فودافون في قطر مساحه لاتتجاوز 4 الف ميل مربع بدون تغطيه ؟

[كبير المتداولين]

فودافون في ذمتكم لو في دوله مساحتها 50 الف ميل وش الحل معى ارسالكم

[حمد 2002]

انا ماجربت فودافوون للحين ، لأني اتعامل مع كيووتل رغم اسغلالهم وسرقتهم لجيووب الناس

الله المستعان

تحياتي لك اخووي

[jassim_007]

انا واحد نقلت من كيوتل لفودافون

سلبيات :
الشبكه: الشبكه ضعيفه نوعاً ما و مرات الصوت يقطع في الاتصال

الانترنت : ابطئ من كيوتل ولكن ماراح تلاحظ الفرق

خدمة العلاء: مكاتب خدمة العملاء موجودة في مصر و بصراحه و مع احترامي لهم بس اسلوبهم يبط الجبد ،، العميل متصل يبي ياخذ المعلومه او يستفسر و يلقى الجواب باسرع وقت و مجرد تحيه السلام كفايه و مش لازم انشاء قبل البدء في طرح الموضوع " اتصلت اكثر من مرة و الخوات المصريات يردون بهل الطريقه ، 1-السلام عليكم و رحمة الله و بركاته الجمله الثانيه 2-عفواً مين معايه افندم - الجمله الثالثه 3- الشيج جاسم كيف حالك اليوم :eek5: الجمله الرابعه4 - الشيخ جاسم ممكن رقم البطاقه الشخصيه -الجمله الخامسه 5- حضرتك ممكن تديني رقم التلفون الي عليها المشكله :eek5::weeping::weeping:زين ليش كل هاي !!

خدمه180: "حسب علمي"خدمه الاستعلام عن المكالمات الي هي موجوده في كيوتل عن طريق الاتصال بالرقم 180 مش موجوده في فودافون و الخدمة ضرورية و المفروض تكون موجوده ..

الايجابيات :
تكلفه المكالمات : رخص المكالمات خصوصاً في الباقات الشهريه

الانترنت : رخص تكلفه رسوم الانترنت على الموبايل


همسه : بمجرد ما سجلت طلب تحويل من كيوتل إلى فودافون ، عقبه بيوم اتصلت فيني موظفه من كيوتل "بلفيت" تاخذ رايي كمستخدم في خدماتهم و عطيتها من الانتقادات في اسعار الخدمات و غيره و بالمقابل كانت تقارن خدمات كيوتل بفودافون و تقول احنا احسن ،، فهمتها مايصير تقارن شركة لها اكثر من 30 سنه بشركة جديده مالها الا كم سنه و عقبه قامت تفتخر بنظام نقاط نجوم و انه الميزه مجانيه (و كررت كلمه مجاني 3 إلى 4 مرات) بس إي نجوم !!!،، مو كني مقابل 2000 ريال اخذ منهم بس 50 ريال بس!! ( العذر و السموحه يا كيوتل بس يوم تشرح لي عن خدمه نجوم حسيت نفسي طرار )،، المهم في نهايه المكالمه قالت لي اشرايك اعطيك عرض مجاني ،، حسبت بندهشن بالعرض و بفكر الغي طلب نقل الرقم إلى فودافون ،، ولكن للاسف كل الي قدرتو عليه يا كيوتل انكم تخصون 50 ريال -فقط- من فاتورتي الجايه ! طبعاً ما وافقت و قلت مشكوره و العرض مايناسبني ...
رسالة إلى كيوتل:

بسبب استغلالكم و اسعاركم خسرتو وايد زباين ،، راجعو اسعاركم و احنا راح نراجع قراراتنا و بنتوجه لكم مرة ثانيه



اخوكم : مقاطع كيوتل - حتى الان-

[Q-tr]

سبحان الله تدري انا يوم نقلت رقمي من كيوتل لي فودافون جاني اتصال ثاني يوم ونفس العملية تسألني عن راي في خدمات كيوتل وقالت لي راح نعطيك 2000 دقيقه مجانية استغربت والله.... اتصلت فودا فون وقلت لهم ليش مانقلتو الرقم؟ والحمد لله تم النقل.

بس الغريب ان انا كنت مشترك بباقة ال 300 ريال واللمت كان 600 ريال لكن ( والله ) عمري مادفعت 300 ريال مايجي نص الشهر الا تلفوني مقطوع ولا تجي فوق ال 700 ريال

اما بالنسبة لفودا فون اشتركت بالباقة اللي بو 210 وصار لي 3 شهور وسبحان الله نفس المذكور مافيه لعبة

بالنسبة لي كنسلت كل خدمات كيوتل بسثناء خدمة البرق والواي فاي 3 جي فقط


كيوتل من سيئ الى اسواء

[حميداني]

^

ناوي انضم للقافله باقرب فرصه

[MAZEN37]

الاحظ حمله لتشويه سمعة فودافون مع انها مبتدئه
واضح هالشيء
عموما اشكر هيئة الاتصالات بالسماح لشركه منافسه لكيوتل
على الاقل حسوا بمعاناة المشتركين وخفوا الظلم

[كبير المتداولين]

الاحظ حمله لتشويه سمعة فودافون مع انها مبتدئه
واضح هالشيء
عموما اشكر هيئة الاتصالات بالسماح لشركه منافسه لكيوتل
على الاقل حسوا بمعاناة المشتركين وخفوا الظلم

