر .. وبالفعل تم (يوسف) يشرح له ويوعده.. وبعدين يماطل ولا يبين له أثر ..حتى هو انحرج قدام رفيجه
أختي تقول أنا كنت متأمله إني طحت على واحد فاهم .. وفوق هذا سعره زين .. لكن طلع كذاب بشكل مو طبيعي .. وقالت لي اكتبي موضوع يحذر من هالشركة وبالأخص اللي المصمم اللي اسمه (يوسف) .. عشان ما يطيح فيها ناس ثانيين ..

[Chambray]

انا اعرف صاحب الشركة و تعاملت معاهم في كذا شغلة لي و حق ناس اعرفهم
شغلهم ممتاز بالنسبة لشركات الديكور و سعرهم جيد

اي استفسار ممكن على الخاص

بالتوفيق

دامك تعرفه اكيد بتمدح شغله :nice:

وليش على الخاص ،، خل كل شئ على العام

[ولد المنصور]

استغفر الله العظيم

[نور الحور]

دامك تعرفه اكيد بتمدح شغله :nice:

وليش على الخاص ،، خل كل شئ على العام



ما شاء الله عليك .. ردك ذي خلاني ادخل على مشاركات هالعضو .. وتوقع شلقيت؟

امبيه اكتشفت انه هو شركة تريس .. هذا رده (ما قدرت اقتبسه فسويت له كوبي بيست) في موضوع بعنوان (مطلوب لشركة كبيرة ) :

http://www.qatarshares.com/vb/showpost.php?p=6628825&postcount=9
شركة تريس

متخصصون في الاعلانات و استضافة المؤتمرات و المعارض و مواقع الانترنت و توفير موظفات استقبال الضيوف بالمعارض و لدينا تصميم داخلي و
جميع انواع المطبوعات و الغرافيك و تصميم الازياء الخ ...

من عملائنا

السفارات و الوزرات و الفنادق و غيره

شارع سلوى

المراسلة على الخاص و حياك الله







صراحة ليمتى هالنصب والاحتيال ..نعامل الناس بثقة وحسن نية وشوف شنهو نكتشف :anger1:

[بن غيث]

ما شاء الله عليكِ يا نور الحور ..

ههههههههه .. صايدتهم .. :nice:

http://www7.0zz0.com/2013/02/16/00/227991931.png

[نور الحور]

ما شاء الله عليكِ يا نور الحور ..

ههههههههه .. صايدتهم .. :nice:

http://www7.0zz0.com/2013/02/16/00/227991931.png





:shy::shy::shy::shy::shy:

شسوي ..تعبنا والله من هالأشكال ..
الله يعينك والله يا بن غيث ..مجال شغلك على إنه حلو لكنه تعذيب تتعامل مع هالنوعيات :omen2:

[معماري قطري]

دامك تعرفه اكيد بتمدح شغله :nice:

وليش على الخاص ،، خل كل شئ على العام

هذا شغل التجار يا اخوي يستفردون ب " الضحية " قصدي العميل.

[معماري قطري]

ما شاء الله عليكِ يا نور الحور ..

ههههههههه .. صايدتهم .. :nice:

http://www7.0zz0.com/2013/02/16/00/227991931.png


ما شاء الله لا صج يا بن غيث الإستخبارات النسائية أفضل من استخباراتنا :telephone:

[معماري قطري]

انا قلت رايي من قبل فيمن يدعون بمختصين تصميم داخلي وهم سماسرة وحذرت منهم .. صدقوني أغلبهم هواة تصميم وبدون أُسس دراسية وعلم وشغلهم السمسرة .. وخصوصاً العرب منهم والتصميم ذوق وفن وإحتياج ما يعرفونه الا أصحاب البيت أو المحل وهم يحطون إحتياجاتهم وينسقونها ويشترونها براحتهم وحسب ميزانيتهم.. من أيام طلع لي واحد مصري .. إستشاري من طرف إخوي وهو معينه وورطني به .. جايب لي إضاءَة بس لبناية تجارية صغيرة بمساحة 1100 متر تقريباً ويقول لي التكلفة بسيطة طلعت .. قلت عطني رقم قول كم قال 25000 قلت زين باشوف المحل .. وخذت رقم مدير المبيعات الأُردني اللي تم يلف ويدور معاي وقال تعال العصر قلت وليش ما اجي بعد العشاء قال إحنا نسكر 6 .. قلت أول مره أشوف محل يسكر 6 قال لا احنا مكتب .. قلت عيل انا باكلف المقاول يركب ليتات هو بنفسه وانسى الموضوع لأني شميت ريحة تلاعب والليتات ما تكلف حتى 1000 ريال لو خذت النيون الموفر للطاقة وهو ما يحتاجونه الساكنين.

