استراحة الاسبوع ،، تحييكم ،، فمرحبا واهلا بكم ،،

[intesar]

ماشاء الله

[(محمد)]

ناس يضاربون على تجارتي

اصلا مب طبيعيه الصورة



المب طبيعي ارخص


:tease:




غير البشر .... ماعندي برواز ... خلاص خمسة ريال .. يالله (هاكونا متاتا) :waiting:




يعني مافيه مشكلة باللغة السواحيلية (لزوم الدعاية والاعلان) :funny:

[حسن]

ناس يضاربون على تجارتي

اصلا مب طبيعيه الصورة

حسن ماشاء الله تبارك الله

الله يبارك لكم في صيدكم

مساء الخير غريبه

الله يبارك فيك ان شاء الله

[حسن]

يالربع شلون انزل صوره التوقيع وعقب كم السايز لشان تكون اوكيه

هل من مجيب

[غرِيبهـ]

مساء النور حسن

مممم الدريول راجع ناسي لسواقه
عل قلبي
يصير انزله ويرجع بكروه ؟

[غرِيبهـ]

يالربع شلون انزل صوره التوقيع وعقب كم السايز لشان تكون اوكيه

هل من مجيب

بشرحلك بالصور بس شوي افضى

[حسن]

مساء النور حسن

مممم الدريول راجع ناسي لسواقه
عل قلبي
يصير انزله ويرجع بكروه ؟

:eek2:

يصير بس مهب بكروه خليه يرجع مشي

[elders]

يالربع شلون انزل صوره التوقيع وعقب كم السايز لشان تكون اوكيه

هل من مجيب

لوحة التحكم
تعديل التوقيع
اطبع عنوان الصورة url اللي رفعتها بين
الحجم كل حد حسب ما بحب ..جرب واحنا نقول صغر او كبر

[حسن]

بشرحلك بالصور بس شوي افضى

جاني ولد عمي الحين واخبره هو يعرف
بااحاول يعلمني
بس المشكله فيه كل يعلمني بالسب :secret:
يحط حرته فيني لانه كله مضروب باند:eek5:

[حميداني]

السايز 500 في 250 حلو
وشوي نازل عن هالرينج بعد يتم حلو كتوقيع

شلون تحط توقيع

لوحة التحكم > بتحصل تحت في الجدول الثالث على اليمين كلش .. ( تعديل توقيع )
دش اهناك وبتلاقي مكان حق الكتابه
اختار الصوره الي تبيها واكتب الي خاطرك فيه وتوكل

[حسن]

لوحة التحكم
تعديل التوقيع
اطبع عنوان الصورة url اللي رفعتها بين
الحجم كل حد حسب ما بحب ..جرب واحنا نقول صغر او كبر

مشكوره يالدرز باشوف الحين وباعطيكم
خبر

[elders]

جاني ولد عمي الحين واخبره هو يعرف
بااحاول يعلمني
بس المشكله فيه كل يعلمني بالسب :secret:
يحط حرته فيني لانه كله مضروب باند:eek5:

مو لأنك سريع البديهة ؟؟:eek5:

[حسن]

السايز 500 في 250 حلو
وشوي نازل عن هالرينج بعد يتم حلو كتوقيع

شلون تحط توقيع

لوحة التحكم > بتحصل تحت في الجدول الثالث على اليمين كلش ( تعديل توقيع )
اختار الصوره الي تبيها وتوكل

تسلم ياحميداني وماقصرت خلني اجرب واشوف ياحطيتها لكم تحس ان راسك ينتفخ من الكبر ولا صغرتها يبيلها ميكرو سكوب

هههههههه

صبرو شوي

[الزعفراني]

السلام عليكم

مساء الورد والياسمين

[الزعفراني]

https://pbs.twimg.com/media/BDOX6CCCIAA64Hp.jpg

[العلم]

http://i.imgur.com/jzoeeUw.jpg


حياكم يالنشامى ..

[حسن]

مو لأنك سريع البديهة ؟؟:eek5:

المشكله يالدرز يبتدي السب فيني من الاب توب مايعرف الا بماوس اوانه بدون ماوس ويحط عيونه في الشاشه تقولين مايشوف وشوي يقولى وين راح:eek5: اقوله منهو يقولي موشر السهم اقوله اعطيك نظاره تكبر يقولي انا اشوف جنني :weeping:

[الزعفراني]

بَعض آلآشخآص يكونون آجمل في آلبعد وآلقرب منھم , يجعلنآ نكتشف قبح مآبدآخلهم

[الزعفراني]

قال الشاب للفتاه : انتي ثمينه استانست البنت وضحكت!! بعد قليل قالها: ثوي رجيم احثن لج

[العلم]

والله انك صادق يالزعفراني ..

[الزعفراني]

الله اكبر .. اذن العشاء

[الزعفراني]

والله انك صادق يالزعفراني ..

عشان تعرف بس وين اللي يفهمني :eek2:

[الزعفراني]

صفحتين من القرآن الكريم فيها ألف ومائتي حرف ، والحرف ب عشر حسنات .. تأخد منك أربع دقائق فقط ! ف كم من الساعات ذهبت عليك هباءاً منثورا !♥

[وطن]

السلام عليكم

شفتوا أخونا عاهد بن علي على قناة الريان؟؟

[الزعفراني]

اللهُم في كل دقيقه تمُر على كل ميت وهو في وحده أسألك أن تفتح له بآباً تهب منّه نسآئم الجنة لآ يُسد ابدآ ♥

[الزعفراني]

وعليكم السلام .. انا شفته امس ع الطاير لكن اليوم لا

[العلم]

والله اني ملان ومغتث ..

وطن أنا مابعد شفته الا في برنامج مقانيص مع النعيمي .. وكلامه زين ..

[الزعفراني]

رددوا دائمـاً [ اللہُم أسترني فوق الأرض و تحت الأرض و يوم العرض ] فذنُوبنا تحتاج : للستر من الله â™،

[الحياة الخالدة]

:telephone: الحياة الخالدة

دخل منافس لسوقنا






انا ارخص :waiting:


مممممم

الحسبة عند الحياة الخالدة

هي مدير اعمالي


لا لا ما عليج .. احنا بضاعتنا أفضل جودة .. بضاعة محمد made in China :nice:

[الزعفراني]

https://pbs.twimg.com/media/BDLKRkZCcAEq42E.jpg:large


اطلالة بحيرة مدينة لوزيرن السويسريه وتعتبر ثاني اهم مدينة للزيارة بعد مدينة انترلاكن .


اذا الله راد وكتب بزورها في الصيف ان شاء الله

[الزعفراني]

على طاري ميد ان تشاينا .. خلال العشر سنوات القادمة لن يكتب على البضائع ميد ان تشاينا .. لان كل بضائع العالم ستكون مصنعه في الصين ..

[وطن]

وعليكم السلام .. انا شفته امس ع الطاير لكن اليوم لا

عيل أنا شفت الإعادة الحين ؟؟


والله اني ملان ومغتث ..

وطن أنا مابعد شفته الا في برنامج مقانيص مع النعيمي .. وكلامه زين ..

أنا أشوفه وأقول الوجه مب غريب
يوم قالوا له الأخ عاهد
عرفته :shy:

[سارآ]

العلم اكتب لي اسم البرنامج للي يرفع الصور مره ثانيه
ممكن:shy:

[الزعفراني]

استغفروا الله كثيرا .. استغفرالله .. استغفرالله ... استغفرالله .. استغفرالله .. استغفرالله استغفرالله .. استغفرالله .. استغفرالله ..

