السائقين في قطر

[النجلا]

السلام عليكم ورحمة الله وبركاته ..

كلامي بقوله بعفويه وبدون ترتيب واسمحولي ..

صار لي فترة ادور سايق يدل فالدوحه لكن للأسف مالقيت .. المشكله مب هني المشكله وانا ادور واتصل عليهم كلهم يبون راتب مايقل عن 1500 ؟؟؟ اقولهم لهم كبداية بعطيك الف وميتين يقول لا شوي وواحد ضحك يقولي مدام محد ياخذ هالراتب الحين :rolleyes2:!!!!!

لا شر البلية مايضحك ان بعضهم يكون شارد من كفيله ويتشرط بالراتب .. ماشاف نفسه وتشرط الا وهو عارف انه فيه ناس بيقبلون فيه وبشروطه ؟!

ليش عطيناهم مجال ان هم اللي يفرضون علينا الراتب؟؟

وليش فيه ناس يشجعون السايق اللي شرد من كفيله ويجيبونه عندهم بدال مايبلغون عنه؟؟؟


الموضوع متروك لكم :telephone:

[R 7 A L]

ممكن سؤال

هالسوايقين الي تتفاوضين معهم
وين تحصينهم ؟

[ودي أكون]

ممكن سؤال

هالسوايقين الي تتفاوضين معهم
وين تحصينهم ؟

عالجبهه


قصدي فالصميم :rolleyes2:

[الدوحة 2010]

والله قهر اختي انا عندي دريول جاي من بلاده براتب 1000 ريال خبرة خليجية واليوم شرد من عندي عقب سنة كاملة لكن مصيبة في ناس من بلادة من نفس الجنسية تحرظة علي بزيادة الراتب قال خلاص انا ماشتغل داخل الدوحة عقب ماعرف ودل الاماكن والشوراع وتعبت عليه حسبي الله ونعم الوكيل اللي كان ساعدة على الهروب والتحريض

[بن موسى]

عندي سايق هارب من 2004 وفي عام 2010 يكلمني واحد من الاكبارية يطلب مني سحب البلاغ ونقل كفالتة علية- لانة سارلة 3 سنوات يشتغل عندة ومحتاجة

[حمد 2002]

السلام عليكم ورحمة الله وبركاته ..

كلامي بقوله بعفويه وبدون ترتيب واسمحولي ..

صار لي فترة ادور سايق يدل فالدوحه لكن للأسف مالقيت .. المشكله مب هني المشكله وانا ادور واتصل عليهم كلهم يبون راتب مايقل عن 1500 ؟؟؟ اقولهم لهم كبداية بعطيك الف وميتين يقول لا شوي وواحد ضحك يقولي مدام محد ياخذ هالراتب الحين :rolleyes2:!!!!!

لا شر البلية مايضحك ان بعضهم يكون شارد من كفيله ويتشرط بالراتب .. ماشاف نفسه وتشرط الا وهو عارف انه فيه ناس بيقبلون فيه وبشروطه ؟!

ليش عطيناهم مجال ان هم اللي يفرضون علينا الراتب؟؟

وليش فيه ناس يشجعون السايق اللي شرد من كفيله ويجيبونه عندهم بدال مايبلغون عنه؟؟؟


الموضوع متروك لكم :telephone:

أختي الي فهمته من كلامج انج تبين اتعاقدين مع سائق هااارب ؟!! ، وتالي تبين حلول لمشكله السائقين الهاربين من كفلائهم ؟!!

تحياتي لج

[الشامخ]

اختي بعضهم بعضهم يحسبها ،، ليش اجيب لي واحد جديد ويتم 4 اشهور او 6 شهور لين ياخذ ليسن ويمكن يفلح ويمكن ومايفلح ، ويكون مستجعل عليه ،،

[شموخ دائم]

,

,


مرحبا

هذي المشكله مالها حل

كل دول الخليج تعاني نفس المشكله

هروب السائقين والعمل بطريقه غير مشروعه لدى الغير افراد او شركات

والكل يبحث عن سائق ( برخصه سواقه ) ويدل في البلد

يعني يبون واحد جاهز

الله يساعدك

,

,


اخوك


شموخ دائم

[بريق الحق]

ممكن سؤال

هالسوايقين الي تتفاوضين معهم
وين تحصينهم ؟

اظن من الوسيط

[تغلبية]

الهنود (فئة العمالة) .. كلهم مسوين لهم لوبي عجيب ..
شبكة اتصالات ومخابرات بينهم عن اي قانون .. او اي اجرة او اي موقف .. تلقينهم يتحدون كلهم على نفس الراي

+

يعرفون يميزون طبع كل معزب لين صار عندهم معرفة تامة باطباع اهل قطر .. انهم لحاجتهم بيدفعون ، وانهم محتاجين دريولية .. فيكونون هم العنصر الاقوى ويفرضون اللي يبون !

