الى متى يامستشفى حمد نبي حل !!!!!!!!!

[الروقي]

واحد من الربع يبي يسوي عمليه لقص المعده عملية السمنه فعمل الاجرائات والفحوصات الطبيه كامله وانتظر في الدور وقالوا جدامك مئات من الي يبون يسوون نفس العمليه طبعا يمكن 80% غير قطريين قال لهم ليش انا مواطن لي الاولويه قالوا انت وغيرك من غير المواطنين نفس الشي بس القهر ان الغير مواطنين يجدمون دورهم بالواسطه قبل المواطن الي ماله احد مسكين
المهم يوم جاء دوره اتصلو فيه وعمل مقابله مع الطبيب وطبيب البنج وقالو له بكره العمليه وبتكون في غرفه مشتركه قال مافيه بروحي قالوا له احلم لاوبعد مع اجانب في نفس الغرفه قال الشكوى لله وراح البيت على اساس يجي في الليل يقعد في الغرفه عشان بكره العمليه مايمديه وصل البيت الا تلفون يجيه من قسم الدخول يقولون له كنسلنا عمليتك مافيه غرف حاول يكلم المسئولين قالوا له ماتقدر تكلمهم طبعا المسئولين اجانب المديره اوروبيه ونائبتها فلبينيه وبعدين من القهر راح لهم يحلف لي انه شاف اجانب عند قسم الدخول عطوهم غرف هنود وفلبينيين وعرب وانقهر ولااحد عبره ورجع مقهور ولاقدر يسوي شي والحين ينطر الدور من جديد
الى متى على هاالحاله احنا ماعندنا الامستشفى حمد كمواطنين والاجانب عندهم تامين ويقدرون يروحون لاي مستشفى بس مشاركينا في هاالمستشفى
وبعدين هذي عمليات اختياريه للسمن وتجميليه مش مجبورين نسويها للاجانب على حساب المواطنين
كل واحد منهم يدخل اهله بفيز زياره ويسوي هذه العمليات في المستشفى عجزنا نبي حل لنا يامستشفى حمد والله واحد يقول رقمي 1500 وهومواطن يعني بيجيه الدور بعد سنه موب حاله نبي حل
وين القانون الى يقول الاولويه للمواطن مااشوف طبقوه اناشد المسئولين في مؤسسة حمد يشوفون لنا حل للمواطنين

والله قهر والله يعين
اسف على الاطاله
والله قهر

[الأصيلة]

لازم يدور له على واسطة
هذا الحال مستمر في بلادنا وبلاد غيرنا،،،
ومالنا إلا الانصياع لهذه الظروف والصبر عليها،،،

[طبيب قطري]

فعلا قهر .. والوضع سيئ مب فقط للمرضي ولكن أيضاً للأطباء القطريين إلي نصهم اطفشوا من القهر والظلم... الاطباء الاجانب عطوهم بدل سكن وبيزودوهم عشرين في الميه زياده ..
وفي قسم من الأقسام وصلني كلام ان في استشاري يقول نبي نعطي لغير القطريين فرصه مب كل شي للقطريين !!! ورئيس القسم أمريكي من اصل عربي توه ماسك المنصب راح طرش اثنين دكاتره أجانب لمده سته شهور بريطانيا يكملون دراسه بدون اي وجه حق يعني في هالقسم نص العيادات اتسكرت والاجانب قاعدين ياخذون رواتب وبياخذون احسن الشهادات من بره وبعد كده بيروحون بلادهم بعد ماسووا احلي البيوت وعندهم ارقى الشهادات !!
حسبي الله ونعم الوكيل تعبنا واحنا نتكلم ومافي فايده .. يعني بالله عليكم هل المرضي استفادوا من الديكورات والسيراميك في المستشفي !! والأجانب الي المفروض جايبينهم يعالجون المرضي يطرشونهم يكملون تعليمهم بره !! بالله عليكم ايش الحل !!

[المواطن]

اذا تم الحال على ماهو عليه الظاهر بيفنشون المواطنين من البلاد وبيسفرونهم

[باراكودا]

لازم واسطة من السفارة الفلبينية .