[الزعفراني]

ما يحتاج للتلفزيون .. اذا تبين تشوفينه لايف موجود في السوق عنده محل ..

[سارآ]

أسفه ماسلمت السلام عليكم ورحمة الله وبركاته ع الجميع

[الزعفراني]

أنا لي قصة عجيبة مع الاستغفار .. بحاول اكتبها لكم لاحقا ان شاء الله ...

[حسن]

بث تجريب للتوقيع

[الزعفراني]

وعليكم السلام والرحمة .. ياهلا

[وطن]

ما يحتاج للتلفزيون .. اذا تبين تشوفينه لايف موجود في السوق عنده محل ..

إيه شفت انه في محل في سوق واقف
كفايه على التلفزيون
مالي حاجه بالطيور :tease:




أسفه ماسلمت السلام عليكم ورحمة الله وبركاته ع الجميع

عليكم السلام هلا سارا

[الزعفراني]

توقيعك حلو بس ليش طويل كنه يوم الأحد

[حسن]

مساء الخير يالزعفراني

مساء الخير ياوطن

[الزعفراني]

اهم شي نقطة حرف النون

[الزعفراني]

مساء المانجستو ..

[حسن]

توقيعك حلو بس ليش طويل كنه يوم الأحد

ههههههههههههههه
ياخي حتا انا احس الصوره راسها عود
كانه راس ولد عمي

[الزعفراني]

ولا عليك امر المره الجاية اكتب اسمي ..

[الزعفراني]

هههههههههههه فديت ولد عمك .. كان مونسنا مسوي جو واكشن في المنتدى

[حسن]

ولا عليك امر المره الجاية اكتب اسمي ..

اكتبه بالرمل ولا بالذهب

:tease:

ابشر

[سارآ]

حسن خطك حلوووو ،، بس وين أسمي :shy:
ويآ أهلين بالزعفراني :victory:

ممكن تعطوني برآمج أنزلها بالميني آيباد ..؟!؟

[elders]

بث تجريب للتوقيع
عرضها منيح بس طولها ما الو داعي

تفضل
http://img600.imageshack.us/img600/108/hassanf.jpg

[الزعفراني]

يله انا اترخص صار بدي فل ..

نشوفكم وقت ثاني ان الله راد

[حسن]

هههههههههههه فديت ولد عمك .. كان مونسنا مسوي جو واكشن في المنتدى

اي اكشن الله يهداك ماخلا صوره قطو ماحطها

[الزعفراني]

اكتبه بحروف من ورد :shy:

[وطن]

هلا حسن
هلا الدرز


الزعفراني الله يحفظك أخوي

[حسن]

حسن خطك حلوووو ،، بس وين أسمي :shy:
ويآ أهلين بالزعفراني :victory:

ممكن تعطوني برآمج أنزلها بالميني آيباد ..؟!؟

انشاء الله حاضرين المركب الجاي

:telephone:

[حسن]

عرضها منيح بس طولها ما الو داعي

تفضل
http://img600.imageshack.us/img600/108/hassanf.jpg

والله يالدرز زين اللي سارت بس لو تعرفين كم سبه حصلت :weeping:كان عذرتيني
انا اشوفه زينه لاني انا طويل

[سارآ]

انشاء الله حاضرين المركب الجاي

:telephone:

:nice: تسلم مقدماً

[حسن]

وش السالفه الربع يحاوطون علينا لايكون جايتهم زقره

نصلي ونواصل

[غرِيبهـ]

:eek2:

يصير بس مهب بكروه خليه يرجع مشي

كل المشوار تهديد مايسوى عليه :shy:

هاي وهو عندنا من عشرين سنه

ناسي الشوارع ولا يدل شي من قعدته ست شهور



حسن حلو التوقيع يبيله تعديل :shy:

[حراير قطر]

مساء الخير

شخباركم ؟

محدثتكم من العيادة حراير قطر :(

[الحياة الخالدة]

مساء الخير

شخباركم ؟

محدثتكم من العيادة حراير قطر :(


هلا هلا حراير .. مساج الله بالصحة و العافية
اسم الله عليـــــج .. عسى ما شر

[العلم]

مساء النور حراير .. وينج من صبح .. شوفي غريبهـ سوت لي قلقان :(:rolleyes2:

[حراير قطر]

سمت عليج الملائكه حبيبتي

كحه وصداع وترجيع

هاي كله من غير البشر وساره قطر

والشر ما يجيج ...

[العلم]

والله مالها داعي .. بعض الشباب رزيييل .. ههههههههه:nop::nop::nop:

عاااد هذا تعليق بالله عليكم ..

http://i.imgur.com/Z92hH2S.jpg

[سارآ]

سمت عليج الملائكه حبيبتي

كحه وصداع وترجيع

هاي كله من غير البشر وساره قطر

والشر ما يجيج ...



ألف سلامه عليج وماتشوفين شر حرآير

[غرِيبهـ]

خبر مب حلو
اول مادخلت الحياة بلازا
االا اخلاء حريقه وعفسه ودخنه

[سارآ]

حرآير جربي المره نقعيها واشربيها ..

الحياة الخالدة أخبارج :shy:

العلم ماعليك أمر أكتب لي اسم البرنامج >>> توه أخوي معطيني حسابه عشان أنزل البرامج

[غرِيبهـ]

زين ان توني نازله صوب المخازن اشوف نص الليتات مبنده

عقب اعلنو حريق ويجب الاخلاء

الله يستر

[غرِيبهـ]

مساء الخير

شخباركم ؟

محدثتكم من العيادة حراير قطر :(

مساء النور حراير

سلامات حبيبتي ماتشوفين شر

انا قلبي يرقع من الخرعه :shy:

[العلم]

Picup

[الحياة الخالدة]

سمت عليج الملائكه حبيبتي

كحه وصداع وترجيع

هاي كله من غير البشر وساره قطر

والشر ما يجيج ...



لا إله إلا الله .. الله يشفيج و يعافيج من كل شر

[العلم]

زين ان توني نازله صوب المخازن اشوف نص الليتات مبنده

عقب اعلنو حريق ويجب الاخلاء

الله يستر



غريبهـ حطي نعالج في يدج وركيييض عالباب لاتحترقين علينا ..escape

[حراير قطر]

العلم

السموحه منك برجع بعد اشوي

دوري الحين ...

[الحياة الخالدة]

خبر مب حلو
اول مادخلت الحياة بلازا
االا اخلاء حريقه وعفسه ودخنه


زين ان توني نازله صوب المخازن اشوف نص الليتات مبنده

عقب اعلنو حريق ويجب الاخلاء

الله يستر


لا حول و لا قوة إلا باللــــــه
إن شاء الله خير

[غرِيبهـ]

العلم زين ماراح عني السايق
من كثر ماهددته
اخر تهديد احين
استغفرك ربي واتوب اليك


كل حد يدور سايقه واليهال من جنغل زون طالعين

وحده تقولهم ابي اشوف والخدامه تقولها تبين تموتين

[سارآ]

Picup

:victory: نزلته ، تسلم وأسفه ع الازعاج :shy: والخطوه اللي بعدها

[الحياة الخالدة]

حرآير جربي المره نقعيها واشربيها ..

