أبي رايكم في هالإتفاق بيني وبين شريكي ( شرايكم )

[المـــــ$$$ـــــتثمر]

السلام عليكم ورحمة الله وبركاتة ,,,,


أخوكم في الله على وشك يفتح شركة ,,, (( وأبي آخذ رايكم في موضوع ))

اتفقت مع شخص (خبرة طويلة في مجالة) لفتح الشركة ,,

أبي رايكم في هالإتفاق بيني وبينه :
1 - %30 من الأرباح عائد للشركة نفسها للتشغيل والتطوير - و 70% من الأرباح بالمناصفة ( 50% لي - 50% له )
2 - في البداية الإيجار علي أنا ........... ( بعدين راح يكون من مدخول الشركة )
3 - في البداية رواتب العمال علي أنا ... ( بعدين راح يكون من مدخول الشركة )
4 - شريكي ياخذ راتب ثابت ... ويطلب الضعف إذا نجح المشروع ............ ( بدون سكن وأكل وسيارة / هالاشياء متوفرة عندة )

في المقابل وبخبرتة راح يمسك الشغل والعمال ,,, وبعلاقاتة يجيب مشاريع . ( وأنا من جهتي أجيب مشاريع )

طبعاً بوجودي أنا في الشركة بشكل دائم ,,, وإدارة الشركة بشكل عام ,,,,,


(((( أبي شوركم يا أهل الخبرة ))))
............................................

[شموخ دائم]

,

,


مرحبا

موفق ان شاء الله

اخوي الكريم هذي الامور والترتيبات كلها سهله
وما تحصل مشاكل فيها

الايجارات والرواتب الي انت تدفعها
( هي راس المال ) وهذا يعطيك الحق تكون رئيس مجلس الاداره
والاداره عليه هو ( المدير التنفيذي )
ولذلك هو ياخذ الراتب على الاداره

تحصل المشاكل في التالي انا ابيك تحط النقاط على الحروف من الان في التالي :_




بعد 6 شهور نفرض ما توفقتوا !!
بعد سنه مافي ارباح ونت ما زلت تدفع !!

هذا الشخص مو ملتزم بالدوام !!
ينام كثير !!
مهمل كثير
ما يعرف في الاداره !!

اكتشفت انه مشارك واحد ثاني غيرك في نشاط مشابه

اخذ مشروع ومافي ربح !!
ضعيف في التعامل مع الناس ومع المشاريع


ايش راح تعمل !! هل لك الحق ( تحط واحد ثاني مكانه !! )
واذا راح تشيله هل بيطالبك وبيقول انا شريكك في كل شي
وله الحق في النص !!
من معدات !! وعمال !! وسيارات الشركه !!

هذي الامور الي لازم تحسمها من الان ( وتكتبونها في ورقه وموقع عليها الطرفين )
ضروري جدا

من هنا تكون المشاكل
في الربح مافي مشاكل وكل الامور طيبه
في الخساره ابيك تحسم الامور من الان


من راح يمسك الحسابات !!!!

احسن طريقه تعمل معاه عقد
ويكون هو ( المدير المسئول )
وفي حال لاتوجد ارباح والشركه في خساره
يكون من حقك ( استبدال المدير بمدير أخر )
حتى تتجنب المزيد من الخساره
وكل المبالغ الي دفعتها في الشركه
من ايجارات ورواتب واقصاد
ما يكون له الحق فيها نهائيا
لانها خساره من جيبك
وكل شي اشتريته يكون تعويض لك عن جزء من خسارتك

اما اذا المكان يربح وهو تعب في هذه الشركه
فمن حقه تزيد راتبه ويشارك في الارباح
بالطريقه الي تناسبكم

:)

,

,


اخوك


شموخ دائم

[المـــــ$$$ـــــتثمر]

تسلم يا شموخ على المشاركة ,,,
عودتنا على مشاركاتك الجميلة ,,,

تحياتي لك ,,,

[شموخ دائم]

,

,


مرحبا

موفق يارب

اخر نصيحه

لاتخليه يجيب قرايبه في الشركه

ابحث عن موظفين عندهم الكفاءه وليس ( القرابه )

:)



,

,


اخوك


شموخ دائم

[QtrGate]

وإذا كان بيشارك معاك في راس المال
حاسب انك تعطيه راتب
يكون له 50% من الأرباح فقط
او تجدد عقدك معاه بعد سنه وتضيف له
لان إذا عطيته راتب من اول شهر وكتبت في العقد
راح تنلزم انك تعطيه الراتب حتى لو شغله تعبان
وهو ضامن انه بالحالتين ربحان

[ذيب ازغوى]

خله تقاسم الارباااح احسن لك

[عشق الوطن]

دام ماراح يدفع شي صدقني هو الكسبان وانت الخسران

هو راتبه ماشي ماشي


بس لو دفعته النص ذيك الساعه له حق يناصفك بالارباح وبنفس الوقت راح يشتغل صح

[مضارب دوسري]

الافضل شريكك يكون له نسبه وليس راتب
يكون له راتب ضعيف زائد نسبه
عشان يشد حيله
انا اذا راتب ثابت بيحط رجل على رجل وليقرلك دبر نفسك
واذا هالنشاط مقاولات
ممكن تجيب مثلا عمال سيراميك بدون راتب
راتبهم هو نسبه في كل متر يعني اذا المتر ب 30 هم لهم 15
وتكون افتكيت من رواتبهم واذا اشتغلوا بيجيك خير

[IT Engineer]

السلام عليكم ورحمة الله وبركاتة ,,,,


أخوكم في الله على وشك يفتح شركة ,,, (( وأبي آخذ رايكم في موضوع ))

اتفقت مع شخص (خبرة طويلة في مجالة) لفتح الشركة ,,

أبي رايكم في هالإتفاق بيني وبينه :
1 - %30 من الأرباح عائد للشركة نفسها للتشغيل والتطوير - و 70% من الأرباح بالمناصفة ( 50% لي - 50% له )
2 - في البداية الإيجار علي أنا ........... ( بعدين راح يكون من مدخول الشركة )
3 - في البداية رواتب العمال علي أنا ... ( بعدين راح يكون من مدخول الشركة )
4 - شريكي ياخذ راتب ثابت ... ويطلب الضعف إذا نجح المشروع ............ ( بدون سكن وأكل وسيارة / هالاشياء متوفرة عندة )

في المقابل وبخبرتة راح يمسك الشغل والعمال ,,, وبعلاقاتة يجيب مشاريع . ( وأنا من جهتي أجيب مشاريع )

طبعاً بوجودي أنا في الشركة بشكل دائم ,,, وإدارة الشركة بشكل عام ,,,,,


(((( أبي شوركم يا أهل الخبرة ))))
............................................


مرحبا اخوي اولا ان شاء الله يوفقك في هالمشروع ثانيا انا من راي انك تستخير رب العالمين
ولي يجي من الرب العالمين خير

فإن العبد في هذه الدنيا تعرض له أمور يتحير منها وتتشكل عليه ، فيحتاج للجوء إلى خالق السموات والأرض وخالق الناس ، يسأله رافعاً يديه داعياً مستخيراً بالدعاء ، راجياً الصواب في الطلب ، فإنه أدعى للطمأنينة وراحة البال . فعندما يقدم على عمل ما فإنه يستخير له .
يقول شيخ الإسلام ابن تيمية: ما ندم من استخار الخالق ، وشارو المخلوقين ، وثبت في أمره . وقد قال سبحانه وتعالى : ( فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ ) (سورة آل عمرا ن : 159) ،

والله ولي التوفيق وان شاء الله تكون من الموفقين دايما

[المـــــ$$$ـــــتثمر]

جزاكم الله كل خير ...
ويعطيكم الف عافية ..

[ماهر25]

الافضل انك تسوى دراسة للمشروع فى البداية عشان تعرف انت الى اى وقت ستدفع من جيبك اى هل قيمة التمويل فقط ام ماذا ؟

ولو حابب انا ممكن اساعدك بدراسة بسيطة

بالتوفيق