[النجلا]

ممكن سؤال

هالسوايقين الي تتفاوضين معهم
وين تحصينهم ؟


اكتب في قوقل

Driver in qatar

وبتلاقي ارقامهم ..

او مواقع الوظايف :):):)

[النجلا]

والله قهر اختي انا عندي دريول جاي من بلاده براتب 1000 ريال خبرة خليجية واليوم شرد من عندي عقب سنة كاملة لكن مصيبة في ناس من بلادة من نفس الجنسية تحرظة علي بزيادة الراتب قال خلاص انا ماشتغل داخل الدوحة عقب ماعرف ودل الاماكن والشوراع وتعبت عليه حسبي الله ونعم الوكيل اللي كان ساعدة على الهروب والتحريض


عندي سايق هارب من 2004 وفي عام 2010 يكلمني واحد من الاكبارية يطلب مني سحب البلاغ ونقل كفالتة علية- لانة سارلة 3 سنوات يشتغل عندة ومحتاجة


هني المشكله ان المواطنين هم اللي يحرضونهم عالهروب وزيادة الراتب ..

شاكرة لكم المرور والتعليق

[خليفـة]

الله يعينج وتلقين السائق المناسب لكم

خليفــة

[النجلا]

أختي الي فهمته من كلامج انج تبين اتعاقدين مع سائق هااارب ؟!! ، وتالي تبين حلول لمشكله السائقين الهاربين من كفلائهم ؟!!

تحياتي لج


مرحبا اخوي حمد لا مافهمتني انا لما اكلمهم اكتشف انه شارد لما اقول له لازم انقل كفالتك علي .. اللي يتشرد واللي يقولي الحين صعب واللي يقولي كفليلي يبيني بس قاللي روح اشتغل اي مكان .. من ردودهم اكتشف انهم شاردين ومستحيل اشغل عندي دريول شارد لو ب 500 ريال ،،

ان شاء الله فهمتني الحين :nice:

[Sociable]

مواقع الوظايف

[Sociable]

مواقع الوظايف زز

[النجلا]

اختي بعضهم بعضهم يحسبها ،، ليش اجيب لي واحد جديد ويتم 4 اشهور او 6 شهور لين ياخذ ليسن ويمكن يفلح ويمكن ومايفلح ، ويكون مستجعل عليه ،،

مب عشان الوقت لا يعني لو في وضعي انا ابي دريول جاهز لاني اساسا مااركز فالشوارع لاني مااسوق بضيع انا وياه وثاني شي ابي واحد يعرف يسوق لان عادي لو جديد يدخلني فأقرب طوفة وانت خابر شوارعنا والسواقة فيها شلون .. شكرا لمرورك

[النجلا]

,

,


مرحبا

هذي المشكله مالها حل

كل دول الخليج تعاني نفس المشكله

هروب السائقين والعمل بطريقه غير مشروعه لدى الغير افراد او شركات

والكل يبحث عن سائق ( برخصه سواقه ) ويدل في البلد

يعني يبون واحد جاهز

الله يساعدك

,

,


اخوك


شموخ دائم


الهنود (فئة العمالة) .. كلهم مسوين لهم لوبي عجيب ..
شبكة اتصالات ومخابرات بينهم عن اي قانون .. او اي اجرة او اي موقف .. تلقينهم يتحدون كلهم على نفس الراي

+

يعرفون يميزون طبع كل معزب لين صار عندهم معرفة تامة باطباع اهل قطر .. انهم لحاجتهم بيدفعون ، وانهم محتاجين دريولية .. فيكونون هم العنصر الاقوى ويفرضون اللي يبون !