الحياة الخالدة أخبارج :shy:



هلا حبيبتي سارا .. أنا الحمد لله بخير
انتي شلونج مع الجامعــــــة

[غرِيبهـ]

لا حول و لا قوة إلا باللــــــه
إن شاء الله خير

ان شاء الله يارب الشرطة وصلو وانا قد وصلت السيارة

يارب مايصيد حد مكروة زين الناس استوعبو وطلعو

[الحياة الخالدة]

العلم زين ماراح عني السايق
من كثر ماهددته
اخر تهديد احين
استغفرك ربي واتوب اليك


كل حد يدور سايقه واليهال من جنغل زون طالعين

وحده تقولهم ابي اشوف والخدامه تقولها تبين تموتين


الله يحفظ الجميع من كل شر
انتو شفتو حريق يعني ؟؟

[العلم]

مالت عالبمبر فاللشتاء .. :rolleyes2:

[سارآ]

الحمدالله على سلامتكم غريبهـ
وباذن الله خير ..


الحياة
أنا بخير دآمج بخير
والجامعة الحمدالله ماشيه وأن شاء الله سهالات
دعواتكم :shy:

[(محمد)]

السلام عليكم



وين الاستاذ حسن حفظه الله


:cool:

[R 7 A L]

مسا الخير للجميع

[الحياة الخالدة]

الحمدالله على سلامتكم غريبهـ
وباذن الله خير ..


الحياة
أنا بخير دآمج بخير
والجامعة الحمدالله ماشيه وأن شاء الله سهالات
دعواتكم :shy:


عساج دوم بخير
الله ييسر لكم و يوفقكم .. و تبشروننا بالتخرج إن شاء الله

[(محمد)]

مسا الخير للجميع



قول السلام عليكم :anger1:

[سارآ]

وعليكم السلام أستاذ محمد
&
ومساء الانوار رحال

[(محمد)]

السلام عليكم



وين الاستاذ حسن حفظه الله


:cool:

ساعة اسويله توقيع :anger1:




التجارة يبيلها همة ونشاط :strong

[سارآ]

عساج دوم بخير
الله ييسر لكم و يوفقكم .. و تبشروننا بالتخرج إن شاء الله

اللهم آآمين ،، وجزآج الله كل خير

[الحياة الخالدة]

السلام عليكم



وين الاستاذ حسن حفظه الله


:cool:

و عليكم السلام و رحمة الله و بركاته
حسن قال بيصلي و بيرد


مسا الخير للجميع


مساء النور و السرور

[(محمد)]

بارك الله فيج استاذه سارا .... حد سأل عني اليوم

[(محمد)]

و عليكم السلام و رحمة الله و بركاته
حسن قال بيصلي و بيرد




مساء النور و السرور





والتوقيع .... وفلوسي :anger1:

[حسن]

كل المشوار تهديد مايسوى عليه :shy:

هاي وهو عندنا من عشرين سنه

ناسي الشوارع ولا يدل شي من قعدته ست شهور



حسن حلو التوقيع يبيله تعديل :shy:

عشرين سنه ومايدل :eek5:

هذا يمكن صاده الزهايمر:rolleyes2:

الله يكون في العون

[Aaziz]

عليكم السلام محمد
مساء النور رحلال
السلام عليكم انا

كيف حالكم جميعا


قريت اخر مشاركات .... طمونا عسى الحريق بسيط

[الحياة الخالدة]

والتوقيع .... وفلوسي :anger1:


راحت فلوسك يا صابر

[R 7 A L]

قول السلام عليكم :anger1:

السلام عليكم ورحمة الله وبركاته

اول مادخلت المنتدى من شوي حصلت رسالة من أحد الاخوان
وسلمت هناك وكانت اول ماكتبت
اليوم

جزاك الله خير على التنبيه

[R 7 A L]

وعليكم السلام أستاذ محمد
&
ومساء الانوار رحال

اهلا وسهلا

[(محمد)]

عشرين سنه ومايدل :eek5:

هذا يمكن صاده الزهايمر:rolleyes2:

الله يكون في العون



هذا توقيع خصوصي طال عمرك




بعشرة ريال بس ... او جنعد(ن) زين من صوبك :eek2:


http://www.m5zn.com/newuploads/2013/02/16/png//m5zn_3c5506798d5bb1b.png

[سارآ]

بارك الله فيج استاذه سارا .... حد سأل عني اليوم

وفيك ،، أطال الله في عمرك يا أستاذ محمد

للأسف محد سأل عنك حتى صديقك الصدوق ما سأل عنك :shy:

[Aaziz]

هههههههههههههههه طاح سوق بعض الناس

[الحياة الخالدة]

غريبـــــــة

ماوصيج .. الله الله بالتوقيع الزين حق حسن .. و الفلوس ناخذها منه مقدم

[حسن]

السلام عليكم





وين الاستاذ حسن حفظه الله


:cool:


موجود طال عمرك صلينا وتعشينا بس الصراحه ماله حل ذاك الربيب الفرش وذيك الصالونه مع اصبار وعيش ابيض
وفيه حمسه بصل علشان ريحه حمسه البصل تسوي شغل :eek5:



مسا الخير للجميع

مساء الخير يالجار العزيز كيف الحال
ان شاء الله بخير

[R 7 A L]

عزيز والحياة

مساكم سعادة أبدية

[(محمد)]

وفيك ،، أطال الله في عمرك يا أستاذ محمد

للأسف محد سأل عنك حتى صديقك الصدوق ما سأل عنك :shy:



همممم


زين زين .... وقفي كل الاتصالات


الا اتصال الاستاذ حسن يمكن يرسل لي جنعد(ن) طيب(ن) من وجه(ن) طيب(ن)


بارك الله فيج استاذه سارا


وابشرج ... آخر الشهر راتبج بيزيد .

[الحياة الخالدة]

هههههههههههههههه طاح سوق بعض الناس


إي سوق محمد طايح من زمان
ما يصح إلا الصحيـــــح

[Aaziz]

تسلم رحال ،، علومك ،، كيف اظهرت ،، على وزن اصبحت :secret:

[حسن]

هذا توقيع خصوصي طال عمرك




بعشرة ريال بس ... او جنعد(ن) زين من صوبك :eek2:


http://www.m5zn.com/newuploads/2013/02/16/png//m5zn_3c5506798d5bb1b.png

:victory:

[R 7 A L]

حسن

يسعد لي مساك ياجاري العزيز
خاطري في كيما من المعصرة الي في نفس سيد بيتكم

[(محمد)]

غريبـــــــة

ماوصيج .. الله الله بالتوقيع الزين حق حسن .. و الفلوس ناخذها منه مقدم



راحت عليكم :tease:

[Aaziz]

إي سوق محمد طايح من زمان
ما يصح إلا الصحيـــــح

انتي شوفي مسوي التوقيع مايل .. و له ظل
تحس 3d

[R 7 A L]

تسلم رحال ،، علومك ،، كيف اظهرت ،، على وزن اصبحت :secret:


أظهرت بخير :tease:

[(محمد)]

انتي شوفي مسوي التوقيع مايل .. و له ظل
تحس 3d

الله الله


نظام (فروم ذا فيوتشر) طال عمرك

[Aaziz]

حسن

يسعد لي مساك ياجاري العزيز
خاطري في كيما من المعصرة الي في نفس سيد بيتكم

الليله اعشيك كيما ،،، هههههه بس لاتسوي حركاتي تقول متعشي :victory:

[R 7 A L]

الليله اعشيك كيما ،،، هههههه بس لاتسوي حركاتي تقول متعشي :victory:

ههههههههه
من الحين ماراح اكل شي :tease:

[الحياة الخالدة]

انتي شوفي مسوي التوقيع مايل .. و له ظل
تحس 3d


الله يالدنيا
الحين غريبة متخرعـــــة مسكينة .. و الا جان بتسوي التوقيع 4d بعد مب بس 3

[Aaziz]

الله الله


نظام (فروم ذا فيوتشر) طال عمرك

ايوااااا

[سارآ]

وعليكم السلام عزيز



همممم
زين زين .... وقفي كل الاتصالات
الا اتصال الاستاذ حسن يمكن يرسل لي جنعد(ن) طيب(ن) من وجه(ن) طيب(ن)
بارك الله فيج استاذه سارا
وابشرج ... آخر الشهر راتبج بيزيد .

