إقتراحاتكم لشهـر العسـل

[أسير الاسهم]

السلام عليكم

حبيت أسأل هل السفر والوناسـه والسياحـه

وين الواحد يقضي شهر العسـل .؟
طبعاً هو أسمه شهر العسل بس بيكون عشر ايام إلى اسبوعين .

مكـه للعمره هذا شي أساسي بالنسبة لي لبداية حياة زوجيـه ابتديها بالعمره وطلب التوفيق من الله ..

بس عقب وين نروح ؟

في إنتظار إقتراحاتكم وابي هل الخبره والسفر .. مب بس تقولون لي روح هالبلاد الفلانيه وبس لاااااااا :rolleyes2:
أبي تفصيل رح يوم لكذا ويومين لكذا وروح للمكان الفلاني وتفصيل يساعدني وهكذا :victory:

ما أستغني عنكم وعن نصايحكم :nice:

[حفيد الأنصار]

الف الف مبرروووك مقدما والله يوفقكم يارب ..
ان شاء الله الاعضاء يفيدونك ..
تروح وترجع بالسلامة يارب

[بونووف]

على حسب انت وزوجتك شنو تحبون وشنو جوكم ... طبيعه .. تاريخ ... تسوق ... اماكن ترفيهيه .. جزر ... حدد لنا عشان نعطيك الاماكن والجدول والوقت اللي بتسافر فيه عشان نعرف اي دوله تصلح

[أسير الاسهم]

السفره تقريبا بتكون بداية شهر 6

ووين وكيف ما عندنا شي معين .. كلن ينصحنل باللي في باله سواء طبيعه .. والا ترفيـه .. والا جزر . والا اللي هووو كلن يقول اللي عنده

[أسير الاسهم]

الف الف مبرروووك مقدما والله يوفقكم يارب ..
ان شاء الله الاعضاء يفيدونك ..
تروح وترجع بالسلامة يارب

الله يبارك فيك .. وتسلم على كل حال

[mE mYself & i]

شرف أسيا
المالديف
سنغافورة
هونكونج

أوربا
فينا
فينيسيا
فيرونا

[بونووف]

شهر 6 امممم الجو حلو في اوروبا بعطيك جدول شوي متعب

تروح فينا تقعد فيها يوم وبعدها تروح عن طريق القطار الى زلامسي تقعد فيها 4 ايام وبعدها تروح سالزبورغ تقعد فيها يوم وبعدين تطير الى باريس تقعد فيها باقي الايام

واذا تبي جدول فيه اكشن شوي

بعد ماتطلع من زلامسي وتروح ل سالزبورغ تأجر سياره وتروح ميونخ لمدة يومين وبعدين تروح باريس عن طريق السياره وتتمتع بالطبيعه وانت قابض الخط المسافه ساعه ونص من سالزبورغ الى ميونخ ومن ميونخ الى باريس 7 ساعات ونص

[بونووف]

واذا تبي جدول ثاني في شرق اسيا روح سنغافوره واقعد فيها يوم وبعدها طير الى جزيرة بالي في اندونيسيا واقعد فيها 5 ايام وبعدين طير الى استراليا .. في تقرير من احد الاخوان عن استراليا تقدر تشوف الاماكن الحلوه في استراليا وفي هالوقت استراليا جوها بارد

[أسير الاسهم]

شهر 6 امممم الجو حلو في اوروبا بعطيك جدول شوي متعب

تروح فينا تقعد فيها يوم وبعدها تروح عن طريق القطار الى زلامسي تقعد فيها 4 ايام وبعدها تروح سالزبورغ تقعد فيها يوم وبعدين تطير الى باريس تقعد فيها باقي الايام

واذا تبي جدول فيه اكشن شوي

بعد ماتطلع من زلامسي وتروح ل سالزبورغ تأجر سياره وتروح ميونخ لمدة يومين وبعدين تروح باريس عن طريق السياره وتتمتع بالطبيعه وانت قابض الخط المسافه ساعه ونص من سالزبورغ الى ميونخ ومن ميونخ الى باريس 7 ساعات ونص

والله حلووو جدولك .. انا جاني هالاقتراح من الربع انه اروح زيلامسي وسالزبورغ وميونخ بس ما قالوا روح باريس :omen2:

زيلامسي روعه والله :nice:

[أسير الاسهم]

واذا تبي جدول ثاني في شرق اسيا روح سنغافوره واقعد فيها يوم وبعدها طير الى جزيرة بالي في اندونيسيا واقعد فيها 5 ايام وبعدين طير الى استراليا .. في تقرير من احد الاخوان عن استراليا تقدر تشوف الاماكن الحلوه في استراليا وفي هالوقت استراليا جوها بارد

سنغافوره وماليزيا زينه واسعارها حلوه .. والطبيعه فيها والترفيه .. بس كيف الجوو بيكون شهر سته .؟

اما اندونيسيا أخاف صراحة من سوالف السحر هناك :rolleyes2:

[بونووف]