صح كلامكم وهاذي المشكله انهم صارو يدرون ان الكل محتاج دريول وغصباً علينا بنرضى بشروطهم بس لو كان في قانون معين ووقفة وحدة من الموطنين كان تغير الحال :(

[النجلا]

الله يعينج وتلقين السائق المناسب لكم

خليفــة

شكرا لمرورك اخوي خليفة الله يسمع منك

[المواطن]

انا جبت سايق سبق ان عمل في البحرين ولا من مكتب بعد ب 2500 ريال قلت افتك من علمه السواقه ويكسر سياير البيت بس طلع ما يفهم ودخلته مدرسة السواقه وبراتب 1200 في الشهر وعقب هالبهدله وما خلص ضمان المكتب 3 شهور شرد
من الحره عقب ما بلغت عليه حطيت صورته في بعض الاماكن بعد اسبوعين صادوه هل خبر في الوكره وسلموه الشرطه

اللي ابي اوص له ان اذا تكاتف المواطنين بالذات هالخمه مب فارضين لعبتهم علينا
بس بعض العوايل الله يهداها ما تفكر في اللي دخله بيتهم والمشاكل اللي ممكن تصير من وراء هالشخص
لا قدر الله عمل حادث وشرد من مكان الحادث.
وغير من المشاكل اللي لا حصر لها

[Aozomblue]

عندي سايق هارب من 2004 وفي عام 2010 يكلمني واحد من الاكبارية يطلب مني سحب البلاغ ونقل كفالتة علية- لانة سارلة 3 سنوات يشتغل عندة ومحتاجة



:secret:

[qtr1]

الي يهرب احسن ابلغ عليه ويحلم يطب الخليج بكبره انا عندي واحد ماكمل سنه وراتبه 1000 ريال اول ماجاء من بلاده يازينه والحين مستلعن ع الاااااااخر النفس خااايسه حوادث بسياره زلق مني وزلق مناك مخالفات وصلت لين 7000 ريال والحين مايبي يشتغل ولا يبي يهرب مع اني شغال عليه خصم من الراتب ابي بس لو نص المخالفات يدفعهم مع ان الحوادث عالتصليح علي الحين اتمني يهرب مايبي ويشتغل واقول الله يستر لايعدم لي السياره

[بوخالد911]

الله يعيين

الغالبية متخوف من هروب السواقيين

[الشلهوب]

المفروض وزارة الداخلية ووزارة العمل والعمال يعملون على خطط لصيد الهاربين من السائقين ومع عقوبات سجن بعد الإمساك بهم ومنعهم من دخول البلد مرة اخرى . لو اعرفوا السائقين بهذا العقوبة كان ما شنردوا مع إبلاغ سفاراتعهم بهذة العقوبات

[بوطويشم]

ليش عطيناهم مجال ان هم اللي يفرضون علينا الراتب؟؟


لان القانون مايردعهم

بل ان القانون ان صح التعبير فهو معاهم

العقاب هو تسفيره و اغلب الأحيان يكون بحسب الكفيل

الحل هو تغريمه و ينحط على البلاك لست في قطر

[Aaziz]

محد مشرد دريوليتنا الا انتو

[محاسب]

يكفينا عرض المشكله وأثارها.
و وزارة الداخليه:::عاجزه عن إيجاد حل :::::::
أقترحولنا حلول
أمثله:
1- تحميل السفاره الأم خسارة رب العمل.
2- مكافئه ماليه للي يبلغ ويساعد في القبض عليهم .
3- توفير رخص تجاريه لمكاتب خاصه تلاحق الهاربين (مثل الي نسمع عنهم في اوروبا وامريكا ) تساعد وزارة الداخليه
4-
5-
6-
المهم نوصل لحل

[المواطن]

لو بس نتكاتف
ومثلا تنحط صورة الهارب في صفحه خاصه في المنتديات المحليه والشباب يشدون حيلهم ما افتكر بعدها يشردون

[بوNasser]

من ناحيتي اقترح

1- ان اللي يشرد وينصاد يوضع في القائمة السودا مب بس في قطر لكن كل دول الخليج
لأنهم اذا خذوا الليسن الخليجي ما عندهم مشكلة
يبعد من قطر ، يشتغل في السعودية او الكويت.......
يبعد من الكويت ، يرد يشتغل في البحرين عمان قطر.....
ما عندهم مشلكة ابدا
لكن لو منعوهم من كل دول الخليج ساعتها بيعرفون ان الله حق.

2- والحل الثاني مع صعوبة تطبيقه، معرفة الناس اللي تشغل سواقين شاردين ومعاقبتهم وتغريمهم مب التستر عليهم والتجاوز. التحريات بامكانهم لو بغوا وصادوا سايق شارد معرفة وين كان يشتغل وعند من طول فترة هروبه ...