أن شاء الله تم التوقيف
وجزآك الله كل خير مابي زياده أكتفي بدعوة طيبه منك وكم حبة جنعد اذآ وصلك :telephone:

[(محمد)]

موجود طال عمرك صلينا وتعشينا بس الصراحه ماله حل ذاك الربيب الفرش وذيك الصالونه مع اصبار وعيش ابيض
وفيه حمسه بصل علشان ريحه حمسه البصل تسوي شغل :eek5:




مساء الخير يالجار العزيز كيف الحال
ان شاء الله بخير

فيه العافيه يالشيخ




السلام عليكم ورحمة الله وبركاته

اول مادخلت المنتدى من شوي حصلت رسالة من أحد الاخوان
وسلمت هناك وكانت اول ماكتبت
اليوم

جزاك الله خير على التنبيه


وجزاك خيرا اخي الحبيب رحال





الله يالدنيا
الحين غريبة متخرعـــــة مسكينة .. و الا جان بتسوي التوقيع 4d بعد مب بس 3



حطوا على التوقيع فيونكة وردية ونقطة سودة (يعننها) حبة خال

[الزعفراني]

باك ع السريع

:shy:

[R 7 A L]

الله يالدنيا
الحين غريبة متخرعـــــة مسكينة .. و الا جان بتسوي التوقيع 4d بعد مب بس 3

لا تغترين فيها
ترا التصاميم الي تسوي كلها بدائية
مالت ايام كمبيوتر صخر :tease:

[الزعفراني]

حكمة الليله :

لا تستمر مع شخص لا يهتم بك ..

[R 7 A L]

باك ع السريع

:shy:

بي بي :tease:

[Aaziz]

ههههههههه
من الحين ماراح اكل شي :tease:

:thumbup1:





الله يالدنيا
الحين غريبة متخرعـــــة مسكينة .. و الا جان بتسوي التوقيع 4d بعد مب بس 3

قدها قدها غريبه ... انا قلت لها لها مستقبل باهر بس يبيلها شويتين اتوقع على الـ 4 dimensional

[(محمد)]

وعليكم السلام عزيز


أن شاء الله تم التوقيف
وجزآك الله كل خير مابي زياده أكتفي بدعوة طيبه منك وكم حبة جنعد اذآ وصلك :telephone:

الله يوفقج بوظيفة افضل ان شاء الله




انتي مفصولة

[elders]

:telephone:

الووووووو مؤسسة بيالات للتعديل الصورات ؟؟
:telephone:

ممكن تحوليني على الاستاذ (محمد)
:anger1:

شووووو موقف الاتصالات ؟؟؟
:omg:

طيب انا حسنه اخت حسن ..ممكن تعطيني اياه ؟؟
:tease:

هم لأأأأأأ!!!
:anger1:

طيب اختي سارة ممكن تتركين لمديرج ملاحظة مدام موقف تحويل الاتصالات عليه؟
قوليله كل الصور مخليهم نفس الديزاين شوووووله :waiting:


باي
:thumbdown:




الووووو :telephone:

اختي الحياة الخالدة في عندكم شاغر ؟؟:shy:
شنوووووو 1000000 وينتج ليست تطوع بعد؟؟:omg:
ما شاء الله ..سلمي على الفنانة غريبة وقوليلها كفووو وحتى المتطوع عندج كسبان خبرة ماشاء الله ببلاش

باي
:nice:

[حسن]

وينك يامحمد ارسل:telephone:

[الزعفراني]

غالبا … نخلق الكثير من المبررات الفلسفية لتسهيل العبث … حتى التعالي بالأصوات "نوع من تلك المبررات" …!

خعاخع

[Aaziz]

محمد بكتب اسمي على الثلج ،، و ابيك تسويه لي توقيع .. ابي باب ينفتح و عقب يطلع اسمي
وكبوس طايح على جمب :nice:

[الحياة الخالدة]

لا تغترين فيها
ترا التصاميم الي تسوي كلها بدائية
مالت ايام كمبيوتر صخر :tease:


الحين كلكــــــم ما عاد يعجبكم شغلها
ياما سهرت معاكم للفجـــــر و هي تعطيكم دروس
و هاذي آخرتها
لكِ الله يا غريبــــــة :weeping:

[الزعفراني]

بي بي :tease:

تخوّف انت :shy:

[Aaziz]

ولكم باك الزعفراني.
هلا ساره ،، السموحه توني انتبه

[الزعفراني]

محمد بكتب اسمي على الثلج ،، و ابيك تسويه لي توقيع .. ابي باب ينفتح و عقب يطلع اسمي
وكبوس طايح على جمب :nice:

هههههههههههههههههههههههههههههه

[(محمد)]

وينك يامحمد ارسل:telephone:

رووووح يا بوعلي
وخر عنه




طاح سوقكم يا بنات المنتدى

[حسن]

حسن

يسعد لي مساك ياجاري العزيز
خاطري في كيما من المعصرة الي في نفس سيد بيتكم

:eek2:

كيمه حلاته الصبح

[سارآ]

الله يوفقج بوظيفة افضل ان شاء الله

انتي مفصولة

:omg: :weeping:

:telephone: حسن لاترسل ولاسمكه للاستاذ محمد
وشكراَ

[حسن]

رووووح يا بوعلي
وخر عنه




طاح سوقكم يا بنات المنتدى

:telephone::telephone:

وين الوعد يجيك الدريول مع الربيب
انت تامر :telephone:

[R 7 A L]

الحين كلكــــــم ما عاد يعجبكم شغلها
ياما سهرت معاكم للفجـــــر و هي تعطيكم دروس
و هاذي آخرتها
لكِ الله يا غريبــــــة :weeping:

أنا ما إجامل :tease:

لازم تحسن مستواها من الحين
وتختار تشكيلات جديدة
وألوان ممتازة مش باهته

[الزعفراني]

الحمدلله الذي لا ينسى من ذكرﮬ ، الحمدلله الذي لا يخيب من دعاﮬ ، الحمدلله الذي هو رجاءُنا حين تسوء ظنوننا بأعمالنا

[(محمد)]

:telephone:

الووووووو مؤسسة بيالات للتعديل الصورات ؟؟
:telephone:

ممكن تحوليني على الاستاذ (محمد)
:anger1:

شووووو موقف الاتصالات ؟؟؟
:omg:

طيب انا حسنه اخت حسن ..ممكن تعطيني اياه ؟؟
:tease:

هم لأأأأأأ!!!
:anger1:

طيب اختي سارة ممكن تتركين لمديرج ملاحظة مدام موقف تحويل الاتصالات عليه؟
قوليله كل الصور مخليهم نفس الديزاين شوووووله :waiting:


باي
:thumbdown:




الووووو :telephone:

اختي الحياة الخالدة في عندكم شاغر ؟؟:shy:
شنوووووو 1000000 وينتج ليست تطوع بعد؟؟:omg:
ما شاء الله ..سلمي على الفنانة غريبة وقوليلها كفووو وحتى المتطوع عندج كسبان خبرة ماشاء الله ببلاش

باي
:nice:



محد بيرد عليج ... السكرتيرة فصلتها


تبي تاخذ (السمكات) ولك شووو هاااظ آخر زمن

[R 7 A L]

تخوّف انت :shy:

أنا :omg:

[الزعفراني]

أكره رنين الهاتف .. وصرت اعشق نغمة الواتس آب

[R 7 A L]

:eek2:

كيمه حلاته الصبح

إحنا شبه الصبح الحين :tease:

[الزعفراني]

الثقة "وسام" لايستحقه الجميع …!

[الحياة الخالدة]

الله يوفقج بوظيفة افضل ان شاء الله




انتي مفصولة


يلا خذ .. رياييل مالكم أمان
عشان الفقيرة طالبت بحقها على طول فصلتها

سارا تعالي اشتغلي معانا و حقج محفوظ

[(محمد)]

محمد بكتب اسمي على الثلج ،، و ابيك تسويه لي توقيع .. ابي باب ينفتح و عقب يطلع اسمي
وكبوس طايح على جمب :nice:



ماتبي احط لك سمبوسة على صحن والدقوس فوقه بعد :waiting:

[الزعفراني]

حذفت أشخاص من حياتي أحببتهم بحق لكن كان من الأفضل أن يذهبوا .. وسأحذف المزيد إن رأيت أن الأمر يستحق ذلك !!

[حسن]

إحنا شبه الصبح الحين :tease:

انت يارحال مخالفين العرب احنا تونا مخلصين العشاء
وانتو تنطرون الريوق

[العلم]

أكره رنين الهاتف .. وصرت اعشق نغمة الواتس آب


الثقة "وسام" لايستحقه الجميع …!




نفسية ... :nop::funny:

[حسن]

ماتبي احط لك سمبوسة على صحن والدقوس فوقه بعد :waiting:


:funny:

[الزعفراني]

6 مكالمات لم يرد عليها .....

[Aaziz]

اغراءات محمد

جنعد امريكي على كيف كيفك

http://www.m5zn.com/newuploads/2013/02/16/jpg//m5zn_615a118fefef3ea.jpg

يتكلم انجليزي :shy:

[الزعفراني]

نفسية ... :nop::funny:

ههههههههههههههههههههههههههههههههه

[R 7 A L]

انت يارحال مخالفين العرب احنا تونا مخلصين العشاء
وانتو تنطرون الريوق

وقتنا هو الصح و وقتكم هو الي مستعجل :tease:

[الزعفراني]

دروس الحياه مجانًا، فعليك إستيعاب الدرس فقط

جورج برنارد شو

[حسن]

حذفت أشخاص من حياتي أحببتهم بحق لكن كان من الأفضل أن يذهبوا .. وسأحذف المزيد إن رأيت أن الأمر يستحق ذلك !!

انت مثلي اللي مايرد على بالتلفون مرتين
اسويله دليت:victory:

[Aaziz]

من رخصتكم

[الزعفراني]

احذروا صولة الكريم إذا جاع، واللئيم إذا شبع .

علي ابن أبي طالب

[الحياة الخالدة]

:telephone:

الووووووو مؤسسة بيالات للتعديل الصورات ؟؟
:telephone:

ممكن تحوليني على الاستاذ (محمد)
:anger1:

شووووو موقف الاتصالات ؟؟؟
:omg:

طيب انا حسنه اخت حسن ..ممكن تعطيني اياه ؟؟
:tease:

هم لأأأأأأ!!!
:anger1:

طيب اختي سارة ممكن تتركين لمديرج ملاحظة مدام موقف تحويل الاتصالات عليه؟
قوليله كل الصور مخليهم نفس الديزاين شوووووله :waiting:


باي
:thumbdown:




الووووو :telephone:

اختي الحياة الخالدة في عندكم شاغر ؟؟:shy:
شنوووووو 1000000 وينتج ليست تطوع بعد؟؟:omg:
ما شاء الله ..سلمي على الفنانة غريبة وقوليلها كفووو وحتى المتطوع عندج كسبان خبرة ماشاء الله ببلاش

باي
:nice:


هلا هلا أختي إلدرز
تسلم عليج غريبة و تقول لج حتى لو مافي شاغر بنطلع لج شاغر غصب
شلونج في التسويق

[العلم]

إذا ابي اتعلم كيف اضرب ابر .. حد يعرف وين .. :secret:

[سارآ]

العلم ألف شكر لك :nice:
وجزآك الله الجنة ي رب

[حسن]

وقتنا هو الصح و وقتكم هو الي مستعجل :tease:

لا غلطان احنا على توقيت مكه المكرمه
وانتو على توقيت اكمل الفراغ

:victory:

[R 7 A L]

نفسية ... :nop::funny:

هههههههههههه

الحين الرجال مثقف تقول عنه نفسية :anger1:

[الزعفراني]

الظلام لا ينتهي، أما الشمعة.. فتنتهي. فالحصول على الضوء يتطلب عملاً وحركة. أما السكون فلا ينتج عنه سوى الظلام.

[غزلان]

حذفت أشخاص من حياتي أحببتهم بحق لكن كان من الأفضل أن يذهبوا .. وسأحذف المزيد إن رأيت أن الأمر يستحق ذلك !!

:omen2:


:secret:

[الزعفراني]

هههههههههههه

الحين الرجال مثقف تقول عنه نفسية :anger1:

:weeping: محد فاهمني الا انت

[حسن]

من رخصتكم

في امان الله

[R 7 A L]

لا غلطان احنا على توقيت مكه المكرمه
وانتو على توقيت اكمل الفراغ

:victory:


في هذي صدقت
الله يورينا شوفه الكعبة ويرزقنا زيارتها قريبا

[غزلان]

/


http://25.media.tumblr.com/tumblr_m5jihn2p4Y1rxgaoqo2_250.gif

[الزعفراني]

:omen2:


:secret:

:rolleyes2:

[العلم]

:weeping: محد فاهمني الا انت


إلا أنا يالزعفراني إلا أنا ..:tease:

[(محمد)]

:telephone::telephone:

وين الوعد يجيك الدريول مع الربيب
انت تامر :telephone:

حتى لو ذيل صافي ماعندي مانع ... اهم شي من صوب الطيبين :tease:






يلا خذ .. رياييل مالكم أمان
عشان الفقيرة طالبت بحقها على طول فصلتها

سارا تعالي اشتغلي معانا و حقج محفوظ



http://www.m5zn.com/newuploads/2013/02/16/png//m5zn_a783db9dc49e18c.png

[R 7 A L]

من رخصتكم

رخصتك في جيبك ولا بوكك :tease:

خذتي معاك يا مسافر

[الزعفراني]

https://pbs.twimg.com/media/BDOjqgOCcAAHoXM.jpg

[الزعفراني]

إلا أنا يالزعفراني إلا أنا ..:tease:

انت ما تحبني عطني مناديل معطره :rolleyes2:

[حسن]

في هذي صدقت
الله يورينا شوفه الكعبة ويرزقنا زيارتها قريبا

امين

رحال تعرف تتكلم انقليزي

[الحياة الخالدة]

أنا ما إجامل :tease:

لازم تحسن مستواها من الحين
وتختار تشكيلات جديدة
وألوان ممتازة مش باهته


أنا عارفة إنت ماخذ موقف منها من يوم حطت صورة الفراشة السودا
يا أخي مب ذنبها إنك ما تتذوق الفن :tease:

[R 7 A L]

:weeping: محد فاهمني الا انت

أكيد
واكبر دليل أنا وانت نكتب بنفس اللون :shy:

[الزعفراني]

لا تخلط بين شخصيتي وسلوكي، فشخصيتي تمثلني أما سلوكي فيعتمد عليك إلى حد كبير.