باريس حلوه قعدتها واماكنها وعندك ديزني حلوه لاتفكر انها مالت يهال بس فيها العاب للكبار
ماقد رحت ميونخ من قبل لكن احس باريس احسن للمعاريس

اذا بتروح بسياره تقدر تمر على ميونخ ... اذا مب رايح بسياره طير لباريس احلى ... وعلى فكره ترى سالزبورغ وزيلامسي نفس الفكره مدن ريفيه يعني اذا بتقعد في زلامسي لاتكثر في سالزبورغ عشان ماتملون

وزلامسي منطقه وايد حلوه وتوماتيكي تحس نفسك عاشق ههههه

[بونووف]

سنغافوره وماليزيا زينه واسعارها حلوه .. والطبيعه فيها والترفيه .. بس كيف الجوو بيكون شهر سته .؟

اما اندونيسيا أخاف صراحة من سوالف السحر هناك :rolleyes2:

لا بالي ترى جزيره سياحيه بحته ههههه ولاتخاف من السحر وترى رواد هالجزيره كلهم استراليين وتبي الصج بعد التفكير ماراح ترتاح فالجزيره لانه الجزر عندهم كلهم مفاصيخ وخصوصا هالوقت الاستراليين بكثره وكلهم مسدحين عالبحر ...وجو شرق اسيا طول السنه استوائي

[الزلزال]

يمدحون المالديف

[أسير الاسهم]

يمدحون المالديف

المالديف وموريشيوس وسيشل هالجزر قريت عنها الكثير .. يقولون نفس الفكره كلها :omen2:

بس شنو الأنسب من ناحية شهر 6 والاسعار شنو الافضل .. والارقى والانظف والاكثر مرحاً ( المالديف واحد من الربع يقول ما في اكتفتي مافي شي أكل ونوم فقط )

[بونووف]

المالديف وموريشيوس وسيشل هالجزر قريت عنها الكثير .. يقولون نفس الفكره كلها :omen2:

بس شنو الأنسب من ناحية شهر 6 والاسعار شنو الافضل .. والارقى والانظف والاكثر مرحاً ( المالديف واحد من الربع يقول ما في اكتفتي مافي شي أكل ونوم فقط )

صحيح وغاليه وايد

[بو الجوري]

فرنسا 10 أيام حلوين جداً لو حابين اللفلفه و زيارة الأماكن السياحيه
و ديزني لاند طبعاً :)

و الجو أعتقد ممتاز في شهر 6 :.. و ألف مبروك مقدما ً

هذا تقريري و إن شاء الله يفيدك

http://www.qatarshares.com/vb/showthread.php?t=417328&highlight=%DD%D1%E4%D3%C7+2010

[أسير الاسهم]

فرنسا 10 أيام حلوين جداً لو حابين اللفلفه و زيارة الأماكن السياحيه
و ديزني لاند طبعاً :)

و الجو أعتقد ممتاز في شهر 6 :.. و ألف مبروك مقدما ً

هذا تقريري و إن شاء الله يفيدك

http://www.qatarshares.com/vb/showthread.php?t=417328&highlight=%DD%D1%E4%D3%C7+2010

يسلمووو بوالجوري .. ما قصرت على هالتقرير الحلوو :nice:

[NINA RICCI]

ماليييزيا + سنغافووره .. فنادقهم فخمممه مقارنة باوروبا

وعجبتني هالدول اكثر من اوروبا لان الجدول عندك مايخلص لين الفجر .. شوبينغ وطبيععه وسينمات وقهاوي كل شي حولكم .. رحت لها 3 مرات وماشبعت منها صراحه

وعجبني تقرير موجود عن استراليا .. حسيتها راقيه وايد بس عيبها بعيده وايد ..

[أسير الاسهم]

ماليييزيا + سنغافووره .. فنادقهم فخمممه مقارنة باوروبا

وعجبتني هالدول اكثر من اوروبا لان الجدول عندك مايخلص لين الفجر .. شوبينغ وطبيععه وسينمات وقهاوي كل شي حولكم .. رحت لها 3 مرات وماشبعت منها صراحه

وعجبني تقرير موجود عن استراليا .. حسيتها راقيه وايد بس عيبها بعيده وايد ..


إذا عندك تقرير عن ماليزيا وسنغافوره والا الدول الآسيويه اللي حولها وتصلح لشهر العسل لحد يبخل علينا .. نبي تفصيل :nice:

[السديم]

الف الف مبروك مقدما

سبقتك بشهرين وتوني من فترة راجعة من شهر العسل ..

وايد كان بخاطري زيلامسي وسويسرا بس بحكم ان شهر 12 برد وايد غيرنا الوجهه

وكانت لفرنسا (نيس و موناكو و كان) ومنها لبرشلونه ومنها لدبي

وصج صج ماتحسفت ابد .. وبالذات برشلونة تجنن واماكنها السياحية ماتخلص

وموفقين ان شاءالله

[المسعف]

تنزل ميلان يومين وبعدين تروح بالقطار إلى لوقانو تسكن في فندق يطل على البحيرة وبعدين تروح فنيس ،

[أسير الاسهم]

الف الف مبروك مقدما

سبقتك بشهرين وتوني من فترة راجعة من شهر العسل ..