اخوي لاتشويه ولاشي فودافون شركه عالميه شمعنى اهنيه خدماتهم الله بالخير ومثل هالشركه يوم تقدم خدمات لازم تقدمها نفس مستواها في الدول الاخرى احنا ندفع لهم بالريال القطري شهريا عشان نجري الاتصالات وبالمقابل تلفوني 24 ساعه خارج نطاق التغطيه وين قاعدين ياخوي :anger1:

[المبرمج صلاح]

اخوي لاتشويه ولاشي فودافون شركه عالميه شمعنى اهنيه خدماتهم الله بالخير ومثل هالشركه يوم تقدم خدمات لازم تقدمها نفس مستواها في الدول الاخرى احنا ندفع لهم بالريال القطري شهريا عشان نجري الاتصالات وبالمقابل تلفوني 24 ساعه خارج نطاق التغطيه وين قاعدين ياخوي :anger1:

هلا اخوي لو تقدر تدخل عتويتر او الفيس بوك عصفحتهم وتقول عن المشكلة وخاصة انك تزودهم بموقعك اللي في انقطاع للشبكة بيكون احسن من الشكوى هنا هذه الطريقة الامثل للتجاوب من الشركات الكبيرة

ملاحظة اخوك عميل كيوتل حتي هاللحظة

[ملكة البورصة]

هلا اخوي لو تقدر تدخل عتويتر او الفيس بوك عصفحتهم وتقول عن المشكلة وخاصة انك تزودهم بموقعك اللي في انقطاع للشبكة بيكون احسن من الشكوى هنا هذه الطريقة الامثل للتجاوب من الشركات الكبيرة

ملاحظة اخوك عميل كيوتل حتي هاللحظة

اايدك الراي..........

لازم نتعامل بحرفيه مع الشركات الكبيرة ... ونتواصل معاهم على شبكاتهم الاجتماعيه لتحسين الخدمه.....

[Adhoc]

Bojassim_007
والله كيوتل شكلها تلعب عكس النزاهة... اشلون يغرونك بخمسين ريال أنا لو منك اتصل بالمجلس الأعلى وابلغهم بها الممارسات.. اتصل 103 وبلغهم لأن هذه امانة والغش محد يرضى به
وانا حولت أمس... بس للحين ما اتصلوا هههه

[alsenator]

انا موجود في منطقة ارسال فودافون فيها اقوى من ارسال كيوتل والانترنت سريع جدا

[7llo]

الصراحه انا استغرب منكم تقولون ارسال فودافون تعبان للعلم رقمي الي دوم استعمله فودافون وماخذه من اول مافتحت الشركه من اكتتاب المساهمين ارسالهم الحين جيد جدا مب سيى صحيح كان قبل تعبان بس الحين جيد جدا واحيانا يفصل , يمكن ارسالهم تعبان في المناطق الخارجيه نفس سيلين او ام باب الغاريه دخان الارسال هناك تعبان, مم بس انا اشوف فودافون افضل من كيوتل بكل شي سوا في الكاستومر سيرفس او في الكول سنتر او في العروض خدمه العملاء عندهم اوك ويفهمونك مثلن لو خذت عرض وحبيت توقفه يقولون لك انك بتدفع سعر الباقه مده 3 شهور وجي اما كيوتل تنضرب على راسك وتدفع مده الخدمه سنه والكول سنتر مال فودافون افضل من كيوتل لانهم يردون بسرعه كيوتل نص ساعه عشان يردون عليك

[7llo]

مم نسيت اقول بعد في داومي ترا مافي ارسال كيوتل اتعلوز في البي بي دوم ارفعه فوق عشان امسك الارسال اما الفودافون فلللللللللللل وتوني ماخذ لي برود باند مال فودافون سريع واوكي

[CHESS]

احم احم ايش ريكم نحول من كيوتل الى فودافون

[صوت مواطن]

فودا فون وبس

[مساهم غشيم]

للاسف كيوتل استغلاليه بشكل كبير وانا بحول رقمي لفودافون عندهم نظام الباقات الشهريه افضل والمكالمات الدوليه ارخص مع ان الارسال ضعيف في بعض المناطق بس اسعارها مغريه للمستخدم

[ملكة البورصة]

bojassim_007
والله كيوتل شكلها تلعب عكس النزاهة... اشلون يغرونك بخمسين ريال أنا لو منك اتصل بالمجلس الأعلى وابلغهم بها الممارسات.. اتصل 103 وبلغهم لأن هذه امانة والغش محد يرضى به
وانا حولت أمس... بس للحين ما اتصلوا هههه

انا اتصلت بالمجلس الاعلى قسم حمايه المستهلك على 103 لاني بعد عقب ماحولت خطي مال كيوتل الى فودافون
اتصلوا فيني كيوتل يغروني بعروضهم ويحاولون يرجعوني لهم.... فقلت مشوا بوزكم ...

بوجاسم وانجال الغضب واي حد يسوون معاه هالشي بلييييز اتصلوا اشتكوا لازم انوقف هاللعبه الغير احترافيه من كيوتل يوم انكم خايفين على مشتركينكم جان من زمان احترمتوهم مب عقب مانطلع تركضون ورانا

( ماتعرف خيري الا لما تجرب غيري ) بالنسبه لهم ( ماتعرف خيري الا لما اروح لغيرك ) لووووووووووووووووووووووووول

[ملكة البورصة]

صبحكم الله بالخير