حاويات القمامة وأماكن توزيعها بين المنازل

[Nojoom]

السلام عليكم

شريت لي بيت في احد مناطق الدوحه

والصراحة متأذي من مكان وجود حاوية القمامه الملاصقه لسور بيتي حيث ان بيتي على شارعين

وحاوية القمامه الي. أقصدها النوع الكبير وليست الحاويه الصغيره .

الأذى الي أتعرض له هو رائحه كريهه وتشويه لشكل البيت وخاصه مرات يتم إلقاء مخلفات كبيره مثل اثاث او شجر ... الخ

صوره كأمثال

http://cdn-wac.emaratalyoum.com/polopoly_fs/1.114453.1271579467!/image/778546374.jpg

كذالك تجمع القطط على سور البيت ونقلهم مرات لبعض اجزاء الاكل لداخل الحوش.


السؤال حاليا هل هناك اجراء معين لتغير مكان هالحاويه ؟

هناك مكان مناسب اكثر وقريب من موقعها الحالي ولا يسبب أذى لجار هل استطيع نقلها بنفسي ؟

[بوخالد911]

تقدر تحرررررررركها وتبعدها عن بيتك

[ودي أكون]

انقلها اخوي بدون استأذان ولا حد يقدر يكلمك .. شوف الصوره كيف تبين انك متأذي منها .!

احذفها بعيد اخوي بطريقه انت ماتتاذى منها ولا غيرك يتأذى

والله يبارك لكم بالبيت

[بوخالد911]

والموقع شكله من زمااااااااااااااان البلدية ما مروا عليه

وتكدست عليه المخلفات

بلغ البلدية
اتصل كيوتل 111

[Amigo]

حركها بنفسك عادي جدا

[روز باريس]

حركها بنفسك عادي زوجي حركها من امام بينا وثاني يوم رجعوهاالبلدية ورجعها ثاني يوم وحط مكانها اصيص ورد وفتكينا من الرواح

[يوسف0]

نفس الشئ عندي ونفس الزاوية ومحطوطه في المواقف الي على جنب البيت الي أصف فيها والبلدية كل يوم فجر يمرون

وأحنا مانستخدمها لان طلبنا زبالة الله يعزكم الخضرة وكل ما انترست طلعناها وخذوها البلدية

وشكلي بأبتدي احركها
ما كنت ابي أحركها لاني كنت متوقع أنها بترجع

عندي سؤال عندنا بيت عمال تجاري وكل يوم يحملون بضائع وحاله اذا صورته وين اقدر احط الصور عشان يقلفعونهم ؟

وشكراً على موضوعك أخوي وشكراً على رد الأعضاء
منكم نستفيد

[Aaziz]

انا اعطيك الطريقه .. اول تلتقي بعمال البلديه الي يشيلون الزباله الله يكرمك ، و قول لهم انا بكره بنقل مكانها للمكان الفلاني ،،، لاتردونها ابدا ابدا

لانهم هم الي بيرجعونها اذا رجعت لاسباب ممكن يكون الوقوف عند بيتك اسهل لهم في دوران سيارتهم او غيره من هذي الامور .

-----

انا زباله بيتي اطلع القاها عند بيت جيراني ،، اردها القاهم ثاني يوم رادينها ... شكيت بخدامات جيراني ،، لانه احيانا زبالتهم ماتكفي فا يرمون عندي .
في الاخير اكتشفت ان الي يوديهم هناك هم عمال البلديه .. عشان يوقفون مره وحده عند زبالتين .

صدتهم و كلمتهم

[طبيب قطري]

خلي الدريول كل يوم الصبح يحركها ويقول لسياره البلدية الصبح لما تيجي تاخذ الزباله أنهم ما يرجعونها جنب بيتك.. كان عندي نفس المشكله وسويت كذا وقلتلهم يجيبون حاويه قمامه ثانيه لان الجيران الله يهديهم يرمون زبالتهم ع الأرض !

[معماري قطري]

ألحين جمع القمامة متروك لشركات اي كلام غير مؤهلة وعمالها عاديين لآخر درجة، وتحصلهم أوقات يتركون الحاويات في طرف الشارع وتضايق السيارات، وتحصلهم يتأخرون وفوق هذا ياخذون مبالغ خيالية للخدمة من الحكومة، ومن البلدية الإشراف عليهم أي كلام، وتحديد أماكن الحاويات ونوعيتها بحيث ما تصدر روائح عملية غير سهلة وتحتاج تخطيط جيد من البداية.

[Nojoom]

مشكورين والظاهر خلاص بنقلها بنفسي

لان الوضع الصراحه تعبني والمشكله خاصه في اجازة الاسبوع يعني المكان مثل ماهو عليه من يوم الخميس حتى اليوم مافي شال ا الزباله


مشكورين على النصيحه

[لاجل QT]

ياالله

الله يعينك

وايضا نعاني من منظر الحاوية بعد ازالة النفايات من داخلها غير الرائحة الغير مستحبة

المفترض كل اسبوع تستبدل الحاوية بحاوية اخرى نظيفة

[العلم]

انا ماطلعت الصورة عندي .. بس شلون بتنقلها بنفسك ..

إذا كانت من الزبايل الكبار فبتحك فالارض وبتخرب ..

وهذي خدمة من خدمات الدولة ولها ناس مسؤولين عنها .. خاطبهم بالأول اما عن طريق العمال او اقرب مركز بلدية .. وإذا ما استجابوا لك فذاك الوقت تصرف بنفسك ..


والله يوفقك وبالمبارك البيت .. :shy:

[كازانوفا]

الله يعينك شي مقزز

[حمد 2002]

المشكله بعض الجيران ايبوقون حاويات القمامه وايحطونها قدام بيتهم اقرب لهم ولخدمهم ؟:anger1:

[الصغيره]

كلم البلديه

لما نزلت بيتي لقيت كل الجيران بحاويه صغيره خضراء وتفيض عزكم الله عشر بيوت بحاويه صغيره كلمت البلديه بلديه الريان جزاهم الله خير اليوم الثاني احضروا حاويه متوسطه استوعبت كل القمامه المهم جات البلوى كل جاره تقول ما ابيها عند بيتي الحين سنين لكم زبالتكم فايضه بالشارع الحين كل وحده تقول ما ابيها عند بيتي صار كل سايق جاره يدزها باخر الشارع وذاك يردها بيت فلانه لين تكسرت رجول الحاويه كان اكلمهم مره ثانيه قالوا الحاويه مكانها هذا وثبتوها قدام الكل وعطوني حاويه صغيره لبيتي ريحتني من شل حط ود رد :)

كلم البلديه وما في خاطرك الا كل خير

[شيوخه]

وي الله يكون بعونك أخوي كلمهم مايرجعونها مره ثانيه مب حالها هاذي صراحه او روح كلم البلديه