[يوسف0]

الله يعين

[R 7 A L]

يسوي له سيرش ويبحث عن اي شخصية إدارية
في مؤسسة حمد وامورة في النور

[اداري]

خل هنديهم يتوسطله

[حمد 2002]

واحد من الربع يبي يسوي عمليه لقص المعده عملية السمنه فعمل الاجرائات والفحوصات الطبيه كامله وانتظر في الدور وقالوا جدامك مئات من الي يبون يسوون نفس العمليه طبعا يمكن 80% غير قطريين قال لهم ليش انا مواطن لي الاولويه قالوا انت وغيرك من غير المواطنين نفس الشي بس القهر ان الغير مواطنين يجدمون دورهم بالواسطه قبل المواطن الي ماله احد مسكين
المهم يوم جاء دوره اتصلو فيه وعمل مقابله مع الطبيب وطبيب البنج وقالو له بكره العمليه وبتكون في غرفه مشتركه قال مافيه بروحي قالوا له احلم لاوبعد مع اجانب في نفس الغرفه قال الشكوى لله وراح البيت على اساس يجي في الليل يقعد في الغرفه عشان بكره العمليه مايمديه وصل البيت الا تلفون يجيه من قسم الدخول يقولون له كنسلنا عمليتك مافيه غرف حاول يكلم المسئولين قالوا له ماتقدر تكلمهم طبعا المسئولين اجانب المديره اوروبيه ونائبتها فلبينيه وبعدين من القهر راح لهم يحلف لي انه شاف اجانب عند قسم الدخول عطوهم غرف هنود وفلبينيين وعرب وانقهر ولااحد عبره ورجع مقهور ولاقدر يسوي شي والحين ينطر الدور من جديد
الى متى على هاالحاله احنا ماعندنا الامستشفى حمد كمواطنين والاجانب عندهم تامين ويقدرون يروحون لاي مستشفى بس مشاركينا في هاالمستشفى
وبعدين هذي عمليات اختياريه للسمن وتجميليه مش مجبورين نسويها للاجانب على حساب المواطنين
كل واحد منهم يدخل اهله بفيز زياره ويسوي هذه العمليات في المستشفى عجزنا نبي حل لنا يامستشفى حمد والله واحد يقول رقمي 1500 وهومواطن يعني بيجيه الدور بعد سنه موب حاله نبي حل
وين القانون الى يقول الاولويه للمواطن مااشوف طبقوه اناشد المسئولين في مؤسسة حمد يشوفون لنا حل للمواطنين

والله قهر والله يعين
اسف على الاطاله
والله قهر

افاااااا هندي وفلبيني ايتحكم فينا فبلادنا :anger1:

الله المستعان

[قلبي الطيب]

انا معاك صرنا نروح المستشفيات الخاصة عشان ماندخل في زحمة حمد المفروض وتطبق قرار الأولوية للإجراءات الطبية الغير مستعجلة للقطريين اما الطوارىء فحسب الحالة
أمي محتاجة زراعة أسنان وخايفة من الزحمة والأنتضار الطويل

[حمد 2002]

انا معاك صرنا نروح المستشفيات الخاصة عشان ماندخل في زحمة حمد المفروض وتطبق قرار الأولوية للإجراءات الطبية الغير مستعجلة للقطريين اما الطوارىء فحسب الحالة
أمي محتاجة زراعة أسنان وخايفة من الزحمة والأنتضار الطويل

المشكله زراعه الأسنان بالمستشفيات الخاص نهبه والله عيل ضرس واحد 6000 الاف ريال :eek5: ،،، ، وين حمايه المستهلك عنهم

[ابن الجزيرة]

هناك هوس في قطر اسمه عمليات تحوير المعدة

بالله عليكم واحد وزنه 90 كيلو يعمل عملية تحوير معدة

اعتقد خلال الخمس السنوات القادمة لن تبقى معدة في قطر

[بريق الحق]

هناك هوس في قطر اسمه عمليات تحوير المعدة

بالله عليكم واحد وزنه 90 كيلو يعمل عملية تحوير معدة

اعتقد خلال الخمس السنوات القادمة لن تبقى معدة في قطر

ههههههههههههههههههههههههه:nice:

[ام السعف]

سمعت ان هالنوع من العمليات للقطريين فقط

فاشلون يسوونها لغير القطري في حين القطري محتاجها ؟

وبعدين في نقطة جدا مهمة

هل كل من يسوي هالعملية في حمد يكون من اصحاب الاوزان الكبيرة ؟

يعني ممكن قطري جسمه قابل للسمنة يسوي هالعملية وهو بعده ما متن،،

[قطرية مثقفة]

فعلا قهر .. والوضع سيئ مب فقط للمرضي ولكن أيضاً للأطباء القطريين إلي نصهم اطفشوا من القهر والظلم... الاطباء الاجانب عطوهم بدل سكن وبيزودوهم عشرين في الميه زياده ..
وفي قسم من الأقسام وصلني كلام ان في استشاري يقول نبي نعطي لغير القطريين فرصه مب كل شي للقطريين !!! ورئيس القسم أمريكي من اصل عربي توه ماسك المنصب راح طرش اثنين دكاتره أجانب لمده سته شهور بريطانيا يكملون دراسه بدون اي وجه حق يعني في هالقسم نص العيادات اتسكرت والاجانب قاعدين ياخذون رواتب وبياخذون احسن الشهادات من بره وبعد كده بيروحون بلادهم بعد ماسووا احلي البيوت وعندهم ارقى الشهادات !!
حسبي الله ونعم الوكيل تعبنا واحنا نتكلم ومافي فايده .. يعني بالله عليكم هل المرضي استفادوا من الديكورات والسيراميك في المستشفي !! والأجانب الي المفروض جايبينهم يعالجون المرضي يطرشونهم يكملون تعليمهم بره !! بالله
عليكم ايش الحل !!

والله قهرررررر @@ الله المستعان

[الأصيلة]

سمعت ان هالنوع من العمليات للقطريين فقط

فاشلون يسوونها لغير القطري في حين القطري محتاجها ؟

وبعدين في نقطة جدا مهمة

هل كل من يسوي هالعملية في حمد يكون من اصحاب الاوزان الكبيرة ؟

يعني ممكن قطري جسمه قابل للسمنة يسوي هالعملية وهو بعده ما متن،،
أنا مثلك بعد كنت افتكر للقطريين بس
لكن شفت وحدة غير قطرية بس أمها
تشتغل في المستشفى مسويتها وبالواسطة،،،
ومش أي واسطة،،لازم يكون من الروس الكبيرة في المستشفى،،،
وبعدين مايسوون العملية إلا اللي وزنه فوق 100 واكثر،،،

[بوحمد1]

جهز لك قصيده مدح بالفلبيني ولا بالهندي وشوفهم يمكن يساعدونك

صبر جميل والله المستعان

[..er..]

يبيله تحوير معده

ويبيله واسطه

جاري البحث عن دريول خالي يضبط اموري :)

[m.m.76]

تعالوا شوفوا مستشفى الولادة اشد وادهى...قسم الطوارئ الممرضة الهندية تطردني تقول روحي المركز الصحي حالتج ماتستدعي..وانا سكري مرتفع وتعبانه..رحت اكلم الاستقبال نادولي رئيستهم..قالت لي ان الممرضة تقول انتي جايه تبين اجازة......!!!!!!!!! لعنبوووووووووووج هندية والاجازة اذا باخذها مو منج باخذها من الدكتوره هي اللي تحدد انتي عليج تسوين فحوصاتج وبس..شوي الا هي مقلللطه هنديه مع بابو زوجها بغرفة الفحص,,والهندية تزززقح صاحية مافيها الا العافيه وهي تطمن بابو لاتشيل هم المدام انت ارتاح وانا اتولى امرها........فاااااااار دمي...سكررري صك 300 يوم دخلت ع الدكتور شاف السكر مرتفع دخلوني تنويم على طول الموضوع فيه خطورة ع الجنين مب شوي وهي تقول روحي المركز الصحي؟؟؟؟؟؟؟؟؟؟؟؟؟