ألبر كامو

[الزعفراني]

أكيد
واكبر دليل أنا وانت نكتب بنفس اللون :shy:

المميزين بس اللي يكتبون بهاللون #حقيقة ترى :shy:

[R 7 A L]

امين

رحال تعرف تتكلم انقليزي

أتكلم بإشارات اليد
ويفهموني ويفهمون الي ابي :tease:

[الزعفراني]

ليس من الضروري أن تطفئ أنوار الآخرين لتجعل نورك يضيء د.سلمان العودة

ربنا يسامحك ياللي طفيت نوري هههههههه

نوري المالكي ههههه

[R 7 A L]

أنا عارفة إنت ماخذ موقف منها من يوم حطت صورة الفراشة السودا
يا أخي مب ذنبها إنك ما تتذوق الفن :tease:


لا تذكريني ارجوك :rolleyes2:

[(محمد)]

اغراءات محمد

جنعد امريكي على كيف كيفك

http://www.m5zn.com/newuploads/2013/02/16/jpg//m5zn_615a118fefef3ea.jpg

يتكلم انجليزي :shy:



اول مرة اشوف جنعد معنقز

[R 7 A L]

المميزين بس اللي يكتبون بهاللون #حقيقة ترى :shy:

:shy:

[الزعفراني]

أساسيات السعادة في هذه الحياة ثلاثة : شيء نفعله، وشيء نحبه، وشيء نأمل في حدوثه. -جوزيف أديسون

ممكن تعطونا أمثله من حياتكم على هالاساسيات ؟

[العلم]

‌‌ ‌‌ ‌‌ ‌‌ ‌‌ ‌‌
‌‌ ‌‌ ‌‌ ‌‌



واحد يقول :
جدتي اذا عطست وقالت : الحمد لله ،
وما احد رد عليها قالت :
( يرحمتس الله ياروحي عندتس حمير ماتوحي)
ههههههههههههههههههههههههههههههههههههههههههه ھَھٍھَھٍھَھٍـّھٍھَھٍھَھٍھَھٍھَھٍھَھٍـّھٍھَھٍھَھٍٱإ يّےٌ

[حسن]

أتكلم بإشارات اليد
ويفهموني ويفهمون الي ابي :tease:

تتكلم باليد عسى بدون عجره
:eek5:

[الحياة الخالدة]

امين

رحال تعرف تتكلم انقليزي


لا ماظنتي .. يتفاهم مع الأمريكان بالإشارة :nice:

[الزعفراني]

جيت أرتب لك من احساسي جُمل
وجيت أداري من طعونك لي طعون !!

ليه تعطيني بـ هالدنيا ( أمل )
وأنت باكر أول اللي يرحلون !


أحب إسم أمل

[الحياة الخالدة]

:shy:


لا تصدق بس

[الزعفراني]

اليوم توفى المتسابق القطري راشد عبدالله المنصوري بحادث انقلاب بالبطولة الدولية للزوارق

الله يرحمه

مدري عندكم خبر والا لا ؟

الجنازة بكره الساعة 9 الصبح ان شاء الله

انا لله وانا اليه راجعون

[elders]

محد بيرد عليج ... السكرتيرة فصلتها


تبي تاخذ (السمكات) ولك شووو هاااظ آخر زمن

:eek5:

اعطيها سمكة من عينها طيب ....شو هاااااااظ





هلا هلا أختي إلدرز
تسلم عليج غريبة و تقول لج حتى لو مافي شاغر بنطلع لج شاغر غصب
شلونج في التسويق

الله يسلمها
يشرفني انكم رديتو علي
:shy:
اتعلم كل شي يخليني سنتنضنو الى هذا الصرح الجميل
:nice:

[العلم]

يله تصبحون على خير .. :shy:

[حسن]

أساسيات السعادة في هذه الحياة ثلاثة : شيء نفعله، وشيء نحبه، وشيء نأمل في حدوثه. -جوزيف أديسون

ممكن تعطونا أمثله من حياتكم على هالاساسيات ؟


شي نفعله : نروح البحر

شي نحبه : نصيد سمج

شي نامل في حدوثه: ننطر الطبخه

:victory:

[غزلان]

‌‌ ‌‌ ‌‌ ‌‌ ‌‌ ‌‌
‌‌ ‌‌ ‌‌ ‌‌



واحد يقول :
جدتي اذا عطست وقالت : الحمد لله ،
وما احد رد عليها قالت :
( يرحمتس الله ياروحي عندتس حمير ماتوحي)
ههههههههههههههههههههههههههههههههههههههههههه ھَھٍھَھٍھَھٍـّھٍھَھٍھَھٍھَھٍھَھٍھَھٍـّھٍھَھٍھَھٍٱإ يّےٌ

هههههههههههههههههههههههههههههههههههههههههههههههه

[غزلان]

/


http://www.up.qatarw.com/up/2013-02-15/file18060197.jpg

[(محمد)]

وين اخوي عبدالعزيز

وين يالعلم


مابقى حد غيري وغير حسن ورحال والزعفراني


لا نأمن مكائد النساء

[الزعفراني]

https://pbs.twimg.com/media/BDPN68FCMAAsFIR.jpg


الله يرحمه ويصبر أهله

[الزعفراني]

يابختك ياخي تنام هالحزه .. والله أغبطك :(

انا مالعب فيني الا السهر ...