[سهم عتيج]

للاسف معظم المصممين الموجودين في قطر يحسبون اهل قطر عبارة عن ابار نفط
ولي تجربتين مع 2 من المصممين العرب

الاول بعد ماقعدت معاه اكثر من يومين وضيعت وقتي معاه تتوقعون كم طالب اتعاب التصميم بعد لف ودوران وخلاني على اعصابي احاول استفسر عن اسعاره وبعد ما استعرض عضلاته

طلب 600 الف ريال اتعاب تصميم ومتابعة فقط

وقلت له عيل كم الميزانية اللي لازم احطها عشان يوافق بيتي تصميمك

قاللي حوالي من ثمانية الى تسعة ملايين فقط لاغير :rolleyes2:

الثاني دفعت له 30 الف وعمل لي التصاميم وكانت حلوة بصراحة

بس المشكلة في التنفيذ بصراحة وايد مكلفة وصعب حد يقدر ينفذها غيره

والمشكلة انه طالب 30% من قيمة التنفيذ مقدما اذا بغيته ينفذ لي

يعني احط رقبتي في يده

لذلك بصراحة بعد ماعملت وحسبت واخذت عروض التشطيب شفت اني باذن الله راح اوفر مبلغ اكثر من نص مليون ريال اذا تخليت عن تصميمه ، يعني كاني حذفت 30 الف ريال اتعاب التصميم في الهواء على الفاضي وقلت بلا تصميم داخلي بلا خرابيط

اعتقد ان كل انسان يقدر يبدع باذن الله في بيته , ومش لازم يحط نفسه تحت رحمة المصممين المتعبين وطلباتهم اللي ماتنتهي وكانك انت اللي تخدمهم مب هم اللي المفروض يريحونك.


*

[Chambray]

للاسف معظم المصممين الموجودين في قطر يحسبون اهل قطر عبارة عن ابار نفط
ولي تجربتين مع 2 من المصممين العرب

الاول بعد ماقعدت معاه اكثر من يومين وضيعت وقتي معاه تتوقعون كم طالب اتعاب التصميم بعد لف ودوران وخلاني على اعصابي احاول استفسر عن اسعاره وبعد ما استعرض عضلاته

طلب 600 الف ريال اتعاب تصميم ومتابعة فقط

وقلت له عيل كم الميزانية اللي لازم احطها عشان يوافق بيتي تصميمك

قاللي حوالي من ثمانية الى تسعة ملايين فقط لاغير :rolleyes2:

الثاني دفعت له 30 الف وعمل لي التصاميم وكانت حلوة بصراحة

بس المشكلة في التنفيذ بصراحة وايد مكلفة وصعب حد يقدر ينفذها غيره

والمشكلة انه طالب 30% من قيمة التنفيذ مقدما اذا بغيته ينفذ لي

يعني احط رقبتي في يده

لذلك بصراحة بعد ماعملت وحسبت واخذت عروض التشطيب شفت اني باذن الله راح اوفر مبلغ اكثر من نص مليون ريال اذا تخليت عن تصميمه ، يعني كاني حذفت 30 الف ريال اتعاب التصميم في الهواء على الفاضي وقلت بلا تصميم داخلي بلا خرابيط

اعتقد ان كل انسان يقدر يبدع باذن الله في بيته , ومش لازم يحط نفسه تحت رحمة المصممين المتعبين وطلباتهم اللي ماتنتهي وكانك انت اللي تخدمهم مب هم اللي المفروض يريحونك.


*

الله يعوض عليك
شدعوه 600 الف لتصاميم و 6 مليون لتنفيذ !!
تروح اوروبا توقع مع اكبر شركة تنفيذ وتصميم ماتاخذ هلكثر !!!




انا والله واحد في السعودية مصمم ، صمم لي البيت كاااامل ب 25 الف وعدل على خرائط البيت ووزع لي الكهرباء وعطاني كتالوج عن بيتي بالالوان والوان الستاير وكل شئ
هالكلام من 2007 او 2006
وبلشت بناء في 2009
واحين قاعد اطبق نصايحه صراحة :nice:
لا جبت شركة تنفذ ولا شئ اشتغل على مجهودي في التنفيذ مع ان ماعندي خبره ابداً .. بس شاسوي ..