وايد كان بخاطري زيلامسي وسويسرا بس بحكم ان شهر 12 برد وايد غيرنا الوجهه

وكانت لفرنسا (نيس و موناكو و كان) ومنها لبرشلونه ومنها لدبي

وصج صج ماتحسفت ابد .. وبالذات برشلونة تجنن واماكنها السياحية ماتخلص

وموفقين ان شاءالله


مبروووك

والاماكن اللي رحتوو لها حلوه ( فرنسا وبرشلونه :nice: )

انا عاد بروح زيلامسي كم يوم .. وعقب بروح فرنسا تمشي وفرفره :victory:
شرايكم ؟

[أسير الاسهم]

تنزل ميلان يومين وبعدين تروح بالقطار إلى لوقانو تسكن في فندق يطل على البحيرة وبعدين تروح فنيس ،

رحت لميلان ايام العزوبيه ما اعجبتني .. :omen2:

يبيله اماكن اخرى :nice:

[شموخ-qtr]

ميونخ - زيلامسي - انترلاكن - سويسرا

[راشد محمد]

الف الف مبروك مقدما

[أسير الاسهم]

ميونخ - زيلامسي - انترلاكن - سويسرا


الظاهر اني بكون حوالي هالاماكن .. ودي بالارياف والجوو الحلوو :nice:

[أسير الاسهم]

الف الف مبروك مقدما

الله يبارك فيك

[بيتي بوب 23]

نصيحه مني روح شرق اسيا اذا تبي الفخامه والرفاهيه والفنادق الشرحه الوسيعه لان اوروبا فنادقها ضيقه حتى لو خمس نجوم وبعدين ليش اتخلي الرحله كم منطقه ترا بتتعب انت رايح شهر عسل مب تستكشف الاماكن ترا مب شي كل يومين اتروح اترتب الشنطه ومطار ولا سياره مسافات طويله ترا بتتعبوون

[أسير الاسهم]

نصيحه مني روح شرق اسيا اذا تبي الفخامه والرفاهيه والفنادق الشرحه الوسيعه لان اوروبا فنادقها ضيقه حتى لو خمس نجوم وبعدين ليش اتخلي الرحله كم منطقه ترا بتتعب انت رايح شهر عسل مب تستكشف الاماكن ترا مب شي كل يومين اتروح اترتب الشنطه ومطار ولا سياره مسافات طويله ترا بتتعبوون

شرق آسيا وين بالضبط ؟؟ أي دولة ؟؟

[بيتي بوب 23]

ماليزيا ولا سنغافورة ترا فخامه من قلب فنادقها الخمس نجوم وفي فلل خاصه حق المعاريس حتى في جزر لكم بروحكم محد عندكم فيها خصوصيه انت روح مكتب سفريات وهم بيعلمونك كل شي

[تحداني]

واذا تبي جدول ثاني في شرق اسيا روح سنغافوره واقعد فيها يوم وبعدها طير الى جزيرة بالي في اندونيسيا واقعد فيها 5 ايام وبعدين طير الى استراليا .. في تقرير من احد الاخوان عن استراليا تقدر تشوف الاماكن الحلوه في استراليا وفي هالوقت استراليا جوها بارد


^
^


هالجدول وايد حلو .. وانصحك فيه
استراليا ما تتفرط .. وخاصه لشهر العسل راح اتكون وايد وايد جميله




ما انصحك ابماليزيا .. ولا تايلند .. ولا سنغافوره
شرق اسيا حاااااره جدا جدا .. ومطر .. ولغلاغ وبهدله وما تنفع للعرايس انا اشوفها جذي
والطبيعه راح تلقاها في كل مكان وفي اي بعد خارج الخليج


انصحك استراليا
سويسرا
اسبانيا
هالبلدان الي اترد الروح بالبراد


الله يهنيك يارب .. ويجملك برضاه

[معماري قطري]

كل البلدان حلوه في هالوقت .. عرب قليلين وأسعار معقوله .. لو تبي رحله ما تنساها طول عمرك روح أُورلاندو - فلوريدا .. عندك دزني وورلد وحولها كم مكان تسوق وسهر وكل شيء حلو واسبوعين بتمر بسرعة البرق وممكن تكون كفايه .. ولتنسى تأجر سياره والليسن القطري مقبول وخذ لك ماجلان وروح أي مكان تبي.

وإذا فيك شده بالسياره حول 3 إلى 4 ساعات توصل ميامي ليلتين بعد مب غلط.. العيب الوحيد البعد وسعر التذكره لو بزنس أو أُولى لكن سياحية في حدود 6000 وإحتمال الإماراتية تروح مباشر.

[أسير الاسهم]

يعطيكم العافيه ما قصرتوو والله