وانت من اهله

احلام ملونه

[الزعفراني]

شي نفعله : نروح البحر

شي نحبه : نصيد سمج

شي نامل في حدوثه: ننطر الطبخه

:victory:

أبدعت يابوعلي :victory:

[حسن]

https://pbs.twimg.com/media/bdpn68fcmaasfir.jpg


الله يرحمه ويصبر أهله

الله يرحمه

من هذا ياخوي وش سالفته ؟

[الحياة الخالدة]

اليوم توفى المتسابق القطري راشد عبدالله المنصوري بحادث انقلاب بالبطولة الدولية للزوارق

الله يرحمه

مدري عندكم خبر والا لا ؟

الجنازة بكره الساعة 9 الصبح ان شاء الله

انا لله وانا اليه راجعون


إي وصلنا الخبر
الله يرحمه و يغفر له .. و يصبر أهله

[بوعلي2]

http://i1094.photobucket.com/albums/i449/Xxxxxx66/F564D261-FDC2-423F-A5FA-BD02D5C15020-115-000000592F64B96F.jpg

حادث الصبح

الضباب كثيف جدا كان الله يرحمنا برحمته

[(محمد)]

لا يكون هذا راشد المنصوري رحمه الله

شلون صار الحادث ؟

[غزلان]

الله يرحمه مسكين:(

[(محمد)]

http://i1094.photobucket.com/albums/i449/xxxxxx66/f564d261-fdc2-423f-a5fa-bd02d5c15020-115-000000592f64b96f.jpg

حادث الصبح

الضباب كثيف جدا كان الله يرحمنا برحمته



انتبه على نفسك يابوعلي


والله احاتيكم واحاتي الشباب في هالخط


الله يحفظكم

[الحياة الخالدة]

وين اخوي عبدالعزيز

وين يالعلم


مابقى حد غيري وغير حسن ورحال والزعفراني


لا نأمن مكائد النساء


:vampire:
اطلعوا قبل لا نذبحكـــــم

[elders]

الله يرحمو ويصبر اهلو

تصبحو على خير جميعا

[الزعفراني]

لا يكون هذا راشد المنصوري رحمه الله

شلون صار الحادث ؟

كان اسمه طارق .. مدري هو اللي في بالك والا غيره

ماعندي تفاصيل الحادث بس بكره في الجرايد ان شاء الله

[سارآ]

http://i1094.photobucket.com/albums/i449/Xxxxxx66/F564D261-FDC2-423F-A5FA-BD02D5C15020-115-000000592F64B96F.jpg

حادث الصبح

الضباب كثيف جدا كان الله يرحمنا برحمته

الله يحفظكم ي رب ،،
عيل يابوعلي أنسى الجمس ماينفع لخط الشمال :tease:

[بوعلي2]

انتبه على نفسك يابوعلي


والله احاتيكم واحاتي الشباب في هالخط


الله يحفظكم

ان شاء الله يالذيب :shy:

حوادث الله يجيرنا منها

اليوم مادري شلون وصلت الدوحه جدا كثيف وكل شوي ضربت بريك مادري شطالع بويهي

http://i1094.photobucket.com/albums/i449/Xxxxxx66/0E1A4B81-4F6A-4DDD-977F-702EA62B3A53-115-00000057B4C997AC.jpg

http://i1094.photobucket.com/albums/i449/Xxxxxx66/5DAA6962-A7FB-49AF-AE0A-0588F287F85B-115-00000057B5F7BCAB.jpg

بالحقيقه ظلام

[الحياة الخالدة]

و انتو من أهل الخير : العلــــم , إلدرز

[بوعلي2]

الله يحفظكم ي رب ،،
عيل يابوعلي أنسى الجمس ماينفع لخط الشمال :tease:

الجمس رفيع ووجهه حديد غير قابل للمزح :shy:

ويحفظج يارب :nice:

انا ريال شايب لازم اخذ جمس يدافع عني واركب له صدام قوي :shy:

[(محمد)]

:vampire:
اطلعوا قبل لا نذبحكـــــم


http://t3.gstatic.com/images?q=tbn:ANd9GcRiLuGtBZYaWz7YQaYJLJEiSvqgs_7vk eVfor5Z-npjjtqlntHotg


الله يرحمو ويصبر اهلو

تصبحو على خير جميعا


حفضكم الله في حلكم وترحالكم وسدد خطاكم

[الحياة الخالدة]

الجمس رفيع ووجهه حديد غير قابل للمزح :shy:

ويحفظج يارب :nice:

انا ريال شايب لازم اخذ جمس يدافع عني واركب له صدام قوي :shy:


ما عرفنا لك .. مرة توك صغير .. و مرة ريال شايب
بس أخ ما لحقت أقتبس غلطتك قبل التعديل

[بوعلي2]

ما عرفنا لك .. مرة توك صغير .. و مرة ريال شايب
بس أخ ما لحقت أقتبس غلطتك قبل التعديل

اي غلطه ؟ :shy: يامجرمه تتهميني اني اغلط وانا معصوم من الاخطاء الاملائيه :tease:

توني صغير عمري 48 سنه بس :(

شحلاتي :shy:

[سارآ]

الجمس رفيع ووجهه حديد غير قابل للمزح :shy:

ويحفظج يارب :nice:

انا ريال شايب لازم اخذ جمس يدافع عني واركب له صدام قوي :shy:

والله كيفك بس هو سريع
وأخاف ماتلحق تأخذ بريك إلا وأنت طاير من الجامه >>> بسم الله عليك بس فرضاً
وأنت نظرك على قدك يالله أطالع اللي جدامك :secret:

[الحياة الخالدة]

اي غلطه ؟ :shy: يامجرمه تتهميني اني اغلط وانا معصوم من الاخطاء الاملائيه :tease:

توني صغير عمري 48 سنه بس :(

شحلاتي :shy:


اممممممم قلتلي معصوم عيل :con2:

الأيام بيننــــــا

[سارآ]

اي غلطه ؟ :shy: يامجرمه تتهميني اني اغلط وانا معصوم من الاخطاء الاملائيه :tease:

توني صغير عمري 48 سنه بس :(

شحلاتي :shy:

اي توه صغيرون 28 / 2 بيدخل 61 سنة

[بوعلي2]

والله كيفك بس هو سريع
وأخاف ماتلحق تأخذ بريك إلا وأنت طاير من الجامه >>> بسم الله عليك بس فرضاً
وأنت نظرك على قدك يالله أطالع اللي جدامك :secret:

سريع ؟ :telephone:

انا عندي اسرع منه الحين كروزر ثمانيه جديد ولايصيدني بالخط :secret:

بس بريكه كده :nice:

اي صدقتي وعليه علي شايب ماشوف عدل كبرت نضري ع قدي :weeping:

فديتني تحملو فيني :weeping:

خصوصا من الحياه الخالده هالمجرمه :(

[intesar]

روز روز روز
انتي هني ولا نو

[intesar]

ابيج بسؤال لو سمحتي

[بوعلي2]

اممممممم قلتلي معصوم عيل :con2:

الأيام بيننــــــا

ياساتر :shy:

[بوعلي2]

اي توه صغيرون 28 / 2 بيدخل 61 سنة

لا بادخل 49 :shy:

:tease:

[سارآ]

الله يكتب لكم أن شاء الله وتأخذه ،،بس جد ما يصلح لكبار السنة :shy:
عندنا واحد 2010 أسود بابين حق أغراض البيت وسافرنا فيه السعوديه
وحمل أغراض لا يعلم فيها الا رب العالمين والله يجزاه كل خير اللي فـ الجمارك
يضحك علينا لم شاف الاغراض قال لاخوي أمشوآ الله يستر عليكم

وبليز ما أرضى على الحياة الخالدة ،، أخذي رآحتج حياة

[غزلان]

بلقيس تعلن فسخ خطبتها من اللاعب نايف هزازي

[بوعلي2]

الله يكتب لكم أن شاء الله وتأخذه ،،بس جد ما يصلح لكبار السنة :shy:
عندنا واحد 2010 أسود بابين حق أغراض البيت وسافرنا فيه السعوديه
وحمل أغراض لا يعلم فيها الا رب العالمين والله يجزاه كل خير اللي فـ الجمارك
يضحك علينا لم شاف الاغراض قال لاخوي أمشوآ الله يستر عليكم