بس للاسف شكله صكر مكتبه كان في الدمام .. لاني كنت من اوائل الزباين له تلك الفترة ..

الي عجبني في اوروبا وقاعد انفذه في بيتي ان تصاميمهم بسيطة جداً وخاليه من التعقيد والفخامه الزايده عن اللزوم .. والبيت يطلع مرتب وحلو ويشرح الصدر

[نور الحور]

هههههههه .. معماري غصب طيب صرنا تحريات واستخبارات .. قبل كنا نثق ونقول هذولا أفهم منا ..
بصراحة وايد تجارب قريتها في المنتديات أو سمعتها بنفسي ما تشجع أبدا ..

احنا حاليا متعاقدين مع مصمم ديكور .. وصراحة دقيق في مواعيده .. بس عيبه إنه ما قاعد يترجم اللي نبيه .. نشرح له شي ويسويه لنا شي ثاني !
قلت خلاص مو مشكلة أنا أحب الديكور وبصمم البيت كله ما عندي مشكلة .. لكن مشكلة التنفيذ !
وين تجيب شركة موثوقة وأسعارها معقولة؟
الواحد يبي يفتك من الهم صاروا له هم الهم بحد ذاته ..
أنا مرة استفسرت من شركة القصر الكلاسيكي للديكور .. قال لي التصميم بس يبدا من 360 الف للفيلا العادية وهذا الكلام من كم سنة مو اللحين ..
صح بيكون الشغل متكامل لكن المبلغ وايد مبالغ فيه .. يعني هو يستهدف ناس معينيين !

انزين سؤال .. حد يعرف شركة تنفيذ تشتغل بذمة وضمير ؟

[سهم عتيج]

الله يعوض عليك
شدعوه 600 الف لتصاميم و 6 مليون لتنفيذ !!
تروح اوروبا توقع مع اكبر شركة تنفيذ وتصميم ماتاخذ هلكثر !!!


انا والله واحد في السعودية مصمم ، صمم لي البيت كاااامل ب 25 الف وعدل على خرائط البيت ووزع لي الكهرباء وعطاني كتالوج عن بيتي بالالوان والوان الستاير وكل شئ
هالكلام من 2007 او 2006
وبلشت بناء في 2009
واحين قاعد اطبق نصايحه صراحة :nice:
لا جبت شركة تنفذ ولا شئ اشتغل على مجهودي في التنفيذ مع ان ماعندي خبره ابداً .. بس شاسوي ..

بس للاسف شكله صكر مكتبه كان في الدمام .. لاني كنت من اوائل الزباين له تلك الفترة ..

الي عجبني في اوروبا وقاعد انفذه في بيتي ان تصاميمهم بسيطة جداً وخاليه من التعقيد والفخامه الزايده عن اللزوم .. والبيت يطلع مرتب وحلو ويشرح الصدر

نعم كل ماكان التصميم خالي من التعقيد كل ماكان اجمل واريح للنفس
انه اعتمدت على ان البيت يكون اصلا حلو ومهيأ لكل شيء من خلال اختيار الارتفاعات والاضاءة الطبيعية والظلال لكسر اشعة الشمس والحرارة ووسع الصالات والباقي بيترتب ان شالله

يعطيك العافية وعسى منزلك منزل مبارك ان شاءالله

[المريش]

ما شاء الله عليكم بدعتم

وهذي أحد فوائد المنتدى، مشاركة الخبرات حتى لا يقع أحد في مشكله، وقوم تعاونا ما ذلوا

الله يوفقكم

[Chambray]

ما شاء الله عليكم بدعتم

وهذي أحد فوائد المنتدى، مشاركة الخبرات حتى لا يقع أحد في مشكله، وقوم تعاونا ما ذلوا

الله يوفقكم

الله يوفقك ياخوي .. وان شاء الله هذا الردود تنفعك وتنفع غيرك ..

[Chambray]

نعم كل ماكان التصميم خالي من التعقيد كل ماكان اجمل واريح للنفس
انه اعتمدت على ان البيت يكون اصلا حلو ومهيأ لكل شيء من خلال اختيار الارتفاعات والاضاءة الطبيعية والظلال لكسر اشعة الشمس والحرارة ووسع الصالات والباقي بيترتب ان شالله

يعطيك العافية وعسى منزلك منزل مبارك ان شاءالله

ومن قال ياخوي سهم عتيج ..

