محل المطابخ الحديثه؟

[PGR]

السلام عليكم ,,, حبيت استفسر عن هالشركة للمطابخ من فيكم جرب التعامل معاها ؟ هم عندهم الخشب والمفاصل وجميع المواد من المانيا ولكن مصنعهم في الاردن ,, افيدوني الله يجزاكم خير

[شموخ دائم]

,

,


مرحبا


الشركه هذي الي بطريق المطار !!

والخشب نوعه طيب وغالي

؟؟


,

,


اخوك


شموخ دائم

[معماري قطري]

ما شاء الله الأسعار في الأُردن رخيصة أو بدون مبالغة معقولة .. والمصنعية عندهم جيدة وخصوصاً لو كانت ماركة عالمية .. بس أكيد السعر بيكون واصل قطر مبالغ فيه كثير كسيئة لهذا الإختيار وكحسنه بيكون الضمان والتركيب مسؤولة عنه جهة موجودة في قطر.

انا خذت من ماركة Crabtree البريطانية، والخشب مصمت " solid wood " والتصنيع في السعوديه وبسعر كثير رخيص .. 3 مطابخ 2 خشب وواحد ألمنيوم للخارجي والألمنيوم عمل ورشة في قطر وكان أغلى من الخشب وطلع غش كله تفكك ويحتاج صيانة، وللحين ما شاء الله بعد 8 سنين الخشب ما عليه كلام .. وتكلفة جميع المطابخ بدون المغاسل والرخام كانت على ما اذكر 35000 وحتى وقتها الكل يقول لي وايد رخيص وحتى انا قلت لصاحب الشركة الفاضل في قطر وقت توقيع العقد معاه انت شركتك بتفلس على هالأسعار الزينه، وصار مسكين كانت آخر مطابخ يركبها اللي لي الله يعافيه ويرزقه وين ما كان.

[PGR]

يعطيكم العافيه اي نعم اخوي شموخ بطريق المطار والخشب سوليد وفيه منه انواع بعد

[مضارب دوسري]

انا ريحت راسي وخليت المطبخ طابوق لان مساحة المطبخ عندي كبيره
واخوي نصحني قالي يا اما تركب ستيل ويطلع عليك 100000 وفوق ولا سو بنيان وبياخذ عليك اقل من 10000

الشركه اللي ذكرتها اخوي سمعت ان تعاملهم طيب ويسلمون فالمواعيد هذا اللي قاله لي واحد من الربع بس نشوف اراء باقي الاعضاء

[PGR]

انا ريحت راسي وخليت المطبخ طابوق لان مساحة المطبخ عندي كبيره
واخوي نصحني قالي يا اما تركب ستيل ويطلع عليك 100000 وفوق ولا سو بنيان وبياخذ عليك اقل من 10000

الشركه اللي ذكرتها اخوي سمعت ان تعاملهم طيب ويسلمون فالمواعيد هذا اللي قاله لي واحد من الربع بس نشوف اراء باقي الاعضاء

مشكور اخوي على التجاوب :)

[صــوت قطــر]

والله تعامل طيب جربناهم في اربع فلل وعلى الموعد وشغلهم نظيف ومديرهم رجال محترم

انا خلال كم يوم باوقع معاهم على فلتين اذا الله راد

[PGR]

والله تعامل طيب جربناهم في اربع فلل وعلى الموعد وشغلهم نظيف ومديرهم رجال محترم

انا خلال كم يوم باوقع معاهم على فلتين اذا الله راد

مشكور الشيخ على مرورك الطيب