وبليز ما أرضى على الحياة الخالدة ،، أخذي رآحتج حياة

كان عندي واحد 2500 مكينته 6100 :secret:
ومنزله مثل 1500
ولا المرسدس يتقاوم معاه
عليه برمجه ومفتوح وشراه رفيجي

عاد مب تصدقين اني شايب تراني صغير والله :telephone:

[سارآ]

بلقيس تعلن فسخ خطبتها من اللاعب نايف هزازي

اي من زمان تاريخ 13 /2 قبل يوم الحب عشان ماتجيب له هديه >> هم يقولون من أنا ^^

[بوعلي2]

واميين اخذ الشكل الجديد خاطري فيييه

بس حسبي الله عليهم شكلهم مب منزلين الباب الا اخر شي

[سارآ]

واميين اخذ الشكل الجديد خاطري فيييه

بس حسبي الله عليهم شكلهم مب منزلين الباب الا اخر شي

لاتقول خاطري :shy: عشان ماروح أسحب وأشتري لك بس الحمدالله أنه مانزل
اللي خاطرك فيه
>>> العمر كله أن شاء الله بس لاتصغر نفسك وااايد :omen2:

[بوعلي2]

الحياه الخالده شريره

ويييينج يالحياه هههههههه

ينراد لج كتل

[غزلان]

http://www.aleqt.com/a/732063_252816.jpg

صورة بثتها وكالة الفضاء الأمريكية «ناسا» تبين حلقات مغناطيسية تبعثها الشمس بسبب انفجارات تعرف باسم الكتل الإكليلية. روتيزر

[intesar]

بلقيس تعلن فسخ خطبتها من اللاعب نايف هزازي

يقولون اشاعة

[بوعلي2]

لاتقول خاطري :shy: عشان ماروح أسحب وأشتري لك بس الحمدالله أنه مانزل
اللي خاطرك فيه
>>> العمر كله أن شاء الله بس لاتصغر نفسك وااايد :omen2:


اي شتروا لي وعليه علي انا مسكين :weeping:

مالي غير الله وعدوتي الحياه الخالده :( :omg: :tease:

لا والله اني احترمها هالبنت وعلى راسي احب امازحها :tease:

انا من جيل الثمانينات ياسارا معليش يعني صدمه لج :tease:

المهم العمر كله للجميع يارب

انتظر هديتي 2/28 198؟؟ :shy:

لاتنسوني مع تحيات بوعلي عاوز جمس :tease:

[الحياة الخالدة]

الحياه الخالده شريره

ويييينج يالحياه هههههههه

ينراد لج كتل


أنا موجودة
بس انت استمر في الحديث :nice:

[سارآ]

يقولون اشاعة

لا جد اهي كاتب في حسابه اللي بالتويتر >>> ماعندهم سالفه

[الحياة الخالدة]

تسلمين و الله يا سارا

[غرِيبهـ]

الله يحفظ الجميع من كل شر
انتو شفتو حريق يعني ؟؟

امين يارب

كان جزء من الليتات مطفاي صوب المخازن
والمكان تحسين ضباب
وريحه دخان مادري شصار احين


الحمدالله على سلامتكم غريبهـ
وباذن الله خير ..


الحياة
أنا بخير دآمج بخير
والجامعة الحمدالله ماشيه وأن شاء الله سهالات
دعواتكم :shy:

الله يسلمك سارا

[غزلان]

دبي تدرس تثقيف السعوديين على النظام المروري بالإمارات

[intesar]

والله أنا شفت في صباح الخير ياعرب وهي رازه الخاتم وتقول اشاعة..
من الأساس ما عرفهم بس توتير صجونا بأخبارهم فدخلت أشوف

[الحياة الخالدة]

بلقيس تعلن فسخ خطبتها من اللاعب نايف هزازي


زين منهي بلقيس ؟؟ وحدة معروفة يعني

[بوعلي2]

أنا موجودة
بس انت استمر في الحديث :nice:

يوزي عني ادري تصيدين لحرقاتي :weeping:

سولفي معاي ع فكره اكلمج من ايفون ماعندي لاب توب وهاي اكبر دليل

http://i1094.photobucket.com/albums/i449/Xxxxxx66/52CD08F4-EDF3-4F2A-B81A-9A8C90E7EE14-115-000000D58A96488E.jpg

:shy: والله من ايفون لازم احرق

http://i1094.photobucket.com/albums/i449/Xxxxxx66/C838B28A-D2AC-4A9B-915D-94B83D302BE6-115-000000D5DB0B4BC8.jpg


:shy: :shy:

[غزلان]

زين منهي بلقيس ؟؟ وحدة معروفة يعني


مطربه بنت احمد فتحي المطرب اليمني

[بوعلي2]

بل شفت صورتها علي بالي انا هههه جنها ريال

[سارآ]

اي شتروا لي وعليه علي انا مسكين :weeping:

مالي غير الله وعدوتي الحياه الخالده :( :omg: :tease:
لا والله اني احترمها هالبنت وعلى راسي احب امازحها :tease:
انا من جيل الثمانينات ياسارا معليش يعني صدمه لج :tease:
المهم العمر كله للجميع يارب
انتظر هديتي 2/28 198؟؟ :shy:
لاتنسوني مع تحيات بوعلي عاوز جمس :tease:

لا والله لا صدمه ولا شي :tease: طال عمرك أنت الثمانينات
وأنا التسعينات أهم شي أنا أصغر وحده فالمنتدى :shy:
الحمدالله ما أدل بيتكم عشان ما أجيب هديه ولا كيكه :nice: >>> بس طلعت مثلي من مواليد فبراير ^^

[الحياة الخالدة]

اي شتروا لي وعليه علي انا مسكين :weeping:

مالي غير الله وعدوتي الحياه الخالده :( :omg: :tease:

لا والله اني احترمها هالبنت وعلى راسي احب امازحها :tease:

انا من جيل الثمانينات ياسارا معليش يعني صدمه لج :tease:

المهم العمر كله للجميع يارب

انتظر هديتي 2/28 198؟؟ :shy:

لاتنسوني مع تحيات بوعلي عاوز جمس :tease:


راسك سالم يا عدوي اللدود
وشهالتاريخ الغريب بعد :omen2:

و انت كل شي يطيح خاطرك فيه
خلك مع العطورات و أمورك في السليم

[غير البشر]

السلام عليكم ورحمه الله وبركاته

:discuss:

[غزلان]

سعوديون يغيِّرون عجلات سيارتهم وهي تسير على إطارين


http://banatzayed.com/wp-content/uploads/2013/02/banatzayed-car.jpg

[غير البشر]

لا والله لا صدمه ولا شي :tease: طال عمرك أنت الثمانينات
وأنا التسعينات أهم شي أنا أصغر وحده فالمنتدى :shy:
الحمدالله ما أدل بيتكم عشان ما أجيب هديه ولا كيكه :nice: >>> بس طلعت مثلي من مواليد فبراير ^^



والي في السبعينات :omg:

[غزلان]

عليكم السلام ورحمة الله غير البشر

[غير البشر]

سعوديون يغيِّرون عجلات سيارتهم وهي تسير على إطارين


http://banatzayed.com/wp-content/uploads/2013/02/banatzayed-car.jpg


غزلان لهم فيديو كامل ماشفتيه لايفوتج ترا :telephone: