استفسار////عن شراء الأراضي تحت الفرز

[بنت شرق]

السلام عليكم
سؤالي
عند رغبة الشخص بشراء أرض لأول مرة شنو الاحتياطات الي لازم يتخذها وخصوصا
اذا كان يرغب بأن يجعلها سكنية ...وكيف يعرف الشخص من مالك الأرض وايش معنى
ارض تحت الفرز وهل هناك خطورة من شرائها ؟ وكيف نعرف متى بتوصلها الخدمات ؟
ياليت ماتبخلون علينا بالإجابة للي عنده علم ومشكورين مسبقا

[شموخ دائم]

,

,


مرحبا

اختي الكريمه

عشان نشتري الارض لازم يكون عندنا ( صوره من الملكيه )
وبهذه الصوره نروح اداره التخطيط مقابل ستي سنتر
وهناك نطلب ( افاده ) شنو مسموح عليها سكني اداري او تجاري
واذا هناك مشكله او ( ايقاف ) البناء او استملاك للدوله راح يقولون لكم

تحت الفرز يعتمد على مساحتها
اذا كبيره جدا
يعني ما زالت ارض غير مخططه
لسه ما طلعوا منها الشوارع وعدد القطع
وفي هذه الحاله الافضل ( الانتظار ) حتى الانتهاء من الفرز
ونعرف حدود كل ارض ومساحتها
وكود الارض ( رقم القطعه ) المراد شرائها

احيانا صاحب الارض ( يحاول يكون ذكي )
راح التخطيط وعرف ان الدوله بتاخذ من ارضه
1000 متر للخدمات والشوارع وارتداد
وبتعوضه مبلغ معين
يحاول يعرضها للبيع بسعر ( اكبر ) من سعر الحكومه
والي بيشتريها
يخسر ال مساحه المذكوره وبيحصل على تعويض اقل من الي دفعه فيها

احيانا يحصل كذا

الافضل الانتظار حتى انتهاء الفرز ويكون معروف كل شي عنها
علما انها راح تاخذ وقت حتى يتم التخطيط والفرز

واحيانا تكون قطعه وحده 2000 متر مثلا
وتحتاج فرز تصير قطعتين
كل قطعه 1000 متر
هذي موضوعها بسيط ويكون لها ملكيه وكود الارض مبين في الملكيه


,

,


اخوك


شموخ دائم

[المـــــ$$$ـــــتثمر]

أخوي شموخ ,,,,,,,,,,,,,,,,,,,,,,,,,,
ما أقول إلا ,,,, الله يوفقك دنيا وآخرة ,,,, على المعلومات الي تقدمها للأعضاء ,,,

الله لا يحرمنا من طلتك الحلوة ,,,,,

[اللوز]

انا اقول ان الاراضي تحت الفرز
نفس
شراء سمك في بحر

[Bozizoo]

انا اقول ان الاراضي تحت الفرز
نفس
شراء سمك في بحر

اخوي تحت الفرز معناتها ان برغبة من المالك يقسم الارض الى اكثر من قطعه
هذا بالعكس بصالح المالك
يعني لو قلنا ارض مساحتها 900 متر مربع 30م *30م
وتبي تفرزها 15م* 30م
بتصير عندك قطعتين
سعرها قطعه وحده كبيره اقل
لكن بعد الفرز يزيد سعرها مب اقل من 40 ريال للفوت