وين شاليهات نظيفة في قطر ؟؟؟؟

[الأسبانية للمصاعد]

صبحكم الله بالخير يا جماعة الخير

ابغي اودي اليهال لاحدى الشاليهات الزينة والنظيفة في قطر بس والله ما عرف غير منتجع سيلين اللي اتوقع بعد سنتين بيكون احد عجائب الدنيا السبع نظرا لقدمه وعدم تجديده

اتنمنى لو أحد ايفيدني هاليومين قبل ما تبدأ المدارس

شرط ايكون المنتجع او الشاليه نظيف وراقي ...................... مشكورين

[ولـ قطر ـد]

السلام عليكم

والله يالغالي مثل ما انت عارف مافي شاليهات بقطر غير عندك شرق وسيلين و الغاريه واظن اذا ما خاب
ضني فندق السلطان الي بالخور

حاليا كل ما بغينا انودي اليهال او العائله مكان اقريب البحر انروح عند ذي السواحل الي مسوينها
على البحر عندك الفركيه الي بالخور و الوكره و فيه ايضا بسميسه وعده مناطق ..

واذا لك خاطر يعني يكون في خصوصيه بمكان معين بس ما يكون فيه بحر وفيه مسبح
عندك استراحات ام عبيرية .. نق لك احسن واحد وروح له واتفق معاه على السعر .. ولو ان في اخر
الوقت اشوفهم مبالغين في الاسعار ..

اتمنى اني قدرت افيدك بشي وبالتوفيق يارب

[الأسبانية للمصاعد]

رحم الله والديك الشيخ .........

[طبيب قطري]

فندق السلطان بالخور .. مكان نظيف وبعيد عن الزحمه ، بس اختار يوم مايكون بالويك اند

[البرونزي]

أجدد شاليهات حاليا غراند حياة في الخليج الغربي

[الأسبانية للمصاعد]

الله يجزيكم خير
شكلي باروح السطان سمعت انه زين وما قصرتوا على المساهمات القيمة
اموفقين

[qatar911]

غراند حياة

[qatarman8008]

انصحك تاخذ استراحة افضل.. خصوصية .. بركة سباحة مغلقة .. مكان للشوي.. والسعر واجد احسن من الشاليهات ..

[المناعي1]

عندك أستراحة أم أعبيرية و كذا أستراحة في نفس المنطقة ألي هي أم أعبيرية و بتوفيق أنشاءالله

[فتى الجود]

السلام عليكم

بالنسبة لمنتجع سيلين كنت فيه من فتره واشوف فيه تجديدات

و عندك منتجع الغارية

وعندك منتجع في طريق سلوى
قريب من اكوا بارك بيخلص بعد 4 شهور

مالك الا تصبر عليه

[بو علاوي]

وين استراحات ام عبيرية ؟؟
حد عنده ارقامهم او صور او اي فكرة عنهم؟؟