[دنيا الاسهم]

يجب ايجاد حل لمشكلة السواقين الهاربين
والله حرام الكفيل يعلمهم ويدفع دم قلبة وبالاخر يشرد ويجي شخص اخر يشغلة وهو شارد من كفيلة لاز م المجتمع كلة يتكاتف وما يشغل اي احد شارد الا بموافقة الكفيل
يجب ان يكون للداخلية كلمة في هذة المشكلة الي باتت تؤرق المجتمع القطري لان السواقين كلهم يدرون بضعف الداخلية وان ماحد راح يعاقبهم ومقيولة ( من امن العقوبة اساء الادب)

[تاج المراجل]

الله واكبر يابو هنود من قبل نجيبـكم بالكـيلوو والحين تتشرطون في الراتب وتهربون منا .. :nice:

[sahrleel]

اعتقد ان مشاكل السائقين مثلها مثل كثير من المشاكل الاخرى

ولكن لازم نكون حقانين وعندنا شوية عدل ولو كل واحد نفسه في مكان هذا السائق ممكن يفهم سبب هروبه

انا ما ادافع عن السائقين او هروبهم ولكن احياننا يكون الحل او جزء كبير من الحل عندنا ولكن نحن ما ندول الا على الحلول البلاش او حتى نحاول لو توفير 100 ريال او 200 ريال وهذي ممكن تعبي فيها بترول او وجبه في مطعم
ولكن هذه العمالة تفرق معاهم الريال الواحد وما ننسى اته في شي اسمه حقوق الانسان
واعذروني لو زعلت احد ولكني اكيد ما اقصد اي شخص

[عضوو]

بدون محد يزعل مني بعضنا يظلم العامل بدون قصد اما في اوقات راحته او في اكله او

ملبسه او حتى منحه اجازه يروح يشوف عياله لان الكثير من الاسر تشترط على الخادم

يعمل سنتين لذلك تلقى العامل بعد سنتين يروح ومايرجع او يضطر للهروب عشان يشتغل

كم شهر يجمع فلوس ويرجع لعياله وهناك حل بسيط واعرف اسره مطبقه هذا الحل واصبح

عندها طاقم شغال من افضل مايمكن بسبب هذي الطريقه وهي الاجازه الاجباريه سنويا مع

مجانيه بالأضافه الى استراحه الظهر وايقاف العمل الساعه عشر ليلا وعند في الظهيره او

ليلا يتم تعويض العامل في استراحته القادمه واي خادم لا يلتزم بالعمل بصوره ممتازه

يعرض عليه نقل كفال او المغادره لبلاده دون الحاجه للضرب او التجريح او الأهانه

وانا بذلك لا اعني ان ليس هناك اسباب لهروب الخدم ولكن يجب لا نتغافل عن عيوبنا

النظر الى عيوب الأخرين كما ان بعضنا يغضب عند ما يجد تقصير او اخطاء منهم

وهم ليسوا ملكه ولا ابنائه حتى يحرق نفسه بالغضب يجب ان نقتنع بأن هؤلاء متربين

في بيئه اخرى وبشرا من ناسبك عمله منهم اتركه يعمل ومن لم يناسبك اتركه في سبيله

ارض الله واسعه ولا تقرر تعديل هذا الانسان بطريقتك فمن شب على شي شاب عليه *

[رجل مثالي]

عندي سايق هارب من 2004 وفي عام 2010 يكلمني واحد من الاكبارية يطلب مني سحب البلاغ ونقل كفالتة علية- لانة سارلة 3 سنوات يشتغل عندة ومحتاجة


الي شغلة يتحمل الغرامة المفروظة على الي يشغل الهاربين عشرة الاف والمحاسبة

القانونية

[رجل مثالي]

السلام عليكم ورحمة الله وبركاته ..

كلامي بقوله بعفويه وبدون ترتيب واسمحولي ..

صار لي فترة ادور سايق يدل فالدوحه لكن للأسف مالقيت .. المشكله مب هني المشكله وانا ادور واتصل عليهم كلهم يبون راتب مايقل عن 1500 ؟؟؟ اقولهم لهم كبداية بعطيك الف وميتين يقول لا شوي وواحد ضحك يقولي مدام محد ياخذ هالراتب الحين :rolleyes2:!!!!!

لا شر البلية مايضحك ان بعضهم يكون شارد من كفيله ويتشرط بالراتب .. ماشاف نفسه وتشرط الا وهو عارف انه فيه ناس بيقبلون فيه وبشروطه ؟!