هاه من واسطتي الحين..رااااااااااجوووووووووووووو وينك تعال دبررررررنا

[بوراشد82]

هي جات عالمستشفيات؟ خلها على ربك،، بنتي وولدي ابي اسجلهمرفي مدرسة خاصة اللسته كلها اجانب وانا حطوني عالانتظار،، الأولوية للاجانب في كل شي ،، حسبنا الله ونعم الوكيل ،،

[معماري قطري]

لازم يدور له على واسطة
هذا الحال مستمر في بلادنا وبلاد غيرنا،،،
ومالنا إلا الانصياع لهذه الظروف والصبر عليها،،،

لا والله المفروض الوضع يتعدل وكلام صاحب الموضوع في محله .. الأجنبي يساعد اللي من جنسيته ومتمكنين من كل إدارة المستشفى ومن مكنهم هم إدارة المستشفى العليا ووزارة الصحة .. والكل له قصة مع هالمستشفى وشاف كيف معاملة الغير قطري

[امـ حمد]

الله المستعان

[دانة الطواش]

اخوي الروقي أنا صار لي اكثر من سنه انتظر دوري وكل مرة اكلم الأخت الي مأمنها فايدة
ياسمين المسؤولة عن المواعيد تقول بعد مازلتي على ألقائمه وطبعا هي مقيمة ودخلت نفسها وعملت العملية وخلصت وانا انتظر الدور مع العلم ان في أشخاص دفعوا لها مبالغ وقدمت مواعيد هم وغيرهم من زفها بكم كلمة وبعد قدمت مواعيد هم وانا انتظر الدور
والله يسهل .

[بونووف]

اللي كاسر خاطري مره واحد اتصل وطني الحبيب يقول انه فيه السكر والسمنه مأثره عليه ولازم يسوي العمليه وعطوه موعد بعد سنتين ... في ناس وايد تسوي العمليه بس ك شكل المفروض الاولويه للي يشتكون من مرض وعلاجه القص

[OutLaw]

على كثر الشكاوي على مستشفى حمد ولا اشوف في اي نوع من التغيير عدا التغيير الي من السيئ للأسواء ....
وصرت امني النفس بأن اسمع احد يمدح فيهم !

المستفيد الوحيد من مستشفى حمد الاجنبي الي ايي من بلاده ويسوي عمليات مجانية ويرجع يخدم بلاده .. اما القطري توسعة مقبرة بوهامور الجديدة اتيوز له .


الله يرحم من تسببوا في موته .. حسبنا الله ونعم الوكيل .

[كازانوفا]

حسبنا الله ونعم الوكيل
خلاص ما عاد في خير لان الاجانب مسكو كل شي

[الصغيره]

لقيت بالمراجعه مقيمه قاصه قلت المواعيد طويله ويمكن سنه حتى اقص قالت بالعكس انا كل الاجراءات شهر واحد وحتى تتاكدون يامدراء مستشفى حمد اضربوا على الكمبيوتر وشوفوا من بين مواعيد المقيمين اللي سووا القص ومابين تاريخ العمليه كله وووووووووواسطه وحنا ناكلها ونشربها بعد او نروح السعوديه بخمسن الف او بالعمادي سبعين الف

من قدك يالمقيم اللي لك مقيم يشتغل بحمد

[الصغيره]

اخوي الروقي أنا صار لي اكثر من سنه انتظر دوري وكل مرة اكلم الأخت الي مأمنها فايدة
ياسمين المسؤولة عن المواعيد تقول بعد مازلتي على ألقائمه وطبعا هي مقيمة ودخلت نفسها وعملت العملية وخلصت وانا انتظر الدور مع العلم ان في أشخاص دفعوا لها مبالغ وقدمت مواعيد هم وغيرهم من زفها بكم كلمة وبعد قدمت مواعيد هم وانا انتظر الدور
والله يسهل .

ايه هين تبي ياسمين تقدم او توخر وانت قطري والله اكون اسال عن دوري تجيها طبيبه او حد تقول بروح ادفع وارجع لك

وش يدفعون شي رمزي وحنا نروح السعوديه او العمادي على خمسين وسبعين الف