[lady bird]

أخوي والله إني كنت ناوية أفتح موضوع عن شركة تريس ..
حاسب حاسب منهم .. وعن تجربة والله

أختي تبني فيلا .. وشافت إعلان لهم واتصلت لهم وهي للحين توها في مرحلة المخطط .. تعاملت مع مصمم اسمه (ساري) .. مماطل لآخر درجة ويومه بسنة ..ولا شافوا هي وزوجها منه حق ولا باطل ..
بعد فترة نزلوا إعلان في الجريدة عن الأسقف الفرنسية راحت اتصلت فيهم تستفسر مع إن ما كان في نيتها تصمم عندهم بعد ذيج التجربة.. كلمها المصمم (يوسف) .. وشرح لها عن الأسقف ..وحسته فاهم قامت قالت له إنها كانت تبي تتعامل معاهم لكن المصمم ساري مراوغ .. قال لها (يوسف) آسفين هذي غلطة وبالفعل المصمم ساري من النوع غير الدقيق وكلام كثير ..وقال لها ابشري .. وبنعطيج خصم خاص تعويض عن اللي حصل وكلااااام ووعود لها أول مالها تالي ..
المهم جا وقابلهم هي وزوجها .. وكان من كلامه باين إنه فاهم ورواهم صور وشغلات من تنفيذهم .. واتفقوا يعطيهم تصميم مبدئي لغرفة إن عجبهم تعاقدوا معاه لكل الفيلا وهو وافق .. وحتى قال ممكن اصمم لكم كامل البيت مجانا !!! بس بشرط (تكرفين) لي مصممة جديدة مصرية عندهم .. يعني بلفيت يدربها ..لكن أختي قالت بس تبي تشوف تصميم لغرفة عشان تقرر إن كان الشغل يسوى ولا لا ..
لكن تم يماطل فترة وبعدين أرسل لهم تصميم من مصممه عندهم في مكتب الأردن كان تصميم أي كلام .. شفته .. أقل ما يقال عنه إنه سيء جدا ولا يمت للذوق بصلة !!!
بعدين اعتذر عن هالتصميم و قال خلاص أنا طردت المصممة الأردنية !! و أنا اللي بصمم لكم بنفسي .. وتم على المماطلة والكذب واللف والدوران ..
تقول أختي للأسف كان يبين من كلامه إنه فاهم لكن كذبه مو طبيعي .. تم يماطل 3 شهور وكل مرة يقول اللحين بيوصلكم التصميم .. واللحين بس ارجع المكتب ارسله بالإيميل ..
حتى عند هالشركة شغل حجر للواجهات .. زوج أختي من حماسه أول ما تعاملوا معاه عرف (يوسف) هذا على واحد من اصدقائه واللي كان يبي يسوي واجهة حجر .. وبالفعل تم (يوسف) يشرح له ويوعده.. وبعدين يماطل ولا يبين له أثر ..حتى هو انحرج قدام رفيجه
أختي تقول أنا كنت متأمله إني طحت على واحد فاهم .. وفوق هذا سعره زين .. لكن طلع كذاب بشكل مو طبيعي .. وقالت لي اكتبي موضوع يحذر من هالشركة وبالأخص اللي المصمم اللي اسمه (يوسف) .. عشان ما يطيح فيها ناس ثانيين ..

طيب اختي يعني هو اكل عليكم فلوس واختفى؟
ولا بس مماطلات
لانه ناس كثير بتماطل هالايام ويمكن الشخص هذا يوسف عنده ضغط مثلا بالشغل
حرام قطع الارزاق اختي يمكن هو انسان مبدئ ما عنده خبرة او اي عذر اخر

[Chambray]

طيب اختي يعني هو اكل عليكم فلوس واختفى؟
ولا بس مماطلات
لانه ناس كثير بتماطل هالايام ويمكن الشخص هذا يوسف عنده ضغط مثلا بالشغل
حرام قطع الارزاق اختي يمكن هو انسان مبدئ ما عنده خبرة او اي عذر اخر

اعتقد رد الاخت واضح جداً ومافي داعي لاي رد آخر ..


يغلق الموضوع لاخذ كفايته من التعليقات والردود ..