ليش عطيناهم مجال ان هم اللي يفرضون علينا الراتب؟؟

وليش فيه ناس يشجعون السايق اللي شرد من كفيله ويجيبونه عندهم بدال مايبلغون عنه؟؟؟


الموضوع متروك لكم :telephone:



ممكن تبحثين سائق عن طريق سائقين المنطقة الى انتي موجودة فيه يجيب احد من اهله من الهند

ولكن براتب الف وخمسمائة هم لهم شروط بشرط عنده رخصة خليجية

[أم محمد 90]

يازين الليسن لا دوخة ولا عوار راس :)

الله يعينج اختي

انا عمتي فوق ال 7 سنين تدور دريول ولا توفقت مع دريول وبعدين خذت الليسن بسن الـ40 ومرتاحه وتحسفت انها ماخذته قبل

[عوآآآآشـي]

يازين الليسن لا دوخة ولا عوار راس :)

الله يعينج اختي

انا عمتي فوق ال 7 سنين تدور دريول ولا توفقت مع دريول وبعدين خذت الليسن بسن الـ40 ومرتاحه وتحسفت انها ماخذته قبل

للأسف مب الكل يوافق على ان المرأه تسوق ..

أنا حصلت دريول شاطر بعد ماتنازلت عنه مكفولته ( من الأكباريه ) خذته أنا .. وجربته طلع ممتاز ويوم كلمها المكتب
عشان تنقل الكفاله ماطلت كم يوم وعقب بفتره تفاجأنا انها قدمت جوازه للإبعاد والله حرام كسر خاطري قطعت رزقه وكان مسلم وطيب واايد

بس ماقدرنا نقول شي وديناه بنفسنا الابعاد عرف بمصيره ولافكر يشرد

[دوحة الجميع]

وزارة الداخلية جزء متورط في عملية هروب السائقين مثلاً أنا كان عندي سائق وهرب وكان كل سنة يجدد ليسنه بدون ورقة من عند الكفيل الأصلي وبعد مرور ثلاثة سنوات جاني مسج من مطراش أن السائق خرج من البلاد بلا رجعه . بس مين اللي أعطاه إذن الخروج من البلاد ، وهل خرج من الدوحة من قبل شرطة الإبعاد ولا سفرة بلا رجعه من نفسه ! إيش رايكم مب الداخلية لازم تتحمل المسؤولية في موضوع السائق اللي هرب من عنني .

[الخزرجي قطر]

تشغيلهم وهم هاربين من كفلائهم يساعدهم على تفشي هذه المشكله
لو كل شخص امتنع عن تشغيله او بلغ عنه الى الاداره المختصه كان
تغير الوضع وهذه المشكله في كل الدول وفي النهايه تسفيره لبلده او نقل كفالته

[مــاي ورد]

الله المستعان مايسوى علينا أنا صار لي أكثر من 3سنين ندور دريول عدل
الحين بعد يشترط يقول سيارة قديمة أنا ما يسوق يبي جديدة اﻵخ

[المستريح]

عندي سايق هارب من 2004 وفي عام 2010 يكلمني واحد من الاكبارية يطلب مني سحب البلاغ ونقل كفالتة علية- لانة سارلة 3 سنوات يشتغل عندة ومحتاجة

واعده فى مكان وخله يجيب الدريول معاه وبلغ الشرطه قبل وبيمسكونه

[بو خليفه 123]

موضوعك حساس جداً و على الجرح

السائق على علم تام بظروف الارباب , المدارس , والتوصيل , و مدى حاجة كفيله له



هناك نوعان من الكفيل :


كفيل يجيب سائق من الهند , يتعب عليه و يدربه كل يوم و يدخله مدرسة سواقه و يضحي بسيارة البيت لمدة سنه من كثرة حوادثها , و يحفظه شوارع الدوحه و يتدرج راتبه سنوياً او نصف سنوياً الين يوصل مرحلة الاستقرار .



النوع الثاني :

كفيل ماعنده وقت , كثير الانشغال , ليس لديه الوقت لتدريب السائق , يخاف على ابنائه بالركوب مع سائق جديد و من حقه فلذلك يقول بدفع 300 ريال زياده على ال 1500 و اجيب واحد جاهز



نصيحتي لك و انا اتبعها و ناجحه معي . سائق بيت أمي و سائق بيتي , و سائق بيت نسيبي , و سائق بيت عمتي , و سائق بيت جدتي كلهم انسباء و عيال عم جابهم عمهم العود الي كان سائق عند جدي .. و لله الحمد كل سائق عندنا لا تقل مدة عمله عن 5 سنوات الى 30 سنه